السلام عليكم ورحمة الله وبركاته

[شربكه]

بسم الله الرحمن الرحيم , وسلام الله عليكم جميعاً


كل عام والمسلمين والعرب في كل مكان بخير , وكل عام وشبيحة سوقنا اللي يكسبونا بعد الله بخير

اشكر جميع من سئل عني سواء بريدياً أو هاتفياً أو بعت تلغراف

مع الاسف كنت الفترة الماضية بعيد عن السوق وماكان فيه أي جديد وكان السوق ضعيف وغير مغري إلا من كم شركة ما تسوى الواحد يتابع السوق علشانها رغم ان صارت ارتفاعات بالمؤشر زينة وماهي زينة لأن اللي استفاد منها القطاع الماخوذ وباقي القطاعات فاتحة فمها وتتفرج عليهم وتتحسر على نفسها ! قال تحليل مالي قال ! دارهم ما دمت في دارهم

موضوعي هذا أول شي وأهم شي أني اسلم على الجميع بعد انقطاع بسبب بعض المشاغل ومثل ما ذكرت ان السوق بالنسبة لي ما كان مشجع ولليوم , وثاني شي تطمين لبعض المتعلقين في بعض الشركات اللي يملكون فيها يعني مو لفتح مراكز جديدة

يمكن الحدث الأهم في الفترة الماضية هو الإنقلاب اللي سواه مرسي على القائد الأعلى للمجلس العسكري سعادة المشير وقلبه من مشير إلى وكيل رقيب ! فبعد ما ساعد المشير الأخ مرسي في الثورة على السوق وشاف مرسي أن وضعه تحسن وكون قوة مع بعض الاخوان من الشبيحة حسبها بينه وبين نفسه وقال انا اشتغل واخرتها الصيت للمشير ! لا ياحبيبي لازم اصير بالصورة واثبت أني أنا الاساس وفعلاً سوى عليه إنقلاب وسوى تحالفات جديدة ومثل ما يقولون الرزق يحب الخفية . ما علينا الله يستر على الجميع وخلونا نشوف وش عند بعض الشركات


بتروكيم لعنبو بليسه دورت عليه بجميع القوائم عند المتخصصين من المسلمين في إجازة الشركات وحتى بقوائم بعض القساوسه وما لقيت أحد محلل السهم أبوه من سهم طلع أبن ستة وستين حرام ما أدري وش مسوي ؟ ومع ذلك فيه شبيح من العيار الثقيل ناوي فيه نية لكنه انشغل من كم يوم بسهم المملكة استغفر الله هذا الشبيح لاعب لعبته مع الحرام شكله هو وأبليس متصادقين ومتقاطين باستراحة وحدة ومظبطله أموره ! ما علينا من الناس ومثل ما اتفقنا من البداية الكلام للمتعلقين وخاصة بهذا السهم نقول لهم أتبعوا قول الله تعالى ( وإن تُبتم فلكم رؤوس أموالكم ) فإذا وصل لسعرك والمتوقع بين 27 إلى 30 ابحث عن الطيب من الرزق


اللجين الأخ اللي فيها مكتوب بدفتر العائلة العلامة الفارقة (نجس) فهو من النوع اللي يترك السهم يجاري السوق بالارتفاع وإذا وصل سعر عشرين يجيك الضرب والدبج من كل مكان وصارله بالسهم سنين طويلة شغال على نفس الوضع وما أظن يغير أسلوبه حالياً


نماء طبعاً الأخ اللي بالسهم مافي واحد بالسعودية ودول الخليج ما درى أنه بالسهم ! وما فيه شبيح إلا وماخذ كمية كبيرة ومتقفيه بالسهم ! يعني ما قدامه إلا يضحي بالسهم ويقبل بالخسارة ويدور غيره وبسرية أكثر أو أنه يضف كامل أسهم الشركة ويطامر فيها غير كذا السهم راح يكون حبة فوق وحبة تحت وتضييع وقت


المتقدمة الشبيحة اللي فيها معدلاتهم 24 تقريباً وهدفهم ماهو بعيد عن اغلاق الأربعاء وعلى قولهم بين 30 و 32 راح يتخارجون من السهم


كيان صناديق البنوك والمحافظ الخاصة شغالة ليل ونهار تجميع بالسهم والدعوة ماهي شغل شبيحة شغل ناس ما تدخل بالسنة إلا مرة وحدة وضاغطينه عشان ما يتنفس


بترو رابغ خلوها تولي سوت اللي عليها هي كل كم شهر تطلع 9% وترجع لفترة سبات وشف عاد متى يتحرك مرة ثانية . خلونا نستفزهم


اسمنت حائل الشبيحة عبو محافظهم بين 17 و 18 وشغالين تسحيب بالسهم ولا من شاف ولا من درا لكن وين النية الله اعلم لأن ما وصلني هدف تقريبي للسهم وياليت من عنده علم يفيد اخوانه


اسمنت الجوف وعدونا بالعشرينات لكن طلعوا خرطي وعلى العموم مازالوا بالسهم نراقب ونشوف اخر خراطهم


الغاز الأخ اللي نتفو منه مبرد بسعر 15 دخل السهم وعشعش فيه وكل ما قابل واحد قال له وش رأيك بالسهم شفت وشلون مسيطر على السهم وما تأثر بالنزول السابق !!! من صدقه يتكلم ذا الشبيبيح هو السهم طلع أساساً عشان ينزل ؟؟؟؟!!! من يوم اكتتابه وهذا سعره


الغذائية مافيه جديد دام السامج مازال بالسهم ويمكن التغيير اللي صار برمضان ان كم شبيبيح دخلوا السهم وتعلقوا ويدورون النحشة من السهم ولحقهم قبل كم يوم كم هويمر لكن ما أدري بتنسيق أو درعمة ودخلو معاهم بشبه تعليقة إذا ما تحرك القطاع وفكهم


أنعام طبعاً ما يحتاج ماركة مسجلة لاخونا معلومة (أبومحمد) لكن السؤال يا أبومحمد لو وافقت الهيئة على رفع رأسمال الشركة وش الجديد ؟ قرمبع بقرمبع


القصيم الزراعية وما أدراك مالقصيم الزراعية هذا السهم اللي بقى للمشير بعد ما عزله مرسي وشكل المشير راح يسوي فيه ثورة يستعيد فيه أمجاده ومتحفظ جداً لدرجة أن جته خمس محافظ ومن حرصه عليهم نادى عوض وقال له ياعوض الله يستر عليك خذ الاخوان وافتحلهم محفظتين ببنك الدم وثلاث محافظ بالبنك الزراعي , والله يخارجنا من اللي يتابعون المحافظ !!!


جيزان انتهت الترتيبات على السهم واصبحو جاهزين لفك التعليقة لكن ما أدري إذا كان إلتون داخل معاهم بالترتيب أو .. لا


عذيب هالشبيح ما عنده سالفة يوم درا أن شبيح المتكاملة ناوي يطير بالمتكاملة أخذ عذيب وقال امشي هذي مع هذي واخرتها شوط بقرة وطلع اغلب محافظه من السهم بعد ما فاحط وغبر علينا وخلانا نقول الله يعين عسى نلحق ناخذ من أول نسبة فوق ! أقول الله يصلحك خلك بزراعيك وعساك بحملك تثور


المتكاملة بصراحة لعب عليّ رغم أني غردت فيه ووصيت عليه بسعر 18 ما ادري 19 وقلت نبي نطلع حق السفرة والسمبوسة والفيمتو منه قبل رمضان رغم أني ما أحب السمبوسة لكن عشان الأهل لكن مللني وانحاش وخلاني والعجيب أن الأخ مازال بالسهم وشال زيادة وما أدري وش النية لكن نقول ان شاء الله يفك المتعلقين


المصافي الخال مازال مصر على التدبيلة من سعر 70 وذاك اليوم قابلته واستفزيته وقعد يحلف لين طلعت عروق سنادحه ورقبته كنه عامل شايل فوق رأسه ثلاجة . ويقول تشوف والشاشة بينا , لكن كل مضارب له اسلوبه! تكفى خف علينا يا وارن بافيت , بصراحة الخال من شفته يروح للأبل بعز القيظ وأنا حاس أن الشمس عاملة عمايلها معاه , وبعدين ما أدري وش معجبهم بالبعير هو براطمه ومطير عيونه بالسماء كنه خبل , أمريكا أرسلت مسبار للمريخ وهذول جيب الشعير رد الوايت . لكن الله حق الخال راعي فزعات وياما استدعوه الشرطة بسبب كفالات اصحابها ما سددوا اللي عليهم يعني راعي فزعة وان شاء الله تكون الشمس ما أثرت على الخلايا اللي برأسه اللي فيها مركز التحكم في أهداف السهم


عسير تفركشت المجموعة اللي بالسهم من بركات أبو راشد


الباحة صار فيها تعاون شبيحة جيد ومجموعة منهم تخارجوا من السهم يوم الأربعاء والمجموعة الثانية باقية بكمياتهم والغريب أن راعي الدلة كل يوم واحد رادفه بسهم ومطلعه بخسارة وبصراحة ودي أقعد معاه واشوف وش يحس فيه أو وش نوع الأكل اللي يأكله ! لكن السهم أظن اللي يشتري فيه بهذا السعر أحس أن برأسه فتق أكبر من فتق طبقة الأزون رغم أنهم يحرجون على السهم ويقولون الوعد 40


الصادرات بصراحة المطوع واللي معاه أبدعو فيها واستفاد وفاد من السهم ومازالت عنده كميات جيدة بالسهم ويحاول يطلع من السهم بنظام التطبيل لأن عنده سهم بالقطاع الماخوذ ومنتهي تجميع ولو قال راح يدبل فيه خمس مرات راح اصدق والأخ حريص جداً جداً أن ما أحد يعرف السهم ويمكن الكميات الباقية خارج محافظه ما تجي 2 مليون سهم قيمتها أقل من 80 مليون ريال والرجال حريص أنه يخلي مؤشراته الفنية سيئة عشان ما يبلشونه حقين التحليل الفني ويقعدون يتميلحون ويوصون عليه , وبصراحة لو لي بأسهم التأمين كان حطيت ما وراي ودوني بالسهم وبعت البيت والسيارات وحطيتها بالسهم ورحت سكنت بالريفيرا وقعدت أكتب مذكراتي أيام البديعة ومثل ما قال ما أدري مين : قلوا علامك تزور حي البديعة كل يوم .. قلت السبب صاحبي الله حسيبي عليه

وقمت أكتب مذكراتي مع رفقاء الدرب اللي كل واحد فيهم حياته ملحمة تاريخية تستحق الوقوف عندها أمثال جلوف والدغبجي والجرادة والزرادية وخصوصاً الزرادية هذا واحد من الشباب حضرمي جانا من جدة وسكن الحارة معانا , ومسمينه الزرادية لأنه إذا سلم عليك وضغط على يدك لازم يكسر واحد من اصابعك من شدة الضغطة وما شاء الله عليه الوحيد اللي مشت أموره من الشلة وصار تاجر مواد بناء كبير واعتقد الوحيد من السعوديين اللي ما دخل سوق الأسهم لليوم وكنت أحاول أقنعه يدخل السوق وكل ما جبتله طاري الأسهم قال ( إذا أنت أمير وأنا أمير مين يسوق الحمير) ما أدري وش دخل أم المثل بسوق الأسهم ! أساساً من عرفت الزرادية وهو حافظ هذا المثل ومثل ثاني يقول ( اللي اخذته القرعة تأخذه أم شعور ) والمصيبة موظف المثل الثاني بكل شي ويستخدمه في غير مكانه الصحيح ويقول الزرادية الله يذكرها بالخير خالة فريال جارتنا بجدة تعلمت منها هذي الحكمة وصارت ناقوس بحياتي ! أمحق من حكمة هو خالته فريال

حنا طلعنا من موضوعنا لكن لعلنا في موضيع لاحقة إن شاء الله وكان عندنا متسع من الوقت نتكلم عن الدغبجي وعن مناقبه والمقولات اللي اشتهر فيها وذهبت فيما بعدأمثالاً , المهم راعي الصادرات ناوي سهم تأميني الله يغنينا بحلاله عن حرامه , لكن الله يهديه ويشوف سهم بغير هالقطاع الماخوذ عشان نعشت معاه


صدق يقولون مرسي عنده محافظ فوق 24 مهمة وناوي يطلعها من السهم .

التعمير شبيحه قاعد يأدب سهم تأميني حشره اليوم للنسبة تحت ويقول أنتظروني

مدينة المعرفة بالطيب بالقوة بالمذابح بالمجالد لازم يوصلونه 23 والا يطلع المشروع عليهم بخسارة وترى 23 تعتبر رأس برأس ويا دار ما دخلك شر


الجماعي , إلتون لعب لعبته يوم الثلاثاء والأربعاء وطلع محافظ تهمه وكالعادة ممكن سيناريو جيزان يوم كانت بالثلاثينات يتكرر مع الأخوان بالسهم وصورة طبق الأصل حتى بالأعذار ! وبعض محافظه فيها الجماعي والطباعة والتغليف وخسرانين بالجماعي ورافعلهم الطباعة عشان هذي تشيل خسارة هذيك ! يا شطنو إلتون ذهين ! ولا تستغربون إذا قعد ينب عليكم ويعزمكم على الطباعة والتغليف ويقول الوعد 40 والله يكثر الخرفان بالبلد لأن الحج قرب ونحتاجها للضحية


مبرد إذا قدر يخارج نفسه من السهم فوق 60 يعتبر فنان مع مرتبة الشرف الأولى للشبيحة


تهامة المهبول يقول 150 بلا هبال اللي كسبان السوق مليان فرص كثيرة مثل أمانة ومبرد :)


شمس أبو ضروس مسكين عليه الهيئة الله يقويهم كم محفظة وورط بعمره

طبعاً ما ذكرت كل الشركات وحاولت اختصر ومثل ما قلت الموضوع للمتعلقين والمراكز الجديدة نحاول ان شاء الله نفتح لكل سهم موضوع مستقل


المعذرة يا اخوان اذا ما قدرت ارد على مداخلاتكم بسبب بعض المشاغل لكن أحاول ان شاء الله الرد مع أول فرصة
نطلع من موضوع وندخل بموضوع

بالنسبة لحسابي بتويتر فأني لن اغرد فيه الفترة القادمة والكتابة من خلال المنتدى فقط لسببين.

الأول أني راعي قرقة وشغل كم حرف ما يخارجني ولا يقعد رأسي

والثاني لأني سئلت أحد المختصين وقال لي أن أسهل شيئ اختراق حساب التويتر ودريت أن ممكن أي أحد يعطي بنغالي 10 ريال ويجيب خبر الحساب و20 ريال ممكن يخترق البنتاغون ويمرر مكالمات على سنترالهم . والله البنغالية عندنا لاعبين لعبتهم بدون حسيب أو رقيب أول

وبالنسبة لبعض حسابات تويتر واللي تحمل اسم شربكة أو اسم مضاف إليه شربكة لا تعنيني لا من قريب ولا من بعيد غير الحساب اللي يعرفونه بعض الاخوان فقط لا غير البتة
مثل ما قلت الأساس بالموضوع السلام عليكم وان شاء الله لنا مواضيع قادمة جديدة , وتوصيات نحاول التعويض فيها بعد إرادة الله سبحانه وتعالى
نطلع من موضوع وندخل بموضوع
متى ما شفتوا الشبيح طاق صورته بأي وسيلة تواصل إجتماعي وهو مفرع رأسه وجايب شعره على جنب ويناظر نظرة كني ما أدري أن أحد يصورني , ادروا أن الشبيح يدير محافظ نسائية , هذي خلوها قاعدة عندكم
قبل ما اختم موضوع الأسهم شبيح الدرع العربي يقول جمل الله حالكم
نطلع من موضوع وندخل بموضوع
يوم الجمعة بعد الغدا قولوا وش يدرينا متى معاليكم يتغدا ؟ أقولكم قمت من الغدا الساعة 2 الظهر بالضبط وعلى بال ما غسلت وقعدت قولوا خذت المسئلة ربع ساعة بعدها قمت اقرأ التغريدات على الجهاز عندي , طبعاً أخوكم ضايف عنده أكثر من 600 مغرد بين افراد وقنوات وهاشتاقات وخرابيط من شرقها وغربها اتسلى فيها اذا كنت فاضي أو انتظر دوري عند حلاق او زحمة عند إشارة المهم لتضييع الوقت والاستفادة احياناً , المهم وشوي إلا والعنز مجتهد بدأ ينعق , طبعاً الوضع طبيعي أنه يناعق طول السنة لكن اللي مو طبيعي أن نعقته تطلع بحساب قناة الميادين المجوسية بنفس الوقت !!!!!!!! وما طلعت ريتويت طلعت وكنها صادرة من نفس حساب الميادين وقمت اشيك المضافين عند العنز مجتهد وما لقيته ضايف الميادين واشيك الميادين ولا لقيتهم ضايفين العنز مجتهد , طبعاً العنز مجتهد واصل النعيق لكن الميادين ما طلعت عندها إلا النعقة الأولى . تقولون وش تبي توصله ؟ أقولكم
حساب الميادين غير موفقين معاي ابداً وحظهم ماهو حلو معاي لأن قبل فترة وأنا اتابع حسابهم إلا وشوي وتطلع تغريدة من الحساب تقول أن على سطح الخزان فيه شخص معاه مضاد طائرات وبلغوا الطيار , طبعاً انقلب رأسي وش الموضوع المهم شوي وتنسحب التغريدة ! وشوي إلا وتجي تغريدة يعتذرون فيها أن الحساب اخترق واللي مكتوب حنا غير مسؤولين عنه وتم استرداد الحساب !!!! يا سلام اللي قاعد يتابع شربكه غلام خان !!! في أقل من دقيقة تم اختراق الحساب وتم استرداد الحساب !!! المهم واقعد ابحث بقوقل طول اليوم إلا وألاقي الذيابة حقين الجيش الحر صايدين التغريدة وطلع العنز مراسل الميادين بحلب قاعد ينبه الطيار اللي يقصف حلب عن طريق الحساب واظن أنه عنده صلاحية على الحساب الرئيسي ويستخدم حساب اخر للتواصل مع جيش الجحش بشار عشان يعلمهم بتحركات الجيش الحر لكن اخطئ بدل ما يستخدم الحساب الفرعي استخدم الرئيسي !
تقولون وش اللي بتوصله ؟ أقولكم يوم بدأ العنز مجتهد ينعق ما طلع بحساب الميادين على تويتر إلا النعقة الأولى وباقي النعقات ما طلعت والله اعلم أنهم خافوا يسحبونها وينكشفون مثل ما صار مع مراسلهم بحلب فتركوها ومازالت موجودة بحسابهم وكذلك بحساب العنز مجتهد , وهذا يعني أن فيه تعاون ما بينهم وفيه رابط كبير وراء من يدير حساب العنز مجتهد وحساب الميادين
شباب الرجاء ثم الرجاء ثم الرجاء ثم الرجاء عدم التعليق على الجزئية اللي تخص العنز مجتهد وما طرحتها إلا لتكون صورة لمن يهمه الأمر فقط لإتخاذ اللازم . وحنا خلونا بأسهمنا وشبيحة سوقنا .

نطلع من موضوع وندخل بموضوع

لاتنسوا اخوانا في سوريا من دعائكم ومساعدتكم

قال صلى الله عليه وسلم (ما من امرئ يخذل امرءاً مسلماً في موطن تنتهك فيه حرمته ، وينتقص فيه من عرضه ، إلا خذله الله في موطن يحب فيه نصرته ، وما من امرئ ينصر امرءا مسلما في موطن ينتقص فيه من عرضه وتنتهك فيه من حرمته ، إلا نصره الله في موطن يحب فيه نصرته)

وحتى تعرفوا معاناتهم فقد عبر أحد الاخوان السوريين ساخراً بقوله : أنه اصبح من الترف اليوم أن تدفن جثة سوري في سوريا وهي كاملة

كتبت على عجالة فسامحونا على الأخطاء في الكتابة

وفقكم الله

[بروكر]

ياهلا ياهلا ياهلا
والله لك وحشه ياشربكه

تحياتي

[طيب النية]

منور وانا خالك

افتقدتك وسألت مامتك سستر موضي

وقالت انه مصادقن ( مضارب نماء ) الداشر واذا رجع واثر ريحة التتن صابغة بثيابه;)

[fahad_0500]

وعليكم السلام
والحمد لله عالسلامة

[مضارب محت78رف]

هلا وغلا أسفرت وانورت الدار بقدومك
وكل عام وانت بخير ولك وحشة بالفعل بس احيي فيك صبرك على عدم الكتابة عن السوق.
مرة اخرى لك وحشة وحياك بين إخوانك مرة اخرى وعدت الى عرينك.

[المفارق]

يعطيك العافية .. تراك شربكتنا عطنا شئ يبرد الكبد
وين النية فيه سهم طيب

[حمود الصعب]

يالله حيه وين يالذيب ..

[كوكب عمردان]

كلام انشائي

[majedd]

وعليكم السلام حيااااااااك شربكة ....
وكل عام وانت بخير طولت الغيبة يالغال,,,,,

[NOMERCY]

اهلا وسهلا بالقطوع الي ينسى ربعة
الحمدلله انك بخير
يالحبيب الخاص مليان خففه نبي نغثك :d

[كاترينا]

هلا ومقربا نورت الدار بقدومك يالغالي


طمنا عنك لو وحشه يالغالي


هههههههه اجل تويتر 140 حرف وقطعت سوالف الرجال عنده على قرش

وترى بريدك مليان أجي انظفه لك ولا تنظفه؟:rolleyes:

[ahmed esa]

يا هلا ومسهلا براعي الاوله وجه الخير .

[نسر]

هلا وغلالالالالالالالا
والقصيم من بكررررره بيحرك

[ابوعزوز]

اهلا وسهلا بعودتك اخوي شربكه

[العطـوف]

عليكم السلام ورحمة الله وبركاته
يالله حيه
يامرحبا بشربكه
وكل عام وانت والخاله بخير
اسفرت وانورت وين غاطس
الله واعلم انك طايح بالعسل مع الخاله
المهم وش عندك سويتلي حظر بتويتر
هههههههههه
منهو راعي الحساب اللي متشربك بشربكتك
على طول عطاني شلوتي من حسابه لا وحاط رقم جواله ماجبت اخبره
شكله شبيح متلصص:D
ليكون انت:mad:
كاترينا يقولي انه شربكه بس الرجال مسوي ثقل
وبرستيج لا تتعرضله وان تعرضتله جلدك بعسيب انخله وعطاك شلوتي
هذا قول كاترينا:)
الشلوتي شفته منه
بس الجلد ما امداه هجيت:p

[النتريك]

ا ررررررررررررررررررررررررررررررررررررررررحب تريليووون ياشربكه



لي عودة بعد قراءة الموضوع

[Mac Man]

كل عام وانت بخير ياشربكة

والله الريفيرا يمدحونها مرررررره ولا زد شفناها :(

[النتريك]

حياك الله استاذ شربكة وعوداً حميداً والحمدالله على سلامتك .
وشهادة حق انك غردت على المتكاملة في اخر تغريدة قبل رمضان وهي بسعر 18 وعليها .
وأوصيت بالسهم لكن خضخضنا المضارب الخسيس وخرجنا من السهم بخسارة هللات وقبل العيد تدبيييييييييييييلة ..
لاتحرمنا تواجدك واطلالتك ..:)
لك رسالة هامة على الخااااص ..:D

[كاترينا]

عليكم السلام ورحمة الله وبركاته
يالله حيه
يامرحبا بشربكه
وكل عام وانت والخاله بخير
اسفرت وانورت وين غاطس
الله واعلم انك طايح بالعسل مع الخاله
المهم وش عندك سويتلي حظر بتويتر
هههههههههه
منهو راعي الحساب اللي متشربك بشربكتك
على طول عطاني شلوتي من حسابه لا وحاط رقم جواله ماجبت اخبره
شكله شبيح متلصص:D
ليكون انت:mad:
كاترينا يقولي انه شربكه بس الرجال مسوي ثقل
وبرستيج لا تتعرضله وان تعرضتله جلدك بعسيب انخله وعطاك شلوتي
هذا قول كاترينا:)
الشلوتي شفته منه
بس الجلد ما امداه هجيت:p

هههههههههههه حسبي الله على بليسك يالعطوف

حشرتني بالسالفه وانا بريئ

انت سالتني عن حساب شربكه قلت لك والله ماعرفه

وهذي كل السالفه <<<<<<<< عبدالمجيد بيغرد

[محمد بن صالح]

هلا بشربكه عودا حميدا شكل تويتر ماجازلك

[الخبير الصغير]

وعليكم السلام ورحمه الله وبركاته

ياهلا وغلا بشربكه اشتقنا لك اخي الحبيب
ماجبت طاري الاركان ولا اعمار عسى المانع خير
واكثر المتعلين في هالسهمين

وكل عام وانت بخير

[العطـوف]

هههههههههههه حسبي الله على بليسك يالعطوف


حشرتني بالسالفه وانا بريئ


انت سالتني عن حساب شربكه قلت لك والله ماعرفه



وهذي كل السالفه <<<<<<<< عبدالمجيد بيغرد



وراك دخلك الماء
ان ما اسندت عليك من اسند عليه انت له:eek:
خل الجلد يجيك انت تتحمل
اما انا مسكين ضعيف مهنا شي يوقي
جلد وعظم
هههههههه
اما انت ماشاءالله عليك مشحم وتتحمل الجلد
هههههههه
الا طلع هو والا مهو هو ابي اقوم عليه حق:D
وحقي عندك انت اللي تجيبه منه:)

[خ---ا---ل---د]

هلا وغلا بالمعلم يااخوووي فقدناك وفقدنا

سواليفك وعلومك الطيبه

وصرنا نحط على جيتك البشاير

بعدين المفروض تغير اسمك الى ساهر

ماشاء الله صايد الشبيحه صيد

بسسسس طالبك شف لنا الشبيح اللي بثمار وشو من لحيه

[لمّاح]

حيى الله شربكة ,,

السامج بتتحسن أخلاقه إن شاء الله ,,

مصلحته تقتضي ذلك


..

[((باريس نجد))]

مرحبا بشربكه

نبي اول حرف من سهم التامين

[رائد الحربي]

ياهلا ومسهلا بالغالي شربكة
اولا وقبل كل شئ انا من اشد المعجبين والمتابعين لك قبل التسجيل واخبارك رائعة

بس عندي ملاحظة بسيطة تقرقع في صدري واقول متى يفتون لي المجال واشارك بس

انت قلت مجموعة عسير اتفركشت بسبب ابوراشد

طيب انت الان ماتحس ان السوق ممكن يتفركش بسببك ؟؟ اذا بتخرب على الهوامير ؟؟

ودايما بصراحة اقول في نفسي شئ حلو اننا نعرف هذي المعلومات القيمة

لكن كذا ممكن ينخرب سوقنا لان الهوامير اذا انفضحوا ماراح يخارجهم السوق وبالتالي يطربق على روسنا

وبالفعل هذا ماحصل

وخصوصا انك تجيب اخبار نكباتهم هذا ورط وهذا تعلق ... الخ

انا رايي لو تجيب المعلومة بطريقة افضل يعني تخليهم يجمعون ويطلعون عالاقل 20% وبعدين تعطينا التوصية حتى نضارب معاهم ومانخرب عليهم مخططاتهم

وبكذا نستفيد كلنا

اما بطريقتك هذي لانت افدتنا ولا افدتهم .. قصدي انت افدتنا باننا عرفنا مين ورطان عشان نحذر لكن مافي توصية صريحة هذا منتهي وطاير مثلا

وش رايك بوجهة نظري ؟

وتذكر انها وجهة نظر وانك عزيز وغالي والله يشهد على ذلك واحب خفة دمك الشربيت

وعلى فكرة ودي اشوف التون هذا ههههههأأأ :d

[كاترينا]

وراك دخلك الماء
ان ما اسندت عليك من اسند عليه انت له:eek:
خل الجلد يجيك انت تتحمل
اما انا مسكين ضعيف مهنا شي يوقي
جلد وعظم
هههههههه
اما انت ماشاءالله عليك مشحم وتتحمل الجلد
هههههههه
الا طلع هو والا مهو هو ابي اقوم عليه حق:D
وحقي عندك انت اللي تجيبه منه:)

يالعطوف الله يهديك فيني رقه عاليه ما أتحمل زعل شربكه:mad:

انت تمساح اصلي قوم عليه حق وانت معه تتصالحون

واذا صار فيها مفطح تراني خويكم :rolleyes:

[على بركة الله]

بسم الله الرحمن الرحيم
السلام عليكم اخي الغالي
عودا حميدا ومباركا بأذن الله
وسلامة الاسفار
وكل عام وانت بالف خير

انشاءالله بعودتك يغرد السوق فوق

رعاك رب العباد

[العطـوف]

يالعطوف الله يهديك فيني رقه عاليه ما أتحمل زعل شربكه:mad:


انت تمساح اصلي قوم عليه حق وانت معه تتصالحون



واذا صار فيها مفطح تراني خويكم :rolleyes:


رقه عاليه انشهد انك رقيق حيل
يابو عبدالرحمن:D
الله يرحم جلد التمساح عند جلدي من كثر الضرب صارت المناعه عندي زايده:)
بخصوص المفطح ما الظاهر انه راح نحصله
وماراح يجينا الا الجلد من شربكه :o

[كاترينا]

رقه عاليه انشهد انك رقيق حيل
يابو عبدالرحمن:D
الله يرحم جلد التمساح عند جلدي من كثر الضرب صارت المناعه عندي زايده:)
بخصوص المفطح ما الظاهر انه راح نحصله
وماراح يجينا الا الجلد من شربكه :o

شف يابعدي شربكه متفق مع رئيسه في العمل بو أزارير يروحون يواسون خويهم بو ضروس اللي الهيئه موريته نجوم الظهر

انا وانت بنمر عليهم في بيت بو ضروس يقال لنا انها زيارة مريض
شربكه بيستحي لمدة نص ساعه
لان الحقوق راكبته من فوق لتحت بسبب انقطاعه عن المنتدى
فبيضطر يكلم المطبخ يرسلون مفيطيح ننقنق عليه

[ضحية فبراير]

بسم الله الرحمن الرحيم , وسلام الله عليكم جميعاً


كل عام والمسلمين والعرب في كل مكان بخير , وكل عام وشبيحة سوقنا اللي يكسبونا بعد الله بخير

اشكر جميع من سئل عني سواء بريدياً أو هاتفياً أو بعت تلغراف

مع الاسف كنت الفترة الماضية بعيد عن السوق وماكان فيه أي جديد وكان السوق ضعيف وغير مغري إلا من كم شركة ما تسوى الواحد يتابع السوق علشانها رغم ان صارت ارتفاعات بالمؤشر زينة وماهي زينة لأن اللي استفاد منها القطاع الماخوذ وباقي القطاعات فاتحة فمها وتتفرج عليهم وتتحسر على نفسها ! قال تحليل مالي قال ! دارهم ما دمت في دارهم

موضوعي هذا أول شي وأهم شي أني اسلم على الجميع بعد انقطاع بسبب بعض المشاغل ومثل ما ذكرت ان السوق بالنسبة لي ما كان مشجع ولليوم , وثاني شي تطمين لبعض المتعلقين في بعض الشركات اللي يملكون فيها يعني مو لفتح مراكز جديدة

يمكن الحدث الأهم في الفترة الماضية هو الإنقلاب اللي سواه مرسي على القائد الأعلى للمجلس العسكري سعادة المشير وقلبه من مشير إلى وكيل رقيب ! فبعد ما ساعد المشير الأخ مرسي في الثورة على السوق وشاف مرسي أن وضعه تحسن وكون قوة مع بعض الاخوان من الشبيحة حسبها بينه وبين نفسه وقال انا اشتغل واخرتها الصيت للمشير ! لا ياحبيبي لازم اصير بالصورة واثبت أني أنا الاساس وفعلاً سوى عليه إنقلاب وسوى تحالفات جديدة ومثل ما يقولون الرزق يحب الخفية . ما علينا الله يستر على الجميع وخلونا نشوف وش عند بعض الشركات


بتروكيم لعنبو بليسه دورت عليه بجميع القوائم عند المتخصصين من المسلمين في إجازة الشركات وحتى بقوائم بعض القساوسه وما لقيت أحد محلل السهم أبوه من سهم طلع أبن ستة وستين حرام ما أدري وش مسوي ؟ ومع ذلك فيه شبيح من العيار الثقيل ناوي فيه نية لكنه انشغل من كم يوم بسهم المملكة استغفر الله هذا الشبيح لاعب لعبته مع الحرام شكله هو وأبليس متصادقين ومتقاطين باستراحة وحدة ومظبطله أموره ! ما علينا من الناس ومثل ما اتفقنا من البداية الكلام للمتعلقين وخاصة بهذا السهم نقول لهم أتبعوا قول الله تعالى ( وإن تُبتم فلكم رؤوس أموالكم ) فإذا وصل لسعرك والمتوقع بين 27 إلى 30 ابحث عن الطيب من الرزق


اللجين الأخ اللي فيها مكتوب بدفتر العائلة العلامة الفارقة (نجس) فهو من النوع اللي يترك السهم يجاري السوق بالارتفاع وإذا وصل سعر عشرين يجيك الضرب والدبج من كل مكان وصارله بالسهم سنين طويلة شغال على نفس الوضع وما أظن يغير أسلوبه حالياً


نماء طبعاً الأخ اللي بالسهم مافي واحد بالسعودية ودول الخليج ما درى أنه بالسهم ! وما فيه شبيح إلا وماخذ كمية كبيرة ومتقفيه بالسهم ! يعني ما قدامه إلا يضحي بالسهم ويقبل بالخسارة ويدور غيره وبسرية أكثر أو أنه يضف كامل أسهم الشركة ويطامر فيها غير كذا السهم راح يكون حبة فوق وحبة تحت وتضييع وقت


المتقدمة الشبيحة اللي فيها معدلاتهم 24 تقريباً وهدفهم ماهو بعيد عن اغلاق الأربعاء وعلى قولهم بين 30 و 32 راح يتخارجون من السهم


كيان صناديق البنوك والمحافظ الخاصة شغالة ليل ونهار تجميع بالسهم والدعوة ماهي شغل شبيحة شغل ناس ما تدخل بالسنة إلا مرة وحدة وضاغطينه عشان ما يتنفس


بترو رابغ خلوها تولي سوت اللي عليها هي كل كم شهر تطلع 9% وترجع لفترة سبات وشف عاد متى يتحرك مرة ثانية . خلونا نستفزهم


اسمنت حائل الشبيحة عبو محافظهم بين 17 و 18 وشغالين تسحيب بالسهم ولا من شاف ولا من درا لكن وين النية الله اعلم لأن ما وصلني هدف تقريبي للسهم وياليت من عنده علم يفيد اخوانه


اسمنت الجوف وعدونا بالعشرينات لكن طلعوا خرطي وعلى العموم مازالوا بالسهم نراقب ونشوف اخر خراطهم


الغاز الأخ اللي نتفو منه مبرد بسعر 15 دخل السهم وعشعش فيه وكل ما قابل واحد قال له وش رأيك بالسهم شفت وشلون مسيطر على السهم وما تأثر بالنزول السابق !!! من صدقه يتكلم ذا الشبيبيح هو السهم طلع أساساً عشان ينزل ؟؟؟؟!!! من يوم اكتتابه وهذا سعره


الغذائية مافيه جديد دام السامج مازال بالسهم ويمكن التغيير اللي صار برمضان ان كم شبيبيح دخلوا السهم وتعلقوا ويدورون النحشة من السهم ولحقهم قبل كم يوم كم هويمر لكن ما أدري بتنسيق أو درعمة ودخلو معاهم بشبه تعليقة إذا ما تحرك القطاع وفكهم


أنعام طبعاً ما يحتاج ماركة مسجلة لاخونا معلومة (أبومحمد) لكن السؤال يا أبومحمد لو وافقت الهيئة على رفع رأسمال الشركة وش الجديد ؟ قرمبع بقرمبع


القصيم الزراعية وما أدراك مالقصيم الزراعية هذا السهم اللي بقى للمشير بعد ما عزله مرسي وشكل المشير راح يسوي فيه ثورة يستعيد فيه أمجاده ومتحفظ جداً لدرجة أن جته خمس محافظ ومن حرصه عليهم نادى عوض وقال له ياعوض الله يستر عليك خذ الاخوان وافتحلهم محفظتين ببنك الدم وثلاث محافظ بالبنك الزراعي , والله يخارجنا من اللي يتابعون المحافظ !!!


جيزان انتهت الترتيبات على السهم واصبحو جاهزين لفك التعليقة لكن ما أدري إذا كان إلتون داخل معاهم بالترتيب أو .. لا


عذيب هالشبيح ما عنده سالفة يوم درا أن شبيح المتكاملة ناوي يطير بالمتكاملة أخذ عذيب وقال امشي هذي مع هذي واخرتها شوط بقرة وطلع اغلب محافظه من السهم بعد ما فاحط وغبر علينا وخلانا نقول الله يعين عسى نلحق ناخذ من أول نسبة فوق ! أقول الله يصلحك خلك بزراعيك وعساك بحملك تثور


المتكاملة بصراحة لعب عليّ رغم أني غردت فيه ووصيت عليه بسعر 18 ما ادري 19 وقلت نبي نطلع حق السفرة والسمبوسة والفيمتو منه قبل رمضان رغم أني ما أحب السمبوسة لكن عشان الأهل لكن مللني وانحاش وخلاني والعجيب أن الأخ مازال بالسهم وشال زيادة وما أدري وش النية لكن نقول ان شاء الله يفك المتعلقين


المصافي الخال مازال مصر على التدبيلة من سعر 70 وذاك اليوم قابلته واستفزيته وقعد يحلف لين طلعت عروق سنادحه ورقبته كنه عامل شايل فوق رأسه ثلاجة . ويقول تشوف والشاشة بينا , لكن كل مضارب له اسلوبه! تكفى خف علينا يا وارن بافيت , بصراحة الخال من شفته يروح للأبل بعز القيظ وأنا حاس أن الشمس عاملة عمايلها معاه , وبعدين ما أدري وش معجبهم بالبعير هو براطمه ومطير عيونه بالسماء كنه خبل , أمريكا أرسلت مسبار للمريخ وهذول جيب الشعير رد الوايت . لكن الله حق الخال راعي فزعات وياما استدعوه الشرطة بسبب كفالات اصحابها ما سددوا اللي عليهم يعني راعي فزعة وان شاء الله تكون الشمس ما أثرت على الخلايا اللي برأسه اللي فيها مركز التحكم في أهداف السهم


عسير تفركشت المجموعة اللي بالسهم من بركات أبو راشد


الباحة صار فيها تعاون شبيحة جيد ومجموعة منهم تخارجوا من السهم يوم الأربعاء والمجموعة الثانية باقية بكمياتهم والغريب أن راعي الدلة كل يوم واحد رادفه بسهم ومطلعه بخسارة وبصراحة ودي أقعد معاه واشوف وش يحس فيه أو وش نوع الأكل اللي يأكله ! لكن السهم أظن اللي يشتري فيه بهذا السعر أحس أن برأسه فتق أكبر من فتق طبقة الأزون رغم أنهم يحرجون على السهم ويقولون الوعد 40


الصادرات بصراحة المطوع واللي معاه أبدعو فيها واستفاد وفاد من السهم ومازالت عنده كميات جيدة بالسهم ويحاول يطلع من السهم بنظام التطبيل لأن عنده سهم بالقطاع الماخوذ ومنتهي تجميع ولو قال راح يدبل فيه خمس مرات راح اصدق والأخ حريص جداً جداً أن ما أحد يعرف السهم ويمكن الكميات الباقية خارج محافظه ما تجي 2 مليون سهم قيمتها أقل من 80 مليون ريال والرجال حريص أنه يخلي مؤشراته الفنية سيئة عشان ما يبلشونه حقين التحليل الفني ويقعدون يتميلحون ويوصون عليه , وبصراحة لو لي بأسهم التأمين كان حطيت ما وراي ودوني بالسهم وبعت البيت والسيارات وحطيتها بالسهم ورحت سكنت بالريفيرا وقعدت أكتب مذكراتي أيام البديعة ومثل ما قال ما أدري مين : قلوا علامك تزور حي البديعة كل يوم .. قلت السبب صاحبي الله حسيبي عليه

وقمت أكتب مذكراتي مع رفقاء الدرب اللي كل واحد فيهم حياته ملحمة تاريخية تستحق الوقوف عندها أمثال جلوف والدغبجي والجرادة والزرادية وخصوصاً الزرادية هذا واحد من الشباب حضرمي جانا من جدة وسكن الحارة معانا , ومسمينه الزرادية لأنه إذا سلم عليك وضغط على يدك لازم يكسر واحد من اصابعك من شدة الضغطة وما شاء الله عليه الوحيد اللي مشت أموره من الشلة وصار تاجر مواد بناء كبير واعتقد الوحيد من السعوديين اللي ما دخل سوق الأسهم لليوم وكنت أحاول أقنعه يدخل السوق وكل ما جبتله طاري الأسهم قال ( إذا أنت أمير وأنا أمير مين يسوق الحمير) ما أدري وش دخل أم المثل بسوق الأسهم ! أساساً من عرفت الزرادية وهو حافظ هذا المثل ومثل ثاني يقول ( اللي اخذته القرعة تأخذه أم شعور ) والمصيبة موظف المثل الثاني بكل شي ويستخدمه في غير مكانه الصحيح ويقول الزرادية الله يذكرها بالخير خالة فريال جارتنا بجدة تعلمت منها هذي الحكمة وصارت ناقوس بحياتي ! أمحق من حكمة هو خالته فريال

حنا طلعنا من موضوعنا لكن لعلنا في موضيع لاحقة إن شاء الله وكان عندنا متسع من الوقت نتكلم عن الدغبجي وعن مناقبه والمقولات اللي اشتهر فيها وذهبت فيما بعدأمثالاً , المهم راعي الصادرات ناوي سهم تأميني الله يغنينا بحلاله عن حرامه , لكن الله يهديه ويشوف سهم بغير هالقطاع الماخوذ عشان نعشت معاه


صدق يقولون مرسي عنده محافظ فوق 24 مهمة وناوي يطلعها من السهم .

التعمير شبيحه قاعد يأدب سهم تأميني حشره اليوم للنسبة تحت ويقول أنتظروني

مدينة المعرفة بالطيب بالقوة بالمذابح بالمجالد لازم يوصلونه 23 والا يطلع المشروع عليهم بخسارة وترى 23 تعتبر رأس برأس ويا دار ما دخلك شر


الجماعي , إلتون لعب لعبته يوم الثلاثاء والأربعاء وطلع محافظ تهمه وكالعادة ممكن سيناريو جيزان يوم كانت بالثلاثينات يتكرر مع الأخوان بالسهم وصورة طبق الأصل حتى بالأعذار ! وبعض محافظه فيها الجماعي والطباعة والتغليف وخسرانين بالجماعي ورافعلهم الطباعة عشان هذي تشيل خسارة هذيك ! يا شطنو إلتون ذهين ! ولا تستغربون إذا قعد ينب عليكم ويعزمكم على الطباعة والتغليف ويقول الوعد 40 والله يكثر الخرفان بالبلد لأن الحج قرب ونحتاجها للضحية


مبرد إذا قدر يخارج نفسه من السهم فوق 60 يعتبر فنان مع مرتبة الشرف الأولى للشبيحة


تهامة المهبول يقول 150 بلا هبال اللي كسبان السوق مليان فرص كثيرة مثل أمانة ومبرد :)


شمس أبو ضروس مسكين عليه الهيئة الله يقويهم كم محفظة وورط بعمره

طبعاً ما ذكرت كل الشركات وحاولت اختصر ومثل ما قلت الموضوع للمتعلقين والمراكز الجديدة نحاول ان شاء الله نفتح لكل سهم موضوع مستقل


المعذرة يا اخوان اذا ما قدرت ارد على مداخلاتكم بسبب بعض المشاغل لكن أحاول ان شاء الله الرد مع أول فرصة
نطلع من موضوع وندخل بموضوع

بالنسبة لحسابي بتويتر فأني لن اغرد فيه الفترة القادمة والكتابة من خلال المنتدى فقط لسببين.

الأول أني راعي قرقة وشغل كم حرف ما يخارجني ولا يقعد رأسي

والثاني لأني سئلت أحد المختصين وقال لي أن أسهل شيئ اختراق حساب التويتر ودريت أن ممكن أي أحد يعطي بنغالي 10 ريال ويجيب خبر الحساب و20 ريال ممكن يخترق البنتاغون ويمرر مكالمات على سنترالهم . والله البنغالية عندنا لاعبين لعبتهم بدون حسيب أو رقيب أول

وبالنسبة لبعض حسابات تويتر واللي تحمل اسم شربكة أو اسم مضاف إليه شربكة لا تعنيني لا من قريب ولا من بعيد غير الحساب اللي يعرفونه بعض الاخوان فقط لا غير البتة
مثل ما قلت الأساس بالموضوع السلام عليكم وان شاء الله لنا مواضيع قادمة جديدة , وتوصيات نحاول التعويض فيها بعد إرادة الله سبحانه وتعالى
نطلع من موضوع وندخل بموضوع
متى ما شفتوا الشبيح طاق صورته بأي وسيلة تواصل إجتماعي وهو مفرع رأسه وجايب شعره على جنب ويناظر نظرة كني ما أدري أن أحد يصورني , ادروا أن الشبيح يدير محافظ نسائية , هذي خلوها قاعدة عندكم
قبل ما اختم موضوع الأسهم شبيح الدرع العربي يقول جمل الله حالكم
نطلع من موضوع وندخل بموضوع
يوم الجمعة بعد الغدا قولوا وش يدرينا متى معاليكم يتغدا ؟ أقولكم قمت من الغدا الساعة 2 الظهر بالضبط وعلى بال ما غسلت وقعدت قولوا خذت المسئلة ربع ساعة بعدها قمت اقرأ التغريدات على الجهاز عندي , طبعاً أخوكم ضايف عنده أكثر من 600 مغرد بين افراد وقنوات وهاشتاقات وخرابيط من شرقها وغربها اتسلى فيها اذا كنت فاضي أو انتظر دوري عند حلاق او زحمة عند إشارة المهم لتضييع الوقت والاستفادة احياناً , المهم وشوي إلا والعنز مجتهد بدأ ينعق , طبعاً الوضع طبيعي أنه يناعق طول السنة لكن اللي مو طبيعي أن نعقته تطلع بحساب قناة الميادين المجوسية بنفس الوقت !!!!!!!! وما طلعت ريتويت طلعت وكنها صادرة من نفس حساب الميادين وقمت اشيك المضافين عند العنز مجتهد وما لقيته ضايف الميادين واشيك الميادين ولا لقيتهم ضايفين العنز مجتهد , طبعاً العنز مجتهد واصل النعيق لكن الميادين ما طلعت عندها إلا النعقة الأولى . تقولون وش تبي توصله ؟ أقولكم
حساب الميادين غير موفقين معاي ابداً وحظهم ماهو حلو معاي لأن قبل فترة وأنا اتابع حسابهم إلا وشوي وتطلع تغريدة من الحساب تقول أن على سطح الخزان فيه شخص معاه مضاد طائرات وبلغوا الطيار , طبعاً انقلب رأسي وش الموضوع المهم شوي وتنسحب التغريدة ! وشوي إلا وتجي تغريدة يعتذرون فيها أن الحساب اخترق واللي مكتوب حنا غير مسؤولين عنه وتم استرداد الحساب !!!! يا سلام اللي قاعد يتابع شربكه غلام خان !!! في أقل من دقيقة تم اختراق الحساب وتم استرداد الحساب !!! المهم واقعد ابحث بقوقل طول اليوم إلا وألاقي الذيابة حقين الجيش الحر صايدين التغريدة وطلع العنز مراسل الميادين بحلب قاعد ينبه الطيار اللي يقصف حلب عن طريق الحساب واظن أنه عنده صلاحية على الحساب الرئيسي ويستخدم حساب اخر للتواصل مع جيش الجحش بشار عشان يعلمهم بتحركات الجيش الحر لكن اخطئ بدل ما يستخدم الحساب الفرعي استخدم الرئيسي !
تقولون وش اللي بتوصله ؟ أقولكم يوم بدأ العنز مجتهد ينعق ما طلع بحساب الميادين على تويتر إلا النعقة الأولى وباقي النعقات ما طلعت والله اعلم أنهم خافوا يسحبونها وينكشفون مثل ما صار مع مراسلهم بحلب فتركوها ومازالت موجودة بحسابهم وكذلك بحساب العنز مجتهد , وهذا يعني أن فيه تعاون ما بينهم وفيه رابط كبير وراء من يدير حساب العنز مجتهد وحساب الميادين
شباب الرجاء ثم الرجاء ثم الرجاء ثم الرجاء عدم التعليق على الجزئية اللي تخص العنز مجتهد وما طرحتها إلا لتكون صورة لمن يهمه الأمر فقط لإتخاذ اللازم . وحنا خلونا بأسهمنا وشبيحة سوقنا .

نطلع من موضوع وندخل بموضوع

لاتنسوا اخوانا في سوريا من دعائكم ومساعدتكم

قال صلى الله عليه وسلم (ما من امرئ يخذل امرءاً مسلماً في موطن تنتهك فيه حرمته ، وينتقص فيه من عرضه ، إلا خذله الله في موطن يحب فيه نصرته ، وما من امرئ ينصر امرءا مسلما في موطن ينتقص فيه من عرضه وتنتهك فيه من حرمته ، إلا نصره الله في موطن يحب فيه نصرته)

وحتى تعرفوا معاناتهم فقد عبر أحد الاخوان السوريين ساخراً بقوله : أنه اصبح من الترف اليوم أن تدفن جثة سوري في سوريا وهي كاملة

كتبت على عجالة فسامحونا على الأخطاء في الكتابة

وفقكم الله





استاذ شربكه ما هي الفائدة بالنسبه لك من فضح المضاربين انت كذا ضريتنا ولم تنفعنا ياليت تغير من سياستك في الكتابه اذا انت تبي لنا الخير على قولتك

[مراحب]

شربكه كل عام وانت بخير

[العطـوف]

شف يابعدي شربكه متفق مع رئيسه في العمل بو أزارير يروحون يواسون خويهم بو ضروس اللي الهيئه موريته نجوم الظهر


انا وانت بنمر عليهم في بيت بو ضروس يقال لنا انها زيارة مريض
شربكه بيستحي لمدة نص ساعه
لان الحقوق راكبته من فوق لتحت بسبب انقطاعه عن المنتدى

فبيضطر يكلم المطبخ يرسلون مفيطيح ننقنق عليه


والله لو نمرهم
لغير يحطوننا انا وانت مفاطيح على الصحون
ابو ضروس معه بعد سواطير ياليته جايه بس على الضروس
بطلت ما ابي الحق تبيه انت رح خذه
صدقني لغير يخلونك مثل الطلي هذا:D

وان رحت معك حطونا بسيخين
اقول بطلت
ما ابي شي:o

[عادل الوافي]

هلا وألف غلا بشربكه..........
يقولون ألتون يبي يسوي العجب بالجماعي وبتشوف رقم جديدي...........يابعد حيي وعضيدي

[مضارب محت78رف]

الظاهر شربكة ما بعد خلص من تنظيف الخاص
عطنا سبيس.

[العالم الثالث]

حيالله شربكة

الله يطمنك زي ماطمنتني على بترو دابغ (:

[@ابوصالح@]

جزاك الله خير

[شنغريلا]

ابك وينك غاطس ننتظرك هناك الآئيك هنا

عودا حميدا مستطاب يامحبوب الملايين

[صيرمي]

شربكة

كل عام وأنت بخير

ألغ بعض الرسائل من الخاص لأتمكن من مراسلتك

[Mustashar]

الله من كثر القرقر سديق

[( ابو العنود )]

وعليكم السلام ورحمة الله وبركاته ...

حيا الله حبيب الكل شربكة ...

وكل عام وانت بخير ....

[الحيدر]

هلا بشربكة

الحمدلله على السلامة

المطوع متى ناوي يركب الطيارة ويحلق بالسهم

من زمان راكبين معه في الداشر

[ابن الرياض]

السوق من رمضان وهو مستقر وصعود

ومن طليت وكتبت هبد السوق اليوم

مثل قبل شهرين وشو كتبت وطبلت وبعدها هبده

انت احد اثنين. اما المضاربين لا يرضون بكلامك ويضربون الاسهم

او مطبل لبعضهم

هذا وجهة نضرا ارجو ان تتقبلها بدون زيف ونفاق

[النازداك]

ما ادري ليش
أحس أن السوق رايح يجني ارباحه ؟؟

[لؤي]

عيد مبارك على الجميع أخي شربكة وكل عام وأنتم بخير
أنتم يالقصمان مايفوت عليكم شي ودي أسألك عن وضع بنك الأنماء هل هو يبي يطلع وكم أهدافه ؟ والسوق هل فيه تصحيح أو يكفي نزوله اليوم ؟
ومشكور ياغالي

[سمر سهم]

ياهلا ومليووووووووووووون غلا بحبيب الملايين الشيخ شربكه " حفظه الله "

يارجل الدنيا كلها نورت موب المنتدى

والله لك وحشه ويوم شفت معرفك كني مبشر بولد

[مضارب محت78رف]

للمرة الثانية ارحب بأبو محمد
والله امس وانا اشوف مباراة الزعيم وافتح المنتدى الا ويجي الهدف الثالث وأشوف موضوعك بصراحة صدفة طاقتن نسبة عندي وزود.
مرحبان الف

[شربكه]

كل الشكر والتقدير لكل المتداخلين في الموضوع بدون استثناء

واللي منتفيني على الخاص العطوف وكاترينا راجعلكم ان شاء الله اتفاهم معاكم يصير خير

بالنسبة لي السوق للمضاربة فقط لا غير برغم ان بعض الشركات دخلت عليها محافظ جيدة

والموضوع كما ذكرت في بدايته للسلام عليكم ولتوضيح حال بعض الشركات للمتعلقين فيها

وان شاء الله لي عودة للرد على الجميع

وفقكم الله

[otam]

اخي
ألجماعي وش هو من لحيه
ابيع السهم ام انتظر
ارجوا سرعة الرد
تقبل تحياتي

[راعي الطييب]

هلا والله بشربكه

كل عام وانت بخير والف عافية

نبي عيديه يا البناخي وانت راعيهاااااا

[متذبذب]

مرحبا اخوي شربكة
و كل عام و انت بخير

1- وش رأيك في مضاربي هذه الاسهم
تبوك الزراعية و مسك و المتطورة
أنا أقول : ما قصروا , بيض الله وجيههم , ردوا اسهم بشكل يشكرون عليه

2- مضاربي هذه الاسهم وشهم من لحا
كيمانول أو الصحراء أو ينساب أو الاحساء أو البحري أو الكابلات أو السيارات

تقبل تحياتي

[عاشق القمرا]

هلا والله بخوي الغالي شربكة رغم نصيحتك لي عندما كان السوق 7900 الا اني ماسلمت جابت راسي دار الاحزان ومن المطامر زادت الخسارة الان باقي كمية بالاركان واسمنت نجران واعمار وزين ايش تنصحنى فية منها مع انها بالمحفظة دون ادنى مسؤولية والله يوفقك

[الدختور]

وحشتنا ياخال والحمدلله على السلامه

[موصول]

هلا والله بالاخ شربكه

نبي معلوماتك عن ثماااار والاسمااااااااااك جزاك الله خير

[موصول]

اخوي شربكه انا اسمعت ان الصادرات دخلتها محافظ جديدة وانتهى التجميع

والهدف بعيد


هل هذا الكلام صحيح ام ان المطوع هو من يسيطر على السهم فقط ولا صحه لدخول محافظ غير محافظه <<!!!

[اخر الاخبار]

شربكه الغالي الحمد لله على السلامه

من زمان ننتظرك المنتدى راكد ياخي شف لك حل أكتب مذكرات يوميه افتح كشك شاهي أم فهد ولا استقدم عمال يغسلون سيارات الأعضاء أي شي يحرك المنتدى يا شيخ لو حتى تخفيظات على المواضيع الي يكتب موضوع نعطيه الثاني بلاش


المهم لك وحشه

[نسر]

نبي معلوماتك

[بن داود]

ياحبيبنا شربكة قبل الترحيب فيك شوووف لنا مضارب القصيم الزراعية
وبشره بأن التامينات الاجتماعية بتصرف له بدل مرمطة 15% خلة غدى يحرك السهم بسرعه
واسفرت وانورت ياشربكة

[كاترينا]

كل الشكر والتقدير لكل المتداخلين في الموضوع بدون استثناء

واللي منتفيني على الخاص العطوف وكاترينا راجعلكم ان شاء الله اتفاهم معاكم يصير خير

بالنسبة لي السوق للمضاربة فقط لا غير برغم ان بعض الشركات دخلت عليها محافظ جيدة

والموضوع كما ذكرت في بدايته للسلام عليكم ولتوضيح حال بعض الشركات للمتعلقين فيها

وان شاء الله لي عودة للرد على الجميع

وفقكم الله

لاتشيل هم وانا اخوك :cool:

العطوف هو نتفك بس الا حشك حش وفعلا عن نفسي اتفق معك قلبا وقالبا

ولا انصح الخاله تقبله بعلا لها بتندم الخاله طول عمرها :p

بس تطمن تقعدت له وكل ماقال فيك كلمه رديت عليه بكلمتين الا مرة وحده رديت بثلاث كلمات :o

انت الحين نظف الخاص طال عمرك بقول لك كلام ماينقال على العام ;)

[شربكه]

بروكر

هلا بك اخوي بروكر ومشتاقين للجميع ووالله لو ما الظروف كان يمديكم تبون الفكة مني من كثر القرقة

طيب النية

النور نورك يا خال ، ويعني لازم تجيب اسم الماما ألحين وش يفكنا من العطوف يوم عرف أسم حلوة اللبن . وراعي نماء يوم الأربعاء شال شيل الهوايل عسى الله يآمره ويتحرك ، والتتن الماخوذ تركناه من زمان عشان نضارة البشرة ، وابشرك براطمي صارت وردية

فهد 500

تسلمة يالغالي ومشتاقين

مضارب محت 78 رف

الدار منورة بأهلها الطيبين شرواك ياشمعة الجلاس ، وصبري عن الكتابة غصب عني ولو مالظروف كان يمديني مصدع برأسك

المفارق

الله يعافيك يا مودع ومفارق حبيب ،، وبإذن الله نعطيك ما يبرد الكبد لكن الشبيحة مشغولة بالتأمين وحفلتهم قربت على النهاية بالتأمين ، لكن احتياط جمع مع راعي المعرفة مع كل نزول

حمود الصعب

حياك ربي وأبقاك يالغالي

كوكب عمردان

اخوي هشام هذا ثالث رد لك على مواضيعي وبنفس الجملة ! عموماً نورتنا يالطيب

ماجد

هلا بك يالغالي واتشرف بوجودك بالموضوع

نوميرسي

هلا بالغالي أبو سعد . والله ما منعني من الكتابة إلا الظروف ، ولا خير باللي ينسى ربعه الطيبين أمثالكم

كاترينا

هلا بالغالي بوعبدالرحمن والله لك وحشة ، وأخوك كان يبي يسوي نفسه دجتل ومواكب للتكنولوجيا وراعي تويتر لكن ماش طلع تويتر ما يقعد الرأس وأخوك إذا ما يقعد على كمبيوتر مكتبي ويطيح اللي برأسه ما يعتبر نفسه كتب شي وشفني ألحين قاعد أرد من أيباد وحاس نفسي بغربة

أحمد عيسى

هلا ومسهلا يا الغالي ياوجه السعد ، مشتاقين لكم والتواصل معكم

نسر

هلا ومسهلالالالالا وراعي القصيم ماهو مستعجل لأن مشواره بعيد جداً والعلم عند الله وقاعد يطلع محافظ من سهم ثاني ويحولها للقصيم بعد ما دبل بالسهم الثاني ، لا تستعجل على رزقك بالسهم ويستاهل من يصبر عليه

ابو عزوز

هلا بك يالغالي واسعدني وجودك بالموضوع

العطوف

هلا ومسهلا وغلا بأبوشوق ، يقولون الخالة جاها زهايمر الله المستعان ، يعني شيلها من رأسك وغير الخطة ، الفترة الماضية طلعوا بالسوق شبيحات واجد وانت لليوم قاعد تفكر بالخالة المسيكينة . رح شف سهم أيس والفرنسية والدرع مليان شبيحات أضبط أمورك وخل عنك العجز ههههه كاترينا قاعد يلعب عليك ويشحن فيك يدور الطنازة أعرفه زين ، وبعدين أساساً حسابي بتويتر المضافين أقل من 30 ومقفل باب التسجيل هههههه أزين ما بتويتر أنك تقعد تشخص وتسوي فيها منتدى لحالك اللي ما يعجبك تقفل عليه واللي يعجبك تسجله عندك يعني أنت العضو وأنت المشرف والكل بالكل . والحساب اللي حاط رقم جواله مستانس يحسب أن الأمور تمام أنه يكون شربكه ما يدري أنه أرداله

النتريك

هلا وغلا بالغالي ، وراعي المتكاملة مو خضخض فينا وبس أخوك صار روب من كثر الخضخضة ، لكن اللي ما يكتب عسر وملحوقة ان شاء الله دام السوق موجود ونعوضها بأحسن بحول اللي ماتنام عينه

ماك مان

هلا وغلا وكل عام وأنت والغالين عندك بخير ، والريفيرا ما هي بعيدة عقب ما تتعدا حصاة قحطان بمحطتين خذ المفرق اللي على اليمين وأبتل وتشوفها على اليمين ، ترى كثير يحسبون الريفيرا في أوربا

محمد بن صالح

هلا اخوي محمد ، والله أنك صادق التويتر ما جازلي أبد وما تاخذ راحتك فيه مثل المنتدى . المنتديات أفضل للي يبي يكتب للناس

الخبير الصغير

هلا بالغالي الخبير ، دار الأركان فيها شبيح متعلق وسعره أكثر من 12 ريال لكن مو عجل ويحتريها تطلع مع السوق وحسب اخر مرة قابلته يقول ما راح احط ريال واحد جديد بالسهم لأنه ثقيل ويستهلك سيولة عالية والتدوير فيه عالي جداً من المضاربين ، واعمار دخلوها شبيحة بعد رمضان ويقولون هدفهم 12 ريال وشغالين تطبيل على السهم وهذا يدل على أن سيولتهم ضعيفة ، لكن اللي ممكن يخدم السهمين هو الحركة المتوقعة للمعرفة ان شاء الله ، والقطاع عموماً راح يكون له تنظيم جديد مستقبلاً قد يؤثر بالسلب على الشركات اللي قوائمها المالية ضعيفة

خ---ا---ل---د

هلا اخوي خالد وان شاء الله ما تفقد غالي ، وشبيح ثمار السابق شبه طلع من السهم وباقي عنده كم محفظة لكن ماهي كبيرة وداخلين بتنسيق معه وطلع وخلاهم ، والرجال ما صار حريص على السهم مثل أول وما شاء الله استفاد من السهم واشوف حركته السابقة صارت تتبع شمس وله فترة وهو يتذبذب بين ريال أو ريالين طلوع ونزول وهذا يدل أن السهم مافيه أحد حريص عليه .

لماح

هلا أبو اللماميح ، والله يا لماح ما ظنتيى أن هالسامج راح يتغير وأكثر من شبيح حاول التنسيق معاه لكن مافاد الرجال ماخذ السهم وجاهة ومبسوط بالوضع ومبسوط أكثر ان الناس تتكلم عنه بالمنتديات وحنا نتكلم عنه ألحين تلاقيه مستانس ومتشقق وكنه ضارب قارورة عرق ! والمصيبة أن الكمية اللي عنده ماخذها بتسهيلات من بنك البلاد ويتكي يومي عندهم ويقول ما أبي أحد يلعب بالسهم على خفيف يا سهم Berkshire سهم قرمبع بقرمبع ومشخص علينا الأخ فيه ، عموماً حسب ما اعرف ان معدلاته بحدود 29 يعني اذا نزل السهم خذ فيه وعند هذ السعر اعطيه وارن بافيت

باريس نجد

هلا بالغالي عنيزة ، راح أعطيك بدال الحرف حرفين والله أنك تستاهل ، أول حرفين (ال)

رائد الحربي

هلا والله بولد حرب ، وأي شي بصدرك اظهره ولا تخليه يقرقع ، وبالنسبة لعسير المقصد أن الواحد لا يقعد يضيع وقت بالسهم ويدور سهم ثاني يستفيد منه ، والشي الثاني صعب أنك تتكلم عن سهم ارتفع 20٪ لأن الشبيح ممكن يجلدنا بالسهم ويستفيد منةالتوصية على السهم ويكون بالأساس هذا هدفه من السهم 20٪ لذلك اخوك حريص يعطيك معدل اسعارةالشبيح عشان تعرف تتخذ قرارك ، وبالنسبة للتوصيات الصريحة سبق ووصيت توصيات صريحة كثيرة منها اللي استفدنا منها وهي كثيرة والحمد لله ومنها اللي جلدونا فيها لين عضينا الأرض رغم انهم ما طلعوا بالسهم ، وكثير من التوصيات كنت أوصي بطريقة أنه تم ضبط شبيح في السهم الفلاني ، لذلك لا يمكن تكون فيه طريقة توصي فيها الا بالطرق الثلاث اما معدلات الشبيح أو بضبط الشبيح بسهم ما أو التوصية الصريحة وهي الأخطر بالنسبة للي لأنها سلاح ذو حدين وخصوصاً أن الشبيحة يحبوني كثير . واذا فيه طريقة معينة ممكن يكون الطرح فيه مناسب ياليت تقولها عشان نجربها وتحت مسؤوليتك :)

على بركة الله

هلا بالغالي والله يسلمك من كل شر ، وان شاء الله السوق ياخذ وجهته الصحيحة بالارتفاع والمفروض سوقنا ما ينزل عن 7500 في أسوء الظروف لكن هواميرنا نجوس وما يبون أحد يستفيد ويبونا عايشين على الخوف جاك الذيب جاك وليده عشان تصير فايدتنا بسيطة وهم المستفيدين حسبي الله عليهم

ضحية فبراير

هلا بالغالي ، الفايدة وأنا أخوك أنك تعرف وش اللي صاير وتتخذ قرارك بناء عليه فيما أذكر من شركات وهي لا تمثل 10٪ من شركات السوق . ومثل ما رديت على أخونا رائد الحربي ، اعطونا طريقة تكون مناسبة بحيث يستفيد منها الجميع ، ممكن يصير الطرح على الخاص وهنا ما راح يستفيد إلا عدد محدود وللمعلومية حتى على الخاص عندي كم واحد يراسلوني واعرفهم زين واعرف أنهم مع الشبيحة وقاعد أسايسهم كني ما أدري ، المعنى أن الشبيحة معنا بكل مكان

مراحب

كل عام وانت بخير وسعادة الله يوفقك وين ما وجهت

عادل الوافي

هلا بك ياغالي ، إلتون ما طلع نهائي من السهم لكن طلع محافظ كثيرة تهمه بعضها شالت كميات بالطباعة وبعضها شالت بسهم تأميني ، لكن من خلال معرفتي وقربي من إلتون خليك حذر من اللي يقولونه أفضل

العالم الثالث

أهم شي أنك تطمنت :) والله ما شفت شركة انسرقت مثل ما انسرقت بترو رابغ وقبلها سمارك . وبترو رابغ ما قصرت وطلعت 9٪ هالسنة وسوت اللي عليها عيني عليها باردة

ابو صالح

الله يجزاك خير ويرحم والديك عن النار

شنغريلا

هلا بالغالي أبو عبدالله ، والله يا خوك هناك ما جازلي ويقولون ممكن حسابك ينسرق وأنت تضحك وأخوك لو انسرق حسابه ما فيه أمل يعرف كيف يرجعه وأكثر شي ممكن أسويه أني أطقها بكوة من القهر . فقلت خله ينسرق وهو خفيف أحسن وما عليه حسوفه

صيرمي

ان شاء الله راح أحاول أرد على الرسائل وافرغه

مستثمر

مرحب سديق أنت ايس يسوي مع استثمار مال إنتا ، نورت الموضوع يا باشا وخلينا نشوفك لا تقطعنا

لي عودة ان شاء الله للرد على باقي الاخوان ومن ثم على الخاص[/INDENT][/INDENT]

[العطـوف]

لاتشيل هم وانا اخوك :cool:


العطوف هو نتفك بس الا حشك حش وفعلا عن نفسي اتفق معك قلبا وقالبا


ولا انصح الخاله تقبله بعلا لها بتندم الخاله طول عمرها :p


بس تطمن تقعدت له وكل ماقال فيك كلمه رديت عليه بكلمتين الا مرة وحده رديت بثلاث كلمات :o



انت الحين نظف الخاص طال عمرك بقول لك كلام ماينقال على العام ;)


افاه وش ذالعلم وش حشه ووش تنتيفه
اجل هو قميريه والا دخله:)
الله يسامحك يابو عبدالرحمن ظلمتني
لونه يطيح بين ادينك ما انتفه وبس
كنت اكلته هو وريشه:D
شيب بالخاله وروح ذاكرته اخرطه خرط حتى المخرطه ماتوضبه:)
وحرمني من حنانه
ويبيني ابدا من جديد مع هامورات التأمين هذولي
يبيلهن شباب مهو شايب هذولي يقامزن تقل كنغر ينفعلك :p

شربكه اجل مهو انت اللي شاتني فكك الله
بغيت اجيك والفك باللي انت خابره من الزعل متى تجي تاخذه;)

[كاترينا]

افاه وش ذالعلم وش حشه ووش تنتيفه
اجل هو قميريه والا دخله:)
الله يسامحك يابو عبدالرحمن ظلمتني
لونه يطيح بين ادينك ما انتفه وبس
كنت اكلته هو وريشه:D
شيب بالخاله وروح ذاكرته اخرطه خرط حتى المخرطه ماتوضبه:)
وحرمني من حنانه
ويبيني ابدا من جديد مع هامورات التأمين هذولي
يبيلهن شباب مهو شايب هذولي يقامزن تقل كنغر ينفعلك :p

شربكه اجل مهو انت اللي شاتني فكك الله
بغيت اجيك والفك باللي انت خابره من الزعل متى تجي تاخذه;)

هههههههههههههههههه هلا بو شوق

أرامكووووووو ضايع دريلها اللي تستخرج به النفط ومتوهقين شف لهم حل :D

وترى شربكه ناصح مالك بالخاله

فيه هامورة سهم تأميني خاطبتني وليومك افكر خايف انها طمعانه فيني

لكن يبقى السؤال تهقى الحبيب شربكه نظف الخاص ولا بعده في البيات الصيفي :p

[النتريك]

هلاوغلاا بك اخوي شربكة


ونبي سهم مثل المتكاملة نلبد معه ونطلع قيمة ملابس عيد الاضحى والضحية نفسها خبرك الاضاحي الحين اسعارها مرتفعة بالحيل .

[النتريك]

اخوي شربكة ياليت تعطينا مجال على الخاص


اذا سمحت

[العطـوف]

هههههههههههههههههه هلا بو شوق


أرامكووووووو ضايع دريلها اللي تستخرج به النفط ومتوهقين شف لهم حل :D


وترى شربكه ناصح مالك بالخاله


فيه هامورة سهم تأميني خاطبتني وليومك افكر خايف انها طمعانه فيني



لكن يبقى السؤال تهقى الحبيب شربكه نظف الخاص ولا بعده في البيات الصيفي :p


يا هلا فيك يابو عبدالرحمن
ابشر انت وارامكو انا مستعد بالفزعه بس اخاف اطلعهم على الصين:D

يابو عبدالرحمن الله يهديك تعرف وشلون تنمص القميريه المطبوخه على مطازيز

شربكه مص الخاله وخلاه تقل مومياء من العهد الفرعوني:p
اخر اخبار المسكينه تلعن اليوم اللي تعرفتبه على شربكه
بستراحة الدحمي وابو جلمبو وابو مفتاح العجل
اقول اخطبلي شغالة الهاموره انا راضي العوض ولا القطيعه وحنا منقطعين:D
اقول شربكه كبران راسه مهو راضي يفتح الباب للزوار
وقته مايسمح يقابل الشيبان مثلي ومثلك
راحت علينا الله يرحم حالنا
ماتبي وزره تبرد عليك بالرطوبه عندي وزره اصليه;)

[كاترينا]

يا هلا فيك يابو عبدالرحمن
ابشر انت وارامكو انا مستعد بالفزعه بس اخاف اطلعهم على الصين:D

يابو عبدالرحمن الله يهديك تعرف وشلون تنمص القميريه المطبوخه على مطازيز

شربكه مص الخاله وخلاه تقل مومياء من العهد الفرعوني:p
اخر اخبار المسكينه تلعن اليوم اللي تعرفتبه على شربكه
بستراحة الدحمي وابو جلمبو وابو مفتاح العجل
اقول اخطبلي شغالة الهاموره انا راضي العوض ولا القطيعه وحنا منقطعين:D
اقول شربكه كبران راسه مهو راضي يفتح الباب للزوار
وقته مايسمح يقابل الشيبان مثلي ومثلك
راحت علينا الله يرحم حالنا
ماتبي وزره تبرد عليك بالرطوبه عندي وزره اصليه;)

الله يهديك يابو شوق ترى ارامكو هي اللي طالبتك مهوب انا :o

المصيبه ان شربكه في موضوعه تحرش بسهم الدرع ويقول ان مضاربه يقول انعم الله عليكم :confused: عز الله طارت فلوس التقاعد

على طاري الوزره تخبر قطر حولنا رحت لمحل وزره بسوق واقف وقعدت :p

ياعنده وزره موديلات اشي اخضر واشي ازرق واشي احمر

وعلى طاري بو جلمبو تصدق شخصيتين اتمنى اقابلهم بو ضروس وبو زرار بسبب مدح شربكه لهم ;)

لازم شربكه يحقق امانينا ويجمعنا معهم على حاشي :D

[كاترينا]

الا ماتشوف يابو شوق ان حنا متربعين بموضوع شربكه وماخذين راحتنا ؟:rolleyes:


تهقى القهوه بتجي ولا نمشي :D

[النتريك]

انا في الزاوية وداق اللطمة من ذا الشيبان كاترينا والعطوووف


الله يعين عليهم

[كاترينا]

انا في الزاوية وداق اللطمة من ذا الشيبان كاترينا والعطوووف


الله يعين عليهم

ذكرتني بالشياب اللي ناخذهم اولياء امور بالاجار للمدرسه ايام الثانوي:confused:

بخمسة اريل يصير ابوك وجدك ان بغيت:D

[العطـوف]

الله يهديك يابو شوق ترى ارامكو هي اللي طالبتك مهوب انا :o


المصيبه ان شربكه في موضوعه تحرش بسهم الدرع ويقول ان مضاربه يقول انعم الله عليكم :confused: عز الله طارت فلوس التقاعد


على طاري الوزره تخبر قطر حولنا رحت لمحل وزره بسوق واقف وقعدت :p


ياعنده وزره موديلات اشي اخضر واشي ازرق واشي احمر


وعلى طاري بو جلمبو تصدق شخصيتين اتمنى اقابلهم بو ضروس وبو زرار بسبب مدح شربكه لهم ;)



لازم شربكه يحقق امانينا ويجمعنا معهم على حاشي :D


فزعتي لأرامكو لجل خاطرك من غلاتك وحلاتك:)
ماينخاف عليك انت مضبط وضعك مع هامورات التئمين:p
المشكله انا اللي مخيشني مضارب سهمي وواطي على خشتي:o
اما الوزرات اجل لو تشوف وزرات جازان وش راح تسوي
تصدق بالله جني وزرات من جازان وصرفتهن الوانهن
تخليك تشمئز مدري وشلون يلبسونهن
12 وزره وما صفيت منهن الا 3 هن افضل شي
وراحت وحده وبقاء عندي ثنتين وحده لي والثانيه :D
طع شوري هج عن ابو ضروس وابو زرار
ابو زرار يكبسك ويخليك تقل مطازيز وابو ضروس يعرمشك
صدقني لغير يخلونك انت الحاشي اللي يعرمشونه وشربكه
واقفلهم بطاسة الماء لجل مايغصون بعضامتك المطحونه:(

[العطـوف]

الا ماتشوف يابو شوق ان حنا متربعين بموضوع شربكه وماخذين راحتنا ؟:rolleyes:




تهقى القهوه بتجي ولا نمشي :D


شويه متربعين قل متسدحين:D
احس ان المشيه يابو عبدالرحمن افضل
جاني خبر ان شربكه مربص عسبان نخل بزيت محروق له شهرين
لجل يجلدنا بهن
عاد اخوك مجلود خلقه له نص سنه وهو ينجلد مابقابي جلد الله يخلف علي
عظامي اطلعت:o

[نسر]

ننتظر................... هديه ياشربكه

[رائد الحربي]

نعم صدقت وماقصرت اخوي شربكة بيض الله وجهك نعم كانت لك توصيات مبطنة واعطت

وانا اشهد بذلك

وعلى قولتك ممكن ينضرب السهم بسبب التوصية المباشرة عليه

وانا والله ماني عارف الحل لكن مابغاك في نفس الوقت تخرب عليهم حتى لايخرب السوق علينا حنا كمان !!!

يعني مو معقولة المضارب يشد السهم والناس تدخل معاه بسعر تجميعه وبالتالي لن يرتفع السهم والكل ماراح يستفيد عشان كذا اقترحت انه توصي عليه عند الانطلاق وهو عادة مايكون فوق التجميع بعشرين بالمية

وممكن يكون الحل انك تعطينا فقط رايك اذا انهم جمعوا تقولنا ترى السوق تجميع وان صرفوا تقول تصريف يعني خليها عامة ولاتفصل

وفي النهاية انت ادرى بشغلهم انا غلبان على قد حالي

وانا والله اني استمتع برؤية معرفك ومواضيعك ولكن في نفس الوقت اخاف على السوق منه

[خ---ا---ل---د]

الله يبض وجهك اخوي شربكه على التوضيح

اجل ثمار مافيها شبيح والجو صافي

ياليت يكون الجو صافي ولا فيها احد غثه ونوصي

عليها الذيب اللي بالتأمين يسر عليها هو وقروبه

يطيرونها مثل ماطيروا الصادرات وكثير من اسهم

التأمين

[ضحية فبراير]

اخ شربكه بحكم مصادرك ومعلوماتك الي تجيبها طيب عطنى وش الي صاير في سابك من هو الي يبيع له اسبوع خلال الاسبوع الي راح تم تنفيذ 27 مليون سهم في سابك

[شربكه]

عزوز سميث

هلا بالغالي وكل عام وأنت بخير ، لكن ما قلت لنا أنت من أي من السماثة ، سماثت بريطانيا أو سماثت أمريكا :)

الحيدر

هلا والله بالحيدر ، كن الرجال يوم الأربعاء قاعد يجرب المحركات وناوي يستعد للرحلة

ابن الرياض

وش دخل السوق بطلتي ؟ أنت تعتقد ان السوق يحركه مضارب أو غيره طلوع أو نزول ؟ السوق بيد الشيوخ ولا جابو خبر شربكه ولا غيره ، وبعدين طلتي كانت بطلوع السوق من زمان وكنت أنادي بالدخول للسوق ، وبالعكس اخر موضوعي لي قبل شهرين وقبل الهبدة القوية كنت أقول للي يسئلوني بالموضوع على العام وفروا 60٪ سيولة ، صحيح آني نصحت اللي على الخاص بالخروج من السوق لكن صعبة أني أقول على العام يالله ياشباب هجوا من السوق ، لكن لمحت بردودي على الهجة والموضوع موجود تقدر ترجع تقراه ، وعموماً بالنسبة للشبيحة احب اطمنك كلهم بدون استثناء ما يحبون طاري اسمي لا من قريب ولا من بعيد حتى تقدر تسئل إلتون

النازداك

احساسك صار بمحله ههههههه

لؤي

هلا بالغالي لؤي ، بنك الإنماء يعتمد على هدفك من السهم استثمار أو مضارب يومي أو اسبوعي أو شهري ، عموماً السهم لا انصح فيه إلا للاستمار البعيد فهو فرصة بهذي الأسعار ومثل ما تعرف أن قطاع البنوك هو المستفيد الأول من نظام الرهن العقاري إضافة إلى أن مصرف الإنماء سجله نظيف من الديون ورأسمال كبير جداً ولو ان عندي تحفظ على رأسماله . لكن للاستثمار البعيد ممتاز جداً وللمضاربة فهو يتبع قطاعه وبالتحديد الاسلامي في القطاع

سمر سهم

هلا بالشيخ سمر سهم نورت الموضوع بطلتك يا قمر ، والله يرزقك بالذرية الصالحة ويطلع أقل حظ من ذريتك في الفردوس الأعلى من الجنة

مضارب محت 78 رف

وش عليه يالزعماء جبتوا هالاقرع اللي يدل الباب مو مثل خبلكم الكوري أحس أنه متلبسه جن هالكوري تابع حركته وهو يركض استحالة تكون حركة واحد طبيعي

اوتام

رديت على واحد من الاخون بخصوص الجماعي وقلت ان الرجل طلع محافظ تهمه ووداها للطباعة والتغليف ولسهم تأميني ومازال باقي عنده محافظ بالسهم لكن اغلبهم معزومين على السهم . والسهم اشوف اذا انت ربحان تحول لسهم ثاني اخف ومضارب أقوى ، واذا انت لا سمح الله خسران لازم تحط رقم لوقف الخسارة ألتون ممكن يطلع من السهم في أي لحظة والتعليق بالجماعي ماهي لعبة يبيلك تنتظر دورة اقتصادية جديدة عشان تنفك التعليقة لا سمح الله

راعي الطيب

ابشر ان شاء الله بالعيدية بعد ما تهدئ الأمور

متذبذب

تبوك الزراعية شبيحتها كلهم على التويتر مدهرين وقاعدين يسوون إغراء لجلب محافظ . ومسك جماعة إلتون يطبلون على السهم وكان فيهاىشبيح طلع مع الهبدة الأخيرة والمتطورة مازالوا فيها جماعة متعلقين بأسعار بحدود 24 ومازالو يحتفظون بكميات كبيرة لكن مشكلتهم أن صاحب أكبر كمية قاعد يخرط عليهم كل يوم بسالفة

كيمانول والصحراء وينساب ما خبرت هالفترة فيها مضاربين والاحساء فيه مجموعة دخلت السهم بعد العيد لكن ما اعرف وش النية لليوم والبحري الملاك يقولون 22 مع الصبر القليل والكابلات لا اعلم عنها شي والسيارات فيها شبيح متعلق باسعار بين 24 و 26 وعموماً السيارات حسب معلوماتي لديها اخبار أكثر من ممتازة وراح تخدم السهم كثير والعلم عند الله لكن يبيلها شوية صبر

عاشق القمر

اللي ما يكتب عسر وأنا أخوك ، ونصيحتي تستبدلهم بالمعرفة وبنظام تجميع وفيها بحول الله وقوته 25٪ من أسعار اليوم ، ولو صار جديد راح ابلغك ان شاء الله

الدختور

الله يسلمك ويحفظك من كل شر يا دختور القلوب العطيبة

موصول

ثمار رديت على استفسار عنها والاسماك بصراحة من زادت أسهمها ما عاد حرصت بمتابعتها ، والصادرات ما دخل معاهم أحد خراطين لا يهمك كلامهم ومازالت نفس المجموعة المطوع وولد عمه من بعيد اللي مع العقاري ومن السبت الماضيى قاعدين يحرجون على السهم ولهم كمةيوم مشغولين بالفرنسية

اخر الاخبار

هلا ومسهلا بالغالي ، امحق من مذكرات الناجح فينا من الشلة الدغبجي ونعتبره حكيم الشلة واخرتها أمين مكتبة ! لكن لا يدري كاترينا يبيلك تخفف روحاتك وجياتك معاه وترى شلته بالشرقية لليوم راعين قدو ، وفيه كلام كثير أقوله لكن بعدين ما اكتشفته إلا من تالي

نسر

عن ايش ؟

بن داود

اسفر وأنور الموضوع بوجودك يالغالي ، والقصيم يستاهل من يصبر على غثاه ، الرجال قاعد يطلع محافظ من سهم ثاني ويدخلها القصيم ويبيله صبر

ضحية فبراير

بالنسبة للي يصير بسابك فهو خروج محافظ حقيقي لأسباب مالها علاقة بوضع السهم ونتائجه المحافظ لها ظروفها لكن هناك من يدافع عن السهم لا تقلق ، وبعض الكميات هي تدوير من مضاربين يشيلون ويحطون معاهم وبكميات كبيرة

===========

العطوف وكاترينا ورا ما تقدون تلعبون كيرم بالموضوع أو تقعدون تكسرون لمبات الأعضاء ! اطلعولي برا المنتدى اتفاهم معاكم ، احاول اليوم أرد على الخاص عشان بعدها اشوف شغلي معاكم ، على فكرة يا كاترينا لي فترة وانا اقول وش فيه كاترينا غاطس باسهم التأمين ويوم تبقس الأمور إلا واغلب المحافظ النسائية شغالة على التأمين والضعيف العطوف هو ووزرته يلاحق الخالة المسيكينةًواخرتها جاها زهايمر الله يحسن خاتمتنا

كان هذا اخر رد لي على هذا الموضوع وإلى اللقاء في موضوع قادم ان شاء الله

وفقكم الله

[((باريس نجد))]

باريس نجد

هلا بالغالي عنيزة ، راح أعطيك بدال الحرف حرفين والله أنك تستاهل ، أول حرفين (ال)

[/indent][/indent]



ارسله على الخاص :)

[مضارب محت78رف]

هلا بك اخوي الغالي
ويالله انك تكثر طلاته وتكثر صيداته.
وأعجبني وصفك لأهل التويتر.
الحين الريفييرا وينه بوه..

[عاشق القمرا]

جزاك الله خير

[fergalator]

هلا وغلا اخي الغالي شربكة وعوداً حميداً والحمدالله على سلامتك .

[اسلوب]

بسم الله الرحمن الرحيم , وسلام الله عليكم جميعاً


كل عام والمسلمين والعرب في كل مكان بخير , وكل عام وشبيحة سوقنا اللي يكسبونا بعد الله بخير

اشكر جميع من سئل عني سواء بريدياً أو هاتفياً أو بعت تلغراف

مع الاسف كنت الفترة الماضية بعيد عن السوق وماكان فيه أي جديد وكان السوق ضعيف وغير مغري إلا من كم شركة ما تسوى الواحد يتابع السوق علشانها رغم ان صارت ارتفاعات بالمؤشر زينة وماهي زينة لأن اللي استفاد منها القطاع الماخوذ وباقي القطاعات فاتحة فمها وتتفرج عليهم وتتحسر على نفسها ! قال تحليل مالي قال ! دارهم ما دمت في دارهم

موضوعي هذا أول شي وأهم شي أني اسلم على الجميع بعد انقطاع بسبب بعض المشاغل ومثل ما ذكرت ان السوق بالنسبة لي ما كان مشجع ولليوم , وثاني شي تطمين لبعض المتعلقين في بعض الشركات اللي يملكون فيها يعني مو لفتح مراكز جديدة

يمكن الحدث الأهم في الفترة الماضية هو الإنقلاب اللي سواه مرسي على القائد الأعلى للمجلس العسكري سعادة المشير وقلبه من مشير إلى وكيل رقيب ! فبعد ما ساعد المشير الأخ مرسي في الثورة على السوق وشاف مرسي أن وضعه تحسن وكون قوة مع بعض الاخوان من الشبيحة حسبها بينه وبين نفسه وقال انا اشتغل واخرتها الصيت للمشير ! لا ياحبيبي لازم اصير بالصورة واثبت أني أنا الاساس وفعلاً سوى عليه إنقلاب وسوى تحالفات جديدة ومثل ما يقولون الرزق يحب الخفية . ما علينا الله يستر على الجميع وخلونا نشوف وش عند بعض الشركات


بتروكيم لعنبو بليسه دورت عليه بجميع القوائم عند المتخصصين من المسلمين في إجازة الشركات وحتى بقوائم بعض القساوسه وما لقيت أحد محلل السهم أبوه من سهم طلع أبن ستة وستين حرام ما أدري وش مسوي ؟ ومع ذلك فيه شبيح من العيار الثقيل ناوي فيه نية لكنه انشغل من كم يوم بسهم المملكة استغفر الله هذا الشبيح لاعب لعبته مع الحرام شكله هو وأبليس متصادقين ومتقاطين باستراحة وحدة ومظبطله أموره ! ما علينا من الناس ومثل ما اتفقنا من البداية الكلام للمتعلقين وخاصة بهذا السهم نقول لهم أتبعوا قول الله تعالى ( وإن تُبتم فلكم رؤوس أموالكم ) فإذا وصل لسعرك والمتوقع بين 27 إلى 30 ابحث عن الطيب من الرزق


اللجين الأخ اللي فيها مكتوب بدفتر العائلة العلامة الفارقة (نجس) فهو من النوع اللي يترك السهم يجاري السوق بالارتفاع وإذا وصل سعر عشرين يجيك الضرب والدبج من كل مكان وصارله بالسهم سنين طويلة شغال على نفس الوضع وما أظن يغير أسلوبه حالياً


نماء طبعاً الأخ اللي بالسهم مافي واحد بالسعودية ودول الخليج ما درى أنه بالسهم ! وما فيه شبيح إلا وماخذ كمية كبيرة ومتقفيه بالسهم ! يعني ما قدامه إلا يضحي بالسهم ويقبل بالخسارة ويدور غيره وبسرية أكثر أو أنه يضف كامل أسهم الشركة ويطامر فيها غير كذا السهم راح يكون حبة فوق وحبة تحت وتضييع وقت


المتقدمة الشبيحة اللي فيها معدلاتهم 24 تقريباً وهدفهم ماهو بعيد عن اغلاق الأربعاء وعلى قولهم بين 30 و 32 راح يتخارجون من السهم


كيان صناديق البنوك والمحافظ الخاصة شغالة ليل ونهار تجميع بالسهم والدعوة ماهي شغل شبيحة شغل ناس ما تدخل بالسنة إلا مرة وحدة وضاغطينه عشان ما يتنفس


بترو رابغ خلوها تولي سوت اللي عليها هي كل كم شهر تطلع 9% وترجع لفترة سبات وشف عاد متى يتحرك مرة ثانية . خلونا نستفزهم


اسمنت حائل الشبيحة عبو محافظهم بين 17 و 18 وشغالين تسحيب بالسهم ولا من شاف ولا من درا لكن وين النية الله اعلم لأن ما وصلني هدف تقريبي للسهم وياليت من عنده علم يفيد اخوانه


اسمنت الجوف وعدونا بالعشرينات لكن طلعوا خرطي وعلى العموم مازالوا بالسهم نراقب ونشوف اخر خراطهم


الغاز الأخ اللي نتفو منه مبرد بسعر 15 دخل السهم وعشعش فيه وكل ما قابل واحد قال له وش رأيك بالسهم شفت وشلون مسيطر على السهم وما تأثر بالنزول السابق !!! من صدقه يتكلم ذا الشبيبيح هو السهم طلع أساساً عشان ينزل ؟؟؟؟!!! من يوم اكتتابه وهذا سعره


الغذائية مافيه جديد دام السامج مازال بالسهم ويمكن التغيير اللي صار برمضان ان كم شبيبيح دخلوا السهم وتعلقوا ويدورون النحشة من السهم ولحقهم قبل كم يوم كم هويمر لكن ما أدري بتنسيق أو درعمة ودخلو معاهم بشبه تعليقة إذا ما تحرك القطاع وفكهم


أنعام طبعاً ما يحتاج ماركة مسجلة لاخونا معلومة (أبومحمد) لكن السؤال يا أبومحمد لو وافقت الهيئة على رفع رأسمال الشركة وش الجديد ؟ قرمبع بقرمبع


القصيم الزراعية وما أدراك مالقصيم الزراعية هذا السهم اللي بقى للمشير بعد ما عزله مرسي وشكل المشير راح يسوي فيه ثورة يستعيد فيه أمجاده ومتحفظ جداً لدرجة أن جته خمس محافظ ومن حرصه عليهم نادى عوض وقال له ياعوض الله يستر عليك خذ الاخوان وافتحلهم محفظتين ببنك الدم وثلاث محافظ بالبنك الزراعي , والله يخارجنا من اللي يتابعون المحافظ !!!


جيزان انتهت الترتيبات على السهم واصبحو جاهزين لفك التعليقة لكن ما أدري إذا كان إلتون داخل معاهم بالترتيب أو .. لا


عذيب هالشبيح ما عنده سالفة يوم درا أن شبيح المتكاملة ناوي يطير بالمتكاملة أخذ عذيب وقال امشي هذي مع هذي واخرتها شوط بقرة وطلع اغلب محافظه من السهم بعد ما فاحط وغبر علينا وخلانا نقول الله يعين عسى نلحق ناخذ من أول نسبة فوق ! أقول الله يصلحك خلك بزراعيك وعساك بحملك تثور


المتكاملة بصراحة لعب عليّ رغم أني غردت فيه ووصيت عليه بسعر 18 ما ادري 19 وقلت نبي نطلع حق السفرة والسمبوسة والفيمتو منه قبل رمضان رغم أني ما أحب السمبوسة لكن عشان الأهل لكن مللني وانحاش وخلاني والعجيب أن الأخ مازال بالسهم وشال زيادة وما أدري وش النية لكن نقول ان شاء الله يفك المتعلقين


المصافي الخال مازال مصر على التدبيلة من سعر 70 وذاك اليوم قابلته واستفزيته وقعد يحلف لين طلعت عروق سنادحه ورقبته كنه عامل شايل فوق رأسه ثلاجة . ويقول تشوف والشاشة بينا , لكن كل مضارب له اسلوبه! تكفى خف علينا يا وارن بافيت , بصراحة الخال من شفته يروح للأبل بعز القيظ وأنا حاس أن الشمس عاملة عمايلها معاه , وبعدين ما أدري وش معجبهم بالبعير هو براطمه ومطير عيونه بالسماء كنه خبل , أمريكا أرسلت مسبار للمريخ وهذول جيب الشعير رد الوايت . لكن الله حق الخال راعي فزعات وياما استدعوه الشرطة بسبب كفالات اصحابها ما سددوا اللي عليهم يعني راعي فزعة وان شاء الله تكون الشمس ما أثرت على الخلايا اللي برأسه اللي فيها مركز التحكم في أهداف السهم


عسير تفركشت المجموعة اللي بالسهم من بركات أبو راشد


الباحة صار فيها تعاون شبيحة جيد ومجموعة منهم تخارجوا من السهم يوم الأربعاء والمجموعة الثانية باقية بكمياتهم والغريب أن راعي الدلة كل يوم واحد رادفه بسهم ومطلعه بخسارة وبصراحة ودي أقعد معاه واشوف وش يحس فيه أو وش نوع الأكل اللي يأكله ! لكن السهم أظن اللي يشتري فيه بهذا السعر أحس أن برأسه فتق أكبر من فتق طبقة الأزون رغم أنهم يحرجون على السهم ويقولون الوعد 40


الصادرات بصراحة المطوع واللي معاه أبدعو فيها واستفاد وفاد من السهم ومازالت عنده كميات جيدة بالسهم ويحاول يطلع من السهم بنظام التطبيل لأن عنده سهم بالقطاع الماخوذ ومنتهي تجميع ولو قال راح يدبل فيه خمس مرات راح اصدق والأخ حريص جداً جداً أن ما أحد يعرف السهم ويمكن الكميات الباقية خارج محافظه ما تجي 2 مليون سهم قيمتها أقل من 80 مليون ريال والرجال حريص أنه يخلي مؤشراته الفنية سيئة عشان ما يبلشونه حقين التحليل الفني ويقعدون يتميلحون ويوصون عليه , وبصراحة لو لي بأسهم التأمين كان حطيت ما وراي ودوني بالسهم وبعت البيت والسيارات وحطيتها بالسهم ورحت سكنت بالريفيرا وقعدت أكتب مذكراتي أيام البديعة ومثل ما قال ما أدري مين : قلوا علامك تزور حي البديعة كل يوم .. قلت السبب صاحبي الله حسيبي عليه

وقمت أكتب مذكراتي مع رفقاء الدرب اللي كل واحد فيهم حياته ملحمة تاريخية تستحق الوقوف عندها أمثال جلوف والدغبجي والجرادة والزرادية وخصوصاً الزرادية هذا واحد من الشباب حضرمي جانا من جدة وسكن الحارة معانا , ومسمينه الزرادية لأنه إذا سلم عليك وضغط على يدك لازم يكسر واحد من اصابعك من شدة الضغطة وما شاء الله عليه الوحيد اللي مشت أموره من الشلة وصار تاجر مواد بناء كبير واعتقد الوحيد من السعوديين اللي ما دخل سوق الأسهم لليوم وكنت أحاول أقنعه يدخل السوق وكل ما جبتله طاري الأسهم قال ( إذا أنت أمير وأنا أمير مين يسوق الحمير) ما أدري وش دخل أم المثل بسوق الأسهم ! أساساً من عرفت الزرادية وهو حافظ هذا المثل ومثل ثاني يقول ( اللي اخذته القرعة تأخذه أم شعور ) والمصيبة موظف المثل الثاني بكل شي ويستخدمه في غير مكانه الصحيح ويقول الزرادية الله يذكرها بالخير خالة فريال جارتنا بجدة تعلمت منها هذي الحكمة وصارت ناقوس بحياتي ! أمحق من حكمة هو خالته فريال

حنا طلعنا من موضوعنا لكن لعلنا في موضيع لاحقة إن شاء الله وكان عندنا متسع من الوقت نتكلم عن الدغبجي وعن مناقبه والمقولات اللي اشتهر فيها وذهبت فيما بعدأمثالاً , المهم راعي الصادرات ناوي سهم تأميني الله يغنينا بحلاله عن حرامه , لكن الله يهديه ويشوف سهم بغير هالقطاع الماخوذ عشان نعشت معاه


صدق يقولون مرسي عنده محافظ فوق 24 مهمة وناوي يطلعها من السهم .

التعمير شبيحه قاعد يأدب سهم تأميني حشره اليوم للنسبة تحت ويقول أنتظروني

مدينة المعرفة بالطيب بالقوة بالمذابح بالمجالد لازم يوصلونه 23 والا يطلع المشروع عليهم بخسارة وترى 23 تعتبر رأس برأس ويا دار ما دخلك شر


الجماعي , إلتون لعب لعبته يوم الثلاثاء والأربعاء وطلع محافظ تهمه وكالعادة ممكن سيناريو جيزان يوم كانت بالثلاثينات يتكرر مع الأخوان بالسهم وصورة طبق الأصل حتى بالأعذار ! وبعض محافظه فيها الجماعي والطباعة والتغليف وخسرانين بالجماعي ورافعلهم الطباعة عشان هذي تشيل خسارة هذيك ! يا شطنو إلتون ذهين ! ولا تستغربون إذا قعد ينب عليكم ويعزمكم على الطباعة والتغليف ويقول الوعد 40 والله يكثر الخرفان بالبلد لأن الحج قرب ونحتاجها للضحية


مبرد إذا قدر يخارج نفسه من السهم فوق 60 يعتبر فنان مع مرتبة الشرف الأولى للشبيحة


تهامة المهبول يقول 150 بلا هبال اللي كسبان السوق مليان فرص كثيرة مثل أمانة ومبرد :)


شمس أبو ضروس مسكين عليه الهيئة الله يقويهم كم محفظة وورط بعمره

طبعاً ما ذكرت كل الشركات وحاولت اختصر ومثل ما قلت الموضوع للمتعلقين والمراكز الجديدة نحاول ان شاء الله نفتح لكل سهم موضوع مستقل


المعذرة يا اخوان اذا ما قدرت ارد على مداخلاتكم بسبب بعض المشاغل لكن أحاول ان شاء الله الرد مع أول فرصة
نطلع من موضوع وندخل بموضوع

بالنسبة لحسابي بتويتر فأني لن اغرد فيه الفترة القادمة والكتابة من خلال المنتدى فقط لسببين.

الأول أني راعي قرقة وشغل كم حرف ما يخارجني ولا يقعد رأسي

والثاني لأني سئلت أحد المختصين وقال لي أن أسهل شيئ اختراق حساب التويتر ودريت أن ممكن أي أحد يعطي بنغالي 10 ريال ويجيب خبر الحساب و20 ريال ممكن يخترق البنتاغون ويمرر مكالمات على سنترالهم . والله البنغالية عندنا لاعبين لعبتهم بدون حسيب أو رقيب أول

وبالنسبة لبعض حسابات تويتر واللي تحمل اسم شربكة أو اسم مضاف إليه شربكة لا تعنيني لا من قريب ولا من بعيد غير الحساب اللي يعرفونه بعض الاخوان فقط لا غير البتة
مثل ما قلت الأساس بالموضوع السلام عليكم وان شاء الله لنا مواضيع قادمة جديدة , وتوصيات نحاول التعويض فيها بعد إرادة الله سبحانه وتعالى
نطلع من موضوع وندخل بموضوع
متى ما شفتوا الشبيح طاق صورته بأي وسيلة تواصل إجتماعي وهو مفرع رأسه وجايب شعره على جنب ويناظر نظرة كني ما أدري أن أحد يصورني , ادروا أن الشبيح يدير محافظ نسائية , هذي خلوها قاعدة عندكم
قبل ما اختم موضوع الأسهم شبيح الدرع العربي يقول جمل الله حالكم
نطلع من موضوع وندخل بموضوع
يوم الجمعة بعد الغدا قولوا وش يدرينا متى معاليكم يتغدا ؟ أقولكم قمت من الغدا الساعة 2 الظهر بالضبط وعلى بال ما غسلت وقعدت قولوا خذت المسئلة ربع ساعة بعدها قمت اقرأ التغريدات على الجهاز عندي , طبعاً أخوكم ضايف عنده أكثر من 600 مغرد بين افراد وقنوات وهاشتاقات وخرابيط من شرقها وغربها اتسلى فيها اذا كنت فاضي أو انتظر دوري عند حلاق او زحمة عند إشارة المهم لتضييع الوقت والاستفادة احياناً , المهم وشوي إلا والعنز مجتهد بدأ ينعق , طبعاً الوضع طبيعي أنه يناعق طول السنة لكن اللي مو طبيعي أن نعقته تطلع بحساب قناة الميادين المجوسية بنفس الوقت !!!!!!!! وما طلعت ريتويت طلعت وكنها صادرة من نفس حساب الميادين وقمت اشيك المضافين عند العنز مجتهد وما لقيته ضايف الميادين واشيك الميادين ولا لقيتهم ضايفين العنز مجتهد , طبعاً العنز مجتهد واصل النعيق لكن الميادين ما طلعت عندها إلا النعقة الأولى . تقولون وش تبي توصله ؟ أقولكم
حساب الميادين غير موفقين معاي ابداً وحظهم ماهو حلو معاي لأن قبل فترة وأنا اتابع حسابهم إلا وشوي وتطلع تغريدة من الحساب تقول أن على سطح الخزان فيه شخص معاه مضاد طائرات وبلغوا الطيار , طبعاً انقلب رأسي وش الموضوع المهم شوي وتنسحب التغريدة ! وشوي إلا وتجي تغريدة يعتذرون فيها أن الحساب اخترق واللي مكتوب حنا غير مسؤولين عنه وتم استرداد الحساب !!!! يا سلام اللي قاعد يتابع شربكه غلام خان !!! في أقل من دقيقة تم اختراق الحساب وتم استرداد الحساب !!! المهم واقعد ابحث بقوقل طول اليوم إلا وألاقي الذيابة حقين الجيش الحر صايدين التغريدة وطلع العنز مراسل الميادين بحلب قاعد ينبه الطيار اللي يقصف حلب عن طريق الحساب واظن أنه عنده صلاحية على الحساب الرئيسي ويستخدم حساب اخر للتواصل مع جيش الجحش بشار عشان يعلمهم بتحركات الجيش الحر لكن اخطئ بدل ما يستخدم الحساب الفرعي استخدم الرئيسي !
تقولون وش اللي بتوصله ؟ أقولكم يوم بدأ العنز مجتهد ينعق ما طلع بحساب الميادين على تويتر إلا النعقة الأولى وباقي النعقات ما طلعت والله اعلم أنهم خافوا يسحبونها وينكشفون مثل ما صار مع مراسلهم بحلب فتركوها ومازالت موجودة بحسابهم وكذلك بحساب العنز مجتهد , وهذا يعني أن فيه تعاون ما بينهم وفيه رابط كبير وراء من يدير حساب العنز مجتهد وحساب الميادين
شباب الرجاء ثم الرجاء ثم الرجاء ثم الرجاء عدم التعليق على الجزئية اللي تخص العنز مجتهد وما طرحتها إلا لتكون صورة لمن يهمه الأمر فقط لإتخاذ اللازم . وحنا خلونا بأسهمنا وشبيحة سوقنا .

نطلع من موضوع وندخل بموضوع

لاتنسوا اخوانا في سوريا من دعائكم ومساعدتكم

قال صلى الله عليه وسلم (ما من امرئ يخذل امرءاً مسلماً في موطن تنتهك فيه حرمته ، وينتقص فيه من عرضه ، إلا خذله الله في موطن يحب فيه نصرته ، وما من امرئ ينصر امرءا مسلما في موطن ينتقص فيه من عرضه وتنتهك فيه من حرمته ، إلا نصره الله في موطن يحب فيه نصرته)

وحتى تعرفوا معاناتهم فقد عبر أحد الاخوان السوريين ساخراً بقوله : أنه اصبح من الترف اليوم أن تدفن جثة سوري في سوريا وهي كاملة

كتبت على عجالة فسامحونا على الأخطاء في الكتابة

وفقكم الله





بارك الله فيك اخوي شربكة

[aliyyan]

بارك الله فيك.. وجعلها في ميزانك..

جزاك الله 1000 خير

[الواقع]

هلا بأخونا شربكه .. يا أهلاً و سهلاً

و توني عرفت ليش كاترينا خاسر بالتأمين و مع ذلك لا زال فيها :d:D


.

[كاترينا]

هلا بأخونا شربكه .. يا أهلاً و سهلاً

و توني عرفت ليش كاترينا خاسر بالتأمين و مع ذلك لا زال فيها :d:D


.

هلا وغلا بالواقع

من طول الغيبات

ياخي كثرت قروشك ولا عاد شفناك

يالله ان تحييه وتبقيه والله لك وحشه

[الواقع]

هلا وغلا بالواقع

من طول الغيبات

ياخي كثرت قروشك ولا عاد شفناك

يالله ان تحييه وتبقيه والله لك وحشه


تحيا و تدوم لمحبيك .. ربي يوفقك و يبارك فيك آمين


.

[موصول]

هل سهم المطوع هو الدرررررع العربي