ديـــــــــلـــــــر

[أبو البندري]

هلا يا فرصةٍ ضيعتها مبطي وجت ذلحين
هلا يا فرصةٍ ضاعت ولا زلت اتمناها
هلا بك كثر ما شمس الغروب توادع الحيين
وقول الحي منا باكر بتشرق ويلقاها
هلا بك فرصةٍ ضاعت وهي مكتملة التكوين
فقدناها كذا والا كذا لكن فقدناها
ترى الغالين لو غابو سنين وعودوا غالين
يكفر بالمجي عن غلطته له قد نسيناها
اهليبك هلا واهلا واهليبك هلا واهلين
هلا يا فرصةٍ غابت وخفت ارجع ولا القاها
هلا بك في مكان ما تغير بين حين وحين
يكون بذور تزويد الغلا برضه زرعناها
طلبتك حاجة ولا ودي تقول لي بعدين
وهي لو كان صعبة منكم ما طلبناها
وتأكد منت بالحالك شقاوي كلنا شاقين
ولو حصلت لك مرتاح شف حوله بقاياها
تبسم بس وتشوف اكثر اللي معك مبتسمين
كريم ولا تشح بحق ناس شوفك احياها

انا لك وانت لي واللي بقا يبقون للباقين
وترى كل القصيدة لك من آخرها لمبداها

مقتبسة بتصرّف