معي فليسات بس خايف عليهن من الريجيم ؟

[الكروان]

السلام عليكم اخواني واخواتي.

ومثل ما تشوفون هذا انا طازة (فريش) على المنتدى ... وبرضه على الأسهم ... وانا داخلن على الله ثم عليكم بعد ماأرحب فبكم وترحبون فيني .... ابي شور(ن) طيب من اللي يقول انا راعيها :D

عندي مائة ألف ريال (على قد حالي طبعا) وودي احطهن بشركة ما تجيب العيد بدري ... ثم تشمر قريشاتي وتصير تسعين .. فثمانين .... وهلم جرا :rolleyes:

لأني بصراحة اشوف السوق من اسبوع وهو يزنط ويفك !! وهذي يبي لها واحد(ن) يحسبها صح ؟

عاد انتم أكيد ما تخذلون "خويكم" .. وترى ما عندي مشكلة اساهم في شركة عوائد واصبر الين الربع الثالث لعل الله يرزقنا الخير وتتضاعف المية ميتين ;) (واحد طموح) ؟

وش قلتوا "يالسنافية".؟

[ابن حلال]

الرسالة الأصلية كتبت بواسطة الكروان


وش قلتوا "يالسنافية".؟

هذاك قلتها يالسنافيه ........ من سنافي الدوائيه

عندك الدوائيه وانا اخوك الربع يمدحونها بالحيل واسال عبدالله المحمد عنها او الحر

[mordy]

شوف ياخوي اولا مرحبا بك في منتدانا

ومن ثم والله السوق تراه مغامره تصيب وتخطي

المهم ( دون ادنى مسئوليه ) للبيع والشراء

ابقول لك هناك شركة اللجين مقفله على النسبه قيمتها 68.25

يعني مئة الف تجيب لك 1200 سهم والباقي احتياط اذا كانت على مجراه بكره يمكن نسبه

يعني يالغالي تكسب 7200 وانت مرتاح بس شف يبيعونك والا لا

المهم وبعدين اسهم العوايد ارخصهن الكهرباء الف سهم ونم والا ضارب فيها

ودعواتي لك بالتوفيق

بس ترى السوق يبغى واحد زيي مايخاف ههههههههههههه:D تراي امزح

المهم ياصاحبي

اذا وفق الله تربح واذا نزل السوق لاتخاف

وسلامتك

[alsaadi]

مرحباً بك في عالم القمار(الأحلام).
تريد المقامرة الآن فهي في الأسهم الصغيرة وأنت وحظك يا تصبح ال 100 بتوعك 50 أو 200.

هذا المجال يقوم على أسس ونظريات ومعقد ومتعب ويحتاج لمواصفات خاصة في الأنسان الذي يزاوله فقبل أن تدخل تعلم وتابع ثم أشتر على علم وبينه وليس بتوصية زيد أو عبيد وإلا ضعت وضاعت فلوسك.

[حميدان]

الرسالة الأصلية كتبت بواسطة الكروان
السلام عليكم اخواني واخواتي.

ومثل ما تشوفون هذا انا طازة (فريش) على المنتدى ... وبرضه على الأسهم ... وانا داخلن على الله ثم عليكم بعد ماأرحب فبكم وترحبون فيني .... ابي شور(ن) طيب من اللي يقول انا راعيها :D

عندي مائة ألف ريال (على قد حالي طبعا) وودي احطهن بشركة ما تجيب العيد بدري ... ثم تشمر قريشاتي وتصير تسعين .. فثمانين .... وهلم جرا :rolleyes:

لأني بصراحة اشوف السوق من اسبوع وهو يزنط ويفك !! وهذي يبي لها واحد(ن) يحسبها صح ؟

عاد انتم أكيد ما تخذلون "خويكم" .. وترى ما عندي مشكلة اساهم في شركة عوائد واصبر الين الربع الثالث لعل الله يرزقنا الخير وتتضاعف المية ميتين ;) (واحد طموح) ؟

وش قلتوا "يالسنافية".؟
:D :D :D
الله يحييك ..
شوفك جيت برجولك ترى ..
ما أحد حلف عليك...
:D :D :D

[الرشيد]

اخي الكروان اهلا بك وسهلا

نصيحتي لك (على عجالة)مايلي:

1- ابتعد عن الشركات المشبوهه (وتجدها في تعميم شركة الراجحي)
2- ابتعد عن الطمع بجميع انواعه
3-اياك اياك وشركات الخشاش اي الشركات التي يعتمد ارتفاعها وانخفاضها على المضاربات وليس على نتائج الشركات فرأس مالك ضعيف ولا يحتمل اي مخاطرة واذا تعلقت فأنت امام احتمالين ...اما ان تبيع بخسارة لتوقف الخسارة وتلحق بشركات اخرى ...أو تظل معلقا الى اجل غير مسمى ...
4- لا تستعجل بل انتظر وراقب واستشر ...فالسوق لن يغلق اليوم او غدا او بعد اسبوع بل التعاملات مستمرة والسوق مفتوح باستمرار وهو يتراوح بين هبوط وارتفاع ..فاستغل الفرصة في حال الانخفاض
5- ان كنت ولا بد فاعل فلا تشتري الابشركات ذات ارباح وتحقيق نمو مستقبلي حتى تحافظ(على تحويشة العمر)في حالة الهبوط

[ضـاري]

ياهلا وسهلا فيك بس بما انك لسى فريش وتبي النصيحه :

اقول ابعد عن الاسهم وشوف اي شغله ثانيه انشالله تبيع طماط تراك تنام وانت مرتاح



ولك الخيار

[الكروان]

ابن حلال:
ما قصّرت يالغالي بالشور الطيب ... وانشاءالله بنشوف "الدوائية" عاملة ايه . لكن انا اقرأ
عن قائمة المشبوهات فهل الدوائية .. في السليم .. والا ؟:)
مرة ثانية ... تشكرات واجدة.
mordy
وانت يا موردي ... نصايح من ذهب .. الله يوفقك ، وفعلا انا مذهول من "اللجين"
وسحباتها في السوق .! بس ياخوك الشركة اللي مثل هذي تروّع .! والا انا غلطان ؟
أما بخصوص الكهرب .. اللي يسمونه سهم الخير .. فبصراحة له سمعة وقوة في السوق
يتخيل معها الواحد انه هو اللي يقود التعاملات .! خاصة وان سعره الآن معقول .
لك يالغالي عاطر الود.
alsaadi
وهلا بك اخوي "السعدي" وتراك خوفتني بكلمة "قمار" بغيت أقفل وانحاش :D
أما باقي كلامك فـ 10/10 وصدقت ان سوق الأسهم عالم تتقاذفه الأمواج ... ويمكن
احيانا يصير "شختك بختك" يعني لا معايير ولا استدلالاات ولا ما يحزنون .!
هم شللية السوق الأقوياء حسبما أرادوا "فوق فوق" تحت تحت" .!
الف شكر ... لحروفك الصادقة.
حميدان
هلا بالحبيب "حميدان" :D
ايوالله ياخوي طبيت بعد ما سمّيت وتوكلت على الله ... وراضي بالمقسوم .!
ومشكور اخوي على كلاماتك القليلة ... لكنها بمعاني أكبر ... وتحذيرك وصل ..
والله يكتب اللي فيه الخير .
الرشيد
ولا تهون ... ياخوي الرشيد ... كتبت وكفيت ... والنقاط الخمس اللي قلتها كلها "حكم"
من واحد خبير ويدل على الخير وصافي النية ... أسأل الله ان يجازيك بالخير على ذلك .
دمت بخير انشاءالله.

[suliman]

ياهلا وسهلا فيك وانا مع كلام الرشيد
وخليك في المضمون
واشوف طيبه مناسبه لك اشتر بنص راس المال

[ابو ناصر]

والله وانا اخوك انا مانيب قايل لك الشراء والبيع على مسئوليتك
ابقول الشراء والبيع على مسئوليتي

اذا كنت بتستثمر يعني مانت قاعد تبيع وتشتري
رح اليوم وخذ التعمير وحدها ب 120
وخلال اسبوعين بتشوف كلامي

[رابح]

شف يالطيب ..
بعد شوي بتلقى كل شركات السوق في موضوعك :) ..
أنا ماراح أنصحك بسهم معين .. بس أنصحك قبل ماتشتري على شور أحد .. تسأله عن السبب ..

[suliman]

الرسالة الأصلية كتبت بواسطة رابح
شف يالطيب ..
بعد شوي بتلقى كل شركات السوق في موضوعك :) ..
أنا ماراح أنصحك بسهم معين .. بس أنصحك قبل ماتشتري على شور أحد .. تسأله عن السبب ..

انا رشحت طيبه للاسباب التاليه:-
1) الشركه دفعت الديون الي عليها
2)الاحتياطي النظامي نصف رأس المال
3) لم توزع ارباح لعامين لانهاء الالتزامات التي عليها
4) لم يرتفع سعرها كثيرا
5) القيمه الدفتريه اكثر من 75 ريال
6)مؤكد ان شاء الله ستوزع ارباح السنه لالغاء الاحتياطي الاتفاقي واكتمال الاحتياطي النظامي
7)وقبل كل هذا يكفي انها طيبه

[الكروان]

suliman ..ماقصرت يالغالي.. و"طيبة" فعلا اسم على مسمى. يخليك ربي.
ابو ناصر ..تسلم اخوي على هالرأي السنع ... وبصراحة انا أميل كثير للتعمير ... خاصة وانها عنوان الكثير من مواضيع الشباب بالمنتدى أمس. :)
رابح ..ومشكور عزيزي"رابح" وقول حكيم ودقيق.. وانشاءالله يتحقق المثل القائل " ما خاب من استشار" .:fu:
تحياتي للجميع.