&الـشــنـب&
05-03-2014, Wed 2:21 AM
السلام عليكم ورحمة الله وبركاته
سوق الأسهم ومنتدى أعمال الخليج متلازمه بالنسبه لي فكبار المحللين وكتاب يشار لهم بالبنان كانوا يوما هنا وكانوا مصابيح لنا في عتمة السوق ولايزال منهم على سبيل المثال لا الحصر الصاعدي اللي لو يعطس لازم اقراء عطسته فهو مؤشر هام عندي ومنهم أبو عبود اللي يرسم لك الأهداف بالملي وبروكر نبض الاسهم المضاربية وغيرهم كثير فليعذرني البقية على ضعف الذاكره وقبلهم كان هناك شخص يرسم لك مستقبل السوق بموجات اليوت فتعمل فيه وانت مرتاح اسمه علي المبارك الله يذكره بالخير ويرحم والديه ووالدي من يقراء هذا .
والمقصود بارك الله فيكم جميعا أن نكون هنا أسرة واحده نتعاون على الخير في تجارة صعبة المراس فمكاسبها كثيرة إذا تعاونا وفجعاتها بالخسائر اكثر لو غفلنا وتهاوننا بها
المهم في الموضوع أنني منذ الإنهيار 2006 - 2007 دخلت السوق ثلاث مرات الاوله 2009 وكدت انجن من الخسائر ثم تركتها ورجعت 2012 وكانت النكسه وتركتها واليوم الثالثة
فالأوله كانت القاع وقلنا بيرتد السوق ولا شفنا فايده والثانيه أغلق بعد ان تجاوز السوق متوسط 100 يوم على الشهري وكان بشهر ثلاثه 2012 وكانت النكسه
واليوم الثالثه ثابته بعد أن اعتدلت كل المتوسطات ( وهي اصدق المؤشرات ) واصبح السوق واضح المسار الصعودي مافيها كلام .
فاللي نحتاجه يا اخوان المنطقية في التحليل والاجتهاد قدر المستطاع والأستعانه بالله والتسلح بالعلم والمعلومه ليمكن لنا الاستفاده فراس المال جبان ومضاربين الاسهم ودهم ينتخشون عينك فوق فلوسك والتجارة شطارة
والشيء الثاني كل شخص يحدد تعامله مع السوق هل هو مضارب يومي ( وياقو قلب اللي يضارب يوميا ) أو مضارب على فترة اسبوع او اسبوعين وشهر وشهرين واهداف محتملة الحدوث وهذي هي اللي انصح بها
والثالثه المستثمر وهذا لا يوجع راسه من الحين اقول له ( سابك وبناتها وإلا الاسمنتات وإلا صافولا والمراعي وجرير ومكه وجبل عمروالمملكة ومعادن والخزف واعمار ودار الاركان والاتصالات وموبايلي )
الكلام اللي يخصنا هو العمل على الوسط وخير الأمور الوسط لإصحاب المحافظ الصغيرة والمتوسطة لمن يريد أن ينمي راس ماله فلا للمضاربه اليوميه ولا للإستثمار فالأوله متعبه وتحتاج متفرغ حتى الناموسة لو وقعت على انفه صعب يلتفت لها والثانية لاصحاب المحافظ الكبيرة .
فالدخول في السهم وقت الإنطلاق والخروج منه وقت التصحيح افضل سيناريو يمكن أن يحصل .
واللي ما يعود نفسه يبيع بخساره لن يعرف المكاسب فلو انك دخلت في سهم على اساس انه سينطلق لكن صاحبنا قرر يصحح تجلس معه حتى ينتهي من تصحيحه ( اللي ما يبيع بخساره ينتظر ) والصح انك تعطيه اسهمه ولو اقتص منك مبلغ وقدره وتشوف فرصه ثانية حتى يخلص الحبيبب من تصحيحه وترجع له ففي الحركه بركه ومثل تعلمته منذ الصغر ( إذا طاعك السوق وإلا طعه ! )
اتمنى للجميع التوفيق وارجو أن تكون وصلت الرسالة
ودمتم بخير
سوق الأسهم ومنتدى أعمال الخليج متلازمه بالنسبه لي فكبار المحللين وكتاب يشار لهم بالبنان كانوا يوما هنا وكانوا مصابيح لنا في عتمة السوق ولايزال منهم على سبيل المثال لا الحصر الصاعدي اللي لو يعطس لازم اقراء عطسته فهو مؤشر هام عندي ومنهم أبو عبود اللي يرسم لك الأهداف بالملي وبروكر نبض الاسهم المضاربية وغيرهم كثير فليعذرني البقية على ضعف الذاكره وقبلهم كان هناك شخص يرسم لك مستقبل السوق بموجات اليوت فتعمل فيه وانت مرتاح اسمه علي المبارك الله يذكره بالخير ويرحم والديه ووالدي من يقراء هذا .
والمقصود بارك الله فيكم جميعا أن نكون هنا أسرة واحده نتعاون على الخير في تجارة صعبة المراس فمكاسبها كثيرة إذا تعاونا وفجعاتها بالخسائر اكثر لو غفلنا وتهاوننا بها
المهم في الموضوع أنني منذ الإنهيار 2006 - 2007 دخلت السوق ثلاث مرات الاوله 2009 وكدت انجن من الخسائر ثم تركتها ورجعت 2012 وكانت النكسه وتركتها واليوم الثالثة
فالأوله كانت القاع وقلنا بيرتد السوق ولا شفنا فايده والثانيه أغلق بعد ان تجاوز السوق متوسط 100 يوم على الشهري وكان بشهر ثلاثه 2012 وكانت النكسه
واليوم الثالثه ثابته بعد أن اعتدلت كل المتوسطات ( وهي اصدق المؤشرات ) واصبح السوق واضح المسار الصعودي مافيها كلام .
فاللي نحتاجه يا اخوان المنطقية في التحليل والاجتهاد قدر المستطاع والأستعانه بالله والتسلح بالعلم والمعلومه ليمكن لنا الاستفاده فراس المال جبان ومضاربين الاسهم ودهم ينتخشون عينك فوق فلوسك والتجارة شطارة
والشيء الثاني كل شخص يحدد تعامله مع السوق هل هو مضارب يومي ( وياقو قلب اللي يضارب يوميا ) أو مضارب على فترة اسبوع او اسبوعين وشهر وشهرين واهداف محتملة الحدوث وهذي هي اللي انصح بها
والثالثه المستثمر وهذا لا يوجع راسه من الحين اقول له ( سابك وبناتها وإلا الاسمنتات وإلا صافولا والمراعي وجرير ومكه وجبل عمروالمملكة ومعادن والخزف واعمار ودار الاركان والاتصالات وموبايلي )
الكلام اللي يخصنا هو العمل على الوسط وخير الأمور الوسط لإصحاب المحافظ الصغيرة والمتوسطة لمن يريد أن ينمي راس ماله فلا للمضاربه اليوميه ولا للإستثمار فالأوله متعبه وتحتاج متفرغ حتى الناموسة لو وقعت على انفه صعب يلتفت لها والثانية لاصحاب المحافظ الكبيرة .
فالدخول في السهم وقت الإنطلاق والخروج منه وقت التصحيح افضل سيناريو يمكن أن يحصل .
واللي ما يعود نفسه يبيع بخساره لن يعرف المكاسب فلو انك دخلت في سهم على اساس انه سينطلق لكن صاحبنا قرر يصحح تجلس معه حتى ينتهي من تصحيحه ( اللي ما يبيع بخساره ينتظر ) والصح انك تعطيه اسهمه ولو اقتص منك مبلغ وقدره وتشوف فرصه ثانية حتى يخلص الحبيبب من تصحيحه وترجع له ففي الحركه بركه ومثل تعلمته منذ الصغر ( إذا طاعك السوق وإلا طعه ! )
اتمنى للجميع التوفيق وارجو أن تكون وصلت الرسالة
ودمتم بخير