سوق القايله

[طوارىء]

يقولون كثر المساس يميت الإحساس !

تعودنا على فترة تداول غريبة من 11صباحاً إلى 3:30 بعد الظهر !


المسئول اللي جاب التوقيت هذا عجيب! كأنه توقيت مفصل تفصيل لمصلحة (ما).

والا فيه نشاط يكون وقته عز الظهر !!!

أقترح وأتمنى يتغير التداول إلى توقيت ( طبيعي ) أكثر !

مثلا 8 الصباح إلى 12 الظهر أو حواليها

سوق القايلة غير قابل للتداول الآدمي :)

( قيلوا فإن الشياطين لا تقيل )

[الشيخ عبد القادر]

انا معك اخوي العزيز وقت التداول قاتل خاصة وقت الظهيره من بعد الساعه وحده

[tornado]

يا شيبان اركدوا تراكوا ازعجتونا . متقاعدين و فاضين من صباح الله خير :)

طيب راعوا الناس الي في الدوام . عني انا التوقيت هذا مناسب جداً اخرج من العمل قبل 11 و على طول استنر قدام الشاشة

بالنسبة للي يشتكي من وقت الفراغ الصبح ترى يمدحون التمارين الصباحية مفيدة و توسع الخاطر ;)

انا معكوا في نقطة وحدة و هي طول مدة التداول لو يخلونها من 11 الى 2:30 افضل

[Ranger]

شوف انت واياه
يوم العساف وربعة يبون يحوشونكم في السوق حوش فتحوا لكم السوق صباحا ومساء وبعد صلاة التراويح وقروووض وووو
ويوم قفطوكم وسكروا عليكم القفص مضبوط خرطوا ام السوق نسب تحت وغيروا قواعد اللعبة
الاعمى يشوفها

عاد اذا خصمك القاضي .كل تبن راضي والا مانت راضي

مع الاعتذار عن اي تجريح والمقصود ليس كاتب الموضوع او من رد عليه

[AL NEW]

الهوامير ما يصحون بدري

[طوارىء]

الشيخ عبدالقادر

صدقت وخصوصا في الصيف يصير أزمه التداول !

تورنيدو

صدقني لا مت قاعد ولا مت واقف :) موظف مثلك ويناسبني التوقيت الحالي !

لكن يبقى من مصلحتي ومصلحتك ان السوق يكون بوقت ( طبيعي )

يا رجل قبل يخوفونا بحمار القايله ( اعزكم الله ) والحين صرنا نخاف هامور سوق القايله ... مع فارق التشبيه:D

قلت لي تمارين صباحيه مثل ايش :rolleyes:


رينجر

بالظبط هذا اللي قصدته بموضوعي ... لما كانوا يبون يسحبون سيولة الناس حددوا وقت التداول بحيث الكل يدخل السوق وينسرق ،

للأسف يتغير وقت التداول حسب أهواء وليس حسب التوقيت الطبيعي .

ال نيو

يسهرون على راحتنا وانا اخوك لازم ينتظرهم السوق :)

[طالع نسبه]

مشكور والله يجزاك خير