المساعد الشخصي الرقمي

مشاهدة النسخة كاملة : عزيزي أسامة


ameri
07-08-2002, Wed 8:54 PM
انت قلت في ما سبق انك سوف تسحب من حسابك من ديتك مبلغ الى حسابك في
الكويت هل تم ارسال المبلغ
ثاني شي عزيزي هل لديك الحساب في بنك الكويت الوطني
لانه حسابي في بنك الوطني واريد اعرف ما المطلوب من معلومات عن البنك
وشكرا
أسامة
07-08-2002, Wed 9:54 PM
هلا اخ اميري كيف حالك..
سأقولك شئ ولكن لا تخاف لأنها الحقيقه!!
انا من اسبوعين تقريباً بعت الاسهم اللي ماسكها وقررت أن اسحب كل فلوسي من داتيك حوالي 30.000$
الى حسابي بالبنك الوطني فأصدرت امر تحويل بمبلغ 25,000$ من داتيك الى حسابي بالوطني.. فتفاجأت بوصول إيميل من داتيك يقولون فيه انهم لم يتعرفو على بنك اسمه "بنك الكويت الوطني"!
قلت حـلو فليساتك طارت يا أسامة، وبعدها هدئت ورحت زرت فرع بنك الوطني القريب مني وقلت لموظفة الاستقبال هناك إني ، انا في السابق كنت استقبل اموالي من وسيطي داتيك في امريكا بدون مشاكل والان داتيك يقولون انهم ما يعرفون بنك اسمه البنك الكويت الوطني"!! فردت علي مستغربه وقالت كيف هالكلام؟! فراحت مسرعه تستفسر من موظفه داخل ورجعت وقالت لي " خــلاص!.. من الان وصاعداً يجب ان تكون التحويلات من امريكا الى الكويت تروح لـ بنك الكويت الوطني فرع نيويوركNational Bank of Kuwait SAK (New York) " وهناك الاخوان راح يحولونها لحسابك بالكويت.. فقلت خلاص انحلت المشكله يا أسامة.

وعملت التعديلات بحسابي بداتيك وعملت امر ارسال 4000$ الى National Bank of Kuwait SAK (New York) علشان الجماعه يحولونها لحسابي بالكويت
ونطرت يوم .. يومين.. 5 أيام.. اسبــوع.... الفلوس ما وصلت..؟
راجعت البنك الوطني المبنى الرئيسي بشرق "وهذا الكلام أمس صار والله العظيم" وقالولي روح المبنى الثاني القديم اللي بجانب سوق المباركية لأنه هو مختص بالتحويلات الجايه بره الكويت ورحت هناك وقال لي هندي يشتغل هناك "بابا انا ما اقدر سوي شئ روح المبنى الرئيسي عند وحدة اسمها مدام سناء" فرجعت مره ثانية للمبنى الرئيسي وانا اتصبب عرق تحت لهيب الحر وبحثت عن مدام سناء ووجدها وقلت لها الحياكه ، فأتصلت تلفون على واحد ثاني وسألته" في مبلغ 4000$ وصل لكم وما دخلتوها بحساب المستفيد؟" فرد عليها الموظف بالنفي!!
فقالت لي مدام سناء صراحة يا اخ اسامة البنك الوطني ما وصل له اي مبلغ قدره 4000$ بأسمك!!
وهنا تنرفزت وقلت كيف يصير هالكلام وانا مرسل لكم فلوسي من اسبوع؟ يعني فلوسي طارت؟
فقامت من مكانها ورحنا عند شخص ثاني مو ذاكر اسمه قلت له انا ارسلت الاموال الى البنك الوطني فرع نيويورك بناء على تعليمات موظفه الاستقبال بفرع البنك الوطني بمنطقتي
وقال لي هذا خطأ الصحيح هو انك تقول لداتيك ان ترسل الفلوس لحسابك بالبنك الكويت الوطني عن طريق بنك الكويت فرع نيويورك.
فأرسل الموظف هذا ايميل لبنك الكويت فرع نيويورك ، وردو عليه الجماعه هناك وقالة انه وصلهم مبلغ 4000$ وموقادريت يعرفون صاحب هالمبلغ؟؟! مع اني حاط اسمي كامل ورقم حسابي !!
لا ويقولون افضل بنك بالشرق الاوسط
وتوها الان وصلت فلوسي بعد عناء
هو الموظف يقول لازم تكتب هالصيغه في داتيك لتحويل الفلوس:
National Bank of Kuwait Thro National Bank of Kuwait SAK (New
York)

اذا تبي اتعرف كيفية سحب فلوسك من داتيك للوطني بالتفصيل اتصل بالتلفون على الموظف هذا بالبنك والوطني في الفتره الصباحية
2436209
وراح يساعدك..
ameri
08-08-2002, Thu 6:51 PM
يعطيك العافيه اخوي اسامه
اصراحه وفرت على المشاوير ولك مني شركة بالمستقبل ربحه 100% :)
بس ها لا تسحب فلوسك بالكامل
اسحب حق بانزين سيارتك وحق المطاعم وطلعات وبس;)
والله لك مستقبل انشالله بالبورصه ولا تستعجل الخير جاي
ومره ثانيه اشكرك اخوي اسامه على ردك علي واكثر من مشاركاتك في المنتدى لانه مشاركاتك مفيده حق الجميع
وشكرا
zohair4u
09-08-2002, Fri 2:30 AM
يا اخوان شنو لكم من هالدوخة راس تعالوا فتحوا حساب عند جماعتنا بالكويت الاوسط العزيز و فكوا نفسكم مع تحياتي لكم