توبيخ وتهديد للاقتصادية والشرق الاوسط..وتصريح السياري شاهد

[شيخ المستثمرين]

لن تكتب او تتناول بعد اليوم الاقتصادية والشرق الاوسط شيء غير حقيقي عن سوق الاسهم ولن تستضيف المطبيلين للنزول مثل بخيت لعلمكم صدرت التوجيهات لهم بأن لايقتربو من هالمواضيع الحساسة واسألو اي واحد يشتغل في الجريدتين ويؤكد لكم الخبر
الشرق الاوسط جابو اليوم تصريح من السياري علشان يرقعون بها كلامهم قبل امس في الصفحة الاولى يوم قالو انهار السوق السعودي وخوفو الناس الله يعمي قلوبهم

كل شيء العبو فيه وسوو اثارة صحفية وحطو صور حريم في مستواكم الا اقتصاد البلد وقفو عند هذا الحد لاتلمسونه لانه بعيد عليكم

وشيخ المستثمرين يقول لكم ذا شفتو شي بعد اليوم سلبي في هالجريدتين عن سوق الاسهم ولا عن الكهرب او غيره تراني كذاب لانه مسح بهم البلاط امس الثلاثاء

[abu_ali]

ماعليك زود ياشيخنا ... ياكبير القوم
جزاك الله ألف خير ... لنقلك لنا هالمعلومات ... وبارك الله فيك .
:cool:

[ABO_ALTaib]

بسم الله

اخي شيخ المستثمرين ليست هكذا تورد الابل
هل تريدون المراكز الاستشارية تطبل ليل نهار وترفع السواق بسبب وبدون ؟!
هل تعلمون انه لو لم يتم هذا التصحيح كان بالامكان ان ينهار السوق بعد اشهر بنسب نزول لعدة ايام ؟!
هل تعلم ان اسعار كثير من الاسهم والقيادية منها مبالغ فيه ؟!

هل تعلم من صاحب الاقتصادية والشرق الاوسط !!!!!!!!!!!!!!!!
وانه قادر على تكسير البلاط فوق من ينوي فقط ان يمسح بهم البلاط


اخي لسنا بحاجة لمسح او غسيل البلاط يجب ان نتقبل حرية التعبير واذا كان المركز الاستشاري مخطأ فاين باقي المحلليين من الرد عليه ان صمت المحللين المحترمين يدل على ان وجهة نظر المراكزالاستشارية صحيحة
والله اعلم

[نمرود السوق]

حُذف الموضوع

[العقيلي]

الأخ أبو طالب

اسمح لي أن اختلف معك في ما قدمت

وخير يعني الشرق الأوسط يملكها فلان من الناس -- لا أظن نه من مصلحته ومصلحة جريدته أن تلقي الكلام على عواهنه وأن تشطح واتمطح على كيفها وبالعكس إذا هو حريص يمكن هو كمان يمسح فيهم الأرض مثل المالية لأن ذلك من مصلحته مصلحة الجريدة كذلك والا بعدين ابتلحق باقي جرادنا الصفرا اللي إنتو خابرينها

بعدين حنا عندنا فهم خاطئ امعشعش في عقولنا إنه إذا الكلام من مكتب استشاري يعني هذا مهم - هذا ما ينقال فيه شي .. هذا الكلام أيام جدي وجدك يوم ما كانوا على نياتهم ويرظوا بأي شيء اللي بس يعطيهم دفعة ثفة ولو مصطنعة لكن اليوم العالم غير يا أبو طالب فيه الناس اللي اتعلمت مثلك ومثل الإخوان وأصبحوا يفرقوا بين البيضه والحجرة مو أي كلام مرصوص ومنمق ما عاد يمشي عليهم . إذا الكلام أو التقارير ما فيها زبدة وتحاليل بارقام صحيحة وتجميع معلومات من مصادر موثقة ومتكلملة حينكشف بسهولة وترمى في وجهه ويتشرشح أي شرشحة -- مثل ما اتشوف الحاصل لبعض المستشارين هالأيام.

إذا ما قدرنا نتعايش مع حرية الكلمة ألصادقة المدعمة بالمعلومة الصحيحة عمرنا ما يصلح حالنا .
والله من وراء القصد وهو الهادي إلى سواءالسبيل

[ألامل الجديد]

كلامك غير منطقي ياالشيخ
لابد من وجود حرية في الصحافة بحدود المعقول
ولابد من وجود مراكز استشارية تحلل وتقيم الوضع الاقتصادي بمعايير واضحة وسليمة وبيانات معروفة

الرجاء الارتقاء باسلوب الكتابة لديك بدل البلاط ويمسح خلها رخام روزا