حي فخم وراقي باسعار معقولة جدا ( شمال الرياض )

[متوافق]

من خلال جولة سريعة في بعض احيا شمال الرياض وجدت الاسعار مجنونة بسبب كثرة الطلب وقلة العرض الا انه لفت نظري اسعاربعض الاراضي في حي الملقا( ملقا العجلان الجزء الجنوبي )حيث ذكر احد اصحاب المكاتب انه تم بيع 11 بلك وان المشتري الجديد يبيع بالمفرد باسعار تتراوح بين 2600 و 3000 والسعر حسب مواصفات الارض .
القيت نظرة على المخطط وجدته يمتاز بعدة صفات منها:
الشوارع كل الشوارع 25 متر و20 متر.
المساحات من 1050 وطالع وهذا يعطي خصوصية للحي ( البناء قصور وفلل كبيرة).
وقوع المخطط على اربعة طرق رئسية من الجنوب طريق الامام سعود بن فيصل الممتد من طريق الثمامة الى طريق صلبوخ والشمال طريق انس بن مالك رضي الله عنه والشرق طريق الخير ومن الغرب طريق تركي بن عبدالعزيز الثاني (مخرج 2) وكلها بعرض 60 متر.

[1902]

شكرا متوافق .. .. أسعاره معقولة ..
المتجه للشمال على طريق صلبوخ .. يوجد محطة الصيعري قبل كوبري العمارية .. أين المخطط منها ..

[متوافق]

عفوا طال عمرك .
بعد مخرج الدرعية امسك الخدمة وبعد ثاني محطة يجيك جامع كبير لف قبله يمين متجه شرق مع وسط حطين النموذجي استمر الين تخرج من حطين ثم يجيك طريق تركي تعده يجيك على يدك اليسار مخطط الزامل بعده يجيك المخطط على يدك اليسار.

[مستثمر عقاري]

موقع رائع ومرتفع ميزة المخطط هو ان اقل شارع هو 20 م واكبر شارع 28 متر يعني لن يكون فيه اي عمائر وايضا الصرف الصحي موجود وينتظر فقط ربطه من قبل شركة المياة الوطنية وايضا القطع كبار .

[متوافق]

يتم الآن انشاء المقر الجديد لمدارس نجد شمال غرب المخطط .

[متوافق]

طلب استشارة من اهل الخبرة: احد الاصدقاء عنده ارض في نفس المخطط طولها على الشارع 32 متر في عمق 40 متر. افكر اشتريها انا وواحد ونقسمها بحيث تصبح 16 متر على الشارع في عمق 40 متر عمق والسؤال: هل هو مناسب من حيث الاطوال للبناء ؟

[مشاهد الأسهم]

شكرا لك اخي الكريم
الله يرخص العقار

[مستثمر عقاري]

طلب استشارة من اهل الخبرة: احد الاصدقاء عنده ارض في نفس المخطط طولها على الشارع 32 متر في عمق 40 متر. افكر اشتريها انا وواحد ونقسمها بحيث تصبح 16 متر على الشارع في عمق 40 متر عمق والسؤال: هل هو مناسب من حيث الاطوال للبناء ؟

اغلب الناس تحب الارض تكون على الشارع طويله وبهذي المساحة بتكون عرض الفله 12م بعد خصم الارتداد ولو كان عمق الفله 23 م (12 *23 ) = 276 م مع ارتداد خلفي 2 متر بتكون المسافة بين الشارع والفله 15 م معقولة نوعا ما .

اهم شي تكون انت مقتنع بالارض واتمنى ان تسوي اسكتش بسيط مع مصمم وبتعرف هل بيناسبك الوضع او لا بس في السوق بالعمق هذا بتكون غير مرغوبة بس فيه ناس تحب العمق لأنهم يحبون الارض المستطيلة عشان الساحات تكون في المقدمة فقط بدون الجوانب وتكون كبيرة في موقع واحد.

[متوافق]

اغلب الناس تحب الارض تكون على الشارع طويله وبهذي المساحة بتكون عرض الفله 12م بعد خصم الارتداد ولو كان عمق الفله 23 م (12 *23 ) = 276 م مع ارتداد خلفي 2 متر بتكون المسافة بين الشارع والفله 15 م معقولة نوعا ما .

اهم شي تكون انت مقتنع بالارض واتمنى ان تسوي اسكتش بسيط مع مصمم وبتعرف هل بيناسبك الوضع او لا بس في السوق بالعمق هذا بتكون غير مرغوبة بس فيه ناس تحب العمق لأنهم يحبون الارض المستطيلة عشان الساحات تكون في المقدمة فقط بدون الجوانب وتكون كبيرة في موقع واحد.
للاسف رفضوا التقسيم وخويي ارتخى والاسعار ولعت تم تنفيذ راس بلك ب 3150 وشارع واحد ب 2900 ريال للمتر

[(منسب)]

كأني ارى سماسرة العقاروالمكاتب يروون الحكايات والروايات كييقتنع من يقتنع بهذه الاسعار
ياصاحبي اسعارك ما تدخل العقل والله لو انك بالاحياء الراقيه بشمال الرياض ما تاصل الاسعار بهذا السعر
ما قول الا حسبي الله على من يتلاعب ويتحايل

[NEW CHART]

كأني ارى سماسرة العقاروالمكاتب يروون الحكايات والروايات كييقتنع من يقتنع بهذه الاسعار
ياصاحبي اسعارك ما تدخل العقل والله لو انك بالاحياء الراقيه بشمال الرياض ما تاصل الاسعار بهذا السعر
ما قول الا حسبي الله على من يتلاعب ويتحايل

شريت ارض زاوية لبناء منزلي شمال سلمان و غرب شارع الخير، قريبة جدا من مخطط الشعلان ونافذة على سلمان بحدود 1700 ريال،، هذا من خمسة اشهر تقريبا،، كلمني المكتب يقول ب 1900 لك خاطر بيع!!

طبعا البيوت قليله جدا و اغلبها استراحات، ولازلت غير مقتنع بالمنطقة..

قبل كم اسبوع حفرت مكاتب الامانه كلها لشراء ارض لزوجتي،، تصدق الى كبري قوات الامن الخاصة لايوجد ارض جيدة غير معيوبة باقل من 1400 ريال

اللي فيها غرفة كهرب او ظهير تجاري تنزل لل 1200

القادسية المنح قبل مشروع الوليد لا كهرب و لا موية و لا زفلت فوق ال 800

اخر شيء لقيت ارض بالرمال ب 1000 تصلح استراحة، عربنت و انا مغمض بدون ما اشوف طبيعة الارض والله، موعدنا يوم الاحد وخايف انه يهون قبل الافراغ

صدقني الاحياء الممتازة لها زباينها خصوصا الطبقة الغنية الجديدة و مع المقارنة باسعار المناطق اللي ذكرت يعتبرها القادرين جيدة.

تحياتي لك،،

[متوافق]

كأني ارى سماسرة العقاروالمكاتب يروون الحكايات والروايات كييقتنع من يقتنع بهذه الاسعار
ياصاحبي اسعارك ما تدخل العقل والله لو انك بالاحياء الراقيه بشمال الرياض ما تاصل الاسعار بهذا السعر
ما قول الا حسبي الله على من يتلاعب ويتحايل
طيب انا اتكلم عن حي من الاحيا الراقية وفي شمال الرياض وقصر وزير الصحة الدكتور الربيعة يشيد في نفس الحي

[متوافق]

بعد غياب شهر مريت امس العصر ووجدت على طريق الامير محمد بن سعد ( الخير سابقا) مول جديد يشيد تحت اسم الخير مول وعنه جنوب هايبر بنده ووجدت السعر تغير بقوة الزوايا على 3500 ريال للمتر والبطن من 2900 الى 3000

[روشن]

واحد يرفع والثاني يكبس

الطلب أكثر من العرض ! ماشاء الله الشعب عنده ملايين علشان يشري ارض بمليون !

العقول في راحه !

[متوافق]

واحد يرفع والثاني يكبس

الطلب أكثر من العرض ! ماشاء الله الشعب عنده ملايين علشان يشري ارض بمليون !

العقول في راحه !
كل ميسر لما( كتب له) الدنيا بخير والمستقبل واعد وبلدنا مزدهرة ولله الحمد وترى اللي يشتري عقار هم مواطنون سعوديون وعندهم فلوس الله يزيد ويبارك ويحفظ لنا امننا واستقرارنا

[متوافق]

من بشايرالخير: جامع المرحومة غادة البراهيم اوشك على الانتهاء وان شاء الله تقام فيه صلاة التراويح في رمضان القادم.
يشيد الان قصران في البلك المقابل للجامع من الغرب.
مباني هايبر بندة بدأت تبرز واتوقع ينتهي خلال ثمانية اشهر.
الخير مول والعايد لشركة وابل العربية للاستثمار تم الانتهاء من حفر بدروم المواقف وتم نصب القواعد.
الله يحييكم بعد رمضان تحصلوني اضبط بريق الشاهي على كسر الواح المقاول مسيان هههه

[NEW CHART]

من بشايرالخير: جامع المرحومة غادة البراهيم اوشك على الانتهاء وان شاء الله تقام فيه صلاة التراويح في رمضان القادم.
يشيد الان قصران في البلك المقابل للجامع من الغرب.
مباني هايبر بندة بدأت تبرز واتوقع ينتهي خلال ثمانية اشهر.
الخير مول والعايد لشركة وابل العربية للاستثمار تم الانتهاء من حفر بدروم المواقف وتم نصب القواعد.
الله يحييكم بعد رمضان تحصلوني اضبط بريق الشاهي على كسر الواح المقاول مسيان هههه
لي فترة ما دخلت الخير، ويوم الجمعة الماضي رحت اتفرج انا و المدام على الاحياء الجديدة جنوب دوار الخير ...

ما شاء الله شيء خرافي، هدوء و شوارع كبيرة و قصور .... عكس شرق الرياض هههه

وكانك تقصد الاراضي اللي في الرويتع او الزامل، اتوقع راح تكون ثاني افخم حي بالرياض بعد الثغر..

حي بدر اللي غرب الملك فهد اتوقع له نفس المستقبل، بلكات كبيرة و اغلب شوارعة 20 ،، يقولون ان التنفيذ بال 1800 ريال بعد ثبات فتره طويلة على 1500/1600 ريال

[متوافق]

هلا اخوي نيو شارت اشوى لقيت من يرد الصوت.
من سنة تقريبا شبت علي ام العيال اشتر لنا بيت بيتنا قديم وافقت وبلشت كل ما جيت من الدوام قالت هاه ما حصلت شي هههه يابنت الناس انا في الدوام المهم ما هنا بيت معروض في الشمال ما دخلته وبلشت اللي يصلح لي ما يصلح لها في الاخير قررت اشتري ارض وابنيها درت حفيت رجليني وانا ادور الهم دفعت عربون اكثر من عشر مرات ويرجع عربوني ولعل في الامر خيرة المهم في ليلة من الليالي اتصل على صاحب مكتب قال ترى احمد الحبيب اشترى من سعد العجلان 11 بلك تعال ادخل معنا بنشتري بلك واذا قطعنا فيه خذ لك قطعة قلت اعتمد المهم خويي ماش بارد طارت البلكات الزينة في خمسة ايام وخوينا يدور مساهمين دورت غيره ما لقيت المهم دورت احد يشاركني في قطعة ما حصلت اضطريت ابيع قطعة في حي الامراء واكمل واشتري من السوق والحمدلله اشتريت قطعة جنوبية مساحتها 1190 متر ب 2900 ريال والحمدلله صحيح مساحتها زائدة عن حاجتي بس ما يخالف عاد اعطيت التقرير المساحي للمكتب الهندسي لعمل مخطط وان شاء الله ينتهي على رمضان اما الحي فمثل ما تفضلت راقي والاسماء اللي اشترت فيه كبيرة ما اعرفهم بس يقولون اشترى فيه الراجحي والتويجري والدكتور العسكر والدكتور الضبيعان وبن سويدان ومجموعة كبيرة لاتحضرني اسماهم.
اما الحي اللي ذكرت بدر فهو امتداد للرحمانية والمحمدية والنخيل الشرقي والملقا ومتى ما تم تنفيذ كبري ابن عطوة وكبري ابن جلوي ستصبح المنطقة الممتدة من طريق الامير سلمان جنوبا الى جامعة اليمامة شمالا مطلوبة للسكن بقوة.

[مستثمر عقاري]

مبروك اخوي متوافق وانا سعيد انك اشتريت مساحة فوق حاجتك لأنه ما فيه احد اشترى اكبر وندم بالعكس من اشترى اقل هو من يندم .

ابحث عن ارض زاوية في المخطط بحدود 2000 متر اذا تعرف احد يبيع ترا الزبون موجود .

[متوافق]

مبروك اخوي متوافق وانا سعيد انك اشتريت مساحة فوق حاجتك لأنه ما فيه احد اشترى اكبر وندم بالعكس من اشترى اقل هو من يندم .

ابحث عن ارض زاوية في المخطط بحدود 2000 متر اذا تعرف احد يبيع ترا الزبون موجود .
الله يسعدك في هذا اليوم المبارك ويسعد كل مسلم طلبك موجود بس دف المساحة شوي في حدود 400 متر وابشر بسعدك

[مستثمر عقاري]

مشكور واذا تعطيني رقم القطعة مع السعر اكون لك من الشاكرين .

[متوافق]

احد زار الموقع ؟ وش رايكم يستاهل المدح

[المتــــأني]

شوفوا لنا معكم شي يكسب النصف لاهنتم ومشكورين ..

[متوافق]

تم تنفيذ قطعتين متجاورات على شارع 20 شمالي في بلك 86 بسعر 3000 ريال صافي للمتر

[NEW CHART]

تم تنفيذ قطعتين متجاورات على شارع 20 شمالي في بلك 86 بسعر 3000 ريال صافي للمتر

يستاهل ,, تصدق إن بدر أ للزوايا فوق ال 2000 ريال!!

أنا أعرف واحد سام قطعة قبل إسبوع في بدر أ شارع واحد ب 1900 ريال ورفض المالك!!

الأسبوع الماضي في حي القدس شرق الرياض قطعتين على شارع 20 وجاية على حرف t نفذت على 3 الاف!!

الحي مهم جدا, لأن قيمة بيتك بعد 20 سنه راح تعتمد على قيمة الأرض.

[متوافق]

تم بحمد الله الانتهاء من جامع غادة البراهيم وهو جاهز للصلاة الله يتقبل .
تم وضع اللوحات الدعائية على المول وتم اختيار الاسم : المكان مول وهو على وشك الانتهاء .
بيعت قطعتين شرقيات مساحة الواحدة 1050 متر بسعر 3100 ريال للمتر