المساعد الشخصي الرقمي

مشاهدة النسخة كاملة : قوموا نصلي على الغايب



نديم الحيارى
15-07-2002, Mon 11:54 PM
قوموا نصلي على الغايب

الناس قدام وحنا وقتنا قد فـــــــــات ....... نعيش عصر مضى والدهر قد فاتـه
ما ندري إللي حصل بالكون من لفات ....... نقول كنا ولا نقوى مجاراتــــــــــه
نهوى السفر نبغي الراحة مع اللـذات ....... باريس ، لندن ، وأمريكا وولاياتـــه
نصرف بلا حدود في جية وفي روحات ....... نبي رضا الخصم لكن كيف ، هيهاته
نهلي بهم بارضنا نعطيهم الخيــرات ....... نقول سمعة نبيها في كتاباتـــــــه
لونا نسينا ترى ما ينسوا إللي فــات ....... الحقد باقي بدمه وبشهاداتـــــــه
لو هو تلون فحقده ما يبي إثبــــــــات ....... كل المحطات تكشف عن قناعاتــه
ولو نطلب الحق قالوا زمرة وجنـــات ....... ولونا خضعنا وحاولنا مداراتــــــــــه
يبون إذلال للإسلام يا ســـــــــــادات ....... يبون تنكيل بالإسلام ودعاتـــــــــه
إنجيل ظاهر وحكم الكون للتـــــورات ....... صهيون يكسب بأ مواله ولعباتــــــه
إستخدموا العقل وحنا العقل بالمكشات ....... واستخدموا المكر سادوا كل ساداته
وانهار تاريخ ومجد كان له وقفــــــــــات....... نستجدي الخصم كوده يرحم رفاته
وإللي صحىفار دمه وانتخى الحسرات ....... من غير فكر تصرف من معاناتـــــه
خرب على العقل يأخذ دوره بميقــات ....... عطى الأعادي خرايط عن مسافاتـه
ثبت علينا التطرف لأبسط الـــــــــزلات ....... نلهى ندافع مواطن مع قيــــــاداته
قوموا نصلي على الغايب على من مات ........ عقل فقدناه نحيا في متاهاتـــــــه