الى من يدير الاقتصاد !!!

[اللازوردي]

لاتتعب نفسك ....المستثمر. الاجنبي لن يجلب سيولته في بلد غير ديموقراطي
حتى لو وصلت اسعار البنوك الى ريال
واضح من تثبيتكم لسابك والراجحي للتحكم بالسوق مستقبلا في حالة جلب سيوله خارجيه
المستثمر الاجنبي ياصناع ماجاب سيولته من مخصصات والا سرقات
جابه من عرق جبينه وليس بهذا الغباء لكي يضيع سيولته وامواله في بلد تخلت عنه امريكا وتحاوطه الذئاب من كل حدب وصوب
ابلعوا العافيه والعبوا معنا اوفقلكم واوفقلنا

[ابو صبا]

السلام عليكم
نصيحة ارجو ان تتقبلها بصدر رحب
لا تكتب وانت منفعل...
تحياتي

[اللازوردي]

السلام عليكم
نصيحة ارجو ان تتقبلها بصدر رحب
لا تكتب وانت منفعل...

تحياتي

وعليكم السلام
ياهلا بحيي
مشكور ولاقصرت بس والله ماضيق صدري السوق
اللي يضيق الصدر وجهتنا احس اننا فرقنا عن الخط الى خط مرسوم لنا والناس غافله
حنا ياحيي مثل اللي طافيه سيارته بنزلت الغاط
وهي تدحتر ويحسبه شغاله

[سكوري]

الله يستر علينا مابعد تخلت امريكا بالكليه
الله يخليها لنا

[طيب النية]

وعليكم السلام
ياهلا بحيي
مشكور ولاقصرت بس والله ماضيق صدري السوق
اللي يضيق الصدر وجهتنا احس اننا فرقنا عن الخط الى خط مرسوم لنا والناس غافله
حنا ياحيي مثل اللي طافيه سيارته بنزلت الغاط
وهي تدحتر ويحسبه شغاله
تشبيه بليغ شاعرنا الجميل

نعم دحدرة السوق بالصغار مثل نزلة الغاط اللي مات فيها الكثير من الناس

[طيب النية]

الله يستر علينا مابعد تخلت امريكا بالكليه
الله يخليها لنا

وش بعد طلبهم محاكمتنا لكون فيه سعوديين مغرر بهم في فلم 11 سبتمبر والذي من انتاج وإخراج المخابرات الامريكية ؟!

لو ان امريكي فجر في موقع ما هل نحمل جميع الامريكان وحكومتهم المسؤولية ؟!

لن تنتهي ضغوطات أمريكا ومؤامراتها الله يكفي بلادنا شرها

[Symbol]

أعجبتني كلمة نزلت الغاط.
أخاف تصير بعدين نزلت القدية، ثم عقبة ضلع...الخ.
على الأقل نزلت الغاط مستقيمة ما فيها لفات، السيارة تدحدر على راحتها.