المعتضد واهل الشعر تعالوا نتسلى بدل ما يحدث

[الكاشف]

يا المعتضد ليت الايام تنعاد ................... حتى تعود ايام غر وهنية

ايام فيها ارباح والانس يزداد ............... ايام تجني الود ويطيب جنية

واليوم صرنا قراب وقلوبنا بعاد ............ ولا يستقيم العود اذا فيه حنية

بناء يبنى ما بنى جداره ستاد ................ حتما يعيب ويخسر بيوم بنيه

دنيا نلاحيها ولاحاها الاجداد ............ تحبل وتمخض واخر الوقت فنية

نضحك ونبكي دورها دور جلاد ......... وكم رايقن منها له النفس ضنية

الرابح اللي عن اطماعها عاد .............. للزهد فيها راغب الزهد عنية

مرحوم يا اللي له على الجود ميراد ........ ابو الصديق المعتضد له كنية

[ديلر]

موضوعك ما له داعي :p

هههههههههههه


تحياتي

[الكاشف]

هلا بديلر وش تبيني اسوي يا حبيبي اروح اتهاوش مع العالم حطيت حيلي والشعر بس ما حولي احد ما ادري وين الشعراء اليوم المعتضد ما ادري وينه غنيم مشغول يشتري الشبكة للعروس كحيلان شكله ضايق صدره اليوم ما ادري خسران ولا وش السالفة قلت اتجمع انا وشياطين الشعر ونسولف مهوب احسن

[ديلر]

الرسالة الأصلية كتبت بواسطة الكاشف
هلا بديلر وش تبيني اسوي يا حبيبي اروح اتهاوش مع العالم حطيت حيلي والشعر بس ما حولي احد ما ادري وين الشعراء اليوم المعتضد ما ادري وينه غنيم مشغول يشتري الشبكة للعروس كحيلان شكله ضايق صدره اليوم ما ادري خسران ولا وش السالفة قلت اتجمع انا وشياطين الشعر ونسولف مهوب احسن



طيب يا حبيب الكل

جهز نفسك ابي اتهاوش معك شعريا

لا تقول ما قلت لك :cool:



من يعرف جوال خلف بن هذال ههههههههه




تحياتي

[ابو متعب]

يامرحبا يالاجودي ولد الاجواد00000 فيك اشتياق للمراجل وطنيه الظاهر ان المعتضد جاه قداد000000 مما يشوفه نفسه اليوم ونيه والله ملومه لو ينوي بالابعاد000000 يروح عن دنيا(ن)خسيسه وفنيه ياخذ بذا البران روحه ومعواد0000 اللي غدت لي ياطلق الوجه منيه حدر الى حدالكويتي وبغداد00000 وماسند الطايف الى اطراف رنيه

[ابو عمر الحربي]

دنياك هذي فيها للناس صياد *** يسرق فلوس الناس بتبييت نيه
خلك بحالك و(للوهم) حذر تنقاد *** كم واحدِ متوهقِ بمعدنيه :p :p :p

[ابو متعب]

الا ماتقولون لي وشلون انسق القصيده

[ابو عبد الرحمن]

الرسالة الأصلية كتبت بواسطة ابو عمر الحربي
دنياك هذي فيها للناس صياد *** يسرق فلوس الناس بتبييت نيه
خلك بحالك و(للوهم) حذر تنقاد *** كم واحدِ متوهقِ بمعدنيه :p :p :p


ابو عمر الله يرضى عليك حاول تضيف كلمة تهامة في الابيات:p

[ghenaim]

ديلر عسى للجود يافخرا لا جواد ==== ناديتنى وابشر بجزلات الابيات

انا بوسط السوق صايد وصياد ===== مابين عقرب واكثر الوقت حيات

الله يستر مايجى زود جلاد ====== يبطش بنا ويحول الاجر سيات

[الكاشف]

هلا بغنيم وعلى البركة وعقبالي انشاءالله اشكرك يا حبيب قلبي على الابيات الجميلة قاعد ارد عليك شوي تشوفها

[ابو عمر الحربي]

الرسالة الأصلية كتبت بواسطة ابو عبد الرحمن
ابو عمر الله يرضى عليك حاول تضيف كلمة تهامة في الابيات:p

وسهم تهامه اقلع شوي ثم عاد *** تارك وراه الناس بالمهمهيه
احدِ يقول اصبر على السهم يا واد *** و احدِ يقول البيع قبل المنيه

مع تمنياتي لكم بطول العمر والرزق الوفير :D

[ديلر]

الرسالة الأصلية كتبت بواسطة ghenaim
ديلر عسى للجود يافخرا لا جواد ==== ناديتنى وابشر بجزلات الابيات

انا بوسط السوق صايد وصياد ===== مابين عقرب واكثر الوقت حيات

الله يستر مايجى زود جلاد ====== يبطش بنا ويحول الاجر سيات


تسلم يمين اللي على الطيب رباك

تسلم يا حبيب الشعب على هذه الابيات الرائعة



تحياتي

[ابو عبد الرحمن]

الرسالة الأصلية كتبت بواسطة ابو عمر الحربي
وسهم تهامه اقلع شوي ثم عاد *** تارك وراه الناس بالمهمهيه
احدِ يقول اصبر على السهم يا واد *** و احدِ يقول البيع قبل المنيه

مع تمنياتي لكم بطول العمر والرزق الوفير :D

صح لسانك ابوعمر

شكراً على المجهود:)

[كحيلان]

ماقلت لك يابيض القلب وش عاد ....... لاغــاب واحد يـجي عنـه مـيه
بس البلا لاغاب منهو لاغاب ماعاد ... يغيب وتشوف بغيبته حتى المنيه
أبطيت أنا ياصاحبي وحالي سهاد ..... من كم يوم(ن) والعواصف عتيه
ماطاب لي خاطر والشوق يزداد .... ومن راح عني فاقد(ن)حتى الشهيه
وفرقا الحبابيب كنها تشبه حداد ...... لحظة الفرقا..... الله ياااااهي قويه
حاولت لكن المحاول ولا فاد ....... راحت وراحت معها أيام(ن) هنيه

[ghenaim]

يا اخوان لا تنسون يوم الفراق والقبر عقب الحياة الحافلة بزينها وشينها
================================================== =======

يا سامعين الصوت ردوا بالاصوات ===== لعل دافى الصوت يوصل ونينى

امنول اسمع صوتهم بين الاصوات ==== واليوم عند القبر اندب ضنينى

حطوه فى قفر من الخد مسوات ===== توسدت راسه تراب دفينــى
جيرانه اول مع دلال مــراكـــــــات ===== فى كل صبح نجرهم له طنينى

صبوا لضيف العز واسقوه لذات ====== ومن طيبات الرزق افطر حنينى

وليجا الغدا صينيت اللحم مسوات ====== وكلمة هلا ياضيفنا ما تلينى

[المعتضد]

أخي الغالي الكاشف،
والله ثم والله ثم والله ماشفت موضوعك إلا اليوم. والسبب كنت في ثلاث أيام الماضيه أقضي معظم الوقت مع الوالد، الله يعطيه الصحه والعافيه وياك والمسلمين، واليوم رجعت متأخر ولفيت أدور الوعد الذ أوعدني إياه أخي غنيم وأقول وين خوينا لا ومعزم أحط بيت لأحد الشعراء يقول:
ياصاحبي زل الشتا وأقبل الصيف ***** وأنا برجوا كلمة قلتهالي

متهكما على الوعد الذي أخلفه الأخ غنيم!!!!! وأثر أنا اللي عيني ماعاد تشوف، وكاد الحق أن ينقلب علي. على العموم قلت النفسي لا يكون غنيم كتبلي قصيده وأنا ماشفتها؟ ورجعت لمواضيعه حتى وقعت على هذا الموضوع، وأثره موضوع آخر وله رد فيه فأنقذني وأنا أتوعده!!! يعني طلع مظلوم وأنا الظالم. لذا أعتذر منك أخي الكاشف ومن الأخ غنيم ومن جميع الأخوه الكرام المشاركين، وأرجو منكم السموحه. وسأعود لكم غدا.
عينك حاره ياغنيم كل إنسان أوكل له شيطانين وأنا لم أجد أيا منهم في هذه الليله!!!!. لكن والله إن مالقيتهم لأرسلك أدور عليهم على الأقل تجيب واحد نلعب وياه. أستغفر الله العظيم.

[المعتضد]

وهذا إعتذار آخر،
لكن أنا ترى شرهان على الأخوه اللي ما واحد ينبهني على الأقل على الخاص. يعني لا توصية بشراء، ولا حتى تنبيه. الله يهديكم بريدي الخاص أصبح مثل البعير المجروب، الله يكفينا الشر، ماحد يبي قربه. يالله السلامه. بس أن ترى مسامحكم!!!.

سلام يالكاشف من القلب ينقــــــاد ***** أعذب من أذواق المياه الهنيـــــــه
واتبع سلامي عذر يشمل هل الباد ***** واهل الحضر واهل النواحي الغنيه
باكر لنا ياكاشف العلم ميعــــــــاد ***** إن كان عمري ماخذته المنـــــــيه

[المعتضد]

ياكثر معاذيري هاليومين. ألظاهر إني أخلفت القافيه دون قصد. البارح نمت والقافيه (أيه) وأصبحت أترنم على (إينه) وختمت القصيده ويوم جيت أكتبها في المنتدى وجدت إني مخطي في القافيه، مدري شجاني بديت أخلط الأوراق والقافيه يمكن آثار الكبر. لكن منكم السموحه ومثلكم كريم ويعذر.

غدالي ثلاث أيام أعاف الكرى والـــــزاد ** أراقب طويل العمر يشكي ألم عينـه
جلبنا الدخاتر ماحد(ن) فوقهـــــم قد زاد ** وربي عليهم من طلب عونه يعيــنه
تشافى طويل العمر والله علـــينا جـــــــاد ** وراح الكدر والخير بانت مكاميــنه

دخلت أتصفح واسأل غنيم والميعـــــــــاد ** واثر صاحبي مشغول مالت موازينــه
زهمني ابو محمد وله مهجتي تنـــــــــقاد ** عزيز(ن) على قلبي وضع في يدي دينه

ترى ايامنا مكتوبة محفورة(ن)بمـــــــداد ** رضينا وارتضينا منها الشين والزيــنـه
إذا جاك خير أحمــد الله على الأمجــــــاد ** وإذا جاك شر(ن) رد له وأستعيــنــــه
ويوم(ن) تقفى ثم تلته اللـــيالي شـــــــداد ** رسولك يقول أيامنا عسرة(ن) شيـــنــــــــه
قرون(ن)ذكرهن قرنه اللي عليهم ســــاد ** ومن عقبهن كل قرن أردى من اسنينه

يابخت الذي قضى لياليـــه والعـــــــــّــباد ** يصلي افروضة ويدعي الله بايادينــــــه
وياحظ الذي حب العرب مالكه بفـــــــواد ** توشح بخلق وعلم وأفعاله تزينـــــــــــه
حفظ كلمته مالاعب الفرد ولا لزنــــــــاد ** عفيف(ن) لسانه أطلق الوجه من حينــه

أبحط لك مركى وولم لكم لشــــــــــــــداد ** معاميلي على الشبه تنادي الشهم وينـــه
ابي شوفة أخواني كرام العم والأجــــــداد ** حمول(ن) ثقال(ن) شايلينه ومركينـــه
صفا جونا ياجعل صفو السنه ينعـــــــــــاد ** زمان الزعل عن وقتنا اليوم مقصينـــه

أقول القصيد ويرجع الـقـــاف لـــــي رداد ** ترى جمعة الأخيار بالمال شارينـــــــه
خسرت أسهمي والله عطاني الذهب بوكـاد ** عطاني اربوع جملة الخير ممضينــــه
لك الحمد ياربي على نعمتك والــــــــــزاد ** شكرنا النعيم ودايم الذكر محيينـــــــــه
وسلامتكم وأسمحولي على التأخير والتقصير وسوء التدبير.

[الشاعر]

الرسالة الأصلية كتبت بواسطة ابو متعب
الا ماتقولون لي وشلون انسق القصيده

إضغط إنتر بعد كل بيت;)

[المعتضد]

هل توقفت قريحة الشعراء؟

أم تراهم مشغولون في إستراتيجيات السوق ليوم الغد؟

أم تراهم لا زالوا على زعلهم مني؟

أتمنى أن تكون الثانيه ولا سواها يارب ياكريم.