لماذا الهجوم الحاقد والضالم على شركة الراجحي
السلام عليكم ورحمة الله وبركاتة
اخواني كيف حالكم عساكم طيبين
انا صراحة اقرى دائما سب كبير والاحضة حقد على شركة الراجحي ما ادري وش السبب
مع العلم اني لي حساب ببنك الراجحي والرياض والاهلي وكلها ماشي معها تمام
بس المشكلة مع الرياض والاهلي ياخذون من عشرة ريال كل شهر لان حسابي اقل من 5000 ريال والراجحي ماياخذ مني شي
بس الناس تسب الراجحي وتقول ما يتعامل زين اقولكم شي ان الراجحي كم عميل يجية في اليوم الواحد وبنك سامبا مثلا كم عميل يجية ؟؟؟؟؟ جاوب وتشوف الفرق الكبير
يعني الموضف السي الي يمكن يكون اخوك او ولدعمك او صديقك الذي بالراجحي يجية في الساعة اشكال وانواع من الناس وزحمة وضغط اكيد هذا بيأثر على تعاملة وانت حط نفسك بمكانة وتشوف
وثاني شي الي انا اشكر الراجحي علية انة موضف اكثر الشباب وصراحة انا ماني موضف بالبنك بس انا مبصووووط مرة انة قاعد يوضف عيال الناس ولا يجعلهم يصيعوون بالشوارع
ولة فروع بكل مكان يعني ديرة فيها بيتين يحط فيها فرع وهذا شي جميل يعني العميل يكون مبصووط مرة ويحصل فرع ببنك الراجحي بكل مكان وينجز مهامة بسرعة ومثلا لو عندك حساب ببنك الجزيرة الله يعينك متى تحصل فرع لها ا لبنك اذا كنت مسافر
وبنك الراجحي معروف منة صاحبة من اهل الخير ويدعم المشاريع الخيرية وهو رجال غني عن التعريف ويعني انا مستغرب من بعض الناس يقولون بنك ربوي وصراحة شي مضحك انك تقول هالبنك الربوي فاذا صار هالبنك ربوي فماهو الشي الغير ربوي ؟
فالراجحي فروعة بكل مكان عشان كذا نشوف كل واحد منكم فاتح حساب مع الراجحي فكل الناس والا اقول اغلبهم فاتحين حساب مع الراجحي وصارت لهم تجربة مع هذا البنك وعشان كذا كثير المواضيع عن هذا البنك
وشوفو خدماتة البنكية والمزايا بها http://www.alrajhibank.com.sa
صراحة انا لي حساب بالرياض والاهلي وماشفت مميزات مثل الراجحي
انا ياناس والله ماني موضف ولا محامي لراجحي ولا لي مصالح معه ولا اخذ ولا ريال على هالكلام بس والله حبيت اقول الصراحة بسسسسس واترك لكم التعليقات والسلام عليكم
|
 |
 |
|||
 |
 |
||||
رد مع اقتباس
المفضلات