ياناس تكفون دلوني ...........

[عادل الوافي]

عندي سيوله ــ قرض ــ والرهن العقاري الشهر الجاي وأبي شوركم ....

هل أضعه في أرض أو في أسهم شركات عقارية

[مدرعم في الاسهم]

اخوي عادل اولا يجب ان لاتعول على الرهن العقاري شي ابد فالرهن موجود من اكثر من 15سنة بطرق ملتوية في البنوك واولها البنك البريطاني فزميلي قبل اكثر من 15سنة اشتراء بيت عن طريقهم ايام الرخص
وماهي الا مسميات يراد منها التلاعب في المواطن الضعيف

ثانيا نصيحتي لك ان لم يكون عندك بيت فاشتر بيت وان لم تقدر تشتري بيت ابحث عن ارض قريب منها العمران وتوكل على الله وحط قريشاتك فيها ابتعد عن الاسهم وخاصة العقاريات ماوراها الا الدجة والضحك على الدقون

الله يوفقنا وياك لما يحب ويرضى

[رائد الحربي]

نصيحة مافي زي التجارة
شوف لك مشروع وتوكل على الله بس شوف لك شريك يكون متفرغ يشاركك بس عشان يتابع المشروع لانك اذا موظف فحتنسرق

العقار لو قامت حرب يطيح والاسهم كل يوم وانت في مهب الريح

[مضارب محت78رف]

اخوي عادل
امن نفسك ببيت اولا وتعال طقطق في الاسهم
اما من يقول تجارة وغيرها طيب ليه مشغل عمرك في منتدى الاسهم؟؟؟؟؟;)

[ولد صالح]

انت ابخص بالسهم لانك محلل معروف وسؤالك فيه ذكاء وفقك الله لكن عندي مشروع مبسط لو اقدر انفذه اتوقع له نجاح وتطوير م
نقل مشاوير بسيارات مؤمنه باجهزه اتصالات ومتابعه تحديد الموقع وتبدا بحجم صغير ثم ترتقي حبه حبه

[رائد الحربي]

اخوي عادل
امن نفسك ببيت اولا وتعال طقطق في الاسهم
اما من يقول تجارة وغيرها طيب ليه مشغل عمرك في منتدى الاسهم؟؟؟؟؟;)

لان راس ماله تناتيف ماتسوي له شئ :)

[مضارب محت78رف]

ما اظن القرض تناتيف
وخاصة اذا مع الرهن العقاري بتنحل مشكلته كثير ومن يقول ان الرهن مطبق من اول اقول له نعم ولكن بنطاق ضيق وشروط مجحفة وخالي من نظام التنفيذ والذي يعد الاضافة الجديدة والهامة لتسهيل اجراءات القروض

[رائد الحربي]

ما اظن القرض تناتيف
وخاصة اذا مع الرهن العقاري بتنحل مشكلته كثير ومن يقول ان الرهن مطبق من اول اقول له نعم ولكن بنطاق ضيق وشروط مجحفة وخالي من نظام التنفيذ والذي يعد الاضافة الجديدة والهامة لتسهيل اجراءات القروض
انا اتكلم عن نفسي يوم اقول للرجال روح للتجارة
وانت تقول اللي ينصحك وش يسوي معنا في المنتدى فاقولك راس مالي تناتيف

[مضارب محت78رف]

السموحة منك يا الغالي:)

[عادل الوافي]

ألف شكر للجميع على نصحهم ....

ولله الحمد والمنه عندي بيت ، والأن خلصت من ديونه وقروضه وتيسرت بعد أن طلع اسمي في العقاري وسددت الديون .
أقترضت لسبب وهو أنني منذ 23 سنة وأنا أعيش على القروض وما يبقى من الراتب يكفي ، ومنذ رمضان وراتبي صافي بدون قروض بالرغم من زيادته إلا أنه لايبقى منه ريالاً وأحداً .....لذا أخذت قرض يمسك الراتب و سددت منه وأشتريت سيارة للولد ، والباقي سوف أعمل بنصيحة أخي مدرعم بالأسهم ........

[KingOFchart]

اذا تملك بيت استثمر في الاسهم وتترزق
والعقار اسعاره متضخمه
متوسط العائد السنوي على العقار 6.5%
متوسط العائد على الاسهم 8%
واحذر من الاسهم الورقيه بالذات التأمين لانها متضخمه جداً وطريق الافلاس