عزيزي شيخ المستثمرين...
اول شي اقلك ما لك حق تدعي على الراجل.. وان ضرك في مالك.. والسبب هو انه انت اللي عطيته اذنك..
يعني الغلط مو غلطه.. وتاكد انه هو مو كسبان من خسارتك..
لكن قبل ما تزعل علي وعليه..
اللي صاير اختلاف في الطرق..
انت زي ماهو واضح من معرفك.. مستثمر.. بل كمان شيخ المستثمرين.. ومنت بمضارب..
اما الاخ هوب.. فهو مضارب جيد بيعتمد على خبرة وتحليل فني حسب ما قريت في كتاباته..
طبعا الكل يستفيد من الاخر.. فانا كمستثمر لابد اعرف ايش توجه المضاربين عشان اعرف مدة انتظاري او اي عوامل اخرى..
لكن اللي جاي يستثمر في سهم مثل سابك ما ينتظر لا تحليل فني ولا توصية.. وبالذات قبل الاعلانات.. هذي مهي وقت لعب..
على العموم يا عزيزي.. سابك مازال امامها خبر ثاني..
وهو تاكيد المنحة او نفيها.. ويمكنك المراهنة عليه.. لكن وان لم يتم توزيع المنحة..
فسابك حسب العائد الحالي (47 ريال تقريبا) وحسب متوسط مكرر السوق (25) سعرها لابد يكون 1175 ريال..
وانا ارى انه من الظلم ان يكون مكرر سابك اقل من مكرر السوق.. فسابك من افضل الشركات..
بل حتى انا ارشح انه مكرر سابك راح يرتفع عن مكرر السوق بعد التجزئة اللي حسب اخبار المنتدى قادمة يا بعد العيد.. يا بعد اكتتاب بنك البلاد..
الخلاصة..
سابك سهم استثماري من الدرجة الاولى.. وايضا سهم مضاربات من الدرجة الاولى بسبب حدة تذبذبه..
كل ما عليك يا شيخنا.. ان تحدد.. انت مستثمر ولا مضارب؟؟؟
المفضلات