المساعد الشخصي الرقمي

مشاهدة النسخة كاملة : تصويت : أذكى و أغبى مضارب ؟!


سابك الخير
08-03-2004, Mon 11:13 AM
المتابع للسوق يلاحظ تفاوت لذكاء و غباء بعض مضاربي الشركات .

و هنا هدفي من الموضوع ..

الإشاده ببعض مضاربي الشركات و الشهاده لهم بذكاءهم في التجميع ... و كشف غباء بعض المضاربين في تجميعهم .

و سأبدا فـــ أقول :

أذكى المضاربين : مضارب سابك و الإتصالات و سافكو و مكه و صافولا و إسمنت السعوديه و حائل و السيارات.

أغبى المضاربين : مضارب الكهرب و الجماعي و التعمير و مبرد و الجبس و المواشي.
alharbi
08-03-2004, Mon 11:26 AM
كلهم فيهم الخير والله يبارك لهم لكن لي عليهم ملاحظة وهي ان سياراتهم الظاهر قير عادي ماهي اوتوماتيك

لان سيارة القير العادي اذا كان راعيها غشيم تنتع معه وتطفي وهذا الي صاير في السوق ينتع السهم نسبتين او ثلاث ثم يطفي شهر . واذا كنت راكب معه وشفته وقف انزل بدون تردد لانهم يطولون في وقفتهم

وشوف الجوف كمثال على الزراعيات وتابع الاسهم الباقية في السوق تجدها مشابهه

ما قلتلك ان سياراتهم قير عادي ماهو توماتيك :p ;)
alharbi
08-03-2004, Mon 11:36 AM
وهذا سهم القصيم

كان 20 ونسيه اشهر وفي اسبوع دبله الى 40 ويوم وصل الاربعين جمده اربعه شهور تقريباً ورجع دبله الى 80 في اسبوع .

وما ادري متى بيشغل ولكم الى 120 والا ناوي يدبله مره ثالثه الى 160
سابك الخير
08-03-2004, Mon 11:37 AM
أما سهم الجوف ما ينباع ... لو ندقها كعابي مع مضاربه الغبي .

لأن سعرها رايح للـــ 120 لو كعابي .
سابك الخير
08-03-2004, Mon 11:47 AM
ما قلت لكم مضارب الجــــماعي (( غبي ))

قاعد يجمع بالسهم من شهرين .

لا و يبيه تحت الــ 110 !!! اليوم توهق خلصت العروض تحت الــ 110 ثم نفذ 110 وهو ما يشوف الجاده .:D :D :D
سابك الخير
08-03-2004, Mon 11:53 AM
شباب : فيه أحد يقدر يلحق مضارب سابك و سافكو و صافولا :p :p

أتوقع صعبه جدا .
أبو محسن
08-03-2004, Mon 12:00 PM
الحمد لله وله المنه سابك و مقفلين عليها في التجوري لاشعار اّخر وقاعدين نقرمش في اسهم مكه وسافكو وقبلها عسير وبعناها
kaas
08-03-2004, Mon 12:06 PM
الرسالة الأصلية كتبت بواسطة سابك الخير
ما قلت لكم مضارب الجــــماعي (( غبي ))

قاعد يجمع بالسهم من شهرين .

لا و يبيه تحت الــ 110 !!! اليوم توهق خلصت العروض تحت الــ 110 ثم نفذ 110 وهو ما يشوف الجاده .:D :D :D

الرجال بيصرف بيحط طلبات بكميات وبعد كذه بيسحبها (وهميه)
الريان
08-03-2004, Mon 1:47 PM
اذكى مضارب هو مضارب التعمير (اقدره كثير)

واغبى مضارب هو مضارب نماء وجيزان والاحساء

اغشم مضارب هو مضارب جرير ( ماهوب عارف وشلون يرفع السهم ووشلون يمسكه)

اشرس مضارب هو مضارب الجبس (ما يرحم احد)

اقوى مضارب هو مضارب الكهرباء

اعقل مضارب هو مجموعه مضاربين الاسمنتات ما عدا تبوك
كسبان جدا
08-03-2004, Mon 1:52 PM
أذكى وأشرس مضارب هو مضارب الكابلات والسيارت واللجين وأشرسهم مضارب الكابلات مهوب صاحي (رفع ضغطي) نزل السهم من 89 الى 82 في غمضة عين:mad:
Spider
08-03-2004, Mon 2:02 PM
أتفق معك تماما يالحربي في سهم السيارات ياشيخ يذكرني بالتريلات اذا جت تطلع طريق القديه مكه الرياض السريع.. يمديك تنزل وتدور على التريله وتدخل من تحتها وهي تمشي وتركب وهي ماتعدت خطوه .................



:D :D
أبو مسامح
08-03-2004, Mon 2:33 PM
بعيد عن المضاربين
أغبى شي عندنا في السعودية هي ( مؤسسة النقد ).
ice road
08-03-2004, Mon 2:47 PM
لا أقدر أن اقول غباء ترفعا .
ولكن ماذا ينتظر ذلك النائم والسوق في وضع ممتاز .
شركة صدق .
Saads
08-03-2004, Mon 3:35 PM
السلام عليكم

يقولون والعهده على الراوى انه فى واحد عليمى نصحوه بسوق الاسهم بس مضارب يومى يعنى ياخذ ربحه ويطلع راح لاحد البنوك السعوديه فى مدينه ؟؟؟؟؟؟
أخينا توه صاحى من النوم مامداه يغسل وجه ثوبه ماهوب مكوى ماذاق الفطور بعد دخل على مدير بنك وفلوسه فى جيبه ولانه خايف عليها حاط ايده فى مخباه ويقول للمدير اسمع ابى اضارب اليوم واللى فى امه خير يطلعنى لا واسمع بعد كل يوم باضارب وانا ادرى انه مافى حد كفو
طبعا المدير خاف على نفسه خاف على سمعه البنك وطلب من الاخ ان يقعد ثوانى يسويله القهوه المدير راح للغرفه المجاوره واتصل فى الشرطه تعالو لحقونى واحد مجنون يبى يضارب لا وبعد حاط ايده فى جيبه مادرى وش يخبي طبعا الشرطه ماكذبت خبر قبل مايقفل المدير التلفون الا والشرطه فى مكتب المدير
الضابط ........ وش عندك هنا
المضارب..... والله طال عمرك نصحونى الاخوان فى منتدى الخليج انى اضارب يوميا فى البنك
الشرطى............... نصحوك تضارب من
المضارب.......... نصحونى اضارب فى البنوك
الشرطى........... ليه البلد مافيه امن ليه تضارب فى البنوك
المضارب....... ياطويل العمر بس كذه هى تجربه اذا نجحت رحت لغيرهم
الشرطى.......وش اللى فى جيبك
المضارب........المضارب يضحك بابتسامه مبسوط من نفسه ويقول ياطويل العمر هذا السلاح اللى باضارب فيه

طبعا هو قال الكلام هذا الا والشرطه تنقز على المضارب ويكتفوه ويفتشون جيبه الا ويلاقون فلوس ماهوب سلاح

الشرطى........... وين السلاح
المضارب .........والله ياطويل العمر ماعندى سلاح
الشرطى.........من شويه تقول عندك سلاح
المضارب ........ايه ياطويل العمر فلوسى هى السلاح ابى اضارب فى البنوك

طبعا المدير فطن للموضوع وسحب الضابط وقام قله يبدو ان هناك لبس فى الموضوع الراجل هذا يبى يشتغل فى سوق الاسهم كمضاارب يومى يعنى مامنه خطر ولا يحزنون. طبعا الشرطه رجعوا الى مكاتبهم

المدير للمضارب وش الاسهم اللى بتضارب فيها
المضارب............بنك الراجحى ياطويل العمر
المدير.........كم راس مالك
المضارب........وش تقول
المدير .......كم معاك فلوس يعنى بيزات يعنى قروش
المضارب........الف وخمسمائه ريال
المدير .........عطنى عرض اكتافك
المضارب........والله مأدرى كم عرض أكتافى
المدير ينادى رجل الامن فى البنك ويطلعون المضارب بره البنك وهو يندب حضه

أبو محمد
المنسي
08-03-2004, Mon 3:47 PM
بعيد عن المضاربين
أغبى شي عندنا في السعودية هي









( مؤسسة النقد ).
:o