طالعين طالعين من بنك الجزيره (اسواء بنك حتى الآن)

**المساهماتي** · 20-02-2006, Mon 11:27 AM

طالعين طالعين من بنك الجزيره (اسواء بنك حتى الآن)

شيء خيال تعليق اوامر

عطل في النظام

عمولات مافيه يرجع

على ايش نقعد عندكم

اليوم العصر ادور اي بنك ثاني غير الجزيره

وليش العصر

الحين اروح

انواع الفراغ

بس نتفرج على السوق وننقهر

فلوسنا واسهمنا كلها معلقه

دواء العله تركه

**RMA** · 20-02-2006, Mon 11:32 AM

ابو فيصل ويش البنك الأفضل من الجزيرة والناس يقولون انه افضل بنك

سامبا سلملي والأهلى مرات ما ينفذ والفرنسي لك عليه ما اردي ممكن البنك العربي الوطني ؟؟؟؟؟؟؟؟؟؟

**اقنصادي مبتدأ** · 20-02-2006, Mon 11:33 AM

شكله سامبا أحسن الموجود

**المعلم** · 20-02-2006, Mon 11:34 AM

إيه والله يا أبو فيصل حسبنا الله ونعم الوكيل مع هذا البنك بعد ما كان أحسن بنك الأن أتعس بنك والله أيام الراجحي وسامبا رحمة عنده .

**RMA** · 20-02-2006, Mon 11:35 AM

وازيدك من الشعر بيت البريطاني مافيه خاصية الربح والخسارة ممكن الفرنسي احسن منه

**ال فويس** · 20-02-2006, Mon 12:19 PM

المشاركة الأصلية كتبت بواسطة RMA

وازيدك من الشعر بيت البريطاني مافيه خاصية الربح والخسارة ممكن الفرنسي احسن منه

من جررررررررف الى دحديرا يا فرنسي ...
والله كان اشوا الى ان حط هالخاصيه ... ثم انواع رفعة الضغط ..
تنفيذ بالتلفون كان (( قمة )) الان (( تراب )) بوجه العدو ...

نصيحه اخوي (( البد )) في بنكك لا يجيك (( اقرد )) منه ...
اللي الى الان ماحد جاب طااااريه بخير ولا شر (( الرياض )) ...
لكن نصيحه تعامل البنك تحس انك تراجع (( البلديه )) مو بنك ...

وين ..وين ..وين .............وين الملايين (( قصدي المليارات ))..

بنوك ارباح بالملايين ... اكلت الصغير والكبير في هالبلد ..
وخدمه ززززززززززززززززززززززززززززفت فى وجه كل مسؤول في هذا البنك.
راحت فرص بسبب نظامه الزفت ....

اه اه اه ............... يارب افرغ على صبرا من عندك .
انا اعلم والله ان الارزاق مقسمه ... لكن لماذا ..وين ارباحكم قصمتوا ظهور العالم والخدمه (( نعال )) عذرا اخوانا على هذه الالفاظ ... بس رفعت ضغط من جد.

**سمارت** · 20-02-2006, Mon 12:35 PM

مهما كان الفرنسي خير بديل حسب ما سمعت من الشباب

اليوم ان شاء الله نفتح حساب عندهم

على الأقل يوجد خدمة تحويل من حساب الأسهم الى الجاري

**الخفاش الأبيض** · 20-02-2006, Mon 12:53 PM

تدول البنك العربي الوطني

**hamoor small** · 20-02-2006, Mon 12:55 PM

بقولكم وش الاحسن بس على شرط تدعولي

يا اخوان انا جربت الراجحي-سامبا-الرياض-الجزيره -الفرنسي

الافضل بلا مناااااااااااااااااااااااااااااااااازع :
الاهـــــــــــــــــــــــــــــــــلي

**مهندس أسامة** · 20-02-2006, Mon 1:02 PM

حسبي الله على المتسبب في خسارتي اليوم إن كان بنك الجزيرة و رؤسائه أو كان الهيئة و وزارة التجارة على حد زعم العاملين في بنك الجزيرة ... حسبي الله عليهم 87 ألف ريال راحت بسبب نظامهم المعطل .. حتى العمولة قطعوها الله يقطع رزقهم ...

حسبنا الله و نعم الوكيل ... حسبنا الله و نعم الوكيل ... حسبنا الله و نعم الوكيل ...

**الناشر** · 20-02-2006, Mon 1:04 PM

المشاركة الأصلية كتبت بواسطة المساهماتي

طالعين طالعين من بنك الجزيره (اسواء بنك حتى الآن)

شيء خيال تعليق اوامر

عطل في النظام

عمولات مافيه يرجع

على ايش نقعد عندكم

اليوم العصر ادور اي بنك ثاني غير الجزيره

وليش العصر

الحين اروح

انواع الفراغ

بس نتفرج على السوق وننقهر

فلوسنا واسهمنا كلها معلقه

دواء العله تركه

وانا معاك هيا

**عبدالله خالد** · 20-02-2006, Mon 1:10 PM

الجزيرة انا سمعت انه افضل بنك لتداول ...!!!

عجييييييييب كلامك عنه

على العموم انا في الاهلي وسامبا والفرنسي

الفرنسي احسن شي

**ضحية الخشاش** · 20-02-2006, Mon 1:12 PM

انا معكم اول الهاربين ان شاء الله

**سمارت** · 20-02-2006, Mon 1:19 PM

من جرب تدوال العربي

وهل يوجد تحويل من الاسهم الى الجاري

**خالد الحربي** · 20-02-2006, Mon 1:27 PM

ابشركم الراجحي سالك اليوم..

جانب خبر ان الفرنسي استحوذ على 40% من عملاء مصرف الراجحي

يعني يمكن ما فيه غير انا معهم .. ويا دوب شغال ..

**M.SULTAN** · 20-02-2006, Mon 1:44 PM

والله انك صادق يابو فيصل اليوم بنك الجزيرة معلقين الاوامر والتلفون مشغول واذا رد عليك الموظف قال الامر ماراح ينزل في السوق الابعد 10 دقائق
لكن نصيحة يااخوان ان جربت الاهلي والجزيرة لكن في فرق واضح الاهلي احسن بكثير من الجزيرة ومشاكلة واعطاله نادرة مو زي الجزيرة كل يوم يتاخر في الاوامر او يعلق

**mohammed100** · 20-02-2006, Mon 2:01 PM

اليوم قطع الاتصال بين الجزيره ةتدوال لاكثر كن نصف ساعه
ابو فيصل ابي اطلع معك بس وين كل البنوك الحال من بعضه

**محمد الحمود** · 20-02-2006, Mon 2:07 PM

لالالا يالمساهماتي ماتجي منك انت اكبر من ان يستغفلك هذا البنك بعمله المقصود

مايفعله الان بنك الجزيرة هو متعمد ومقصود وللمعلومية برنامج تداولكم اقوى برنامج عالمي لتداول الأسهم وبامكان البرنامج احتواء متداولي اللمملكة ودول الخليج ولكن للأسف اليد الخفية هي من تعبث بالنظام وليس عطلا فنياً .

حسبي الله على المتسبب ونعم الوكيل

.

**مشاري الجزيرة** · 20-02-2006, Mon 2:12 PM

شوف حبيبى غير سامبا مافيه
والله يكرمهم عن بقية البنوك خصوصاً
سيئ الذكر الراجحى

**سمارت** · 20-02-2006, Mon 2:46 PM

ان شاء الله تعالى كلها كم يوم

ونغادر هذا البنك التعيس

الفرنسي عليه ضغط طلبات فتح حساب واغلبهم من عملاء الجزيره

العربي ما ادري عن خدماتهم لكن لا يمنع من التجربه على الأقل افضل

من البنك التعيس بنك الجزيرة ( قصدي مكتب الوساطة )

علشان احول من الأسهم الى الجاري لازم اعبي الفورم واصف سرى

والبنوك السنعه تحويل من النت وانت بالبيت مرتاح

**sami77790** · 20-02-2006, Mon 3:09 PM

بنك الجزيزة

شكله شبع عملاء
شايف نفسه حبتين
قمة الوقاحة منهم حتى يالهاتف لا يردون عليك
يجب على المضاربين تركهم الان
تعليق اوامر بالعدد الكبير

قاطعوهم يا شباب

**دانة نجد** · 20-02-2006, Mon 3:52 PM

المشاركة الأصلية كتبت بواسطة sami77790

بنك الجزيزة

شكله شبع عملاء
شايف نفسه حبتين
قمة الوقاحة منهم حتى يالهاتف لا يردون عليك
يجب على المضاربين تركهم الان
تعليق اوامر بالعدد الكبير

قاطعوهم يا شباب

والله - وأنا أختك جربت سامبا والفرنسي والرياض كلهم ازفت من بعض
بس لهم عذر عملاؤهم كثااار بس وش عذر بنك الفلس (الجزيره )

تصدقووون حتى ماكينة الصرف الآلي حقتهم ماتلقاها الا بسباق المسافات الطويله
أبي أشغل بطاقتي من شهور ماقدرت ...