المساعد الشخصي الرقمي

مشاهدة النسخة كاملة : كيف تستثمر مثل هالمبلغ ؟


أبو لميس
02-12-2003, Tue 2:56 PM
إذا كان لديك مبلغ ما يزيد عن 50 ألف ريال كيف تقدر تستثمره غير مجال الاراضي والاسهم لأن المبلغ لا يكفي وخاصه إذا كنت تبي تستثمره في مشروع يجيب لك دخل شهري ... هل ممكن نعرف أرائكم في مجالات الاستثمار بي هالمبلغ ... أكون شاكر لي تجاوبكم معاي
عابر الرمشين
03-12-2003, Wed 2:23 PM
اخوي اذا تبي نصيحتي واريح لك من الغثاء بمبلغ 50000 ريال لن تكون تاجر الا اذا الله كتب لك ذلك على العموم اخوي اشتري لك مغسله بمبلغ 35000 ريال وحول المبلغ ذا والافضل ان تكون مؤجره من قبل العمال واجرها عليهم بمبلغ 3000 ريال او 3500 ريال وخلها تجيب لك دخل صافي واذا مللت منها بيعها بنفس المبلغ لانها مؤجره على العمال
وياريت اخوي تروح للموضوع هذا
اخوك عابر الرمشين

http://thegulfbiz.com/vb/showthread.php?threadid=20615
أبو لميس
03-12-2003, Wed 3:45 PM
أشكرك يا أخ عابر على رأيك هذا

بمبلغ 50000 ريال لن تكون تاجر ,,, من أولها تحطيم لي المعنويات :rolleyes:

والله يا أخي كل ما جمعنا مبلغ صرفناه في سفريات وخلافه والعمر يمشي وإحنا لسه ما سوينا شي . ومشروع المغسله فكرت فيه وحاولت ولكن المغاسل كلها فوق الخمسين وخاصه في أحياء الشمال الرياض إذا تعرف لي مغسله يا أخي عابر في حدود هذا السعر ويكون دخلها الصافي مثل ما قلت مبلغ 3500 أو حتى لو أقل خير وبركه ... تعمل فينا خير


ولا تحرمونا من أرائكم إذا أحد عنده مشاركه تفيدنا وتفيد الاخوان هنا يا أعضاء المنتدى الله يجزاكم خير
جــــــراّح
08-12-2003, Mon 3:58 PM
اخي الكريم

انصحك بالمتاجره بالاسهم السعوديه

ولكن لا بد من أمرين:

الاول: ان تتابع شاشة الاسهم واسعار الشركات والمنتديات الاقتصاديه لمدة ثلاثة اشهر

الثاني: ان تبدأ البيع والشراء (( وهميا )) وترى مدى نجاحك في اقتناص فرص السووق لمدة ثلاثة اشهر

وبعدها انشأ محفظه اسهم في احد البنووك وتوكل على الله

ولا تطمع في الربح .. وهذا اهم شئ ..

50,000 ريال تستطيع ان كنت تبيع وتشتري وربح مابين الربع والنص ريال شهريا مالايقل عن 4000 ريال

هذا اذا كنت نشيط وموفّق في اقتناصك لـ فرص السووق ..

واذكرك لا تطمع ارضى بالقليل يأتيك الكثير

( اعرف لي شخص استلف 35,000 ريال وخلال ثلاثة اشهر اصبحت 100,000 ريال )

هذا رأي شخصي وتجربة مريت بها أنا والحمد لله ربحت ورأس مالي في ازدياد

اتمنى لك وللجميع التوفيق والنجاح
أبو لميس
13-12-2003, Sat 5:30 AM
ألله يعطيك العافيه يا أخي جراح كفيت ووفيت
ولكن يا أخي حكايه الاسهم مالي خبره فيها أبدا ولا أعرف كيف طريقه الشراء والبيع ؟
وإيش قصدك أبدأ بي البيع والشراء بي طريقه وهميه ...........
إذا تعرف أحد يعلمنا متاجره الاسهم بي شكل عملي في الرياض وله أتعابه ممكن تدلنا عليه