المساعد الشخصي الرقمي

مشاهدة النسخة كاملة : ابو شايع يسلم على ربع السوق الامريكي


أبوشايع
24-07-2002, Wed 5:53 PM
ابو شايع يسلم عليكم وتراني خبير بالامريكي وخصوصا بالكذابين منهم ولكن نصيحة من واحد اشتغل مع الامريكي والسعودي واحب اقول لكم جربوا السعودي على علاته ترى فيه خير كثير وخصوصا انتم الان لكم خبرة بالمضارية (من ضرب يضرب فهو مضروب ) والبيع والشراء تغلبون فيها كل شريطية السوق السعودي .

تعالوا ياهل الامريكي بقريشاتكم والله يحيكم واشاعات السوق سوف تغنيكم
الاحمدي
24-07-2002, Wed 6:07 PM
وعليكم السلام يا ابو شايع

الله يرزقكم زياده ..... لكن يقولون السوق السعودي في تريند نازل الان ( ما عدا طيبه ).

عندي كم سؤال لو سمحت ...
هل السوق الان مناسب للدخول؟
هل نستطيع تنفيذ العمليات من الانترنيت؟
كم نسبة الربح الشهري تقريبا؟

بارك الله فيك
alharbi
24-07-2002, Wed 6:14 PM
ياهلا والله بابوشايع

حياك الله في نيويورك
أبوشايع
24-07-2002, Wed 6:23 PM
اخوي الحربي

اشلون الجو عندكم في نيويورك والا تدري شلون الارباح عندكم اذا كانت زينه اشتر مكيفات الزامل وبرد على نفسك (افضل سهم كسبت فيه هذه الايام سهم الزامل )

اخوي الاحمدي

اقرا هذا الموضوع

http://thegulfbiz.com/vb/showthread.php?threadid=7658

صدقني ان في سوقنا شريطية وانتم خبراء في السوق تستطيعون تحلبون النملة فتعالوا عندنا وخلوكم من ابو 800 نقطة

وانا في خدمتكم ولكن فقط بالاشاعات اما التحليل والترند فهذا خرطي في سوقنا والا ايش رايك يابو ناصر ياراعي حراج بن قاسم (ترى عندي فيه بسطة والرزق على الله )
أبوشايع
24-07-2002, Wed 6:26 PM
الاحمدي

نسيت الارباح زينه ويمكن تنفيذ بواسطة الانترنت من الراجحي والامريكي
alharbi
24-07-2002, Wed 6:39 PM
ههههههههههه
حلوه ابو 800 نقطة

مكيفات الزامل مع الرطوبه تهر مياه

اما مكيفات يورك احلى ترى يابوشايع جربها
abonaser
25-07-2002, Thu 5:17 AM
ابو شايع

اللة يحييك ويبقيك انشاللة ويحفظ لك شايع واخوانة .

وسوقنا واللة فية خير . المواشي لوحدها تكسب والشركات الصغيرة ترتفع ويكفيني ارتفاع الشرقية الزراعية

اما مزحة الحراج :D :D ما كان قصدي السخرية من الحراج واهلة حاشا للة . المحل محل رجال ودوارة رزق وعيشة بعرق الجبين .

والترند والتحليل الفني في سوقنا ماظنيت انة ينفع . الي ينفع في سوقنا (وانا ماني خبير والراي لكم ) اما معرفة هامور او هامورين واذا طبوا طبوا معهم . او تصيد الاشاعات مثلك والرزق علي الكريم الوهاب

وتراهم يمدحون مكيف ال جي حق الكوريين . :D :D