(( بـكـل صـدق .. اللي متعشم في كـيان يـدخـل وسـابك شـكـلـهـا تـورطـت فـيـهـا ))
الشركة ما خطط لها صح .. من البداية كانت الهيكلة خطأ .. راس مال كبير ومنتجات تغيرت قبل كم شهر ( يعني بعض مصانعها ما أنشئت أصلاً ) .. والحين 9 مليار زيادة .. الحقيقة إني جيت لأعمال الخليج وأنا غير مثقف بما فيه الكفاية في البتروكيماويات ووصيت على كيان وكنت مخطي .. والحقيقة إني بعد ما جيت لأعمال الخليج تعلمت الكثير وكل سطر جديد يخليني أستغرب وبشدة دخول سابك كشريك ويبدو إنها تورطت فيها والله أعلم ..
9 مليار زيادة في التكاليف والسبب في عدم الإعلان يقول لكم لأننا ننتظر التكاليف تكمل والله أعلم بما وراء الـ 9 مليار من تفاصيل ..!! والشركة ماهي ناقصة .. الهيكلة خطأ أساساً والا كان ما تعدلت بعض المنتجات .. والتخطيط خطأ والا ما زادت التكاليف لهذي الدرجة بعد ما انتهينا من تغيير بعض المنتجات والسهم الآن والله أعلم مكرره أعلى من بعض الشركات اللي تشتغل .. مفاجأة لكم بس والله أقلبها يمين يسار ما تجي إلا كذا وفيه ناس تظن إنها لأنها ما بعد أنتجت رخيص سهمها .. بالله عليكم قد شفتوا أحد عليه القيمة وثقة وتجرأ ودرس كيان كجدوى ..؟ كلهم يا ساكتين والا مستحين .. وأنا لو في مكان ثاني غير المنتدى يمكن أسكت معهم :D
الكثير مننا يحسبها حسابات خطأ .. نجمع الكميات ونضربها في السعر .. لو دخلتوا في دهاليز اللقيم عرفتوا إن الشركة مقلب .. والله العظيم مقلب .. وممكن يُضاربون على سهمها في السوق ويطلعونه وكلامي غير موجه للمضاربين .. كلامي للي يعتقد إنها بتكون شركة توزيعات وفله .. فهذا الشخص اللي حقه علينا نعلمه .. شي واحد ممكن ينقذها ويخليها تصف مع الصحراء والتصنيع .. فإذا كانت الفكرة ممكنة فالحل الوحيد تغيير خليط اللقيم إذا كان هذا ممكن تقنياً وبتتجاوب معه المصانع .. غير كذا الشركة متأزمة ربحياً .. ومن الصعب جداً عليها حتى لو تفاءلنا إنها بتربح مثل ينساب وهذي مليار ونص سهم وذيك 562 مليون سهم .
تحياتي لكم وآسف لمتعصبي كيان,,