ياما عطينا وما حسبنا عطانا ... ويا مـا اخـذنا امن الزمـان التجاريب

[روح الورد]

مساء صباح الورد

قصيده وشيله وضعتها هنا اعجبتني واتمني ان تنال اعجابكم

شيلة : ياما عطينا
كلمات الشاعر : محمد الصواغ
اداء المنشد : جابر بن صبح
.................................................. ......................
www.youtube.com/watch?v=uI3xvHniKMk

ياما عطينا وما حسبنا عطانا
ويا مـا اخـذنا امن الزمـان التجاريب
واللي بيدينا مـا يطـول معانا
واللي يدش الجيب يطلع من الجيب
قل للضعوف اللي تفتش ورانا
تبطـون / مـا تلقـون فينا ولا عيب
ياللي تعذربنا وتبحث خفانا
راجــع حسـاباتك وتلقـا العـذاريب
وان كان تنشد عقبها وش بلانا .. ؟
حنا بـلانا الطيب وانمـوت بالطيب
الطيب خير امن الردى في هوانا
واللي هـوا له شـي فيما هـوا يشيب
نفتل شـواربنا ونكـرم لـحـانـا
ان كـانهــا فـي حــق والا مـواجيب
ونحمي عوايدنا وسـتر قصرانا
ونفـزع ليا منه عـوا الـذيب للذيب
ونلبي المـحتاج لامـن نصـانـا
ونعــاونـه ولا نــدور مــكــاسـيب
وما نسـال المحتاج وشهو جزانا
الله يـجـازينا واهـو عـالـم الغـيب
ونقـدر الـداعـي ليامـن دعـانا
وفـي مشـينا هيبه وعـز وتراحيب
والشـر نقصر عنْه والله كفانا
لـكـن لاثـارت يـديـنا مـخـاضـيب
ما اقول محد ٍ واصـل ٍ مسـتوانا
كـل ٍ لـه فعـوله وله قسم بالطيب

[أويس]

قصيدة جميلة جدا اخ روح الورد وهي معبرة شكراً

[مدرعم في الاسهم]

https://youtu.be/o2sjhzKgDfY


الكرم والعطاء من صفات الرجاجيل الكرماء

[طالع نسبه]

صـح لـسـانـك

[روح الورد]

شاكر مروركم العطر

[جبل السراه]

تسلم يالناقل صح السان الشاعر قصيده معبره .... ممكن اعرف الشاعر من اي منطقه ومن اي قبيله ؟

[معالى العريف]

شكرا ياروح الورد اختيار جميل من روح جميله ربي يسعدك تحياتي