ويش تفضل
محلل فني ولا هامور
ويش تفضل
محلل فني ولا هامور
المنطق يقول : محلل فني
لكن العقل والواقع والتجربه والتعليقة تقول : هامور او هاموره
( بس وين نلقى الهوامير او نتعرف عليهم ) كل يوم دوران في العليا ودخلنا بنوك العليا بس ماقدرت اتعرف على أحد منهم
وسهم الكيميائية اكبر دليل
اخبار وأرباح ومحللين وتشارتات ومطبلين
والهامور مقزز
والنتيجة دائم ( ـــ )
وش هالموضوع؟؟؟
الأفضل طرح مواضيع مهمة حفاظا على وقت مرتادي المنتدى.
اذا في السوق السعودي
هامور طبعا
عزيزي
كل أمر يؤكد الاخر فإذا كانت التوصية من شخص ثقة فما المانع ان اتأكد عن طريق التحليل الفني ، ولكن
المشكلة ان الكثير يجهل التحليل الفني الصحيح ويعتمد فقط على الاخبار او التوصيات التي قد تكون والعلم
عند الله لمصالح شخصية وبالتالي يحدث ضرر يصعب تجنبه ، والعكس ايضا صحيح عندما اقوم بالتحليل
الفني واجده ايجابيا فما ا لمانع ان اقوم بسؤال شخص له خبره حتى اتأكد ايضا من تحليلي ......
هذا والله أعلم
هامور يدعمه التحليل الفني
المشاركة الأصلية كتبت بواسطة نابليونليتك ماتضيع وقتك في مواضيعي
توصيات ابوتركي الناريه
هامور او.....ه
.
.
هلا .. ابو تركي ..
صباحك فرح ورضا ..
انا افضل دون شك توصية الهامور .. لان التحليل
الفني اثبت فشله مع سوقنا المؤقر .
شكراً .. ابا تركي .. والحمد لله
على السلامه .. وحقيقه نور المنتدى
بإطلالة اسمك
ابوتركي %%%%
ابوتركي هامور يقش العروض قش على قولتك
الاثنين افضل شي
المشاركة الأصلية كتبت بواسطة نابليون
أحلى يامرتادي المنتدى
انتبه بس لا يضيع وقتك
أعرف معرفه قويه اثنين من انصاص الهوامير ، ولو جمعتهم مع بعض يمكن الناتج هامور صغير ، وهم من رفع سهم من الوزن المتوسط قبل ايام نسبه من البيع والشراء المتبادل ، ومحافظهم مجتمعه قريبه من 300.000.000 ريال ، لاكنهم مايعطون المعلومات الا بالقطاره . لذا اعتقد ان الهامور اجدى من التحليل بسبب اللي شفته منهم اكثر من مرّه عندم يتفقون ، وهم بالمناسبه اصدقاء لبعض .
ابو تركي
انا أفضل الهامور
هلا والله وغلا بو تركي
ياخي عليك مواضيع تغير الجو المتوتر انا اللي فاهمك
ياخي معنا هنا ناس من كثر القلق النفسي تهوجس وتقول تبي موضوع هادف
المشكله ياخوي ان فيه مواضيع هادفه صارت في اخر صفحة منذ مبطي ..بس يمكن نابليون من كثر علمه يبي معلومات مصدق انه ذاك اللي في ايطاليا
يعني يوم نبي نغير جو يجونك مسوين فيها راعين كاش ويبون افكار اقتصاديه
اقول عن سؤالك بجاوب
انا اشوف ان الهامور شوره يودي للفوق او يودي للقبر .. اما المحلل الفني
اذا كان زي ربعنا هنا اقول انحش عنه والله ما يضيعك الا هو
قاعدة بسيطه شوف اكثر تداول ونسبه تحت واشتري بعد من تحت ربحك انشاء الله 99%
تحياتي
رادار شرواك
الاثنان معا
التحليل الفني يعطي اشارات لتوجه الهامور
توصية الهامور ويش تقول
والمحلل الفني ويش يقول .
والله يا بعد حيي توصية المحلل الفني بتعطيني اقل شي 3 ريال اما توصية الهامور ريال ونص وتخب علي بعد لان الهامور ماراح يعطيك الا بعد ما يكون جمع بهالشركة وراح يصرف عليك على ريالين وثلاثة وانت تنتظر النسبة
المشاركة الأصلية كتبت بواسطة شخص عادي
يافهمني.........
أنور
9294 مشاركه ورسائل الجوال أكثر
المفيد منها 4 أو أقل والباقي في مهب الريح .
أقول يأنور على طاري الهامور والتحليل ، وش أخبار الشرقيه ز ، الكابلات كنت شاريها على توصيت هامور وبعتها وشريت الشرقيه ز على التوصيه اللي انت خابر ، وأشوف الكابلات طارت والشرقيه دقّت ريوس .
عزيزي :
توصية هامور ...
وتوصياتك أخي أنور في الصميم .
الله يجزاك خير ..
التوكل على الله
ثم دعوات الوالدين
..
ياحلوهااااااااااااااااااااااااااااااااااا
اذا اجتمعت
<<<<< افهم يافهيم
خخخخخخخخخ
هامور طبعا يارادار
الهامور مايحرك السهم الا أذا كان فنيا جاهز أو شبه أستوى
و
الهامور باشا مايحط دراهمه بـ 100الملاين في شي طفس
أو
من غير أستشعار لخبر ايجابي للسهم او محفز ما
والله أعلم
وسوف يضل سوقنا سوق الهوامير لانعدام الشفافية
الكبير كبير
و
النص نص
و
الصغير يضل صغير
دنيا فرندقش تزرع فول يطلع عدس
محلل هاموري...............
فاذا لم نجد فجلساء او معارف الهوامير + تحليل فني
فاذا لم نجد فهامور
فاذا لم نجد فمحلل لا يكتب كثيرا ويكتب باسمه الصريح
فاذا لم نجد فطقها والحقها والسهم المتحرك نزيده حركة
المفضلات