ما كن المواشي ودها الأسبوع الجاي بالـ 90 وفوق؟!!

[Saudi Expert]

سؤال يراودني
وبس

[Chart]

بالأمس تداولها كان فوق 4 مليون سهم واليوم خلال الفتره الصباحيه فقط تعدى 3 مليون سهم ولم يقفل اسوق بعد

[$ تريليون $]

وليه لا ؟؟!!

[أبو عبود]

سؤال يراودني
وبس

يجيب الله مطرررررررررررر

[BIGBAD]

شفت الفش فاش نفس الشى حيحصل في الغنم بس عطه شويه......صبر

[Saudi Expert]

إن شاء الله يابو عبود يجي المطر والربيع
ونشوف المواشي تطامر
لك .. وللجميع تحياتي

[Saudi Expert]

ضغط متعمد قبل الإغلاق للتخويف
نشوف افتتاح السبت على كم؟!!

[سيف]

وراها زيادة رأس مال وماتوصل 90 !!!

اللي يشتري مواشي الحين مثل اللي يشتري مضاريع *

* مضرع : هي النعجة الحامل وعلى وشك ولادة

فنقول إشتر مضرع وبعها رغوث *

رغوث : هي النعجة التي يتبعها إبنها

[Saudi Expert]

أخاف أقول اللي عندي ياسيف ويصير تراجع في السوق أو شئ من هذا القبيل وتنهال المعاتبات من البعض ..

بس راح نخلي الشاشة هي الحكم

والمواشي غير بإذن الله

رفيقات دربها:
القصيم فوق 200
الباحة فوق 170
وافهم يافهيم

[الحوت الأزرق]

والله يا اخوان اني املك كميه بسيطه ومخليها استثمار لكم شهر ......ولكن فيه حد لوقف الخساره ...
افكر اتركها لبعد رمضان ..ويش رايكم احبتي

[مضارب عالمي]

ليش اللي حلال على غيرها حرام عليها ومابقى تحت 150 الاهي والعقرباء!!!!!!!!!!!!11

[يانسبه يا]

يعني نقدر نقول سوق الرخوم اخر الرخوم ( القصيم والباحه ) كله تحركت ما بقي منهم الا المواشي

[BIGBAD]

يا حليلو المضارب مع الغنم....مو داري انو الذئاب جايه عليه..ههههههههه.مسكين

[سحاب]

مجهــــــــــــود تشكر عليــــــــه يابو عبود , فلك منا الشكر والتقدير والله يوفق الجميع.

[الشاهق]

المواشي إلى 115 ريال وأكثر

هي والباحة من أكبر الفرص بالسوق

.

[Saudi Expert]

والله وسوتها المواشي
وتعدت الـ 90 وبسهولة
مبروك من القلب لكل ملاكها

[$ تريليون $]

مبروووووووووووك لملاك المواشي رزق وفاتنا لكن الحمدلله

[Saudi Expert]

مبروووووووووووك لملاك المواشي رزق وفاتنا لكن الحمدلله

رزقك مايفوتك يالغالي
رزقك لازم تاخذه
والسوق لن يتوقف
لك تحياتي

[الثقة]

تستاهل يا حبيبي يا أبو سيف وكذلك اخي كحيلان واتمناها من كل قلبي توصل فوق المائة هو عندي أغلى من أبو سيف رفيق دربي من يوم كانت مبرد بسعر 40 ريال والله ايام كانت حلوه
اكرر تهنئتي لكم واتمنى لكم ولكل ملاك المواشي كل خير
اخوك المخلص / الثقة

[Saudi Expert]

تستاهل يا حبيبي يا أبو سيف وكذلك اخي كحيلان واتمناها من كل قلبي توصل فوق المائة هو عندي أغلى من أبو سيف رفيق دربي من يوم كانت مبرد بسعر 40 ريال والله ايام كانت حلوه
اكرر تهنئتي لكم واتمنى لكم ولكل ملاك المواشي كل خير
اخوك المخلص / الثقة

هلا والله وغلا
ماتغلي إلا اللي يغليك
بس تعال ..وين الناس؟!
من جد عاتب عليك
طيب طل علينا لو في الشهر مرة
الله يسعدك ويخليك
ذكرتني والله بأيام مبرد والـ 40 ريال