العامل النفسي في التداول بالاسهم وتاثيره على ارباحك وراحتك

[ابن حلال]

في السوق كل يوم اعتبره يوم جديد وحاول تكسب فيه ولا تنتظر الاسعار السابقه لين تجيك

حدد الرينج (حدود) للاسهم التي تضارب عليها وحاول اقتناص الفرص وان لم تجد فرص في ذالك اليوم فانت محق احتفظ باسهمك لا تفرط فيها لان السوق باذن الله طالع فوووق فوووق

وعلى فكره تحريك السوق يشجع الناس على الشراء والبيع والتداول فترجع الثقه من جديد للسوق وهذا عامل ايجابي

فيه دراسه نفسيه تحث على ان الخسران يطلع من السوق ويعتبر المبلغ الوجود لديه هو راس ماله ويبدى في الاستثمار من جديد والمضاربه من جديد

لان نفسيته سوف تكون افضل وبهذا بامكانه تحقيق ارباح افضل واستعاده راس ماله بالحركه بدلا من الانتظار

لانه في احيان كثيره تطول مده الانتظار للعوده الى الاسعار السابقه

انظر ما نحن عليه الان ... لنا شهرين ننتظر الاسعار الماضيه ولا رجعت !!

فكروا بالنظريه النفسيه السابقه واذا طبقتوها تعرفون قيمتها

انا مجرب ووجدت يالله لك الحمد ثمرتها ... نفسيتي وحصيلتي الربحيه اصبحت افضل

بس عامل اتوقيت مهم جدا

وسوقنا واضح الحين في نهايه السوق تجدهم يرفعووووونه فوووق

يعني راقب السوق واذا نزل السعر اشتر ولا تخاف وفي اخر خمس دقايق بع سهمك على الناس وباذن الله انت ربحان وترجع لعيالك وانت مبتسم :D

[مستشار مالي]

يابن الحلال .... اول شي اتمنى ان تكون بصحة جيدة

هل تقصد بأن يعتبر المبلغ بعد الخسارة ( رأس مال ) بعد البيع؟

لأنه لو ما باع بخساره وحصل على الكاش فسيصبح رأس ماله مجمد بالاسهم ولن يستفيد من التذبذب الحاصل بالسوق هالايام.

[ابن حلال]

صححح عليك

ياهلا والله بالمستشار المالي وشلونك بشر عنك

يالله لك الحمد كل الامور بخير ونعممه

[mordy]

طريقه حلوه واهم مافيها انك تنسى التعليقه وتبداء يوم جديد وتضارب

بدل ماتجمد الدراهم حتى يجيها الربيع فكره في محلها وربما تكسب اضعاف لو ماتجمدت هذه المبالغ

بانتظار الارتفاع الموعود

:D

[abu_ali]

ياسلام عليك ... أخوي " ابن الحلال "
أشتقنا لك أخوي ... وينك ؟
ولله درك على هالتجربة المفيدة والصحيحة 100% ، الفلوس الجامدة مثل الدم الفاسد ، لا فائدة فيها طالما هي بلا حركة .
( الدم الفاسد ... كنها قوية شوي )
:D
و هذا الكلام موجه للمضارب اليومي بالذات ... أما المستثمر فمن حقه ابقاء المال جامداً لإستثماره ( مهوب عند الشاشة يومياً ).
;)
أجعل نصف رأس المال للمضاربه والتداول اليومي ، والنصف الآخر للطوارىء.
وياليت تحدد المكسب اليومي ... وتحدد الخسارة أيضاً عند دخولك بسهم معين ، وإقتنع بالربح والمكسب القليل وشف غيره ... خشية الدخول في متاهات التعليق او الخسارة.
والكلام يطول ويطول ...
ولا تتأثر نفسياً بالقيل والقال أو الخسارة ... وخلها دروس وعبرة لك .
ولا تنسى شيء مهم : لا تعطي عقلك لغيرك .
:cool:

[ابن حلال]

موردي عزيزي ...

بعد لا تنس نقطه مهمه وهي انك تحافظ على حفيظه الاسهم لديك ففي اي وقت احتمال الصعود

لا تنسى انك خسران ... الفكره في الموضوع هي المناوره في اسعار اسهم الشركات بس بتكلفه خساير اقل

----

هلا ابو علي وشلونك ووشلون الوزاره معاك :D

اما الدم الفاسد ... اعوز بالله .... الفكره من تدوير راس المال ايضا هي انعاش السوق بالتداولات وتلقيط ارباع وانصاص

اما انا ياخوي ما عندي شي للطوارئ يا اخذه كله يا اكسر موخه ;) يالله ان تفرج لنا بالتصنيع يا رب ;)