بعض العرب ياحبهم للشمـــاتـــــــه

[المعتضد]

اخواني،الله يبارك لمن خرج من السوق في ماله، والله يعوض على من خسر. والله إني أحس بكل واحد فيكم وأتألم له أكثر من حزني على نفسي. فأنتم أخوتي في الله، وهذا المنتدى أصبح لي كالمنزل الصغير. الله يوفق الجميع.

بعض العرب ياحبهم للشمـــاتـــــــه *** مافرقوا بين النصيحه والعـــــــــــتاب
كل واحد شايح علينا حصاتــــــــــه *** يقول شوفوا علمنا اللي بالكتـــــــــــاب
مافات مات وتالي العلم هاتـــــــــه *** الدم ساح ومن عذل يقضب البــــــــاب
وشلي بصديق هز عندي عصاتـــــه *** واقفى وخلاني معى قرصة الــــــداب
لاهوب مسقيني بقايا دواتـــــــــــه *** معذا عطانا السم في بعض الأســــــباب
وبعض العرب بلسم يكف اعبراته *** يبكي على ربعه وهو حر مانصــــــــاب
بالعون مايهنا مقيله ومبـــــــــــاته *** حر(ن) ولد حر(ن) على الظفر كساب
الله كريم(ن) مامنعنا هباتـــــــــه *** هو الوحيد اللي بلا من وهـــــــــــــــاب

[برق الشمال]

صح لسانك ونبضك واحساسك أيها المبدع / المعتضد

[منصح]

الرسالة الأصلية كتبت بواسطة برق الشمال
صح لسانك ونبضك واحساسك أيها المبدع / المعتضد

قم ياعضيدي عطني القلم هاته *** سمعت صوت(ن) للمسلمين مرقاب
المعتضـد يكتب ويلتمس اهاته *** بحـروفن ابكـار وخاطر(ن) قد ذاب
لله درك من مسلم (ن) ما فاته *** جبرالخواطر في هاجس(ن)منصاب

السموحه يالمعتضد على الرد المتواضع .
منصح[/SIZE]

[المعتضد]

أخي برق الشمال: صح بدنك والقراء أجمعين.

[كحيلان]

يالمتعتضد لك مني أجمل وأحلى وأرق التحيات والإحترام :

ولا صارالبلا براس الهرم ذاته *** نرفع كفوف الدعا لنزال الأسباب

[المعتضد]

أخي منصح بارك الله فيك.

لو هو عدو(ن) قابلينه بذاتـه *** مير البلا معدود من عد الصحاب
بالعون يامنصح كرهنا سواته *** ماينقبل منهو للأخطار شبــــــاب

[المعتضد]

هلا والله أخي الغالي كحيلان: والله مايوسع صدري إلا التواصل معاكم. أشعر براحة وإطمئنان، والا الله يعلم بالحال.
الله لا يبس اللسان بلهاتـــــــه *** وإلتف ساقه ساعة مابها أحبــــاب
الروح فاظت شيعوه بعباتـــــه *** وفي حفرة(ن)ظلما توطوه بتراب
يوم عصيب أطلبك ربي كفاته *** الله ينجي برحمة كل من تـــــــاب

[الكاشف]

مسكين من هذى والله حياتـــــه ..... وبطبعه المسكين صار نصاب
كم واحدن صارت هذة تلاتـــه ..... ودك تحطه تحت سكين قصاب
خله ووعده باكرن بالممـــاتــه ..... ما يدرى المسكين تاليه بحساب
حتى الهواجيس يحول بصلاته ....... يفتش العورة ويطقق الباب
هذا التعيس وهـــذى صفاتــــه .... ابعد عن العقرب وتجنب الداب

[المعتضد]

هلا والله بالغالي أبو محمد، الله يوسع صدرك مثل ماوسعت صدري ويسعدك دنيا وآخره. .


يابو محمد جارك الله وشاتــــه *** قلب حقود(ن) ما هوى يوم الأحباب
يفرح إلا شاف الكدر والشماته *** لو سال دمك ما سعالك بالطبـــــــاب

[منصح]

الرسالة الأصلية كتبت بواسطة المعتضد
هلا والله بالغالي أبو محمد، الله يوسع صدرك مثل ماوسعت صدري ويسعدك دنيا وآخره. .


يابو محمد جارك الله وشاتــــه *** قلب حقود(ن) ما هوى يوم الأحباب
يفرح إلا شاف الكدر والشماته *** لو سال دمك ما سعالك بالطبـــــــاب

تسلم وصح الله لسانك يالمعتضد :
على طول رحت لموضوعك أمس من يوم قريت رسالتك في
مشاركت الكاشف ...:( :( اسف اسف اسف جداً ياشعاعرنا
العزيز تراني احتريتك أمس الين تعبت .. ورحت اقضي اشغالي .
اقبل اعتذاري وخلني معك راكب الفاطر!!!
منصح

[المعتضد]

هالمره بنركبك بكره عمانيه أسرع من البرق. في هالوقت يقولون رولز رايس ومرسدس، أما الوقت الغابر، الله ينور وجيه أصحابه بنور الجنه، ما يتكلمون إلا على البكره العمانيه.

ياهلا ويامرحبا فيك.

[منصح]

الرسالة الأصلية كتبت بواسطة المعتضد
هالمره بنركبك بكره عمانيه أسرع من البرق. في هالوقت يقولون رولز رايس ومرسدس، أما الوقت الغابر، الله ينور وجيه أصحابه بنور الجنه، ما يتكلمون إلا على البكره العمانيه.
ياهلا ويامرحبا فيك.

انا واياهم مقصدنا واحد :
مغزى ودورت عيشة .
بعدين ارفق علي ياخوي مانيب يمك ولاقدك
ابناديلك اخوي الكبير:D :D
منصح

[برق الشمال]

أخي الحبيب / المعتضد أنقل إليك هذه القصيدة للشاعر عبدالله الطلحي أتمنى أن تنال على استحسانك ورضاك:



يامل لقلـبٍ شبيـه الطايـر الوكـري ==حـرٍ ولايقبـل إلا عيشـة احـراري
كثرت همومه وهو محبوس في صدري ==لولا ضلوعي يطير إليا طـرا طـاري
وراسي كما راس ضلعٍ شامخٍ عسري ==بينه وبين السهول أشعـاب وديـاري
جات المشاكل وجاني الشيب من بدري ==وانا على عـز مانـي بالردىضـاري
أرقا واحوّل واسيّر في الخلا واسـري ==مسرا سباع الخـلا ياليـل ياسـاري
ضامي وصار الضما مني ومن عمري ==البحـر كلـه شربتـه ماطفـا نـاري
كم ليلةٍ من مغيب الشمـس للفجـري ==أصارع امواج فـي غـدرا وقمّـاري
أعوم وحدي واغوص بغبّـة البحـري ==واجمع بديع الجواهر وانضم اشعـاري
ماكل غصـنٍ يغـرد فوقـه القمـري ==أغصان تثمر وغصن من الثمر عاري
لوإن صف الحكي يحسب من الشعري ==كان إستوينا وكـل النـاس شعّـاري
كم واحدٍ شايل القرطـاس والحبـري ==وإليـا إختبرنـاه لاكاتـب ولاقـاري
وكم واحدٍ متعـب المـوال والحـدري ==في كل وادي يبيـت الليـل سمّـاري
وعلومه يكيلها بالخمـس والعشـري ==والصافيه ماتسـاوي ربـع معشـاري
أشوف واسمع واميّز في العرب وادري ==واعرض عن علوم ماكني بهـا داري
وإن كان جاهل جهلني ماعرف قـدري ==أصـد والقـا مـع العقّـال مقـداري
وانا بخبر الرجال اللي علـى خبـري ==ماني بوجهين في غيابي ومحضـاري
أحب راعي الوفا واشتاق له واشـري ==قربه ولاني لمنهـو باعنـي شـاري
رافع مقامي عن أهل البوق والغـدري ==واخذت لي قسم مع وافين الأشبـاري
عندي قناعه وعشت العسر واليسري ==في ستر ماسبنـي ضيفـي ولاجـاري
ذقت الحلاوه وذقت المـر والصِبـري ==وصبرت صبر الجمل مابحت باسراري
ماني براجي عطيه مـن يـد الفقـري ==ماني براجي يكـون الخالـق البـاري
يعلم بحالي ويضفي فوقهـا الستـري ==ويغفر ذنوبي وهـو للذنـب غفـاري
وبرحمته ليلة امسي في ثـرا قبـري ==يجعل لي القبر دارٍ خيـر مـن داري
ويجعل محمد شفيعي ساعة الحشـري ==صلاة ربـي عليـه مـرار ومـراري