متى تنتهي مهازل البنوك

[نجل الرياض]

لدي محفظه استثماريه في احد البنوك بقيمة 450.000 وصدر قرار منع استخدام خاصية الاتصال لمن يقل رصيده عن مبلغ 500.000 آمنا بالله بالرغم ان الفارق بسيط .

تقدمت بطلب خدمة التداول عن طريق الانترنت وبعد انهاء جميع البيانات قالوا : ان المده المتوقعه اسبوعين من تاريخ التسجيل والى الان شهر ونصف

قررت نقل حسابي الى البنك الامريكي للاستفاده من خدمة سامبا تداول وكانت البدايه طيبه وحصلت على الخدمه بعد اسبوعين فعلا وعند الحصول على اليوزر ابلغوني ان عملية التنشيط سوف تكون خلال 24 ساعه ( actvation ) ومر اسبوعان ولم تتم عملية التنشيط بالرغم انهم اخذوا مبلغ الخدمه بعد صدورها
الفرع يلقي باللوم على الادارة الاقليميه والاداره توعد وتخلف والطيور طارت بارزاقهاااااا


الى الله المشتكى

[swift]

الرسالة الأصلية كتبت بواسطة نجل الرياض
وكانت البدايه طيبه وحصلت على الخدمه بعد اسبوعين فعلا


اسبوعين ؟؟؟؟ وهذي هي بداية طيبة .

والله انت اللي طيب يا نجل ، مادام معك 450.000 المفروض يضيفونك ويسوون شغلك ويخلصونه قبل ما تخلص بيالة الشاهي .

شد حيلك ووصلها الى 500 الف ، لأنها تفرق كثير معك ، للأسف أغلب البنوك يعتبرون هذا حد لتقديم خدمات عادية يسمونها هم مميزة ، وصارت الخدمة اللي بالأساس عادية ، صارت شوت بالشلوت .

دخلت مرة على البنك الأهلي فرع العليا وسألت موظف خدمات العملاء وين قسم الأسهم بالفرع بالله ؟

ناظرني بوجه مكفهر ونفس شينة وقال : فوق فوق ورجع يناظر بورقة معه .

قلت يالأخو اللي يشوف ردة فعلك يوم سألتك عن قسم الأسهم يقول اني سألتك كم أسعار الطماط هالأسبوع .

لكن اللي هذا أوله ينعاف تاليه وطلعت وتركته .