مقال الاخ عيناوي للأبد من نفس المنتدى السابق
المشكله الناس ماتقتنع .... يأخوان انسوا الهيئه وانسوا ادارة السوق كلهم والخيبتين
هذا بعض ما اتذكره عن الشفافيه اللي يتكلمون عنها.
1.مشكلة دبي الاسلامي ناس وايدين باعت اسهم دبي ودخلت على اسهم ثانيه في نفس اليوم وتفاجئت بإلغاء صفقات دبي فقط وبدل لا يربحون طلعوا بخساره .( المشكله الجماعه ماكانوا شاريين دبي الاسلامي فلازم يرجع لنفس السعر وبعدين يطلع)
2.موضوع زيادة راس مال أملاك واحد ينفي والثاني بعد كم يوم يؤكد.( بعد ان اشترى الكميه لي يريدها)
3.إعلان دبي الاسلامي عدم النيه بزيادة رأس ماله وكان في شهر 12 2005 وعلى بداية 2006 البنك يقول لديه نيه لزيادة راس المال.(شكله واحد ثاني نسى يشتري المره الماضيه وقالوله بنرجع لك السعر ولاتزعل )
4.موضوع ارابتك كل يوم ينفي الريال ...............(اكيد وايدين ماقادرين يشترون بسى متى مااكتمل العدد بيعلنون)
5. ابوظبي الاسلامي شهر 6 2005 يعلن عن زيادة راس المال بواقع 200% بسعر 10دراهم وعلاوه 20درهم والسهم اليوم الثاني ينزل (غريبه) الريال صرح بعد اغلاق السوق ان البنك سيزيد راس ماله200% وبسعر10دراهم وبدون علاوة اصدار (شو غير رأييه في يوم وليله) السعر طلع لل85 ورجع لل60 وطلع مره ثانيه لل170 ورجع ينزل لل102 والجماعه صار لهم اكثر من 7شهور ولاشي زيادة لرأس المال ليش؟
وغيره وغيره من الشفافيه والمصداقيه في اسواقنا
قصة 98 قبل الهيئه والسوق كلكم عارفينها
اعمار يرتفع من ال20 ليصل ل180 في اسابيع معدوده شو السبب ليش كان الصبح بسعر والظهر بسعر اغلى والعصر اغلى وبالليل اغلى ليش؟ لاكانت اعما تبني ابراج ولامجمعات ولاهالخرابيط!!!!
رجع اعمار ونزل نزول صاروخي حتى اتذكره انعرض علي شهر 9 سنه 2001 على 19 درهم
وغيره وغيره بس ما اقول غير حسبي الله ونعم الوكيل.
السموحه على الاطاله عليكم
المفضلات