مشكلة حيرتني

[ام يقين]

السلام عليكم
امس كنت بسهم وباقي معاي 5000 ريال قلت بدخل بسهم تبوك ووضعت سعر الطلب 39.30
شرى لي وطلع علي السهم ب39.70...؟؟ انا انفجعت لان السهم ماوصل لهذا السعر يوم اشتريه كيف اشترى لي كذا..
بعد مابعت السهم رحت وشريت مره ثانيه وحسب لي نفس العادة يعني بنفس سعر طلبي
وش الفرق بين الطلب الاول والثاني..؟؟

[الخاص]

تأكدي من سعر الشراء في النظام ؟

[طلال بن عبدالعزيز]

يمكن حاسبينه مع عموله البنك ١٢ ريال لكل ١٠ الف ريال

لان مبلغك بسيط ٥٠٠٠

والله اعلم

[ام يقين]

طيب لو حسبه ب12 ريال كيف ياصل 39.70..؟؟
طلب الشراء ب 39.30
ومتأكده واضعه 39.30

[أيمن خالد]

هل تتعاملين مع بنك أم شركة وساطة ؟؟!!
عموما يبدو أنك قد سبق لك شراء السهم سابقا ولعدة مرات وتبيعينه بخسارة فيظهر لك سعر التكلفة وهو معدل البيع للسهم
لأن بعض البنوك وشركات الوساطة تعمل بهذه الخدمة وعليك التحديث المستمر

[ام يقين]

محفظتي ببنك البلاد

[انفو]

ام يقين شكل بينك وبين كروم تنافس على كثره المواضيع

[أم عبدالله]

أحيانا تحصل لي و اكتشف أني من السرعة غلطت و طلبت بسعر أعلى مما قصدت يعني أنتي ممكن غلطتي و طلبتي ب 39.90 و هو نفذ لك أحسن عرض 39.70

[فينيسيا]

العمولة 12 ريال لكل عشرة الاف أو أقل
39.3/(5000-12)= 126

راح تكون العمولة 12 ريال لان المبلغ بسيط (5000)
العمولة لكل سهم= 12/126= 0.095

المفروض قيمة شراءالسهم الواحد (39.4)

تأكدي من أمر الشراء يمكن الادخال كان خطأ

[أويس]

ام يقين شكل بينك وبين كروم تنافس على كثره المواضيع

هههههههههه

[samsam]

انا محفظتي الراجحي

وصار لي تقريبا مثلك

اشتريت معادن بسعر 34.7 كميه كبيرة وانا متأكد من سعر الشراء .. ولكن يتضح ويبان عندي في الشاشة على يسار اسم الشركة في تداول الراجحي ان سعر الشراء هو 34.9 .؟؟؟ ويبان كذلك ان هناك مقدار خسارة ... ولكن طنشت .. لاني متأكد من سعر الشراء ..