ربحت 70ربالميه هههههههه

[ام يقين]

بعت سهم تو بقيمة 40 الف
علشان اشري من تحت طلع عندي الرصيد 70 الف هههههههههه

[[M]]

حوليها جاري لايهونون

[ام يقين]

والله يستاهلون سرقونا هههههههه
بس بشوف يشتري لي السهم ولا لا بجرب

[ام يقين]

شرى لي
بس برجع لهم فلوسهم حرام اسرقها والله
بس كيف اعرف عدد اسهمي الاولى

[[M]]

وش ذا اللخبطه!! فكرته خطاء ويتعدل

[ام يقين]

اشتريت بالسهم اللي فيه اسهمي كلها شركة وحده
كيف اطلع عدد اسهمي الاصلية
السهم دحدر والله لايبيعون لي غصب بس

[طيب النية]

الله يعوض على الجميع ويحفظ عقولهم بعدما احترقت أموالهم

[noura]

اليوم شراء وليس بيع

[ام يقين]

الفلوس مب لي
بعت بسهم ما قيمته 40 الف
طلع لي الرصيد زياده الضعف
توقعت انه مجرد رقم
اشريت بسهم بشوف يقبل ولا لا
الحين انا مدري كم كان عدد اسهمي الاصلية قبل اضافة الاسهم هذي

[ام يقين]

اتصل على البنك ولا كيف

[@ابوصالح@]

اذا بعتتي المرة الثانية يسحبون المبلغ علطول الي لهم واذا تعلقتي بالسهم ما ياخذون حقهم حتى تبيعين

[الأجودان]

الله الحرام اللي يصير الآن

[ام يقين]

اجل خلهم انا بالسهم حول السنه
اذا دبلنا بعنا ونكتب بوصيتنا ان مبلغ وقدره تراه للبنك

[[M]]

اضحك الله سنكي اختنا ام يقين اهم شي لاتختلط عليك الفلوس وتبلشين باخراجها بعدين

[أبو الدحداح]

انتي مبلغك 40.000 خلاص مازاد عليه للبنك والله اعلم
ولاتنسين تخصمين عمولة البيع والشراء من رصيدك

[atat]

اعطوك تسهيلات مجانية .. غالبا هالحركة يسويها الراجحي فقط

[طوارىء]

الحركات هذي كانت تحصل كثير لكن الان قلت

المفروض يكون عندنا وعي ونرفع شكوى رسمية ونطالب بالتحقيق

المفروض الفلوس صارت لك الا اذا اثبتوا بتحقيق رسمي انها خطأ


سالفة ان موظف يتصل يتعذر يقول حصل خطأ ومش عرف ايش هذا لعب عيال

[شر نجد يف]

كانت تحصل بكثرة قبل الهبوط الكبير 2006 لدرجة أني حسيت أنها مقصودة من البنوك كل محافظي في أكثر من بنك يدبلون المبلغ وقلت شكل فيه نكبة قادمة يدبلون لك المبلغ علشان يصرفون علينا والسوق في قمة وأصفي محافظي في الامريكي والراجحي ودخلنا بعد خروج وتصريح معالي وزير المالية أن الهبوط غير مبرر وأن الدولة لن تسمح بنزوله ولم أكن أعلم حينها أن السوق إذا صحح لن يستقر حتى يصل قاعه المهم كل المرات الي زادوا فيها فلوس لي لم يتصل أحد لكن بعد يوم يحطون مبلغهم بالسالب في حسابك الاستثماري أن حصلوا شيء سحبوه وإذا كان رصيدك صفر يعني محفظتك كلها أسهم يحطون الرصيد بالسالب بمبلغهم فقط وإذا بعت يسحبون مبلغهم فقط والارباح لك والخسارة عليك سلاح ذو حدين لكن حسب كلام أكثر من واحد بالمنتدى هنا سألوا المدراء المسؤولين في البنوك الي لهم الصلاحية قالوا هذا خطأ منا وحنا نتحمله والارباح حلال عليك قال لهم أنت مخول من ملاك البنك أنا ما أبي شيء حرام قال نعم ( هذي القصة حصلت مع وأحد هنا بالمنتدى وظاهره التقوى ) لأن البنك دبل له كمية الأسهم هو طلب 3000 والبنك علق له الأمر و حصل لخبطة من الضغط الي كان يحصل في ذيك الايام سيولة وأوامر كثيرة ودبلوا له وبعد اسبوع باعها بمكسب 50% أيام الطفرة ودق على البنك ومن موظف لموظف لين وصل لأكبر رأس قال كل المحافظ الاستثمارية وما يخصها عندي وقال له أنا عندي الصلاحية والمبلغ حلال عليك الله يرزقك ولو خسرت ما لنا دخل مبلغنا عليك قيد مدين بالسالب متى ما بعت سحبنا فلوسنا علطول وأذكر وأحد من الشباب طول شهر وصاروا يدقون عليه أشغلوه لين باع وقالوا نبي نشكيك إذا ما بعت لأنهم ما يقدرون يدخلون لمحفظتك ويبيعون ورد عليه كذا واحد بالمنتدى أنهم نظاماً ما يقدرون لأن الخطأ خطاهم لكن يحطونها بالسالب لين تبيع . الأخت أم يقين شوفي رصيد المحفظة بعد العملية بيوم ستجدين رصيدك بالسالب بمبلغهم الي فقط وهو ثابت لايتغير متى ما بعتي سحبوه أو حولتي فلوس للمحفظة من الرصيد سحبوه وليس لهم الحق في الأخذ من الحساب الجاري نهائيا لو رصيدك ملايين الحساب الجاري غير الاستثماري لكن لو نزل سهمك 10 % سيكون رصيدك نزل 17% وإذا ربحتي كذالك يزداد ربحك وخسارتك حسب الزيادة في رصيدك فكوني حذرة الطلوع مضاعف تقريبا والهبوط مضاعف أتمنى أكون فدتكم وآسف جداً على الإطالة رزقنا الله جميعاً من واسع فضله .

[طالع نسبه]

اقسمي 40 الف على سعر بيعك يطلع عدد اسهمك