swift
06-06-2004, Sun 4:54 PM
وش ذا السوق ؟
ينزل اسرع من ادخال الأوامر ولا وش السالفة ، سلامي على اللي أقلقنا بالأيام اللي فاتت تحقيق وتنعيق .
انا داخل العصر ابنفظ المحفظة بس ما عطوني فرصة اللهم عافنا ، تقل مقيول لهم ان السوق بيصك بدري اليوم .
اليوم كنت اتكلم مع اثنين في العمل أول مرة أدري انهم يتعاملون بالاسهم ولا يعرفون شئ اسمه منتديات الاسهم بالانترنت ، واستغربت بشدة يوم دريت منهم انهم كلهم طلعوا من السوق بأول وثاني يوم من بداية النزول الكبير ، وقلت لهم غريبة هذا وانتم جدد على السوق مالكم 4 شهور ، قال واحد منهم ، هذا شقى العمر ، موش بعزقة . قالوا لي وانت ماشاء الله عليك اكيد طالع قبل النزول ، انت ما ينخاف عليك . عاد انا شكلي اللي ما يعرفني زين ، يقول هذا ذهين وذيب . ما عرفت أرد ، وش أرد ووش أقول .
صراحة حسيت انا جعايف كلبونا يا حقين المنتديات ، وما عندنا الا سالفة تطبيل ، ارجاف ، توصيات ، توريط ، كل هالكلمات في القاموس ، لكن ما عندنا سالفة الحق قروشك يمل الغنيمة لا يتماعطونهن الرجال وخل الثقل والمفهومية في السوق بعدين .
ينزل اسرع من ادخال الأوامر ولا وش السالفة ، سلامي على اللي أقلقنا بالأيام اللي فاتت تحقيق وتنعيق .
انا داخل العصر ابنفظ المحفظة بس ما عطوني فرصة اللهم عافنا ، تقل مقيول لهم ان السوق بيصك بدري اليوم .
اليوم كنت اتكلم مع اثنين في العمل أول مرة أدري انهم يتعاملون بالاسهم ولا يعرفون شئ اسمه منتديات الاسهم بالانترنت ، واستغربت بشدة يوم دريت منهم انهم كلهم طلعوا من السوق بأول وثاني يوم من بداية النزول الكبير ، وقلت لهم غريبة هذا وانتم جدد على السوق مالكم 4 شهور ، قال واحد منهم ، هذا شقى العمر ، موش بعزقة . قالوا لي وانت ماشاء الله عليك اكيد طالع قبل النزول ، انت ما ينخاف عليك . عاد انا شكلي اللي ما يعرفني زين ، يقول هذا ذهين وذيب . ما عرفت أرد ، وش أرد ووش أقول .
صراحة حسيت انا جعايف كلبونا يا حقين المنتديات ، وما عندنا الا سالفة تطبيل ، ارجاف ، توصيات ، توريط ، كل هالكلمات في القاموس ، لكن ما عندنا سالفة الحق قروشك يمل الغنيمة لا يتماعطونهن الرجال وخل الثقل والمفهومية في السوق بعدين .