المساعد الشخصي الرقمي

مشاهدة النسخة كاملة : الهامور (بينكم)صفقو له


هامور
19-07-2002, Fri 9:16 PM
الهامور بينكم
وهو متأثر منكم لانكم تهاجمونه وهو يسعى للرزق الحلال
شوفو- حنا نعتبر الاسهم لعبه فيها شطاره والشاطر من يضحك بالاخر
الحمدلله رزقنا حلال بالبيع والمشترى لكن الجديد الي بيجي السوق وهو جاهل فيه راح يلقى الخساره مره وحنا قبل مانكون هوامير اكلنا الخساره وطحنا على وجيهنا لين تعلمناوعرفنا اللعبه صح
فيه شي واحد لاحظته انكم كلكم بتهاجمون الهوامير ليه ؟ انا واصدقائي الهوامير نبي نعرف السبب وشو؟
الى الآن ماحنا عارفين!!
والله لو ننسحب كلنا من السوق ان ينهار !! اذا السوق بحاجه لنا ولو سمحتم كلكم صفقو للهوامير دايما
وسلامتكم
لا تيأس
19-07-2002, Fri 9:31 PM
لو انك هامور ماجيت عندنا كان يمديك هناك بعيد عن الهواء والغبار
ومرحبا
ولو سمحت سرب لنا من المعلومات الزينه
هامور
19-07-2002, Fri 9:59 PM
( قيض الرياض شين)
لكن الزين والله لحسة هالسكرالباقيه بالاسهم !!!
وانكانك (مره) مثل ما يقوله (اسمس) ترى حرمتي بتزعل علي هي تبيني ما ناظر لايمين ولا يسار. سيده وبس !! تكفين اعرضي عني انتي ناويه على تطردني تراها عندي الحين وقالت لي وش عهود ذي اكيد انت تعرفها وانا مدري وقاعد تلعب على الحبلين!!!
هاذي اولها وشلون تاليها!!!
ونكانك مره وش اللي جابس لللاسهم !!! اثركم مانتب سهلين يا لحرمات!!!!
وسلامتكم
لا تيأس
19-07-2002, Fri 10:09 PM
هههههههههههههههه
حرمتك ماهى واثقه منك
وعيونك زايغه مثل عيون عمى اللى طفش حرمته وجاب لها الضغط وبعدين وش جاب حرمتك عندك وانت بالاسهم لايكون شاريه بالتصنيع وانا ماادرى
انا قاعده على كبدك وبشترى الاسهم وماعلى منك
وهو حلال ماهو حرام ومادام حرمتك عندك تراك مانت هامور يمكن سمكه
لاتاكلك الهوامير
سلم على ام العيال وقل عهود ماهى مدورتنى
هامور
19-07-2002, Fri 10:22 PM
والله صدقتي انا قدام حرمتي (سمسةٍ صغيره) ما تقدر تلبط لا منا ولا منا !!!!!
ورغماالدراهم اللي تروح تحطها بالمكاييج !! وعزايم زميلاتها الا انها مثل البحر ماتشبع من الدراهم‍‍‍!!
والحين انتي يا هالحرمه تبين اسرب !! ولا ماناب هامور !! لا تراني ماناب هامور!و قدام كل حرمه انا (سميسةٍ) تلبط لبط صغير.
‍‍اقول ترى نبي نطلع عاد عن هالموضوع ترى ماهوب زييين ابد قدام الرجاجيل.
رابح
19-07-2002, Fri 11:49 PM
هلا بك, بس اللي يستر لا يكون ناوي تضف أسهمنا :)
حازم
20-07-2002, Sat 12:01 AM
السلام عليكم ..

حياك هامور .. لا تخاف .. ولا تهاب .. وأكلك دايم من الصغار ..
دووم تنادى بالتصحيح وتشرى بالرخيص .. وتلقى من هو معاك وأنت طالع ونازل .. تعطيه ربع ريال ويعطيك كل ماعنده ..
ووقت ماتتضح الأمور وتتسرب لك الاخبار .. تنزل السوق وتسحب الزين .. ولا تنسى ربى عطاك حظ سوق مغلق ووزاره نايمه وإدارات تسرب الاخبار ..

مره ثانيه حياك الله ..

_________
حازم
19 يوليو 2002
الحاجز
20-07-2002, Sat 12:47 AM
هلا وسهلا

جيت برجليك........صبوا القهوة ..........وخلونا نتفاهم معه
نديم الحيارى
20-07-2002, Sat 1:32 AM
وبعدين تقول الشاطر من يضحك بالآخر ، يعني مكاسبكم عن طريق الضحك على الآخرين ، كيف يكون حلال ، ما تعرف وجهة النظر الشرعية في تعريف البيع الحلال والحرام. إذا تبي الله يبارك لك ، ويغفر لك ما اكتسبته بالحرام في السابق ، فعليك إرشاد هالضعوف المساكين إللي معظمهم خسرانين ، إلى كيفية التعامل مع إخوانك السابقين الهوامير ، على الأقل يردون هالضعوف جزء من خسايرهم!! ويا مرحبا بك ، على الأقل نقرب من الخوف ونامن!!
هامور
20-07-2002, Sat 1:39 AM
مستعد للمناظره معاكم :
عهود: انت رجال مو (حرمه ) وخلك مع الرجاجيل احسن لك واترك (الذهانة) علينا!!! خلك ذهينعلى (السميسات) الصغار !! اهب عليك تبي تسريبات على طول كذا من اول نظرة !! انت اكيد تتربص للي مخبين شي وتشفط الاخبار الزينه اللي معهم وتعودهم على تسريب المعلومات !! طيب كان صبرت شوي تشممنا ريحة عطرك اول!! عشان يمكن نجود عليك بشي طيب يحولك من (غليٌم) الى صقارللاسهم!!

&&&&&
الحاجز: صحيح اني جيت برجليني وجية بطل مايهاب لانا ماحناب حرامية !!حنا نسلك في كل امورنا من مسالكها الصحيحة وكل شغلنا حلال وشطاره وكل سوق فيه محرج وفيه شاطر وفيه شويطر!!! وكلمة خلونا نتفاهم معاه كأنها تعبر انكم (شايليين) شي علينا الله يستر بس عسى مهوب حسد !!!
&&&&&
حازم:وزاره نايمه لالالالالالالالا .. لا تقول هالكلام !! الخوف دايما من النايم اذا صحى لانه بيصحى وهو مركز ويمكن يظهر منه شي بعد هالصحوه لكن يمكنهم الحين مايدرون ش يسوون ابد ابد !! السوق بتكبر وعملها يكبر لكنهم ماعرفوا يتدبرون امورهم بطريقه صحيحه!!! وبالنسبة للادارات اللي تسرب الاخبار انت حط نفسك محل اي هامور ورح قلهم انا مخصص 200 او 300مليون لاسهمكم وابي شي يساعدني عشان انجح معكم !! ماراح يرحبون بك وبس لكنهم بيشيلونك فوق روسهم ويراعون خاطرك في انك تكون اول من يعرف عن كل خطط واستراتيجيات الشركه !! مو انت بتشيل من السوق نسبه من اسهمهم تفوق 5% يعني انت تستاهل حبة خشم !! انت بتحرك السهم ويمكن تضاعف سعره يعني القيمة السوقية لاسهم الشركة بتصير مدبلة في السوق !!!!! افا والله تستاهل اكثر من حبة خشم! يعني انت بتكون راعي الطايلات .اللي ماطال افعاله احد!!

&&&&&
رابح:ترى عيب والله ان ( الهامور على قولتكم ) يضف الاسهم من الصغير الافضل لك تقول ان الصغير بيضف من الكبير !! يعني انت اللي بتضف السهم منا !!!الى !!!جا وقته.لان الصغير مايفتح الا تالي!!
&&&&&
وتراني احب المحاورة معكم لانه لازم منكم تعرفون حنا كيف نفكر اما حنا ترانا عارفين وشلون تفكرون علشان كذا حنا ناجحين في جذبكم للي جمعناه.!!! بس اهم شي لا يجي بينكم حرمه تشتغل في السوق لانا ضعاف قدام الحريم واولهم ام العيال اللي مسيطره علي !!وان حاولت اسيطر عليها قطتني وعيالي وراحت لاهلها!!
ويمكن ياعهود تسببين لي مشكله لو (انس) حرمة لان المدام هي اللي تساعدني على هالكمبيوتر الماخوذ ولازم اخذ خاطرها !!!!
وسلامتكم
حازم
20-07-2002, Sat 1:57 AM
السلام عليكم ..

أتمنى حبات الخشوم .. ماتشغلك عنا .. عطنا أخباركم أول بأول

______
حازم
20 يوليو 2002
هامور
20-07-2002, Sat 2:52 PM
حازم:
ما ننتظر حبة الخشم ننتظر حبة السهم اذا قام يحرث فالارض مثل الثور اللي يبي يهيج ثم ٍ انطلق وراح (يغول)
واذا وصل هالمواصيل اطلقه من يديك لانه راح للي يبيهم تراه ماعاد يبيك ابد ابد.
اطلزه .. الهامور كل شي (يزوَ ل له ).. ويحس بالاشيا قبل ما تاقع.
وسلامتكم
حازم
20-07-2002, Sat 8:28 PM
السلام عليكم ..

كلام سليم هامور ..
هامور
21-07-2002, Sun 12:11 AM
انتظرواكبر مفاجأة تتسرب في السوق !!! اللي راح تسوي تحول كبير في سهم؟؟؟؟؟؟؟؟ وسهم؟؟؟؟؟؟؟؟؟
وسهم؟؟؟؟؟؟؟؟؟؟ !!
ولا راح تصدقون قوة التحول فيي اسعارها !!!! طبعا تذكرون كذا سهم تحولت من الاسفل الى فوق وراحو الناس يطردون ورانا وماهم دارين ايش السالفة!!!! انتظروا بس وبتشوفون!!!!!
وسلامتكم
الحاجز
21-07-2002, Sun 12:28 AM
اراهن على علامات ؟؟؟؟؟؟؟؟؟؟؟؟؟؟ الاولى

بانها سهم السيارات
ابوفارس
21-07-2002, Sun 1:38 AM
ال؟؟؟؟؟؟؟؟؟؟؟؟؟ الثانية للجماعي
ال ؟؟؟؟؟؟؟؟؟؟؟؟ الثالثة للزامل

ولا يباشا هامور
المنارة
21-07-2002, Sun 3:16 AM
تابعت كل ما كتب ووجدت ان كلامكم الله يسامحكم ماله من رأس ولاساس ونسيتوني اخبار الاسهم امل ان يكون التركيز على الاسهم وبصراحة انتبهو00000للمواشي 00000
هامور
21-07-2002, Sun 10:55 AM
طبعا انتم مابتعرفون استراتيجية الهامور اذا بغى يضف الاسهم بابخس الاثمان!!!
ولما يجي وقت تحريكها تختلف الاستراتيجة !!!!(على فكره ترى فيه هامور اصلي وهامور تايواني!)
الاستراتيجية الاولى : التفكيك!
الاستراتيجية الثانية : الغليان!
واذا فيه شاطر بالاسهم يعرف ان الاستراتيجتين اولى في ( الضف) والثانية في (الصرف) مافيها تردد وتعتمد على ذكاء فوق الخارق !!!!
اما وشو التفكيك (هو انك كيف تفكك السهم من حضن حامله) والباقي تفهمونه!
والغليان ( هو كيف ان السهم ياصل الى نقطة الغليان !! ولازم (غصب عنك يظهر منك انت يالهامور )يعني ابشرح لكم شوية عن ها الغليان ( اذا ابريقك على النار وزاد فوحة (بيروح نصه) واذا كثر الفوح بيروح اللي في ابريقك كله (عشان كذا عندنا نقطة غليان لازم تظهر الاسهم منا والا راح يفوح (ابريزنا ) همن مانظهر !أ بشي!!
مفهوم!!! اكيد مو مفهوم لان هالكلام ذا ماراح يستوعبة الا الشاطر بس!! وبها المكان الطيب (اقصد المنتدى مالقينا الشاطر الى هالحين)!!
وسلامتكم!!!!!
هامور
21-07-2002, Sun 10:58 AM
على فكره نسيت اقول شي حول السوق هو انك لا تتفائل ولا تتشائم خلك متوازن بين الثنتين (متشا !!ئل !!!)
هامور
22-07-2002, Mon 4:08 PM
في مكان ثاني غير هالمكان سمعت عن صناعة هامور!!!
طبعا الهامور الجديد بيدخل للسوق ضعيف يعني قدر صاحبه المبلغ اللي بيجمعه بحوالي 50 مليون !!
يعني بيناطح براس غيره !!!!!!
يعني بخمسين مليون يبي يصنع هامور !!! حسب ما قال!!!!!
على فكره الهوامير هالايام بخمسمية مليون وفوقها !!!!اما تحت هاذي هويميرات حجمها مثل (السمسة)!!!!
وسلامتكم
هتان
22-07-2002, Mon 4:29 PM
الهامور وش علا قتك بأ صحاب الشركات وأذا كان صحيح ما هو المقا بل
هامور
22-07-2002, Mon 5:14 PM
من طرحك للسؤال بيدل على انك لسه صغير !!! اصحاب الشركات هم المساهمين !!!!! وكل المساهمين مسئولين عن كل اعمالهم !!!!!! اما المقابل !!!!!! مافهمت ايش تقصدمن المقابل(لاتظن السوء) !!!!
الهوامير المفروض اللي يحصلون مقابل !!!! القيمة السوقية للشركة بترتفع بدرجه كبيرة !!! واحيانا مضاعفة !!! هذا شرف كبير للشركة من كل هامور !!!!! ومثل ماقلت في وقت سابق المفروض هذولا يحبون خشومنا ويكثرون من حب الخشوم!!!!!
والله لايحرم السوق من الهوامير !!!!
وسلامتكم!!!!
المنارة
22-07-2002, Mon 6:37 PM
ليه ما يكون فرخ الهامور
هتان
22-07-2002, Mon 7:22 PM
انت قلت أن ارباح الهوامير حلا ل بس التظليل وعدم الشفا فيه وش رايك فيها
هامور
23-07-2002, Tue 2:46 PM
لما الهوامير بيضعف شراءها في(الاسهوم)ماتلقى من يحركها !!! اذا ادعوا للهوامير ان الله يفتح شهيتهم (للشرى)اكثر واكثر!! وانه لايحرم السوق منهم !!!ترى دورهم !واجد ! كبير!انتم دايما تهاجمون الهوامير بس ماتعرفون قيمتهم الا لما يغيبون عن (الشرىَ)!!!دور الهوامير في السوق لازم الكل يعرفه لان الكثيرين كسبوا عن طريقهم! اما اذا جا واحد عليمي وبغى يلعب بالسوق وهو ما يدري عن شي ابد عليه انه يتحمل قراره بنفسة!!!
وفيه واحد في هالمنتدى الطيب طلب امس نصيحة في اي االاسهم يشتري !! !انصح اخونا ذا يطلع من السوق فورا اذا بغى يطيع نصيحة الهامور لان الهامور واي هامور اخر يموت في نفسة ولا يمكن ينصحك بالاسهم الزينة الا في حالة بغى يصرف اللي عنده!! اما اذا بغى يجمع فهو يجمع بسكات مره من دون (مايوحي )حسه احد!!!
وسلامتكم
هامور
23-07-2002, Tue 11:47 PM
ابتداء من بكره ولمدة اسبوعين رايح اتمتع باجازتي السنوية !!! بابتعد عن السوق شوي!!!وبعض الهوامير الان في اماكن عديده من العالم !!! انشالله مايرجع السوق للورا بعد ما تكون الهوامير بعيده !!!

و انتبهو لثلاثة اسهم خطيره (بالحيل بالحيل ) سبق قلت عنها انها بتتحول بصوره مو معقولة ابد ابد!!!
والله لايحرم السوق من الهوامير .قولوا امين!!!
وسلامتكم
مستر سهم
23-07-2002, Tue 11:50 PM
وشهي الثلاثة الاسهم الخطيرة ؟؟؟؟؟
هامور
24-07-2002, Wed 1:21 AM
خذ القايمة اللي فيها اسهم السوق كله !!معاك ستة قطاعات!!!
كلها بتتراجع !!! افحص تمام كل قطاع وفكر فيه!!! البنوك خليه على جنب لانه بيتراجع والهوامير وقفوا الشراء فيه حتى وصوله لنقطه معينه !!!ويبدا الهوامير يحركونه لانه فيه بطيء!!! روح للصناعه بتلقى فيها شركتين من اللي ذكرت لك!!! روح لللاسمنت مالي تعليق عليه !!! روح للخدمات بتلقى فيه وحده راح تكون !!!
واسمح لي مااقدر افصح اكثر من كذا !!!
وسلامتكم
هامور
08-08-2002, Thu 1:42 AM
طبعا كانت الكابلات اكبر المفاجاءات من الاسهم الثلاثه الخطيره اللي ذكرتها في وقت سابق!!!ولانه سهم لشركه خسرانه فوق الخمسة ملايين وشوي الا ان الهواميراتاحو لكثيرين انهم يعينون منها خير!!!وللاسف اللي ماغرف منه اليوم ماله حظ!!!
واللي ماعرف لسهم السوق تعلق فيه!!!
بافي سهمين خطيرين مره!!!
سهم ؟؟؟؟؟؟ وسهم ؟؟؟؟؟؟؟؟
حاتم
08-08-2002, Thu 4:39 PM
...اتعبت الاخوان بارك الله فيك ..بس انت عاملها حزر فزر اعرف..مين!!! ياخى ادا انت فعلاااا هامور وانا اشك فى دلك...لان الهاموررر الكريم مثل حق الكيبلات50% اوانك يمكن من هواميررر كل شىء بريالين هههههههههه...واد انت وانا غلطان ..قل وش اللى باقى بدون لف ودوان..ادا بودك تنفع وتحصلك دعوه زينه من صغير خسسسران....والا..خلك فى شغلك..وربنا بيسلطنا عليك ويوفقنا.
هامور
04-09-2002, Wed 11:28 PM
التعمير!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!1
حاتم
05-09-2002, Thu 12:28 AM
...على بركه الله يالهامورر..!!!!!! لكن التعمير هى التدمير ...بيحط اجدار وش كبره وان كانك هامور صح هزه..هههههههه.!!! على كل حال مافيه بهالسسسوق شىء مسستحيل..بس متى نبداء والى اى حد انت بتوصلها ...؟ عساس نعرف وش كثر نستثمر ..شف ترى بنجربك ولاتخيبنا...او تعلقنا...؟.ادا صار كلامك تمام التمام ..والله بس تأششششرمن بعيد.. وانا متاكد ان ششششاء الله الاخوان بيدخلون معك لو فى اخس شركه مثل الفنادق..وش تبى عاد..؟؟ احسن من كدا شىء بس اصدق وبشرلك برجال يهزون السوق هز..ونبى ردك الله يسلمك.
أبو علي
05-09-2002, Thu 1:53 AM
الله يكفيك شر نفسك يا أخ العرب
راجع حساباتك.... وأرجوك لا تدخلنا في سواليف جانبية
قل خيرا أو لتصمت
ابو نجــــــم
05-09-2002, Thu 2:08 AM
التعمير !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!
نشوف بكرى يا هامور؟؟؟؟؟؟؟؟؟؟؟
مشاور
05-09-2002, Thu 2:55 AM
هلا اخوي هامور عساك على القوة
هامور
05-09-2002, Thu 11:54 AM
التعمير!!!!!!
التعمير!!!!!تجميع مليون سهم بسعر يتراوح مابين 43.5 الى 46.5 ريال = مبلغ يتراوح مابين 43.5 الى 46.5 مليون ريال .

هذا السهم اكثر الاسهم التي يطمح الى تجميعها كل عاقل

تجميع مليون سهم للتعمير بسعر يتراوح مابين 55 ريال الى 66 ريال = 55 مليون ريال الى 66 مليون ريال
الهامش الربحي هنا قليل في الحاله الثانيه.
اذا رايتم زحف التعمير بصوره بطيءه يتبين لكم الفارق بين الحالتين.
سهم التعمير يوجد عليه قتالية لتجميعه بسعر منخفض .
انطلاقته وشيكه
انطلاقته وشيكه
انطلاقته وشيكه
انطلاقته وشيكه
انطلاقته وشيكه
بصراحه وللمره اقولها اخطر سهم يمكن اطلاقه الى مافوق 100 ريال.
اذا لاتلومون جامعيه
لان ...........................................
...............................................!!! ! الباقي عليكم.

لاحظوا اليوم تحركه!!!!
تحرك مدروس جدا.!