اضرب على الكايد الاصرت بحلان

[برق الشمال]

القلب من كثر الهواجيس قزان
مايستريح من الدهر ربع ساعه

ياغافر الزلات ياوالي الأحسان
تجعل من التقوى لنفسي بضاعه

انا على لان وربعي على لان
متخالف رايي وراي الجماعه

ماني ..... ير بت من الضان
يقنع بشراك البهم في رضاعه

انا الولد على سلايل كحيلان
وربي خلقني للسبايا وداعه


الناس ماتسقيك لا صرت عطشان
ولايشرب المضمي سوى من ذراعه



اضرب على الكايد الى صرت بحلان
وعند الولي وصل الرشا وانقطاعه

عيب على اللي يتقي عقب مابان
وعيب طمان النفس عقب ارتفاعه

اما تجي بعقود حص ومرجان
والا فهي لبليس طار بشعاعه

وطرابة الدنيا مع الفجر دخان
وأكرارة باطراف خطوا الصماعه

الشيخ : عبيد العلي الرشيد .. يرحمه الله

أما غناة الذيب ولا فقره..

[المعتضد]

يالبرق تعطي الناس لولو ومرجان **** بضاعتك يازينهــــــــا من بضاعه
تنقل لنا زهرات من كل بستــــــان **** قاف(ن) يهز القلب كثر استماعه

[ghenaim]

مير البلا ليصرت خاوى وخسران ==== وكل الدراهم من خسيس البضاعه
تعمير مع خردة الباص وجازان ==== = ويا بلاوى صدق ومامن صناعه
الزين عند الهوامير تغليه اثمان ====== ودونه بعد كر وفر وترويع ساعه

[المعتضد]

الرسالة الأصلية كتبت بواسطة ghenaim
مير البلا ليصرت خاوى وخسران ==== وكل الدراهم من خسيس البضاعه
تعمير مع خردة الباص وجازان ==== = ويا بلاوى صدق ومامن صناعه
الزين عند الهوامير تغليه اثمان ====== ودونه بعد كر وفر وترويع ساعه

صوت تالي الليل وين انت وطبان **** القوس هاته كان فيك أستطاعـــه
بجر لي قاف(ن) واردد بالألحان **** القلب وش ماجاه ذا اليوم راعــه
يروعني لا قيل لي القرم خسران **** أزعل ولو سوقي يزيد إرتفاعــــه
يالله بارك باسهم أشباه جـــــازان **** تلحق بسابك برق في ظرف ساعه

[ghenaim]

الرسالة الأصلية كتبت بواسطة المعتضد

صوت تالي الليل وين انت وطبان **** القوس هاته كان فيك أستطاعـــه
بجر لي قاف(ن) واردد بالألحان **** القلب وش ماجاه ذا اليوم راعــه
يروعني لا قيل لي القرم خسران **** أزعل ولو سوقي يزيد إرتفاعــــه
يالله بارك باسهم أشباه جـــــازان **** تلحق بسابك برق في ظرف ساعه

مشكور ياخلى ولا نيب ندمان ==== المعتضد نعم الرفيق بطراعه
ليمد لك وسط البحر وانت غرقان === بين الوحوش يسلم الله ذراعه
اقولها للى من الهم مليان ===== على لسانه وسط حلقه شعاعه
وان كان منته تالى الليل تعبان ==== تعال نسمر ونتغنى بسماعه

[برق الشمال]

الرسالة الأصلية كتبت بواسطة المعتضد

يالبرق تعطي الناس لولو ومرجان **** بضاعتك يازينهــــــــا من بضاعه
تنقل لنا زهرات من كل بستــــــان **** قاف(ن) يهز القلب كثر استماعه

يامرحــبا يانسل ذربيــن الايمـــان ... حيه وحيه ثم حــيــه وحـــيــــــه
حي الرجال اللي على الدوم شجعان...اوقف على حيلي وادق التحـيــــه

[ghenaim]

الرسالة الأصلية كتبت بواسطة برق الشمال

يامرحــبا يانسل ذربيــن الايمـــان ... حيه وحيه ثم حــيــه وحـــيــــــه
حي الرجال اللي على الدوم شجعان...اوقف على حيلي وادق التحـيــــه

يامحلا برقن سكب منه هتان ==== فى موسم للوسم يالله حيه
يسقى بلماعه مجافيف وديان ==== ورياضنا بالنبت يزدان فيه
يامرحبا ترحيبة شوق خلان ===== من جوف خلن ساقها دون ليه

[برق الشمال]

الرسالة الأصلية كتبت بواسطة ghenaim
يامحلا برقن سكب منه هتان ==== فى موسم للوسم يالله حيه
يسقى بلماعه مجافيف وديان ==== ورياضنا بالنبت يزدان فيه
يامرحبا ترحيبة شوق خلان ===== من جوف خلن ساقها دون ليه

ياماحلا برق(ن)مع مزن هتان...من مزنة(ن) غرا نشت من مغيبه
ترعد وتبرق ساقها رب الاكوان...همت ودمت وادلهمت غضيبه
ياصاحبي غلطان من فارق اوطـــ ... ــان خله وربعه مايهتني بـــه

[الرويلي]

يسلموا يا برق الشمال على القصيدة الروعة

[المعتضد]

الرسالة الأصلية كتبت بواسطة ghenaim
مشكور ياخلى ولا نيب ندمان ==== المعتضد نعم الرفيق بطراعه
ليمد لك وسط البحر وانت غرقان === بين الوحوش يسلم الله ذراعه
اقولها للى من الهم مليان ===== على لسانه وسط حلقه شعاعه
وان كان منته تالى الليل تعبان ==== تعال نسمر ونتغنى بسماعه

ماردني عنك سوى بعد الأوطان **** يالأجودي شوفتك عندي طماعه
تسلم يمينك خطت القاف بإحسان **** أحسنت والإحسان بيدك شراعه

[المعتضد]

الرسالة الأصلية كتبت بواسطة برق الشمال

يامرحــبا يانسل ذربيــن الايمـــان ... حيه وحيه ثم حــيــه وحـــيــــــه
حي الرجال اللي على الدوم شجعان...اوقف على حيلي وادق التحـيــــه

آردلك ثنتــــين ياعــــــالي الشـــــان **** والثالثه دعوة بلــــيله خليه
والرابعه قدرك على الراس قد زان **** يامنزّه قولك بحسن السجيه

[abu bakr]

بيض الله وجيهكم جميعا

[المعتضد]

الرسالة الأصلية كتبت بواسطة abu bakr
بيض الله وجيهكم جميعا

ووجهك ووجيه المسلمين والمسلمات.

[برق الشمال]

الرسالة الأصلية كتبت بواسطة المعتضد

آردلك ثنتــــين ياعــــــالي الشـــــان **** والثالثه دعوة بلــــيله خليه
والرابعه قدرك على الراس قد زان **** يامنزّه قولك بحسن السجيه

يامرحبا يالمعتضد ياعالي الشان...ياحلو حرفك وا لقوافي نديه
من قديم الوقت والشعر بك زان...ياناثر(ن) فنك للقلوب الشقيه
ولعت من همي قناديل الايمـان ...واطلب انا ربي حياة(ن) هنيه
اللي قسم رزقه على الانس والجان...عساه يرزقنا بخير العطيه
انا لقيت الصمت في بعض الاحيان...ابلغ من الحروف الابجدية

[برق الشمال]

الغالين:
الرويلي
abu bakr
تسلمون وشكرا لمروركم الكريم
وبيض الله وجيهكم ،،