المساعد الشخصي الرقمي

مشاهدة النسخة كاملة : لا تظلمون الراجحي تداول .. شغّال من أبدع ما يكون .. الخلل في أجهزتكم !



النوخذة
23-09-2004, Thu 11:20 AM
عندما أردت الدخول .. وجدت نافذة :

نأسف لعدم خدمتكم في الوقت الحالي
نرجو المحاولة لاحقا
الرقم المجاني ٦٦٦٦ ١٢٤ ٨٠٠

قلت طيب ..

عندي عمليات بيع ومشترى .. هذا وقته يا الراجحي .. ؟؟

ولا أمداني أكمل كلامي :

وما وعيت إلا ..

طلعت لي نافذة :

الراجحي تداول بصدد القيام بالعمليات التي كنت تنوي إجراءها اليوم ..

صراحة ما صدقت عيوني ..

معقولة ؟؟

قال : إي نعم .. معقولة ..!

تبلعمت .. يا أخوان .. وقعدت أبلع ريقي ..

وخذ يا عمليات .. وخذ يا عمليات ..

وبعدين ياجماعة .. طلعت لي نافذة ..

تم شراء التصنيع بــ297 وبيعه بــ299 ريال

- الله يجزاكم خير .. ياربي إن تخلي الراجحي لنا ذخر ..

- تم شراء ثمار بــ 170 وبيعه بــ 275

- على الهاي .. الله يرضى عليكم ..

- تم شراء التعمير بــ157 وبيعه بــ159.5

- حبيب قلبي إنت ياالراجحي وبعد يلوموني فيك ..

- تم شراء الأسماك بــ175 وبيعه بــ185

- عشرة ريال مرة وحدة .. وش هذا .. تراني ما أقدر على إني أصير مليونير في يوم وليلة .. تكفون بشوي شوي ..

- تم تعليقكم في القصيم الزراعية .. ولكن سنعوضكم في شركة أخرى .

- بارك الله فيكم .. وش دعوى ؟؟ .. ترانا صرنا أهل .. تمونون ..

- عوضناكم .. الآن .. حيث اشترنا سافكو بــ345.25 وبيعه بــ350 ..

- ياني خجلان منكم .. وين أودي وجهي بس .. طايح عليكم في المنتديات سب وشتم .. وأنتم - الله يحفظكم - تسهرون على مصالحنا وأرباحنا .. !

- الراجحي تداول .. يسألكم : هل تريدون أن تقفل شركاتكم نسبة ..؟؟

- إيه إيه .. الله يرضى عليكم .. والله ما ودي أكلف عليكم .. بس معقولة إلى هالحد من التقنية .. ياربي إن تخلي لنا الراجحي تداول .. إي والله ... تكفون نسبة .. تكفون نسبة .. قاعد أحلم بها من ثلاث شهور .. !

- الراجحي تداول يكرر .. هل تريدون أن تقفل شركاتكم نسبة .. ؟؟ الراجحي تداول يرجو الإجابة بلا ( بربرة )
.. الراجحي تداول يكرر ( بلا بربرة ) ؟؟

- والله إني فشلن منكم .. إيه .. نريد نسبة .. نريد نسبة ..!

.. صمت رهيب يخيم على غرفة النوخذة لإتاحة الفرصة لسيستم الراجحي تداول لإجراء العمليات التداولية ..

النوخذة يضرب إنتر .. الجواب : مازالت العمليات قيد التنفيذ لتحقيق طلبكم ..

النوخذة مرة ثانية .. إنتر .. الجواب : مازالت العمليات قيد التنفيذ لتحقيق طلبكم ..

صمت رهيب ( هذا صمت غير الصمت الأول .. بل أرهب من الصمت الأول ) يخيم مرة أخرى ..

النوخذة ينتظر .. والراجحي تداول يشتغل ...

النوخذة ينتظر .. والراجحي تداول يشتغل ...

تخرج النافذة ..

- إيه ..

- لقد تم تحقيق طلبكم ..

- يعني ؟؟

- لقد تم تحقيق طلبكم ..

- فاهم بس وش الزبدة ؟؟

- لقد تم تحقيق طلبكم ..

- لا حول ولا قوة إلا بالله .. أدري .. أدري .. أقصد أريد نتائج العمليات ..

- لقد تم تحقيق طلبكم .. وأقفلت جميع شركاتكم على النسبة كما طلبتم ..

- الله يبشركم بالخير .. الله يوفق الراجحي تداول .. يا حبيلكم .. لا ويلوموني فيكم .. بس ممكن كشف الحساب ؟؟

- ممكن .. وصل الحساب سيخرج لكم من الطابعة .. بإمكانك أن تمعطه وتقرأ ما فيه ..!

- كفوا والله ياالراجحي ..!

النوخذة يمعط الكشف بنهم .. ويقرأ .. ويفاجأ بأن جميع شركاته أقفلت بالنسبة نزولا ..

- وش هذا .. ؟؟ نسبة نزووول ... لا ولكل الشركات ؟؟

- نعم ..

- طيب وكيف صار هذا ..؟؟

- لقد تم إجراء العمليات بناءا على طلبكم ..!

- أي طلبنا .. ؟؟ أي بطيخ ؟؟ أنتم سألتموني .. تريد نسبة وقلت لكم نعم .. ؟؟

- لقد تم تحقيق طلبكم .. فلم تحددوا نوع النسبة .. هل نسبة ارتفاع أم نسبة نزول ..

- بالله عليكم .. أحد يتمنى نسبة نزوول ؟؟

- نعم .. المرجفون ..!

وقم ياالنوخذة .. وكسّر الجهاز ... وهو الآن يكتب لكم الحادثة .. من جهاز آخر من نوع توشيبا .. !

albohajm
23-09-2004, Thu 11:25 AM
مبروك اللوب توب يا حلو

العقل الباطن
23-09-2004, Thu 11:27 AM
ههههههههههههههه

حبيبنا النوخذة ضرب عنده فيوز

والله ما ألومك يالنوخذة .. أنا ضربت عندي الضفيرة كاملة

Stockholder
23-09-2004, Thu 11:27 AM
انا نفس الطريقة بس الشغلة نذالة تصدق هذي الرسالة اللي جتني:


تم شراء بيشة ب 218 ... وبعدها تنويه ( السهم راح يتجه ل 500 )

وبعدها بدقيقتين جت الرسالة:
تم بيع بيشة ب 181.5 ... وبعدها ( مو عاجبك؟؟ بلط البحر ؟؟ احنا احرص على فلوسك و يالله لا تكثر حكي راح نعوضك الاسبوع القادم!!!)

جنيه
23-09-2004, Thu 11:29 AM
النوخذة ... اسلوب تهكمي ... رائع


افق واسع ... ةالله

ههههههههههههههههههه

;)

albohajm
23-09-2004, Thu 11:32 AM
حسبي الله ونعم الوكيل علي راجحي زفت

النوخذة
23-09-2004, Thu 11:46 AM
الرسالة الأصلية كتبت بواسطة Stockholder
انا نفس الطريقة بس الشغلة نذالة تصدق هذي الرسالة اللي جتني:


تم شراء بيشة ب 218 ... وبعدها تنويه ( السهم راح يتجه ل 500 )

وبعدها بدقيقتين جت الرسالة:
تم بيع بيشة ب 181.5 ... وبعدها ( مو عاجبك؟؟ بلط البحر ؟؟ احنا احرص على فلوسك و يالله لا تكثر حكي راح نعوضك الاسبوع القادم!!!)

****

غريبة ؟؟

قال لك بلّط البحر ؟؟

طيب .. يعني الراجحي تداول .. ما عنده خبر إن تبليط البحر صعب ؟؟

طيب ليش يطلب شي صعب ؟؟

الله يهديه .. مو عوايده .. شف وش صاير .. يمكن السستم متعور اليوم ..:o

Stockholder
23-09-2004, Thu 11:49 AM
بصراحة الكذب شين هو ما قال ( بلط البحر ) بالحرف بس طلع صورة للبحر وجنبها مصنع بلاط! وش معناها طيب؟؟

النوخذة
23-09-2004, Thu 12:01 PM
الرسالة الأصلية كتبت بواسطة Stockholder
بصراحة الكذب شين هو ما قال ( بلط البحر ) بالحرف بس طلع صورة للبحر وجنبها مصنع بلاط! وش معناها طيب؟؟

***

إذا كذا ... معك حق ..!

فعلا .. صورة بحر .. وحنبها مصنع بلاط .. مالها غير هالمعنى ..

أعذرني ياأخي Stockholder .. ترى السوق اليوم خلاني أفهم بصعوبة ..

إي والله .. بحر ومصنع بلاط .. وشلون فاتت عليك ياالنوخذة ؟؟ وش لون فاتت ؟؟

بديوى
23-09-2004, Thu 12:10 PM
الحق الراجحى تداول اشتغل

لايفوتك البحرى :D

Stockholder
23-09-2004, Thu 12:21 PM
الله يبشرك يا ما جلان بالخير.. كم العرض في البحري لو سمحت ؟؟ بسرعة الله يخليك!!!:D


حسبنا الله عليك يا راجحي انت وبنكك صرقعت بعقولنا!!!

النوخذة
23-09-2004, Thu 12:57 PM
الرسالة الأصلية كتبت بواسطة Stockholder
الله يبشرك يا ما جلان بالخير.. كم العرض في البحري لو سمحت ؟؟ بسرعة الله يخليك!!!:D


حسبنا الله عليك يا راجحي انت وبنكك صرقعت بعقولنا!!!

***

لا تسأل عن العرض اطلب ماركت ..!

ولا تدري ..

خل الراجحي تداول يطلب لك ..

صدقني .. بيقتنصها لك فأفضل سعر ..!:(

النوخذة
23-09-2004, Thu 3:34 PM
الرسالة الأصلية كتبت بواسطة ماجلان
الحق الراجحى تداول اشتغل

لايفوتك البحرى :D


:o

SABICMEMBER
23-09-2004, Thu 7:05 PM
شالسلام عليكم و رحمة الله و يركاته

أخوي و حبيبي النوخذة ، تراك من الناس اللي نقرأ لهم كثير ، و من بعد ها السيناريو اللي سردته لنا ، بديت أخاف أقرأ لك ، ليش؟ أعلمك: توصياتك لو جت على شكل ها السيناريو ، تخيل!!!!!!
الزبدة يامال الشحم عليك بسامبا و يش حادك على الراجحي.

النوخذة
23-09-2004, Thu 7:40 PM
الرسالة الأصلية كتبت بواسطة SABICMEMBER
شالسلام عليكم و رحمة الله و يركاته

أخوي و حبيبي النوخذة ، تراك من الناس اللي نقرأ لهم كثير ، و من بعد ها السيناريو اللي سردته لنا ، بديت أخاف أقرأ لك ، ليش؟ أعلمك: توصياتك لو جت على شكل ها السيناريو ، تخيل!!!!!!
الزبدة يامال الشحم عليك بسامبا و يش حادك على الراجحي.

***

حدني على الراجحي .. شكاوي الزملاء من سامبا ..

وبيني وبينك .. كلهم في الهواء سواء !!

ابو سالم
23-09-2004, Thu 8:29 PM
شكرا النوخذة ,,, شكرا ستوك هولدر على هذه المحاورة اللطيفة

السعلو
23-09-2004, Thu 11:44 PM
يكفي انه اس اس اس


اسلامي ؟؟؟؟

المسك
24-09-2004, Fri 1:59 AM
يا اخوان الخميس دا ئما موظفي الراجحي ينامون ولا يصحون الا حول الظهر لانه يوم اجا زه للموظفين ولا احد يتابعهم وينسون الدوام

القحطاني
24-09-2004, Fri 2:29 AM
النوخذة وش الي مصبر على ذا الغثاء

فيه اختراع وسيط تلفون ( خط لابف )

وشاشة مباشر

واذا بغيت تشيك على حسابك من الموقع الرئيسي للبنك على النت

ويبقى كذا وخلصنا :o

جينوم
24-09-2004, Fri 6:22 AM
ترى بنحول على الراجحي

ما دريت أن النظام عندهم انترآكتف

الناس متقدمين مرة وانتو اللي متأخرين ، خذوا كورسات في أي معهد ( ولا أقول بلاش معاهد بعدين ما يعترفوا بشهادتها )

سامبا ما تنفذ إلا اللي أطلبه وبس ولا يرد علي أكثر من كده :cool: