المتطورة...اه يالقهر

[jnpr]

4 شهور صابر على المتطورة شاريها ب 67 وبعتها يوم السبت ب 59 خوفا من النزول
يعني 4000X67=
59X4000=يعني خسارة حوالي 32000 بالاضافه الى عمولة البنك وصبر وخسارة مئات الفرص
:grin: :cry: :cry: :cry:
الله يعوض علينا.
4شهورصبر:mad:

[jnpr]

والشرقية الزراعية شريتها 43 وصبرت شهر وبعتها ب 42,5
5000 سهم يعني تجميد مبلغ كبير والنتيجة خساير
ارجو النصيحة
اين يكمن الخطأ؟؟؟
هل معنى ذالك ان الانسحاب افضل؟؟؟
مع انني ربحت وعينت خير اول ما دخلت السوق
بس صار لي 3شهور وين ما اطقها عوجة
ارجو النصح من اهل الخير

[ابو عاصم]

خلك في الاسهم النشيطه ان نزلت تطلع وان طلعت تنزل هذا واحد
اثنين راقب سعر السهم واعمل مقارنه بين سعره الحالي ومسيرته السنويه والشهريه والاسبوعيه حتى تعرف وين تطب
ثالثا اطلب التوفيق والسداد من رب العباد وهو الاهم

[jnpr]

مشكور اخوي بو عاصم

[الريان]

احس ان الشرقيه بتطلع خلال هاليومين لان واضح فيها تجميع وما ودي اقولك اشتر كثير فيها اخاف اورطك بس خل عندك شوي فيها

[mordy]

ا خوي jnpr

شوف بعض الاسهم غير نشيطه ، والفرص تجي وتروح ، انت بعت يوم السبت صحيح هل اشتريت امس الثلاثاء

اذا اشتريت فأنت اصبت فرصه تعوض عليك خسائرك ام اذا انت متردد فهذي مشكله ، ثم ليس للواحد الا

ماقسم له من الرزق ، تصدق شريت سافكو الاحد وبعتها الأثنين بخسارة 7 ريلات بس بصراحه مانقول الا

قدر الله وماشاء .

والا نسان اهم شيء يتعلم من اخطاءه

وسلامتك

[Abo Al-hon]

لا تشكيلي أبكيلك.....

[jnpr]

اخوي الريان اشكرك على النصيحة بس ابيعها ب42.5 واشتريها ب45 والسوق متجه الى نزول والله العالم.
حبيبي موردي :بصراحة ما شريت امس لان المرة الماضية لما نزلت وصلت 44 فما حبيت استعجل والسوق ما يطمن.
ابو الهون:(وفي السماء رزقكم وما توعدون)
عسى الذي ابطآ عنا هو خير لنا

[الريان]

الشرقيه الزراعيه وصلت 45.25


شكلك مقرود يا جنبر المفروض يصير اسمك من جنبها بدال جنبر لوووووول امزح لا تزعل عليها

بس الشركه اللي تبيعها على طول ترتفع ..... تدري وشلون : لي بغيت تبيع اسهمك كلها في شركه معينه علمني اسمها عشان اشتري لوووووووووووووول ... خلونا يا جماعه ننكت شوي ترى طيحت الاثنين سوت لنا اكتئاب

فيه حوطي اتصل على البداله 905 وقال لهم ابغى رقم الشرطه قالو له ثلاث تسعات قال بس انا ما عندي في التلفون الا تسعه وحده قال له راعي البداله وشبلاك عسى ما شر انت حوطي قال ايه وشلون عرفت اكيد عندك كاشف لووووووووووووووووووووول .
ولا يزعلون علينا الحواطى تراهم خوش رجال بس تعودنا على قلوة فيه حوطي

[jnpr]

عليك حركات انما ايه؟؟؟
الله يوفقك وجميع الاخوان
تدري ليش اسمي JNPR؟
روح الاسهم الامريكية ـ الناسداك تشوف شركة امريكية اسمها JNPR
شريتها ب 63 دولار
بعد احداث سبتمبر نزلت ال 4,5 دولار
بعد ما خلص الصبر بعتها ب 9 دولار
الان 18 دولار
على فكرة ,بعد ما بعتها بخسارة تزوجت وحدة ثانية
قلت ابرد قلب
على الاقل نوسع الصدر باقي العمر
ولا القهر
كلام جد

والان شكلي بصفي واخذ الثالثة:D :D :p ;)

[ابن حلال]

تركد اولا .... اقنع ثانيا .... لا تعاند السوق ثالثا .... اذا اتخذت القرار نفذ ولا تتردد

واذا شفت ان وضعك سييء رتب اوراقك من جديد وكانك توك بادي

ترى النفسيه السيئه تأثر على الشخص وتفقده الثقه بنفسه