المساعد الشخصي الرقمي

مشاهدة النسخة كاملة : اللي استخدم ويندوز xp يعطينا معلومات لو تكرمتو


عزيززز
05-05-2002, Sun 12:23 AM
مساء الخير

1 - هل هو جيد

2 - في حالة دعمه باللغه العربيه هل تنتهي المشكله اللي اشتكو منها بعض الاخوان

3 - هل تنصحون فيه

والشكر لكم
ملك الناسداك
05-05-2002, Sun 12:59 AM
انصح فيك

ممتاز ولكن خذ الويندوز اكس ابي اللي يدعم العربية

وبعدين جهازك اتمنى انه يكون بانتيوم4 1600 وما فوق

لان البانتيوم 3 راح يكون ثقيل عليه الاكس بي
عزيززز
05-05-2002, Sun 1:16 AM
يلوموني فيك ياملك

يشيخ رووووووووووووووووووح الله يوفقك
الوافي
06-05-2002, Mon 12:52 AM
XP رائع جدا ........
انا لي اكثر من 8 شهور استخدمه وماحصل فيه اي مشكله وفعلا ماجربت افضل منه والجهاز حقي سيليرون والسرعه ماهي كبيره 650 بس وماشي تمام ولله الحمد ولا اعتقد انه يحتاج سرعه كبيره مثل ماقال اخي ملك الناسداك لكن اهم شي انه يكون متوافق مع الهاردوير والسوفتوير اللي في جهازك .
واي معلومه تبغاها انا حاضر .
عزيززز
06-05-2002, Mon 1:11 AM
اخوي الوافي الله يوفقك

طبعا انا في عالم الكمبيوتر فنااااااااااااااااااااااااااااااان وشاطر

على فكره وشهو الهارد وير والسوفت وير ؟؟

شوف اخوي
انا عندي ويندوز ميلينيوم وفيها مشاكل ونصحوني اني استبدله ويندوز اكس بي

وغير كذا انا ما اعرف شيء

اذا عندك تفاصيل تنصح اني اقولها للمحل اللي بودي جهازي لهم قولها لي وانا راح انقلها حرفيا
ولك خالص الشكر

على فكره

فيه واحد مهندس يقول لي من الافضل اني انزل ويندوز اكس بي وايضا ويندوز 98 المطور وسالته عن السبب قال يمكن احتاجه لان الاكس بي ممكن مايتعرف على بعض انواع الطابعات او شيء من هذا القبيل

والحقيقه انا مافهمت شيء
alharbi
06-05-2002, Mon 5:43 AM
الاكس بي ممتاز
والتعريفات امرها سهل

والافضل تعمل فورمات وتركب الاكس بي

وارجوا ان تسئل صاحبك عن النسخه المقرصنه هل ممكن تحديثها؟

انا اذا عملت تحديث من ويندوز يقوللي من وين جايب هذه النسخه . لاتكون من شارع خالد بن الوليد

على فكره وش العلاقه بين خالد بن الوليد والكمبيوترات

في مدن كثيره تجد دائما شارع محلات الكمبيوترات اسمه شارع خالد بن الوليد
الوافي
06-05-2002, Mon 8:38 PM
اخي العزيز
الهاردوير هي القطع الموجوده في جهازك والسوفت وير هي البرامج الموجوده في الجهاز بعض البرامج ماتكون متوافقه مع الxp بس عادي اذا حطيت الxp تسوي update وخلاص عادس بس ممكن بعض القطع اللي في جهازك ماتكون متوافقه معه زي المودم مثلا فلازم يكون معك التعريف حقه لكن خلك من هالحوسه كلها رح لاقرب محل وقله يحطلك xp بروفيشنال .
تحياتي ..
الوافي
06-05-2002, Mon 8:49 PM
بالنسبه انه ماراح يتعرف لبعض الطابعات مافيه مشكله عادي انت اهم شي ينزل xp وبعدين سوله ابدايت وخلاص ماتصير فيه مشاكل وماانصحك انك تنزل وينوز 98 معاه خله لحاله افضل بكثر والافضل انك تسوي فورمات يعني لا تسوي ابقريد .