اغلاق جميع المباسط شرق الرياض وانذار مباسط الشمال!!

[NEW CHART]

ثلاث ساعات عشان احصل 100 بلكه و 6اكياس اسمنت!!!

افهم بس ليش؟؟؟

ترقبوا ازمة قادمة..

[مستثمر عقاري]

هذا نتيجة من يصفقون ويقولون عليك بالتجار يا امين الرياض او يا وزير العمل .

[NEW CHART]

هذا نتيجة من يصفقون ويقولون عليك بالتجار يا امين الرياض او يا وزير العمل .

باختصار عزيزي، الحكومة صدرت مشاكلها للقطاع الخاص للتخلص من صداع المواطنين.

الفترة اللي سبقت التنظيمات الجديدة كان فيها شحن اعلامي ضد الاجانب، اسال اي واحد بيقولك ذولا اكلوا البلد!!!!!

من اللي اكلها؟؟؟

اللي يغسل سروالك المروح برياليين؟
او اللي يشيل قراطيسك من الشوارع بثلاثميه بالشهر!!

الاجانب اللي عليهم الكلام مثل البنانيين في الشركات وبعض الهنود ورواتبهم تبداء من 25 الى 100 الف ما منهم مشكله!!!!


لعنه تلعن وزير العمل وكل حمار معه، دامه عطل مصالح الناس و القادم كارثي...

[NEW CHART]

احد يلحقنا من غلاء العمالة....

الاسعار زادت بحدود 50 بالمية بعد قرارات ذا الدب!

عندي تكسير بسيط للميدة، بعد رحلة بحث طويلة حصلت ب 1200 ريال

دفن حوش فله صغيره، اجار الشيول + عمال للتسوية 850 ريال

والله لو تبي تشيل مسمار 150 ريال دافعها دافعها!!

وايت الموية كنت اخذة ب 65 اليوم يقولي ب 95، ولا طلب مني 200 لانه بيصبها فوق الدفان بعد المكاسر رمالي 10 ههه

وكل ما اقول انت ليش غالي، الجواب جوازات مكتب عمل كله شيل فلوس زيادة، عمال كلو امشي ههه

نصيحة اخوية اللي عنده عقار يصك عليه واللي بيبني يدور جاهز ولو زاد عليك، بناء من الصفر احسب 30 بالمية زيادة على حسبتك الحالية.

العام الماضي كلفني العظم 320 ريال، والله بدون مبالغة توني مخلص عظم التكلفه تقترب من ال 500

المواد ارتفاع بسيط، لكن التنفيذ مكلف جدا
الله لا يوفقهم لا دنيا ولا اخرة..

[مستثمر عقاري]

فعلا كلام صحيح والمصيبة ستكون اذا بدأ500 الف سعودي في برنامج قرض وارض !!!! تخيل وش بيصير والله ما عندنا اي استراتيجية تركوا البلاد همال 30 سنة وفجأة يقولون كن نظامي !!! عجلة البلد ستتعطل اكيد لأنهم يريدون التغيير السريع وهذا التغيير السريع سيعطل تنمية العمل .

انا اعمل في المقاولات في السابق كنا اذا جاء مشروع كبير نفرح لأن ربحه سيكون جيد لكن اليوم لا نستطيع اخذ المشروع لأن سيحتاج عدد عمالة كبير , اذا نقلنا العمالة على الكفالة بعد انتهاء المشروع وش نسوي بالعمالة واذا ما نقلناهم سنكون مخالفين !!! لذا اصبحنا نرفض العمل ونعتذر عنه.

[مستثمر عقاري]

الله يستر من ارتفاع الاسعار .

[NEW CHART]

الله يستر من ارتفاع الاسعار .

اليوم قريب لي متفق مع مقاول عظم بدون مواد ب 150 ريال للمتر، قبل كم شهر ما كانت تتعدى 100 ريال!!

عندي لياسة، يقولون الاسعار دبل!!

انا مليس عمارة قبل 6 شهور، دفعت 7 ريال للمتر داخلي و خارجي، اليوم مهيئ نفسي لل 12 ريال.

والله مدري وش تاليها؟؟

للي يطبلون لوزير العمل، تتوقع ذا التكاليف راح تتحمل على مين؟؟

الجواب على ظهرك وظهر الضعوف اللي زيك.