سوقنا أفضل و أكثر منطقية من بورصة نيويورك... والا لأ!؟

[كاتب الحي]

المكان: بورصة نيويورك.
الزمان: بكرة.
هذا واحد من أخويانا رايح نيويورك عنده دوره، ومر له على البورصة يبي يشوفها و يعرف نظامهم.. خوينا هذا اسمه (محمد)...
محمد يوم دخل البورصة انهبل، قعد يطاله مهوب مصدق... الدعوى كلها سمسرة و شغل نظيف..
شافه واحد من الأمريكان، استظرف شكله و راح لمه و سأله: وش سالفتك؟ وراك منهبل؟ ما قد شفت خير؟
محمد: يخوي متعود انا على صالة الراجحي... ما فيه الا 3 شاشات و المكان صغير مهوب زي كذا ابد
الامريكي: وشلون يا هبيبي، انتم اهل بترول. انت تتكلم جد؟
محمد: يخوي صدق اجل تبيني (اتسذب)، و بعدين سوقكم غريب، فيه الخضر و الحمر!
الأمريكي: وانتم وشلون!؟
محمد: احنا ما عندنا الا يا خضر يومين، يا أحمر مليون يوم.
الأمريكي: ohhhh no way
محمد:المهم، عندك علم عن شي سنع ندخل فيه؟
الأمريكي: والله المشاريع الإستثمارية لIntel كويسة، و Oracle ماهي شينة، اتوقع بعد ربعين راح تكون النتايج كويسة مرة.
محمد: وش مشاريعه، انا ابي هبشة.. ما تعرف لك هامور طارف.
الأمريكي: وش دخل الهوامير بالسوق، الهوامير في البحر!
محمد: يخوي انا اقصد ناس عندهم دراهم واجده يلعبون لك بالسوق و يعطونك علم!
الأمريكي: ما فيه أهد يقدر يلأعب بالسوق يا هبيبي. هدا سوق هورة، ينزل سوق أو يطلع سوق بلا سبب بعدين يموتون ناس
محمد: ليش، ما عندكم سياري زي اللي عندنا؟
الأمريكي: يا هبيبي اهنا هنا مستكلة... ما فيه يأدر يتهكم في هذا سوق.
محمد: يا رجال شكلك من جنبها!
الأمريكي: اوكي هبيبي، انا لازم اروح اقرا كتاب عن shares علشان موووور موني يا هبيبي....
محمد: أقول بس في أمان الله (الله يخلف علينا و على سوقنا و على دراهمنا)