حسبي الله ونعم الوكيل يا سامبا السعر يطلع وينزل ولا اعطوني رقم تداول

[نواف_جده]

حسبي الله ونعم الوكيل يا سامبا السعر يطلع وينزل ولا اعطوني رقم تداول
وضعت سعر شراء لشركة نزل السهم عن مستوى السعر اللي وضعتة اكثر من مرة
وحتى الان سامبا تقول انترنيت غير موجودة ولم يعطوني رقم تداول
حسبي الله ونعم الوكيل متى يجي اليوم اللي يحس فيه الانسان انه يعامل صح
هذا والله ماهو بيع وشراء البيع والشراء يحتاج الى سرعة

[نواف_جده]

ياجماعة كيف العمل مع سامبا نصف ساعة والامر معلق ابغى اغير في السعر
واشتري السهم لكن الامر معلق
حسبي الله ونعم الوكيل

[أبو السباع]

عادة سامبا الزفت ليست مستغربة أبدا
يكون شغال زى الحلاوة عندما لا تحتاجه
ولكن ما أن يكون هناك أدنى ضغط وتحتاجه
فيعود الى عادته القديمة ليصبح بليدا بغيضا

[المنبهر]

نفس الشي حصل لي. أستغرب من مبرمجينهم الهنود ليش ما يعطوننا فرصة التغيير والإلغاء ما دام الأمر لم يأخذ رقم تداول. وإن كانت المشكلة من تداول فالمصيبة أعظم. ما نقول إلا ياخالف التعب.

[ابوعلى والسوق]

اخوى نواف
حاول تجرب النسخه الأنجليزيه فى الموقع

بالتوفيق

[نواف_جده]

يا ابو علي متعودين على العربي واخذنا عليه ولا اظن ان المشكلة سوف تحل حتى لو استخدمت الواجة الانجليزية
يعني يحترمون الغربي او الاجنبي والعربي طز فيه
والله شي يفقع القلب لانه مستحيل يكون هذا تداول في اسهم
هذا تخلف اسهم تخلف عن الركب العالم وين واحنا وين
مليارات تدخل موسسة النقد والبنوك ولا يشفون لنا سيرفرات تخدم عدد من يملكون محافظ وتزيد
لايوجد لديهم عذر ان كان من السيرفرات طيب وين الميليارت اللي يكسبونها
اما هناك امر اخر ولصالح من ؟؟؟؟؟؟؟؟؟

[Jounan]

السلام عليكم
اي واحد يعلق معه امر ولا يعطونه امر تداول ... ركزوا معي

يحط امر ثاني بسعر اعلى لو حتى بنص ريال وبينفذون له على طول بس يقعد يحدث باستمرار

[ORACLE]

هذه دائما تصير ((ورقم الأمر في تداول غير موجودة )) تصير في البنوك كلها والمشكلة من الأساس نظام تداول

وسعر الأمر إلي حطيته بتلقاه في المحفظة يعني شريت

لكن الصراحة الأنترنت عندنا بالسعودية تطفش بالحيل

[نواف_جده]

السلام عليكم
اي واحد يعلق معه امر ولا يعطونه امر تداول ... ركزوا معي

يحط امر ثاني بسعر اعلى لو حتى بنص ريال وبينفذون له على طول بس يقعد يحدث باستمرار

هذه الحركة خطيرة مره نفذولي مرتين
فاصبحت الكمية دبل

المشكلة طريقة التعليق تجعلك لا تبيع ولا تشتري تجلس حيران
لاني بغيت اشنري شركة اخرى غير الاولى وهونت
ايضا كنت ناوي ابيع شركة رابح فيها وهونت يعني تعقدت منهم
ولا اظن فيه بنك يفوت العمولات هذه الا لسبب ما ندري وايش هو
هل هو صناديقهم
هل هو سيرفرات قديمة
لكن ما اقول الا حسبي الله عليهم

[ابو حصة]

ابشركم كلمتهم على المجاني وردو علي بعد ساعة
وبعد اللرد قالو حنا اسفين !
لا بعد اعترفو با المشكلة و وعدوني خير با الايام المقبلة !!!!!!!!!!!!!!!!!!!!!!!!!!!!!!!!!!!!!!!!!!!!!!!1

[دايم السمو]

ياحليلنا حنا مشتركي سامبا صبورين وحلوين تصدقون لو نسوي احصائيه لاكثر المستثميرين خساير كان بكل جدارة مستخدمي الطريقة الاذكى للتعامل في السوق الاسهم السعوديه اللي هم حنا المضحك المبكي ان امر بيع ادخلته امس الساعه 5.30 مساء والله انه الى الساعه الثانيه عشر والنصف ليلاً والامر مدخل 0 قولوا امين الله يسهل دربي للالتحاق بركب الجزيرة

[نواف_جده]

الله يسهل درب الجميع
لو تبحثون في المنتدى عن المواضيع التي كتبت في سامبا تجدونها قديمة وكثيرة
وركزو على قديمة يفترض حسب وعودهم انهم تغيرو او على الاقل اذا سيرفرهم يخدم عدد معين
المفروض ما يزيدون في العدد حتى يقومون بتحديث سيرفرات تستوعب الجدد
مثال شركة الاتصالات ومو بايلي
الكل شاف كيف ان موبايلي نجحت في الحج مع ان الاتصالات افضل منها امكانات
لكن موبايلي باعت شرائح او خطوط على حسب امكانيةو السيرفر فكانت الخدمة جيدة
سيرفر يخدم مليون مشترك اجعلهم 950 الف
وايش يصير عند ما شخص يبني طوابق زيادة على مبنى لا يتحمل الا 3 ادوار
اكيد بيطيح
الطمع الطمع الطمع وفي الاخير الجديد والقديم خسران بسبب تعليق الاوامر

[نمر ولد عدوان]

حسبي الله عليهم

[shams_fadel]

الله لا يوفق سامبا حطيت الامر قبل نصف ساعه من الاغلاق ولا لقيت رقم من تداول الله يخرب بيت كل المسئولين في سامبا ولا يوفق احد فيهم ويضرهم زي ما ضرونا تداول سامبا زي الزفت وزي وجه العاملين والمسئولين فيها الله يحرمهم النوم والراحه ولا يربحهم ويضرهم ولا يكسبهم ولا يوفق اي واحد منهم

[نواف_جده]

والله قمت اشك ان سامبا تبيع ما في صناديقها
الان لي نصف ساعة ابغى ابيع سهم والسعر طلع ونزل ولازال السهم موجود ما انباع
تغير في السعر وترضى با اقل لا يتغير
حسبي الله ونعم الوكيل