شيبان العقار وشباب الأسهم

[N C C I]

شيبان العقار يشترون الأراضي في مناطق بعيدة يهقون ان العمار مصيره يوم يوصلها


ويقفلون عليها سنين لايفكرون في ركود عقار او طلوعه او نزوله او كم وصل سعر المتر هو ارتفع والا نزل


ان قرب منها العمران و لقو لها مستاجر يبني عليها لو صندقة يبيع فيها اسمنت او مواد بناء اجروها عليه


لين ما تدخل في وسط العمار وساعتها يا هو باعها ودور غيرها او دور لها مستاجر طويل الاجل واجرها عليه


مكبرين المخدة ومرتاحين البال وفلوسهم مبارك فيها ربي


شباب الاسهم ما غير مطامر من سهم لسهم


ما يعرفون عن سهمهم شي غير اسمه


وكثير منهم في السنوات السابقة صادفت وشروا سهم وقت توزيع ارباح واستحقوها وهم ما يدرون وارباحههم للحين مجمدة بالبنوك


عيونهم راحت من كثر ما هم مطيرينها بالشاشات احمر اخضر اخضر احمر


تلعب بهم الارياح مع كل نسناس


لا عرفوا راحة ولا خذوا مربح وفلوسهم كل مالها وتنقص



الخاتمة


الاسهم مثلها مثل العقار فيها خير وفيها رزق


البلا ماهو بالسوق
البلا باللي يبيع ويشري بالسوق


اشتغلوا بالاسهم على طريقة شيبان العقار وبتعينون خير

[دولاري]

كلامك سليم ،،
العقار ناجح لان من يتعامل فيه راكدين ولايطيرهم اي خبر او اشاعه
اما الي عندنا في سوقنا مراجيج الله يهديهم.

الله يصلح الحال.

[alsaadi]

اخي أن سي سي آي
على طاري الأرباح المجمدة
لي ارباح قديمة في شركات لها سنين كيف احصل عليها؟

[N C C I]

مالك الا تروح لهم وتطالب فيها
واللي ما يدري وش له و وش عليها يسجل في موقع تداولاتي وتطلع له كل ارباحه من اي محفظة مسجلة باسمه لو من ايام الشهادات

http://tadawulaty.tadawul.com.sa/tadawulaty/ar/index.htm

[niqa]

اخي أن سي سي آي
على طاري الأرباح المجمدة
لي ارباح قديمة في شركات لها سنين كيف احصل عليها؟


اي شركه وأنا اعلمك

[alsaadi]

سابك
الأتصالات السعودية
الأسمنت السعودي
الخزف السعودي

[هامورمتهور]

العقار طيب يقولون الشيبان مثل الضرس اذا قلعته راح

لكن الاسهم تجبرك الشاشه انك تابع وخرتها يصيبك ادمان حتى نك تخسر وتحرق مالك وصحتك

[أم عبدالله]

سابك
الأتصالات السعودية
الأسمنت السعودي
الخزف السعودي

تروح لشئون ا المساهمين في شركة سابك و معك بطاقة الأحوال و يعطونك إياها على طول

و كذلك الاتصالات تروح لمكتب شئون المساهمين و يعطونك أرباحك

و كذلك باقي الشركات

[alsaadi]

أختي أم عبدالله
انا من سكان المدينة المنورة
وهذه الشركات في الرياض والشرقية
لازم اسافر لهم.

[الشاب]

من اجمل ما قرات صراحه كلام في الصميم

[أم عبدالله]

أختي أم عبدالله
انا من سكان المدينة المنورة
وهذه الشركات في الرياض والشرقية
لازم اسافر لهم.

تقدر تكلمهم و ترسل لهم صورة بطاقة الاحوال فاكس و يرسلون لك حوالة

أنا قد حولت لي شركة الدوائية أرباحي من سنين بهذه الطريقة
و الآن الأمور أسهل مع تقدم التكنولوجيا

[fergalator]

أختي أم عبدالله
انا من سكان المدينة المنورة
وهذه الشركات في الرياض والشرقية
لازم اسافر لهم.

اخي الكريم اتصل على كل شركة وتاكد انه لديك ارباح بها مستحقة قبل السفر والمرمطة ولا تصدق موقع تداولاتي ترى فيه معلومات كثيرة غير صحيحة. ارقام كل شركة موجودة في موقعها في تداول ماتبي اي شي. واذا عندك باقة جود فالمكالمة مجانية. اتصل عليهم وهو بيقولون لك الطريقة واستبعد انه تضطر تراجع اي شركة. في الغالب ببتم التحويل اليكترونيا او عن طريق احد فروع البنوك في المدينة المنورة.

[صافي النيه]

بيض الله وجهك Ncci هذا الكلام الي يجمد على الشارب اما شغل مطارد شباب المفروض ما نعتر ف فيه

زي ما ذكرت خلنا على ركادة الشيبان:)

[N C C I]

التجارة عند الشيبان لها قاعدة اساسية ما يعرفونها شباب هاليومين

الداخل مفقود والخارج مولود

يعني الريال اللي يدخلون به طلعت الروح اهون عليهم من طلعته

وكل ما رزقهم ربي بريال فوق حاجتهم لحقوه باخوانه وصكوا عليه

موسعين صدورهم وعازين انفسهم وعيالهم

والا ربي خذ امانة الواحد منهم لقوا عياله وراه اللي يغنيهم


القنص بالركادة والتسرع جهالة

والطبخة تخرب الى منك قعدت مقابل القدر وكل شوي تفتحه

[aboayman]

اشتغلوا بالاسهم على طريقة شيبان العقار وبتعينون خير

كلام سليم من يشتري في الاسهم الواعده باسعار مناسبه وتركها لعدة سنوات لحن تبدي بقطف الثمار وتوزيع الارباح حينها سيتضاعف سعرها عدة مرات مثل العقار