قال : أبيع ؟؟ .... قلت : انثبر !

**النوخذة** · 19-06-2005, Sun 10:47 PM

- النوخذة ؟؟

- سم !

- شفت السوق ؟؟

- إيه شفته .. طبيعي !

- بالله عليك .. طبيعي ؟؟

- إيه طبيعي .. وطبيعي ونص .. سوق ارتفع .. ما تبيه ينزل أبد ؟؟

- وشلون يعني ؟؟

- أتكلم أردو أنا ! .. سوق له كم يوم وهو ارتفاع وراء ارتفاع .. وأرباح وراء أرباح .. يعني ما تبغى هاللي اشتروا يبيعون ويجنون أرباحهم ؟؟ ... تيقا رفيق ؟؟

- بس عاد بالقوة هاذي من النزوول ياالنوخذة ؟؟ ... خذها بالعقل .. ألف ومائة نقطة نزوول ؟؟

- الحين أنا أخذها بالعقل ؟؟ هاه ؟؟ ... يعني يوم شركاتك وخشاشك كل يوم تنسب ما خذتها بالعقل .. يوم تدبل السيارات والكابلات والأحساء والمتطورة وال .. وال .. ما خذتها بالعقل ؟؟ .. يوم كل يوم تدور لك عن بنك يعطيك تسهيلات علشان الأسهم .. ما خذتها بالعقل ؟؟ .. يوم تترك الدوام وتفرك .. للصالة .. علشان الأسهم .. ماخذتها بالعقل ؟؟ يوم كل دقيقة تدق عليّ .. وش أشتري .. تراني بعت بمرح طيب .. وأبغى شركة حليلة تنسّب .. ماخذتها بالعقل ؟؟

الحين تبيني أخذها بالعقل ؟؟ .. أنت وأشكالك السبب في اللي صار في السوق ..

- أنا .. أنا ياالنوخذة ؟؟ قل غير هالكلام .. !

- غير هالكلام هاه ؟؟ .... تعال أبقول لك شيء .. الحين إذا الهوامير رفعوا السهم .. بالله عليك .. هل رأيت مخلوق غريب يعبيء أمر الشراء ويطامر عند الوسيط علشان ينفذ ؟؟

- وش قصدك ؟؟

- قصدي واضح .. ماطامر وراء هالشركات .. إلا مثلك ومثلي .. بس أنا أحسن منك .. حطيت فليساتي في شركات عوائد ونمت .. ومتى ما رقت رقت !

- والحين .. وش السوات ؟؟

- بننثبر أنا وإياك ... إلين يرتفع !

**صنهات** · 19-06-2005, Sun 10:50 PM

حلوةةةةةةة انثبر

**قلب الجزيرة** · 19-06-2005, Sun 10:51 PM

انثبر وبقوووووووه

**دحمي الأسهم** · 19-06-2005, Sun 10:52 PM

ههههههههههههههه أضحك الله سنك يالنوخذه
كلام في الصميم....ان شاء الله النزول مفتعل ودربنا في سوقنا أخضرررررررررررررررررر
تحياتي لك وتراني بانثبر

**الأمين** · 19-06-2005, Sun 10:53 PM

ما شاء الله عليك

ابداع الله يحفظك

اخوك الامين

**عالم نفس** · 19-06-2005, Sun 10:55 PM

يلوموني فيك ..

روح ياشيخ الله الله يرحم والدي ووالديك عن النار ..

أنثبر : معناها : أربض ..

**مبشر** · 19-06-2005, Sun 10:56 PM

سجل عندك واحد

منثبرررررررررررررررررررر

**قلب الجزيرة** · 19-06-2005, Sun 10:58 PM

شهادتى فيك لا تقدم ولا تأخر ولكن بعد قراءه لموضوعك بأنهيار السوق . صفيت المحفظه. والحمدلله على كل حال والله لايخسر مسلم.

**ابو الخسائر** · 19-06-2005, Sun 11:00 PM

الله يسعدك

ويريحك مثل ماتريحنا

**الراجـي ربـه** · 19-06-2005, Sun 11:02 PM

أنت وأشكالك السبب في اللي صار في السوق

والله إنك صادق يالنوخذة

**فتى الخليج** · 19-06-2005, Sun 11:09 PM

يا النوخذه فيه استشاره ارجو المساعده

فيه شخص دايم مقابل الشاشه و مايكسب شيئ و عصبي ويحب عيال حارته واذا احد قدمله نصيحه او انتقده طلب منه الخروج من حارته بما ذا تنصحه

وشكرآ

**بيكاسو** · 19-06-2005, Sun 11:17 PM

عجبني العنوان ..

**شرقاوي** · 19-06-2005, Sun 11:20 PM

جبتها يالنوخذة ، كلامك 100 %%%%%%%
يعطيك العافية

**الراااصد** · 19-06-2005, Sun 11:34 PM

بارك الله فيك

**عبدالصمد الحكمي** · 20-06-2005, Mon 12:11 AM

واحد يبغى يصف طابور

الله يسعدك دنيا وآخرة

**الوهاج** · 20-06-2005, Mon 12:21 AM

كلامك منطقي يالنوخذة , بس لا تؤاخذني ,لانك خوفتني والله !!!!!!!!!!!!!!!!!!!!!!!!!!!!! ! ! ! ! !

ذلحين الكابلات وراها زيادة راس المال ما تبغاها تنسب فوق .......... برضو بالعقل , على الاقل زي ما نسبت المتطورة وهي متهورة , ما تبي الكابلات تنسب وبالميت من اخبارها عقود بمبلغ وقدره ..................

**samsam** · 20-06-2005, Mon 12:24 AM

دع الأيام تفعل ماتشاء
وطب نفسًا إذا حكم القضاء

**&الـشــنـب&** · 20-06-2005, Mon 1:10 AM

أنت وأشكالك السبب في اللي صار في السوق

لا اوافق على هذه لانه ليس بسبب, والاسباب معروفة , وش ذنبه مسكين هو وغيره !

وباقي كلامك عسل يا عسل

**Riyal-Riyalen** · 20-06-2005, Mon 1:14 AM

انثبر يعني تلايط خخخخخخخخخخخ

**M.SULTAN** · 20-06-2005, Mon 1:43 AM

اخوي النوخذه كم السعر المتوقع للاتصالات

**MOSSTASHAR** · 20-06-2005, Mon 1:51 AM

القطيع
و قبله الابواق

**الخزف** · 20-06-2005, Mon 1:57 AM

كلام في الصميم
ولا للبيع بخسارة مفهوم ياشباب

**اقحش وانحش** · 20-06-2005, Mon 2:24 AM

هههههههههههههههه انثبر

شوفوا القصه الغريبة لمعنى كلمة انثبر... من جد احنا في وادي واللغة في وادي

كلمة انثبر

هي كلمة منتشرة في المجتمع السعودي

وكثيرا ما تقولها الزوجة لزوجها ... ( بعض الاحيان الشباب مع بعضهم البعض كنوع من المزاح)

يجهل معناها كثير من الناس

انثبر هي كلمة قديمه وهي تتكون من شقين (( انثى بر)) والانثى يقصد بها الاناث و بر يقصد فيها الاحسان

واصل الكلمة وقصتها هي أن رجل تخاصم مع زوجته ووصل بهم الامر للمحكمة .. وقد وبخ القاضي الرجل وقال له

(( انثى بر بها )) .. ويقصد ان ارفق بها ولا تغضبها

وبعدها اصبحت النساء عندما تريد ان تستعطف زوجها تقول له (( انثى بر))

ومع مرور الوقت تطورت واصبحت (( انثــبر))

مثال : بننثبر أنا وإياك ... إلين يرتفع !

وهذي سالفة أنثبر

الموضوع منقول
http://www.3brh.com/vb/showthread.ph...C7%E4%CB%C8%D1
مع التحيه