المساعد الشخصي الرقمي

مشاهدة النسخة كاملة : الحربي والملك والهاجري وابوعلي احمد....وكل اللي عنده معلومه!!!



abo abdulrahman
26-04-2002, Fri 8:08 PM
بسم الله الرحمن الرحيم

يا شباب فيه سؤال ان شاء الله انه بسيط عليكم من خلال تجاربكم العديده و المديده في هذا السوق....

كيف تبدأ؟؟؟؟؟

اعرف ان السؤال يبي له صفحات وصفحات لأجابته كاملا لكن لااحد يجاوبه كامل ....ابي بس من كل واحد الله لايهينه يقول طريقته ....من يوم يشغل الكمبيوتر وينوي انه يشتري اليوم وين يروح اول شي ويش ايسوي (طبعا اتكلم عن المضاربه يعني حق ساعه ساعتين يوم يومين).

لااحد يشرح لي بصفه عامه ...يعني يقول لي انا اروح لموقع كذا وادخل على صفحه كذا وادور كذا واقلب كذا واشوف كذا ولما احصل على كذا احطها تحت المراقبه لفتره كذا وبعدين اتوكل على الله.

طبعا كل هذا كرما منكم لا امرا وهذا للفائده المبتدأين امثالي وتبادل الخبرات بين الكبار وان شاء الله انكم مأجورين بأذنه

عزيززز
26-04-2002, Fri 8:29 PM
ياهلا ابو عبدالرحمن

1 - افتح حساب

2 - انصحك بان تبدا بمبلغ لا يقل عن 3000 دولار

3 - افتح الاستريمر وتابع الشركات اللي عليها الكلام

4 - استفيد من كل شيء يوجد ويكتب في المنتدى

شفت ان الموضوع بسيط كبدايه ولكن راح تتعب شويه حتى تعرف تسوي استراتيجيه خاصه فيك وهذا شيء طبيعي والصبر مفتاح الفرج


اتمنى لك التوفيق

ملك الناسداك
26-04-2002, Fri 9:03 PM
الاخ ابو عبدالرحمن :

العمل بالاسهم الامريكية صعب جداً.

وبالنسبة للاخوة المحترفين هنا فقد دفعوا الغالي من مالهم ووقتهم لكي يتمكنوا من هذا السوق ونصيحتي لك كالتالي:
اذا كنت تجد عندك الوقت لكي تعمل بهذا السوق قم بالتالي:

ابدء بدراسة مواضيع الارشيف بمنتدى الخليج ومنتدى المؤشر .

المواضيع الموجودة تعطيك نبذة كاملة عن السوق وعن العمل فيه.

واذا وجدت شي غامض عليك أاسال الاخوان وما راح يقصرون معك

لا تتوقع ان تكون خبير بالسوق في وقت اقل من سنة .


وليس كل خبير في السوق يكسب

البعض تجده يعرف السوق والمؤشرات جيداً لكن الله ما وفقه

لا يمكنك اكتساب الخبرة من هذا السوق الا مع الوقت والمثابرة على فهم السوق من كل نواحيه.

كثير من الشباب تركوا هذا السوق بعد عمل ومثابرة اكثر من سنتين وثلاث واربع و...................

لا اريد ان اخيفك من السوق لكن هذا اللي حاصل.

abonaser
26-04-2002, Fri 11:35 PM
ابو عبد الرحمن

انا لا اريد ان اكسر مجاديفك , لكن اذا انت علي البر ولم تدخل السوق انصحك نصيحة اخ لا تدخلة

اول شي عندك وقت فوق 10 ساعات امام الستريمر

و8 ساعات لتحليل الشركات ومحفظتك قبل بداية السوق

وتعلم التحليل الاساسي

تعلم التحليل الفني

ويمكن بعد هذا كلة احتمال ان لاتربح لان المسألة ارزاق وسبحان من وزعها

عزيزي مجرد تعلم التحليل الاساسي والفني يحتاج سنوات والمام باللغة الانغليزية و الصبر علي قراءة الكتب ثقيلة الدم جدا , وايضا القدرة علي تمييز الغث من السمين في هذة الكتب

شوف عزيزي اذا مبلغك يسمح لك تشتري ارض او عقار اشري ارض او عقار وخل السوق عنك لانة يحتاج الي تفرغ تام جدا.

واذا انت مصر فتابع السوق لمدة سنة علي الاقل واعتبر نفسك في كورس او دراسة

وشوف اغلب الموجودين متعلمين بفلوسهم والبعض خسر مبالغ جسيمة جدا ,

الهاجري
27-04-2002, Sat 12:14 AM
سؤال جدا ممتاز فى غاية الروعه اخوى ابو عبدالرحمن وراح اقولك طريقتى عل وعسى ان يأتى من وراها كل

خير وتعم الفائده للجميع من افتح الكمبيوتر الى ان اغلقه :

1-افتح الايميل وخاصه موقع www.sixer.com أنا مشترك فيه ويبعث لى يوميا الشركات اللى عليها اخبار وجمعها وأذا كان هناك اى خبر مميز مثل اندماج أو شركه اشترت شركه .

2-مشترك فى كذا موقع يعطينى alert حول الشركات التى مسجلها فى الموقع ان كان هناك اى خبر مثل
www.marketwatch.com
www.equity.com
www.newsalerts.com
كل موقع مسجل فيه 10 شركات تقريبا وجمع اللى عليها خبر .

3-اشوف التداول اللى حصل بعد التداول الرسمى عبر هذا الموقع http://cbs.marketwatch.com/tools/stockresearch/screener/afterhours.asp?siteid=mktw
وجمع الشركات اللى عليها حركة فوق معدل الافرج فوليوم .

4-قبل التداول الرسمى بعشر دقايق اشوف التداول اللى حصل قبل بداية السوق وجمع بعض الاسهم
من خلال هذا الموقع تختار توب توينتى tools.island.com

5-بعد ذلك ارجع بحصيله معينه لا تقل عن 50 سهم وأضعها على الستريمر وأعملها على وضع النسبه المؤيه
فى الارتفاع والهبوط مع الترند الاخضر والاحمر .

6-الاستشاره مع الاخوان سواء فى المنتدى أو عبر الماسنجر امثال أبوسلطان والطائفى والاحمدى والواثق
وممدوح وعلى وجابر وأبوخالد والجوال الله يجزاهم خير ويعذرنى اللى نسيت اسمه ..

alharbi
27-04-2002, Sat 1:16 AM
والله اخي سؤال مهم جدا ولدي اجابه له ممكن تكون سهله جدا

اخي العزيز
الان اذا اردت الدخول فانسى الاستثمار وخذ الفرص مثل ما ذكرلك الاخوان جميعا في ردودهم وخلك مضارب يومي

ولاتهتم بالتحليل الاساسي ابدا والتحليل الفني اذا كنت سوينغ وممكن مايفيدك ايضا في هذا الوقت

اما اذا سمعت ان الاقتصاد الامريكي سوف يخرج من الركود الى الانتعاش ورايت الارتفاع كبير جدا انتظر شهر لتتاكد وبعدها

ومن ثم افتح الجهاز وكلم اي احد تعرفه ماعنده اي خلفيه عن الاسهم ولم يسمع بها وقولله وش نشتري اليوم

اي سهم يقوللك عليه اشتر فيه صدقني نتكسب

اما الان لاتقرب الى اذا كنت عارف ومتقن لفنون السوق وعمله ومتقن للطرق التي ذكرها الاخوان هنا مثل الهاجري وملك الناسداك وابوعبدالمحسن

اما غير ذلك فعليك بطريقة ابوناصر فهي الاسلم والعقار سوقه طيب هذه الايام

abo abdulrahman
27-04-2002, Sat 1:28 AM
اخواني الله يعطيكم العافيه على تجاوبكم معي...

اخوي الغدار يعطيك العافيه انا فاتح حساب ومن اكثر من خمسه شهور اتابع كل شارده ووارده سواء في هذا المنتدى ولا منتدى الجيران...وبالنسبه للمبلغ بيني وبينك الحال مايل 2000دولار ونعمه وانا حقيقه كبدايه لو طلعت من وراها 500ريال الى الف ريال كويسه .وقول الشركات اللي عليها الكلام هذا اللي ابيه.


اخوي الملك الف شكر لتواجدك لكن بعد توفيق الله ثم تواجد امثالك من الشباب ان شاء الله الامور ميسره اعتبر نفسي عندكم صبي يتعلم من عمه اصول الصنعه مع الوقت......حقيقه انا قرأت اغلب الارشيف سواء هنا ولا عند الجيران وقاعد اتعلم واطبق في المسابقه الوهميه لكن هالقرشين اللي عندي صارت مثل البورصه يوم تنقص ويوم تزيد....وقلت لازم اتوكل على الله......وعلى فكره من سيربح المليون ما نسيناه وقاعدين ننتظر مع اني ما قد قلت يا فتاح يا عليم..واللي اتمناه منك مشكورا تضع لي طريقتك من يوم تشغل الكمبيوتر زي ما سوى الاخ العزيز الهاجري.


اخوي ابو ناصر يعطيك العافيه لو عندي قيمه الارض هذي كان معاد كلمت احد ....يا رجال على قد حالي بس قلت لازم اتوكل على الله الى متى وانا جالس كذا.....بالنسبه للوقت عندي من الساعه4 الى 12في الليل والله يخلي شركة ارامكوا التلفون والاشتراك عليهم....بالنسبه للتحاليل هذي اتوقع انها تنفع مع المستثمرين اكثر من المضاربين وعاد انت ابوها.....وحقيقه انا قاعد اتابع السوق من اكثر من سته شهور واخاف يجيني ملل اذا مافيه شي يشدني حتى لوخسرت...بس الله لايهينك قل شلون تسمي بالله وتفتح كمبيوترك ...ابي استفيد من اساليبكم جميعا.


اخوي الهاجري جعلك واللي جابك في الجنه كفيت ووفيت ...وبيني وبينك كنت اخبر ان فيه غرفه حقت شات خاصه للشباب يتدارسون فيها الوضع مدري عادها ولا لا. لكن مع الايام ان شاء الله تتيسر الامور

abo abdulrahman
27-04-2002, Sat 1:39 AM
اخوي الحربي الف شكر لك على كل الجهودات اللي تقوم فيها لتطوير المنتدى

زي ماقلت انا ابي ادخل مضاربه ياذابح يا مذبوح ان كسبت الحمد لله والشكر وان خسرت ماراح اخسر كثير وبعد الحمد لله والشكر وانا حقيقه قرأت اساليب بعض الشباب من ذوي الخبره امثالك طرق للمضاربه واساليبها .
وان شاء الله استفيد منها.

وكلامك على متمه السوق ولا بريال الايام هذي.

واما طريقه ابو ناصر الله يرزقنا وياه وكل مسلم طاعته ورضاه ......عن العقار زي ما قلت لو عندي قيمتها معاد يقطع راسي سبعين سيف:D

بس الله لايهينك بعد ما تفتح جهازك وين تروووووح.......؟؟؟؟؟انا ابي طريقه كل واحد علشان استفيد من كل الخبرات والتجارب.

عزيززز
27-04-2002, Sat 1:42 AM
اخوي ابو عبدالرحمن

اولا اتمنى لك التوفيق باذن الله

ثانيا صدقني من الصعب انك تجد احد ينصحك تشتري الشركه الفلانيه او تبيع الشركه الفلانيه والمشكله مو الشركات اللي ترتفع ولكن المشكله هي توقيت الدخول وتوقيت الخروج

ولكن مبدئيا انا اقول تابع شركة razf وباذن الله راح تطلع منها كل يوم على الاقل 50 دولار اذا عرفت تتابعها كويس وتشتغل فيها زين وانا شخصيا واتكلم عن نفسي ولست مسئول عن احد سوف اشتري فيها مابين سعر 30 سنت الى 28 سنت لان لديها خط دعم في هذه النقطه وسوف اتقبل الخساره لو نزلت الى 21 سنت والتوفيق بيد الله
والحذر واجب والمتابعه زينه

abonaser
27-04-2002, Sat 2:22 AM
ابو عبد الرحمن شوف انت سألتني عن طريقتي . وانا سوف اجاوبك وبعد كذا لي بعض التعليق علي كلام الاخوان .

انا جربت معظم الطرق سوينغ احتفاظ بالاسهم لمدة اشهر , داي ترايدنغ وبعض الاحيان مضاربة لمدة 10 دقائق . في الاول كنت اجرب غاب اب ووغاب دوان وكنت اشتري بالبري ماركت اذا الفيوتشر اخضر . وابيع بعد نصف ساعة . لكن الطريقة هذي فاشلة جدا الان ومعظم المضاربة اليومية وانا اضارب يومي صعبة جدا جدا وتقريبا قمار او كما كان يقول اخونا القديم اكسبريس مع الخيل ياشقراء ولا يهونون اهل المدينة الجميلة شقراء

وانا لي شهر اعتمد علي ميتا ستوك واحاول استنبط طرق منة وانا في طور التجربة حتي الان .وهذة الطريقة معقدة جدا لانها تحتاج معرفة بالتحليل الفني و ايضا بالبرمجة نوعا ما , وانا حتي الان اجرب . الحاصل طريقة ميتا ماتصلح لكل الشباب واصلا هي للسوينغ يعني ماتصلح للمقامرين

ثاني شي جينا للبني ستوك البيني ستوك انا ما اعرف لها واصلا هي نوع من انواع القمار او التسلية لانك كل المبلغ المضارب فية لايتعدي 3 الاف دولار والناس مطبقين فيها طريقة ان لقحت او ما ضرها الفحل
وفرضا واحد عندة مبلغ 100 الف دولار مستحيل يضيع وقتة في البيني ستوك , الي يجبر الناس عليها الحساب حق المضارب .
شوف فرضا الان السوق في دوان ترند فاذا اردت ان تضارب سوف تعاكس اتجاة السوق وتقريبا كل من يعمل لونغ سوف يخسر. علي مدي اسابيع حتي لو شرا IBM GM MSFT PG
وصراحة مبلغك قليل جدا ولا اقدر ان اشور عليك لاني لا اضارب بالبيني ستوك .انا ماادري كيف معرفتك بما يسمي ب TIME AND SALE ومتابعة الاوردرات علي السهم لحظة بلحظة لكن هذي الحركة معظم مضاربين البيني ستوك معتمدين علي اللة ثم عليها

جينا للتحليل الاساسي والفني وايهما افضل .

ابو محمد اناا اخالفك الراي واذا اردت ادلة علي فشل التحليل الفني بشكل عام اعبي المنتدي ادلة انا لي شهر كامل يوميا امسح السوق بناء علي التحليل الفني وطرقة واطبق المؤشرات بنظرة تاريخية علي الاسهم حتي 10 سنوات ومؤشرات التحليل الفني لسان حالها 50% مرة تصيب ومرة تخيب وعلي اسهم عريقة جدا كا اسهم الدوا جونز . الاصل هو التحليل الاساسي والشارت وضعوة الامريكان فقط للمستعجل ويمكن كذبوا وصدقوا كذبتهم . شوف اذا ضاربت باستخدام التحليل الاساسي مع استخدام التحليل الفني كعامل مساعد قد تنجح الطريقة معك بنسبة جيدة جدا وافضل من اربح الاسبوع هذا 10% من راس مالي والاسبوع القادم اخسر 15% من راس المال المخصص للمضاربة

ابو عبدالرحمن

انا ماداري اذا كنت تقدر تدبر مبلغ فوق 25 الف دولار . ابحث عن الاسهم التي حققت ارباح و مبيعات جيدةوفوق المتوقع خلال ربعين متتالين . ولكنها هبطت لان السوق انهار وهبط بها من قاعدة جود البضاعة من جود السوق , واختار لك 3 اسهم منها ووزع راس مالك عليهن وبيع اذا السوق سوي ريبوند وتعين خير انشاللة
وتطلع مو 2000 دولار تطلع 6000 دولار او اكثر يعني نسبة ربح فوق 25% وشي مجرب ومضمون

alharbi
27-04-2002, Sat 3:05 AM
اخوي ابوناصر
جيب اي سهم واتخن سهم واقوى سهم في افضل شركه وافضل قطاع وشوف وش يسير له عندما يكون السوق نازل

رايح ينزل رغما عنه او يثبت اذا كان سهم سهم مسمي عليه راعيه

انا ممكن اجيب لك مثل هذا النوع من الاسهم ولكن سوف تجد تناوب بينه وبين اسهم اخرى في الارتفاع

كل يوم نتعلم شيء جديد وهذه ولله الحمد ميزه طيبه

انت مثل ما تنتقل من سهم الى سهم يجب ايضا ان تنتقل من قطاع الى قطاع وبنفس الطريقه

التكنولوجيا ليست جيده دائما وكذلك المديكال ومثلها الطاقه
وهذا مهم للسوينغ والمستثمر

ممكن تعرف هذه المعلومه اذا اردت ان تعرف وش هي المعلومه المطلوبه لك والتي تبحث عنها والحصول عليها يكون بطرق كثيره
ممكن تحليل اساسي وممكن فني وممكن من الاخبار اللسياسيه وغيره كثير المهم ان تعرف ماذا تريد انت

ولنا رجعه للموضوع لانه مهم
ولكن لي طلب وهو ان تنزل اسهم وانا انزل اسهمي

وتقول انت كيف اخترت هذه الاسهم وانا كذلك

alharbi
27-04-2002, Sat 3:24 AM
شوف هذه المجموعه

http://finance.yahoo.com/q?s=brl+chbs+tdw+tecd+zqk&d=t

اسهم قويه اخترتها بسرعه
لاحظ بياناتها وقطاعها وشوف البيانات وقارنها بالارتفاع

تجد تباين فيها
قرضا بعض الاسهم peg مثلا عالي وارتفعت والتي اقل انخفضت اليس هذا جزء من التحليل الاساسي

اذا لايكفي ان تختار السهم المناسب فقط وانما كمستثمر يجب ان تتنقل من قطاع الى قطاع
ومن هذا الكلام وجدت بانني بحاجه لبعض الاشياء وهي مثلا
استراتيجيه للتحليل الاساسي لكل قطاع و ليس استراتيجيه واحده لكل القطاعات هذا شيء
الشيء الثاني التنقل من قطاع الى قطاع وفي الوقت المناسب
ولايمكن ان تنجح معك الاستراتيجيه الا اذا كانت لكل قطاع اما واحده فقط لكل القطاعات سوف تجد انها مره تنجح ومره تفشل

مثل التحليل الفني تماما
انت ذكرت بانه احيانا يفشل معك واحيانا ينجح والسبب هو استخدامه في كل الاوقات وهذا مستحيل ان يكون ناجح بل المفروض ان يستخدم في وقت معين يجب معرفته اقصد الوقت المناسب بالظبط كما تعرف تبحث عن الاستراتيجيه

لو وجدت استراتيجيه ناجحه هل هذا يكفي
لا طبعا فالخطوه الثانيه هي معرفة الوقت المناسب لاستخدامها

مثلها مثل الونغ والشورت
سوق في نزول ندخل لونغ بينما عند ارتفاعه ندخل شورت وهذه المصيبه التي نقع فيها دائما

لنا عوده

abonaser
27-04-2002, Sat 4:26 AM
حربي

شوف السهم هذا

TUSE

انا سهران الان والنوم كابس والا حطيت لك صورة الشارت , الدوا جونز والنازداك والنايس وبورصة المريخ كمان منهارة والسهم ما سال فيهم , طالع فوق ولا سال بانهيار البورصة .

صحيح قطاعة تجزئة لكن في كل اسبوع يسجل 52 ويك هاي . صحيح جودة البضاعة من جودة السوق لكن تروح تضارب في سهم تعبان ورايح فيها وشبعان خسائر اكبر غلط . والبيغ ليس مهم جدا هناك ما هو اهم منة في التحليل الاساسي مكرر الارباح والكاش فلو والعائد علي حقوق المساهمين والعائد علي الاستثمار, شركة ما تحقق كاش فلوا او تجلب نقود مصيرها النزول المستمر ومعظم اسهم التكنولجيا اكبر دليل , لكن جذبنا لها التذبذب العالي .

بالنسبة ل الاسهم اصبر علي فترة انا تقريبا مطلق المضاربة اليومية والسوينغ وابي ادور لي مابين6 الي 10 اسهم متنوعة القط فيها واجمع فيها مع انهيار السوق , وفرضا هذا السهم انا ناوية عند مستوي ال 3 دولار ADCT وهناك سهم تكلم عنة بريد في قطاع السوفت وير RATL كنت ناوية ب 10 والظاهر ما عندة نية ينزل تحت 12 , اقارن بينة وبين كم شركة في السوف وير واقرر بعدين .

وعموما انا من شهرين قايل السوق بينهار واقلقت الشباب بكلامي عن انهيارة وصار الي صار لذلك وفقني اللة , وارحت راسي وراس مالي كمان والان احاول اجمع بكم سهم
تصبح علي خير او اصبحنا كمان :D :D

مضارب
30-04-2002, Tue 3:51 AM
ابو ناصر و لايهونون الجماعة السلام عليكم
انت سهران وانا سهران و المحصلة السهر + النعاس = سلطان النوم
و السؤال المؤجل اين اجد هذا السهم TUSE ؟

ملك الناسداك
30-04-2002, Tue 4:30 AM
السهم هو TUES شركة صباح الثلاثاء

ملك الناسداك
30-04-2002, Tue 4:31 AM
وهذا شارت له جميل

abo abdulrahman
02-05-2002, Thu 2:05 AM
شباب الله يعطيكم العافيه

لكن بصراحه انتو طلعتوا من الموضوع الرئيسي....انا يا شباب سؤالي واضح ...ابي اعرف الطريقه اللي خلتك مثلا تختار السهم الفلاني ....يعني من وين جبته ....اللي اعرفه ان عندهم اكثر من 7000سهم كيف حصلت على هذا السهم بالذات من بد البقيه...هنا الكلام ....يعني ما قلتو لي اروح فين....علشان احصل هذا السهم المميز اللي اقترحته.

معليش غثيتكم شوي بس تحملوني لوجه الله