اصحوا من نومكم يابورصييون
السلام عليكم ورحمة الله
طفح الكيل معاي يا اخواني بسبب موضوع البني ستوك هذا...والصحيح انة بني زفت
احلام واوهام ترسمونها بايديكم وعقولكم انتم... وغيركم الكسبان وانتم الخسرانين
تحلمون بالالوف ومئات الالوف...ههههههه وانتم الخسرانين
تكتبون كل يوم وما اكثر ماتكتبون...ههههه وانتم الخسرانين
اخذو منكو الزين وعطوكم الزبالة..... وانتم الخسرانين
شركات حتي في قانون التحليل ...مالها اي نصيب....والله مصيبة
فاتح هاالاستريمر علي الانترنت (مصاريف فوق الخساير ) نكتة
الظاهر انة كثير من العرب مايصحي او مايحب انة يصحي حتي تكون علامة الجودة ( الغباء ) علي جبينة
وكيف رسمها؟ بالنار ..واي نار ..النار اللي هو اشعلها وبيدة كوي جبينة...واللي تقول ..انا من الفاشلين
واذا نصحة احد قال بعد عندربي الحين...انت اصلا من الحاقدين
الله اكبر... احلي واقوي الاسهم جاتكم راكعة قبل كم يوم وعطيتوها ظهوركم...لية؟
الله يرحم الحربي...كان من المحللين حسافة ..
ويخوفي لا الاحمدي يشرب الزيت...مسكين
وينك يابريد وياستاذ وياحمد علي شوفو اخوانكم وين رايحين
تعتقدون انكم تشوفون...تراكم في سابع ارض والنور اللي حويلكم هو نور النار...مو نور صحيح
واللي يقول انة فلوسة شوي : حجة واهية
سيسكو يوم اعلنت ارباحها كان ممكن تنشري ب 15 دولار...( اللي ماعندة فلوس يكون اقل شئ معاة 5000 ) كان شري 300 سهم وباع ب 17 اذا كان مضارب مثلا مكسب 600 دولار
قليل..هاة...مو عاجبتكم...اية خلوكم حق الخاسير
اي ميزان انتم تتعاملون بة ...واي عقل انة تمشون علية...
وشي اهدافكم....وشي خططكم....وشي استراتيجياتكم...وشو مقدار علمكم...وشو...وشو...
بني ستوك...اذا كان فية واحد او اثين نجحو..وهذا النجاح مالة قاعدة نعم مالة قاعدة لانة مافي سهم اقل من 5
دولار لة تحليل لاجني ولا انسي...يالله
يقوم البقية مثل الجواعا يركضون ها الركض...لو ميت كان صاح من اللي حاصل..والمصيبة الاكبر انة من راس المال العمل جالس يصير ..مو من مكسب
فية واحد من شباب المنتدي ( بدون اسماء ) شري سهم قبل فترة بالغالي ونزل السهم ماباعة وسئلتة لية ..قال لانة سهم زين وبرد انشاء الله وفعلا رد بنسبة 90%.....
وواحد ثاني شري بني زفت وورطان للحين...الله اعلم وش يصير يحصل فلوسة...جزء منها...شبتر 11
الاخوة: اسامة...الهاجري وغيرهم ...كلامي ماهو موجة لكم
موجة للكل بما فيهم الجوال نفسة.
ESST....GNSS
شركتين كنا نترقبهم من زمن ومدروسين من ناس ...واي ناس ...الله يجزاهم خير
وصلت جنسس الي 20 دولار تقريبا وطارت لل 30 خلال ايام
اي اس تي تي وصلت 12.75 وطارت لل 19 خلال ايام
اللي ماشري ..يقول الله والله كانت فرصة...طيب حنا عارفين انها كانت فرصة..بس لية ماشريت؟
اقلكم وش الاسباب من وجة نظري:
1-عدم متابعة اخبار الشركة
2-مو عارف اصلا اي شئ عن الشركة
3-مو فاهم لاتحليل اساسي ولا تكنيكال
4-مو فاهم وضع السوق بشكل عام
5-مو عارف متي الناس تشتري ومتي تبيع
6-مو قانعة مكسب 25%...لا يبي 100% ولا 400 %
7-مايبي يراقب كم سهم....لا يبي يراقب السوق كلة....مهي صعبة علية...قدها وقدود ( مصطول هذا )
8-مايبي يبت السهم...طيب لاتبيت ياحبيبي...بيعة اليوم واشترية بكرة وانت مرتاح
9-كان السوق في وضع غير مطمئن...علما انة كانت فرصة الشراء الايام اللي راحت حلوة بمعني الكلمة
واذا السوق مهو مطمئن فمن باب اولي انك تبعد حيل مو تروح للبني زفت
الاسباب المذكور اجاباتها ممكن ..بس بالعلم والممارسة..مهو شختك بختك...
يااخواني انا ماني كامل ولا اقول اني ماانعاب...اعوذ باللة بل اعتبر نفسي في حضانة..ولكن الطفل..اي طفل
عطة براد شاهي حار وواحد بارد وخلة يلمس الاثنين....الباقي مفهوم
سامحوني علي ها الخاطرة....دعائي لي ولكم بالتوفيق