المشاركة الأصلية كتبت بواسطة fahadddd
تصدق من كثر الادمان اقول لخوياي تخيلوا لو يفتح السوق اليوم بالغلط !!!!!!!
حاول تجرب بلي ستيشن 2 وسلي نفسك الين يرجع لك الغالي . لأن وضعك كذا خطير ويستدعي عناية طبية عاجلة . وأخاف عليك من الانحراف في أيام اجازة السوق . خل ايمانك بالله قوي واترك عنك الشيطان والوساوس . وش اللي تتخيل السوق فاتح اليوم ؟؟ بسم الله عليك ، يالله انك تعافي اخونا فهدددددد وتهدي من روعه وتقلل من نوعه .
رح الله يهديك تعبد ربك في بيوت الله ، تحصل لك خير في العشر المباركة . وان شاء الله لاحق على السوق وانت بخير . وغير الادمان بالايمان .
لكل شئ اذا ما زاد نقصان .... فلا يغر بطيب العيش انسان .
ذكرتني في واحد في احد المنتديات قبل سنة ، يقول يوم قفل السوق للاجازة ، ضاق صدري وشانت نفسيتي ، وصرت فظ مع امي وابوي واخواني ومشوش التفكير ودايم سرحان وأحس بكتمة .
استغفر الله العظيم ، هذي مخدرات مهوب سوق أسهم .
(ان لربك عليك حقاً، وان لبدنك عليك حقاً، وان لاهلك عليك حقاً، فأعط كل ذي حق حقه)
المفضلات