سيناريو المجموعة قد يتكرر في هذه الشركة

[رأي محايد]

ربما يتكرر في :



(( شركة الصحــــراء للبتروكيماويات )) .
(( عـــــــــــ 2005 ـــــــام ))



وجهة نظر ( فقط ) .

[رأي محايد]

نسيت أذكر سعرها الحالي :
250.75 إغلاق الخميس 10/3/2005

[swift]

خلنا نتكلم معك قصيمي يا قصيمي .

يالله معين يتكرر ؟

وش جاب لجاب .

ولا سيناريو والأجر على الله .

انت وشلون خطرت في بالك هالفكرة ؟؟

أنت مثل اللي يقول سيناريو سابك ممكن يتكرر في صدق .

على الأقل صدق شركة موجودة ولها تطلعات .

[د.نوفلجين]

الفرق شاسع انتبه
الصحراء لازالت شركه ورقيه

المجموعه كانت جاهزه وموزه مقشره للمستثمر

[swift]

الرسالة الأصلية كتبت بواسطة د.نوفلجين
الفرق شاسع انتبه
الصحراء لازالت شركه ورقيه

المجموعه كانت جاهزه وموزه مقشره للمستثمر

موزة مقشرة وبس ، لا وممسوكة لك ومدخلة بالفم ومهضومة . حلوة مهضومة . بكسر الميم .

شف شركة كحيانة زي المصافي مشترية بأربعين مليون أسهم في المجموعة وهذا ما يعادل رأس مالها ، والان قيمة هالاستثمار 544 مليون ، يعني أكثر من عشر أضعاف رأس مال الشركة . ومن رئيس الشركة الى الفراش ما سكين آلات حاسبة هاليومين .

أرزاق توزع .

[المحلل]

والله المجموعة لا زالت موزة مقشرة للي يعرف يحسب

لكن مين يقرا ومين يكتب ومين يحسب

[رأي محايد]

انت وشلون خطرت في بالك هالفكرة ؟؟

.

إحترام وجهة نظر ( الآخرين ) .... دليل (( وعي )) .. أليس كذلك يا swift ؟؟؟
__________________________________

رقم جديد اليوم ما شاء الله (( 463 )) .

اليوم 463 _ 250.75 = 212.25 ريال زيادة .


.

[رأي محايد]

الصحراء .... يكفيها فخراً أنّ رئيس مجلس إدارتها الشيخ الفاضل :
معالي الدكتور / عبدالرحمن الزامل . كثّـر الله من أمثال هؤلاء الرجال .

[samsam]

الله يرزق ملاكها

[مواعد]

الصحراء .... يكفيها فخراً أنّ رئيس مجلس إدارتها الشيخ الفاضل :
معالي الدكتور / عبدالرحمن الزامل . كثّـر الله من أمثال هؤلاء الرجال .

عائله الزامل عائله كبيره ومشهور لها بالاعمال التجاريه الناجحه


وامثاله الكثير .. في بلد العطاء

[swift]

لازال السؤال قائم ؟ وش جاب لجاب ؟

اذا على النسب ، هذي بيشة منسبة وشبعت العالم نسب في الماضي ؟؟؟ وبعدين ؟؟

لما نقولك وش جاب لجاب فالمقصد ان المجموعة شركة قوية بربح متنامي بشدة . بينما الصحراء شركة لم تضع أقدامها بعد في سوقها . واذا على الارباح أعتقد استثمار سيولة الشركة كان ممكن يجيب ضعف هالرقم 15 مرة على الاقل .

وبعدين جاي ترفع الموضوع تقل جايب راس غليص بعد شهرين ، حضارات سادت وبادت وظهرت أمم واندثرت ، وانت جاي تقول يكفي رئيس الشركة وما يكفي . الله يرزقك ويرزق ملاكها بس لا تخبص بمعلوماتك او معلومات الغير بسبب ارتفاع سعر سوقي .

[swift]

وبعدين سيناريو المجموعة سيناريو اسود في محصلته . فقد تم التلاعب بها مضاربياً الى أقصى درجة خلال الفترة الماضية ولها ضحاياها . هذي وهي شركة قائمة قوية . فما بالك بالمضاربة على شركة أي سعر سوقي ممكن يناسبها حالياً ؟؟؟؟

[الروح]

شكرا لك على وجهة النظر الصائبة وأرى أن سهم الصحراء هو من ابرز الشركات

الصناعية الواعدة لعام 2005 ........... ( سهم الصحراء للمساهم صاحب النظرة الثاقبة)

أجمع في السهم بقدر ما تستطيع تجد فيه خيراً إن شاء الله

وبالله التوفيق

[رأي محايد]

وبعدين جاي ترفع الموضوع تقل جايب راس غليص بعد شهرين

اسلوب ردك يدل على ( تربيتك ) . وهذا اسلوبك مع كل الأعضاء ( للأسف )
ومن أراد التأكد فليذهب ( لمحرّك البحث ) وليتأكد بنفسه .


( المسلم من سلم المسلمون من لسانه ويده ) . والكتابة تقوم مقام اللسان .

[swift]

انت جاي بالوقت الضايع يا قصيمي .

الآن انت وغيرك اكتبوا اللي تبون وضللوا العالم بمباركة الجميع ، وماراح أراد عليكم ، الآن ما عاد أرد على هالاشياء ، لكن انت حرثت موضوع قديم نسبياً ، أقول لكم انتبهوا لأنفسكم لأن هي اللي تجيب لكم ولغيركم الخساير .

وبعدين جاي تقول اسلوب تربيتك وما أسلوب تربيتك .

يا منحط عقلياً وفكرياً ، وأسلوبك مع الأعضاء يا قصيمي ( وتخسى وتهبى عن القصمان لأنهم أرقى من أسلوب حوارك)

نرجع للسالفة يا منحط فكرياً وما عندك بسوق الاسهم ما عند جدتك ، رح شف أسلوبك وردودك وتهكمك وشتمك للأعضاء بدون أدنى سبب ، ولا أحد يجهل هالشئ .

على الأقل اذا انتقدناك انت وأشكالك فهو بسبب سطحيتكم وجهلكم بمبادئ السوق ، واذا انتقدنا أحد انت تلقى السبب واضح زي الشمس وما يخفى الا على هالجهلة مثلك . أقلها تلقى أحد يرد على النصابين ، بدل ما كلها مشاركات بركة وتعتيم وتغفيل . هذي المنتديات تغص بمثلك وشرواك ، وش ترجي . جالس شهرين عشان تخزن حقدك وتنتظر طرف خبر عشان تنثره على الجاهلين مثلك . صدقني بتستمر خسايرك الين تقول الله حق .

أنا يطلعلي قصيمي طبل بعد ظهر جمعة ؟؟

نعنبو شيطانك لو انك موصي بشركة وارتفعت بعد شهر ، أجل وش بتسوي يا قفل .

على فكرة أسلوب سيناريو الشركة الفلانية بيصير مع الشركة الفلانية اسلوب جهلة واستدرار عواطف وتوهيق بأسلوب نذل وأنتقد جميع من يستخدمه من الكتاب (أما انت لا نت كاتب ولا تبن) . لا يوجد بالسوق شركة لها نفس سيناريو شركة .

[MGGMOO]

حلو مررررة...........يعني نتوقع يطلع أعلان سئ للشركه مثل اعلان المجموعه وتنزل الي 200وبعدين ان شاء الله نفكر نشتري.....ياأخي شرررركه ماهي موجوده وتناقز فوووق 400.......عجب عجااااااب

[::الحساوي::]

كلام (( قصيمي )) في هذه الشركه تحقق ولله الحمد .... وأرتفعت الشركه إرتفاع

مذهـل .... ولا تزال للشراء وخاصة للمستثمرين فأربــاح الربع الثاني حسب الأخبار

التي وصلتني ستفــاجىء الجميع وهي للمعلوميه ( إستثمـارات في محـافظ )


ورســالتي للأخ swift أن الموضوع عن الصحراء الذي كتبه الأخ ((قصيمي ))

طبيعي جدا ولا يدعو للزعل أو غيره .......