كــــــعـــــــكــــــة الـــــــطـــــيّـــار وحــــــــــــلاوة الإصــــــــــــدار

[سياف]

كــــــعـــــــكــــــــــة الــــــــطـــــــيّـــار وحــــــــــــلاوة الإصــــدار

بدأت مأساة الاكتتاب في مكاتب الطيّار للسفريات والرحلات المكوكية بين المجموعة الشمسية
عدد اسهم الشركه 80 مليون سهم عدد الاسهم المطروحه للاكتتاب 24 مليون سهم وتم تحديد قيمة السهم ب57 ريال ...

هيا بنا نسرق آسف معليش اقصد هيا بنا نحسب :

80 مليون سهم * 57 ريال = 4,560,000,000 ريال ياربااااااه ياربااااااه ..

تم تقييم الشركه بمبلغ اربعه ونص مليار ريال يعني اربعة الاف وخمسمية مليون ..

طيب خلونا نشوف وش عند الشركه (يمكن عندها مناجم الماس في افريقيا) وحنا ماندري وياغافلين لكم الله

اولا الشركه لديها 300 مكتب وغالبيتها مستأجر ماهو ملك ..

طيب فلنفرض ان كل مكتب فيه عشر طاولات .. حلو الكلام

عشر طاولات في 300 مكتب = 3000 طاوله

طيب كل طاوله عليها خرامه ودباسه وسماعة تلفون وكمبيوتر.. معناته :

3000 خرامه * 10 ريال (قيمة الخرامه ) = 30000 ريال ثلاثين الف ريال .
http://t3.gstatic.com/images?q=tbn:ANd9GcQyC4qWUqGcXMKb6M8E58g7GqQ52OFi3 NdtxOn3S6j0Ye9eyxFgvQ
3000 دباسه * 10 ريال (قيمة الدباسه) = 30000 ريال ثلاثين الف ريال.
http://t2.gstatic.com/images?q=tbn:ANd9GcQvtilHXwciriTTbL4jPvb17xoeCpce4 6Zvj_xSLDaUuhfUVX_RtQ
سماعة تلفون (اريكسون) * 200 ريال (قيمة السماعه)= 600 الف ريال.
http://t3.gstatic.com/images?q=tbn:ANd9GcQRtApfI77DfDgnNoU2V1m2OtdYAMipO 9XpU-aRdHWDS8kq5X45Ag
3000 جهاز كمبيوتر مع طابعته * 1500 ريال = 4500000 اربعه مليون وخمس مية الف .
http://t2.gstatic.com/images?q=tbn:ANd9GcQtXWRIJj69_oXi1BjKwQ75hBr4DWw9F tcgrFBV8c1MwSYK3QYgaw
3000 طاوله مع كرسي * 500 ريال = مليون ونص ريال .
http://t0.gstatic.com/images?q=tbn:ANd9GcQiyrZa3-qo7b8rBuPA7t_6ygNgX5msnGNCIxjlIz5XLCsf1jBX
قيمة ديكور المحل مع البارتشن مع الارفف = 200 الف لكل محل

300* 200 الف = 60 مليون .

http://a1.sphotos.ak.fbcdn.net/hphotos-ak-ash4/p480x480/228816_263265390366325_182102101815988_1150970_471 4104_n.jpg
طلعت قيمة شركة الطيار =

30000 (خرامات) + 30000 دباسات + 600الف (سماعات تلفون) +اربعه مليون ونص (كمبيوترات وطابعات) +مليون ونص (طاولات وكراسي)+60 مليون (ديكورات المحلات) =

= 3720000 ثلاثة ملايين وسبعميه وعشرين الف .. خل نجبر المبلغ جعل اللي في بالي ماينجبر .. يطلع المبلغ بعد الجبر 4 مليون ريال .

كيف يتحول مبلغ الاربعه مليون الى اربعه مليار (هذا مايحصل فقط في بلادي).

طيب فلنفرض ان الشركه بعد الاكتتاب بسنه او عدة سنوات اعلنت افلاسها .. العالم الحين مايحجزون الفنادق الا عن طريق النت سواء من موقع الفندق نفسه او موقع بوكنج ويحجزون التذاكر عن طريق النت حتى تذكرة الصعود للطائره (البوردنغ باس) واختيار المقعد كلها بضغطة زر وانت راقد على سريرك في البيت .

نرجع لموضوعنا في حالة افلاس الشركه وش يبقى للمساهمين الضعوف ..

يبقى خير واجد هههههههه

3000 خرامه مستعمله و 3000 دباسه مستعمله و3000 كمبيوتر مع طابعه ايضا مستعمله وطاولات وكراسي نصها متكسر ومغبر وكم بارتشن

طيب في حالة عرضها في الحراج الدولي (بن قاسم) كم تسوى ؟؟؟؟؟؟؟؟؟؟؟؟؟

نسينا حاجه مهمه جدا وتعتبر من اكبر اصول الشركه ممكن فيها شوية تعويض للمساهمين (العوض ولا القطيعه).

اللي هي

الموظفين غير السعوديين طبعا 300 مكتب كل مكتب فيه 3 مصريين و3 سودانيين يطلع العدد 1800 موظف
http://t2.gstatic.com/images?q=tbn:ANd9GcQJRj2-97hFPqw4W-5Bf5xPsKMQuH50cO4BUePqtEiy4Ytd3yy5http://t1.gstatic.com/images?q=tbn:ANd9GcQTs1ICo2utHsf0JU_jpnO_EcqOKeri8 l5WQ4ngZ2_PjGKg0FcwLQ

وش يسوون المساهمين فيهم !!!!

حلوه وش يسوون فيهم .. هذي فيز يعني احلى تجاره يبيعون كل فيزه ب15 الف ريال

1800 موظف * 15 الف = 27 مليون .. يتم تقسيم 27 مليون ريال على 80مليون سهم يطلع لكل مساهم 33 هلله (خير ونعمه وقلناها من الاول العوض ولا القطيعه)..


لايسعني في هذه اللحظه الا ان ابارك للامير سلطان بن محمد الكبير والشيخ ناصر الطيار بزيادة ارصدتهم مليار ريال فقط حاليا و3 مليار ريال بعد ستة اشهر من الان ..

ويابلادي واصلي ...

ملاحظة / سيرفع المنع عن الملاك من تصريف أسهمهم المتبقية والتخلص منها بعد ستة أشهر من طرحها للتداول ولناء في المعجل والحكير ومن على شاكلتهم الف عبرة وعظة ومثال

ملاحظة / الموضوع منقول مع تغيير طفيف وشكر وتقدير لصاحبه

[عبدالملك]

http://upload./d.php?hash=MGPIKNNXF7WPNL87HUS5BKF4ZJ6FVL

[نسر]

*اللهم اني أسألك حسن الخاتمه*

[اكاديمي]

ومن قالك انهم بعد سته اشهر بتكفيهم 3 مليار

بيرفعون السهم الى 150ريال

عشان تصير 3 مليار 9 مليار

وكلها من ظهرك ياصابر

[ابوعبـــدالله]

80 مليون سهم * 57 ريال = 4,560,000,000 ريال ياربااااااه ياربااااااه ..




شر البلية ما يضحك ياسياف

شي يخلي الواحد يبكي من القهر ، اذا السرقه عيني عينك وش نقول عن المستخبي ؟؟؟؟


علامات استفهام تطرح امام المسؤولين وهيئة الفساد التي تبرأت من سوق الاسهم

[فهد البجيدي]

ممكن يرتفع بأول شهرين من التداول 80 ريال ممكن يوصل 100 ريال

لكن بعد 6 شهور اتوقع بنشوفه ب 30 ريال

بعد سنتين اتوقع اقل من 20 ريال

بعد خمس سنوات اعلان افلاس الشركة


ووجهة نظري 80 مليون عدد اسهم الشركة ولو سعر السهم ريال واحد
بيكون القيمة الاجمالية للشركة 80 مليون

اتوقع 80 مليون كراس مال كثير على شركة الطيار

وارباحها بأنخفاض حاد على مدى السنوات الجاية (الحجوزات حاليا عن طريق النت)

[سياف]

أخي الكريم للمعلومية والاحاطة هناك من الملاك من لايلتزمون بفترة المنع والحظر الملزمين بها والسبب في ذلك هوأنه يقوم بالتصريف والتخلص من أسهمه وبعد أن ينتهي يدفع غرامة 50 الف التي بالنسبة له تساوي 50 ريال وينتهي كل شي وخير مثال على ذلك ماحصل في المعجل وغيرها وقد اكد هذه المخالفات المستشار السابق للهيئة في برنامج حقوقنا وافاد بانه تتم تسويتها بصورة غير معلنة رسمياً وتجدونها على الرابط التالي :-
http://almajdtv.tv/default.aspx?No=7819&type=2

ممكن يرتفع بأول شهرين من التداول 80 ريال ممكن يوصل 100 ريال

لكن بعد 6 شهور اتوقع بنشوفه ب 30 ريال

بعد سنتين اتوقع اقل من 20 ريال

بعد خمس سنوات اعلان افلاس الشركة


ووجهة نظري 80 مليون عدد اسهم الشركة ولو سعر السهم ريال واحد
بيكون القيمة الاجمالية للشركة 80 مليون

اتوقع 80 مليون كراس مال كثير على شركة الطيار

وارباحها بأنخفاض حاد على مدى السنوات الجاية (الحجوزات حاليا عن طريق النت)

[كواشف]

سوق الأسهم بمباركة الهيئة أصبح أسرع وسيلة لثراء التجار على حساب المواطن، وإذا لم توقف الهيئة عند حدها واسترجاع جميع الأموال التي ذهبت بدون وجه حق لأصحاب الشركات (وهي مبالغ فلكية) فستستمر الفوضى، بل سيهرع كل من لديه شركة للسرق بطريقة نظامية وحيل بسيطة تنطلي على الهيئة والمسئولين فيها.

[shift worker]

يعني هذي هي بس السرقه الي انسرقناها ..؟؟؟؟

خل الطيار يطير ...حاله حال غيره ...

وعند الله تجتمع الخصوم

[Stock Doctor]

مع احترامي لصاحب الموضوع وعدم رضاي عن تقييم الشركة

لكن هذه ليست طريقة تقييم الشركات

ولو اخذنا بهذه الطريقة بكم تقيم بنك الراجحي!!

لوحة ومكتب وموظف!!

وشركة غوغل والفيس بوك بصفحة ع النت!!

لا يالغالي هذه ليست طريق لتقييم الشركات

الشركات تقيم بأصولها و دخلها وسرعة نموها وبيئة العمل الذي تعمل به والمنافسة