وبعدين مع هالكابلات

[غزال العرب]

السلام عليكم ورحمة الله وبركاته ....

ياجماعه انا محتار مع هالكابلات وشاريها بسعر 68 ريال والسهم مكانك سر ... بأيه تنصحوني :(

تحياتي

[ابو ناصر]

الاقلاع قريبا جدا الى فوق الثمانين
والله العظيم ماعندي ولا سهم بس عندي خبر موثوق جدا
لاتستعجل في البيع

[غزال العرب]

الله يبشرك بالخير ابو ناصر :D خوش انا شاريها بفلوس صديق لي ومراهن عليها :o

[متوقع]

- اهلي بك - وانصح بالصبر .. ولا قفز تذكر قفزات الغزاال ..;)

- وابنشدك ..!
- كيف الريم ينصااد ..؟؟

ومن المرح سمعت غزل التكاارنه ( الافريقيين ) في الغزل قولهم .

- يا غزاله تغز غلي .. يا حمامه بيت الهرم ( اي الحرم ) هقهقهقهق .:)


- واللهم زوجني ......;)

[Yousef]

بشرك الله بالجنة يابو ناصر
صراحة تعليقاتك تشرح الصدر...ويعلم الله أنني أضنك من أصدق الصادقين
زادك الله من واسع رزقه وفضله... " اللهم وسع له في رزقه "

[M1423A]

وسعوا صدوركم شوية
هي الشركة الوحيدة التي لم تأخذ نصيبها في الارتفاع . الصير طيب

[ابو ناصر]

اخوي يوسف
لو مايجيني من هالاسهم الا دعائك كان يكفي

[Yousef]

أخي الفاضل / أبو ناصر
يعلم الله أنني ادعو لك من أعماق قلبي لأنني أتوسم فيك الصدق

ولتعلم ويعلم الجميع أن من دعا لأخيه المسلم فإن هناك ملك يِؤمن على دعائه
ويقول : ولك مثله
ولتكن تلك هي قاعدتنا العامة لتعاملاتنا

[Yousef]

أخوي أبو ناصر
كم قفلت الصباح الكابلات وسيسكو

[غزال العرب]

آخر سعر تداول 68.75 :(

[متوقع]

ويبدا المطاارد .. واطردي.... وتتدافع الانفااس وهي تركض وتركض ..

ثم تهدي شوي يبدا المطاارد .. الين تنصاااد .. ولا تفلت كسباان .:D



الله يوفق الصبر طيب ...:cool:

اللهم زوجنيي .....

[alharbi]

عندما كانت بـ 62 ريال لم تجد من يشتريها

http://www.thegulfbiz.com/vb/showthread.php?threadid=34704

http://www.thegulfbiz.com/vb/showthread.php?threadid=35113


لكن عندما ترتفع الشركه تجد الجميع خلفها يخطب ودها . الان عرفت كيف يكسب الهوامير

[الريم]

السهم عليه تجميع كبيرومن فتره
انتهوا من مرحلة التجميع الاولى
والمرحلة الثانية على وشك الانتهاء
وسيودع السهم الستينات قريبا وقريبا جدا
والله اعلم;)

[swift]

الرسالة الأصلية كتبت بواسطة alharbi
عندما كانت بـ 62 ريال لم تجد من يشتريها

لكن عندما ترتفع الشركه تجد الجميع خلفها يخطب ودها . الان عرفت كيف يكسب الهوامير

كلامك صحيح أخوي الحربي 100% وأي واحد في المنتدى سواءاً فاهم ولا مهوب فاهم يقدر يتعرف على اسلوب مضاربها وعلى الأقل في الوقت الحالي ، لأنه سواها أربع مرات خلال يمكن شهر يرفعها وبعدين ينزل يجمع كم يوم .

طيب الحركة زي ما قلنا انعرفت للجميع ، طيب وش اللي يخيش البعض إذاً ؟ لماذا زي ما قال أخونا الحربي الناس يطاردون وراها الآن يوم ارتفعت .

السبب ان فيه ناس زي أخونا الفاضل أنور جلس الأيام اللي فاتت يرفع في كل المواضيع اللي عن الكابلات وحتى اللي كاتبها غيرة ومرة يكتب 90 ومرة يقول 100 وآخرتها حددها ب 95 . وهذا اللي اسمه التخييش لأن كثر الدق على الحديد يثنيه وقلوب بعض الشباب هنا على الحفة . لو انه يقول سترتفع وبس ، كان الناس تدبرت أمورها لكن عندما يحدد 95 فهو يحوس أسلوب التفكير المنطقي عند صغار المضاربين ، ويفوت عليهم فرصة اكتساب المعرفة والتعلم في السوق . شف مسكين غزال العرب شاري ب 68 حتى لو ارتفع السهم وش بيجيه هاليومين .انا شريت بـ 61.50 مهوب على كلام انور وبعت ب 68.5 مهوب على كلام أنور ولو اني ابتبع كلامه كان شاريها هلحين ب 69.75 وقاعدة بحلقي الى دليم .

هذا اللي يخيش الصغار ولا حنا عرفناله نشتري بالنازل ونبيع بالطالع بسرعة بدون طمع وماشين معه زي الحلاوة .

شكرا اخي الحربي لتوضيح هذه النقطة الهامة لصغار المتداولين . والله اني مانبسط اذا شفت مضارب صغير خسران والهوامير اهل المليارات مغير يشفطون وحنا هنا صغيرين ونخيش بعضنا بعض .

[غزال العرب]

يعني مافي أمل :(

[abu_ali]

ليه مافيه أمل ... !!؟

فيه عدة أمال يا أخي الكريم ... والمطلوب منك الصبر فقط
وترا ... راعي الكابلات مايصبر تحكه يده لازم يحركها كل يومين .
:cool:

[swift]

الرسالة الأصلية كتبت بواسطة غزال العرب
يعني مافي أمل :(

مهوب المقصد ان مافيه أمل ياغزال

المقصد وانا اخوك اننا ودنا تدخل بالسهم في الوقت المناسب وتطلع في الوقت المناسب ولا تخلي المواضيح او المشاركات الشاطحة تأثر عليك ، انت ماعليك خوف ان شاء الله ويمكن يرتفع السهم بعد كم يوم بس يبي يحوس شكله شوي عن هالسعر للتجميع الجديد . بس اهم شئ السوق لا يتأثر بشكل عام .

[غزال العرب]

:D