عسى المانع خير اخي الغالي
عرض للطباعة
عسى المانع خير اخي الغالي
مبرووووك يا بطل ولا هي جديده عليك دائماً متميز
حبيبي شربكة هل صحيح ان شبيحة مدينة المعرفة توجهو الى دار الاركان ;)
تحياتي لك يا غالي
متى يطلع السهم جيزان وكم المده
سهم المصافي وش صار عليه؟
رايتك بيضاء خفاقة
مع اني ما دخلت لعدم وجود سيولة
ياليت خالك يسير علينا في انعام ثم كيمانول
من ناحية سفاح فهو سفاح وإلا فيه واحد عاقل يحشر سهم شهور على نزول ويكوم عليه عروض طول الفترة الماضية . وهذا لا يمنع أن نتعامل معاه بحذر ولا نعطيه فرصة يصيدنا . واحساسك بضيق الصدر لو ما تتعلق . تراها مرحلة ترويض للنفس وتفيد وقت الانهيارات , يعني وقت الانهيارات تشوف كل واحد من المضاربين بالسوق برطمه واصل سره , وأنت ماشي توزع ابتسامات والنفسية عال العال
اخوي سهران مثل هالاخبار تساعد المضارب بالتجميع , لأن المليح عنده بعدها أخبار ايجابية راح تطلع وقت التصريف , وللاسف هذا حال شركاتنا لا حسيب ولا رقيب
يعني يالشاهين صدق والقصيم الزراعية عندها استثمارات في اي بي ام و برتش بتروليوم :o خليها على الله , وأنعام أخذتها أمس وما زالت بمحفظتي بسعر 73 وراح انساها بالمحفظة حتى اعلان نتائجها ان شاء الله , وأنا وحظي كم يصير سعرها ذاك الوقت
الله يجزاك خير ورحم الله والديك وان شاء الله أكون عند حسن الظن
انعام خبرها عند الشاهين وكيمانول قاموا يبربسون فيها وصار كل يوم للسهم قائد وحاسوه بعد ما كان اخر تمام , لكن مازالوا يراهنون عليه الله يسهل دربهم ويسعدون ملاكها
الستر زين وأنا اخوك ترا الجماعة حساسين , وما شفتهم اليوم كيف قحصوا بالسهم من فرط الحساسية
الله يجزاك خير ويبارك لك برزقك وان شاء الله تكون جيزان اليوم عوضك عن النص ريال بالمصافي :) امسك المصافي ترا الخال شال كميات شوي وتطلع من خشمه , وقلت له اليوم يا خال ترا ما حرك داواك ! وقال قاعد تضحك على خالك لكن العبرة باللي يضحك اخيراً
انكوى على علباه اللي ما دخل السهم . وليت كل الشخبطة تعطي ولو 1% باليوم مو 6% الله يرحم حالك يا أبو دانه , تابع الشخابيط وأنا اخوك ترا بعد الله سبحانه وتعالى راح تدبل محفظتك وبدون عمولة مثل الشبيحة ,لا نبتغي منها غير دعوة صادقة أن جادت بها نفسك , والا والله ما خلاني أكتب وانصح واوصي إلا طلب الاجر على اجتهاداتي , ما عند الناس ضايع واللي عند الله باقي
احسنت وهذا كلام حكيم وفاهم السوق واساليبه . اسمع الكلام يا ابو دانه , كان الخبر سلبي والسهم اعطى ما يقارب 7% تقريباً والسوق نزل بحدود 90 نقطة
ما شاء الله عليك يا أبو فادي :D محلل وشاعر . فعلاً البيت انكسر وما انتبهت الا بعد ما فات وقت التعديل , لكن ممكن يمر مشرف على الموضوع ويطلع شاعر ورقيق ويشيل اللام ويعدل البيت
قبل شوي دخلت ولقيت 47 رسالة جديدة :eek: وما راح اقدر ارد عليهم كلهم اليوم لكن ان شاء الله ما يجي يوم الجمعة الا وراد عليهم , والحين مسحت كثير من القديم وصار فيه مساحة
القصيدة فعلاً البعض يرددها ويبري علتي وبعضهم يرددها ويبري لوعتي وأخوك حافظها من سنين ولا يعرف هي لوعتي والا علتي . ودامه مو قرآن بسلامتهم , والبريد فرغت مساحة فيه
الرجال انحاش وراح وخلانا وما قدرنا نكمل الباقي , لكن ما عليه أن رجع شلنا وان راح ما فيه حسوفة موجود بالمحفظة
احمد ربك انك منت قدام السوق والا صرت نفسية مثل بعض الاخوان ووده يتهاوش مع أي أحد بسبب وبدون سبب الله يكفينا شرهم . أنت خلك بمرابعك وانسى السوق والهم وقفل لحين ميسرة ;)
وفيك الله يجزاك خير
الله يبارك لك بربحك وبإذن الله يوصل السهم لـ 30 قريباً
والله يا خوي الخاص ما افهم بالتحليل الفني , وتخصصي شبيحة :) وأنت وباقي الاخوان فيكم الخير والبركة في التحليل الفني . خلوا علينا متابعة الشبيحة وأنتم عليكم التوجيه بالتحليل الفني وبالنهاية المصلحة واحدة افادة الاخوة الاعضاء والقراء واجرنا واجركم على الله
ونعم بالله . وبإذن الله تعوضك خسايرك وتعطيك ربح فوقها ، وهذا ما يمنع تكون حريص وتلعب معاهم
رد يا نو مرسي
المحبة بيني وبينهم أزلية سبحان الله
رد يا العالم الثالث
رد عليك يا نو مرسي
ووجهك أبيض والله يبارك لك في ربحك
الله يجزاك خير , والجاي ان شاء الله أكثر , وملحوقة بإذن الله
بإذن الله ان الله يفك تعليقتهم قريباً , وهذي نهاية اللي يثق بشبيح
الخير بوجهك يا شمس طيبة رسول الله صلى الله عليه وسلم . أختي الكريمة حنا نقول العاقل خذ نص حكية واخوك يقول العاقل خذ ربع حكيه . هم يتكلمون عن سعر 50 واخوك يقول إذا وصلوا 30 خير وبركة ولهم منا دعوة طيبة . لكن لا تقعدين تتفرجين على السهم أوقات جني الارباح بالسوق اجني ربحك وارجعي شيلي كمياتك يعني حاولي تضاربين بالسهم حتى يوصل سعر 30 بحول الله وقوته
وفيك الله يجزاك خير
بإذن الله ما فيه تعليقة شوية صبر وبإذن الله تبيع بربح , الاخبار عن السهم جيدة من حيث الشبيح , والاخ الشاهين متابع للسهم
أول محطة قناعتك بالربح . ارجع لردي على الاخت شمس طيبة
خير بإذن الله لكن شوية مشاغل
الشبيحة اللي طلعوا من المعرفة بالاساس داخلين بتنسيق مع الشبيح اللي بالمعرفة وطلعوا من المعرفة واتجهوا لدار الاركان ويقولون رايحين 20 بدار الاركان , وشبيح المعرفة مازال موجود بالسهم
السهم بدأ بالطلوع اليوم . والمدة ما أقدر أحددها ترجع لشبيح السهم , لكن أنت وقناعتك بالربح
المصافي وأنا اخوك بإذن الله راح يسعد ملاكه قريب جداً , واللخبطة اللي صارت بالسوق من بداية الاسبوع اثرت عليه كثير ولكن الشبيح مازال بالسهم ومتمسك فيه بقوة ومع استقرار السوق سوف يبدع بإذن الله
===========
بعد شكر الله الشكر لكل من مر على الموضوع . ومن دخل السهم عليه قرائة جميع الردود في الموضوع لمزيد من التوضيح عن السهم .
ارجوا من الاخوة المشرفين بعد موافقتهم اغلاق هذا الموضوع ووضع رابطه داخل موضوع أخونا طيب النية بعد موافقته , لأنه هو من نبه للسهم واشار لدخول السهم قبل هذا الموضوع , وانما هذا الموضوع هو نقل معلومات عن ما يدور حول السهم
الاخوة الكرام على الخاص سوف احاول جاهد اليوم ان شاء الله ارد على اكبر عدد من الرسائل واللي ما ارد عليه اليوم ان شاء الله راح ارد عليه بكرة أو بعده وان شاء الله ما راح اهمل أي رسالة .
انتظرونا قريباً في سهم جديد على النار يطبخ وأن شاء الله اول ما يستوي راح اسدحه لكم هنا .
وفقكم الله
الاخ شربكة لا هنت
وش اخبار الشبيحه وال بي سي اي متعلقين
رزق الله من واسع فضله وبارك الله فيك وجزاك الله خير.
هلا بمبدعنا
توصيه بسهم بعد نزول ولا أحلى
والله ياشربكه كنت اليوم أطالع بجيزان وهي توها بالحمد
بس ماقدرت اقاوم ملاذ وسيسكو
وبالنهايه الثلاثه كلهم أبدعو
مبروك عليك توصياتك الرائعه ماشاءالله :)
دائم محب للخير الله يجعلها في موازين حسناتك
بااارك الله فيك وجزااك الله خير
جــزاك الله خــير
اعتقد الان فرصة المضارب يضغط على السهم
بزود كمياتي وكل ماتضغط بشيل معاك يامضارب جيزان
شربكة
علوم جيزان
معليش.... بس جيزان مافيها مضارب.. اللي فيها متعلقين والله اعلم
اعتقد فيها مضارب الي يشتري الكميات هذي ورفع السهم مؤ أشخاص او محافظ عاديه
مافيه افضل من سهم جازان جالس امدح سهمي :D
بس عذروبه اني داخل فيه:o
وان حبيتو انه يرتفع ادفعولي عموله لجل ابيعه
واطلع منه
مانحسكم الا انا وشوفت عيونكم حتى العُُمري هج من السهم
وكذالك النصر من خساره لخساره
ان بغيتو اطلع منه بعد لجل تشوفون البطولات والعالميه
واشجع الهلال وانسفه لكم واخليه يبنشر
كل شي بحقه:)
ادفعو عموله لي لجل افككم من شري