الله يعينكم يااهل الرياض

[طيب النية]

بصراحة لا تحسدون

شوارع زحمة وتحويلات زنقة مما يتسبب بنفوس ضيقة :eek:

متى تخرج الجامعات وبعض الوزرات وبعض المصالح من الرياض
ومتى تتطور الطرق

هي هي من ثلاثين سنة

توي واصل الرياض وجاني اكتئاب وشلون عايشين فيه:confused:

[عبدالملك]

الديناصورات انقرضت من كل مكان الا عندنا يتكاثرون:):d:)

[راشـــد]

بصراحة لا تحسدون



شوارع زحمة وتحويلات زنقة مما يتسبب بنفوس ضيقة :eek:


متى تخرج الجامعات وبعض الوزرات وبعض المصالح من الرياض
ومتى تتطور الطرق


هي هي من ثلاثين سنة



توي واصل ال:confused:رياض وجاني اكتئاب وشلون عايشين فيه


الحمد لله على السلامه
تصدق فيه ناس يجيها اكتئاب اذا طلع من الرياض
ويقول مشتاق للرياض متى ارجع لها
وش تفسيرك لها الحاله

[عبدالملك]

الحمد لله على السلامه
تصدق فيه ناس يجيها اكتئاب اذا طلع من الرياض
ويقول مشتاق للرياض متى ارجع لها
وش تفسيرك لها الحاله

حلين لاثالث لهما:شيخ يقرا عليه او طبيب نفسي:):D:)

[كاترينا]

سبحان الله العظيم اشهد انك جبتها على الجرح يابو مهند

الاسبوع الماضي رحت للحريق فلازم وانت جاي من الشرقيه تمسك طريق الخرج فتضطر تدخل الرياض

الله يالزحمه اللي ترفع الضغط توقف لان الاشاره حمرا بينك وبينها كيلو :eek:

هذا غير اللي يسرعون بتهور وساهر هاللي تتعوذ من بليس لايصيدك

الرياض ساكنينها يحنون لها بس اللي ماهوب من سكانها يومين فيها يصاب باكتئاب:confused:

يبيلها ثلاث مشايخ يقرون عليها :rolleyes:

[راشـــد]

حلين لاثالث لهما:شيخ يقرا عليه او طبيب نفسي:):D:)

المشكله بيته ايجار

شقه كانها منفى :eek:

[Mustashar]

هههههههههههههههه

يالبى يا الرياض

[ابو المحاميد]

وما حب الديار سكن قلبي ... ولكن حب من سكن الديارا
الرياض جميلة بأهلها لمن له أهل فيها ...

ولكن الرياض أيضا جميلة في غير أوقات الذروة وبعد الدوام ...
بمكنك أن تسير بهدوء وإطمئنان في الليل وأنت في حمى ساهر ...
وكأنك تعيش جوا رومانسيا على متن سفينة تحاذي الشاطئ !!!
فتقطع الطريق الدائري الشمالي ... أو تبحر في طريق الملك فهد !!!
:cool: :cool: :cool:
:cool: :cool:
:cool:
:cool:

مع وجود بعض المهابيل الذين يعكرون صفو هذه الرومانسية !!!
ومع الإعتذار لأبي مهند لتغيير جو التذمر في الموضوع !!!

*****

[رأي محايد]

ياليتها على الزحمة يابو مهند
المشكلة الكبرى الآن استهتار المراهقين وقلة أدبهم مع من أكبر منهم ,, انعدام للإحترام لا نراها إلا بالرياض .
تفحيط وقطع الإشارات وحتى الشوارع الفرعية تجد مثلا شابين مقفلين الشارع ويسولفون وياويلك لو تدق لهم بوري علشان يبعدون .. يا انك بتمشكل معهم يا انك بتسمع كلمة ترفع ضغطك .

اليوم العصر ما قدرنا نرتاح من صرير الكفرات بالتفحيط بشارع أحمد بن حنبل ( بالريان ) ,, وهذا يحصل شبه يومياً وخاصة أيام الأربعاء والخميس والجمعة .

معاناة يابو مهند وشيء لا يطاق وما صبّرنا عليه إلا وجود جميع الأهل فيه وارتباط مصالحنا فيه منذ زمن بعيد .

[abobander]

يااخي العزيز كل مدننا الكبيرة الرياض جدة الدمام والخبر اصبحت لاتطاق وزحمة رهيبة وتحويلات زي ماتقول وشوارع رايحة فيها والمشكلة ان المشاريع الثائمة حاليا لاتعالج الا مانسبتة 50% من المشكلة اي ان هذة المشاريع كانت صالحة قبل 10 سنوات حتى يبين اثرها اما الان لا لن تحل سوى جزء من المشكلة ومع تفاقم المشكلة حاليا الى ان تنتهي هذة المشاريع يمكن مايكون لها اثر اطلاقا
الحلول من وجهة نظري بالاضافة لما تفضلت به انت وهو اخراج بعض المصالح الحكومية خارج النطاق العمراني ومن جميع الاتجاهات حتى تتشتت الزحمة اضافة لهذا انشاء قاطرات داخل المدن تغني عن استعمال السيارة لانها بالتاكيد ستكون اسرع واريح يعني تخيل تركب قطار من شمال لجنوب الرياض في 10 دقايق مع التوقف وانزال ركاب وحمل اخرين .. مثل هذا المشروع جميل جدا ومريح للمواطن والمفترض الاسراع فيه

[أم عبدالله]

أي و الله صادق بس وش نسوي أهلنا و جماعتنا فيها

و الله أني أغبط أهل الشمال سوريا و لبنان و الاردن قريبة منهم

و أغبط أهل الجنوب اليمن و و عمان قريبة منهم

أما في الرياض ما عندنا إلا الصحراء وين ما اتجهنا

بس تبغى الصراحة

نحبها لأهلها للناس اللي فيها حيوية كلش فيها جامعات مستشفيات دوائر حكومية

تلوث

و مع ذلك أحيانا أفكر هل أرضى في المستقبل أحفادي يعيشوا فيها !

[طيب النية]

الديناصورات انقرضت من كل مكان الا عندنا يتكاثرون:):d:)
قدت السيارة في اكثر من عاصمة عربية


مافيه تخلف ورجعية في الطرق مثل الرياض

القاهرة سكانها اكثر من ثلاثين مليون والطرق الرئيسية فيها سالكة مع ان الفساد هناك مستشري

كنت ادرس في الرياض قبل قرابة 30 سنة

وكنت اقول لمن معي ونحن متجهون من شمال الرياض للكلية في الناصرية

هل يعقل ان يستمر طريق الملك فهد بهالشكل

وكانوا يقولون لن يمر عشر سنوات بدون توسعته

ومر ثلاثين سنة دون اي تغيير

لو كنا دولة فقيرة لعذرنا حكومتنا

اما نرى الفساد ضاربن اطنابه والاحتياجات الحيوية للشعب مهملة فليس لحكومتنا عذر:eek:

[elhalman]

الله يعيننا يا أهل الدمام

المشكلة واحدة والسبب سوؤ التخطيط والنوم في العسل ثلاثين سنة إلى أن أصبحنا في الوضع المزري الذي نعيشة
المدن الثلاث الدمام والخبر والظهران كبرت وتغولت وتلاصقت ببعضها البعض وأصبحت الناس لا تجد فيها قطعة أرض صغيرة لتبني بيوتها
أحيانا وانا في الشارع أقف وأتلفت حولي لأنظر للأعداد المهولة من الناس وأتساءل من أين اتى كل هؤلاء ...مستحيل أن يكونوا من أبناء الشرقية !
انعدام التنمية والفقر في القرى والمدن الصغيرة خلال العقود الثلاثة الماضية أدى لنزوح اعداد كبيرة من العوائل من مناطقهم الأصلية إلى العاصمة والدمام والجدة بحثا عن لقمة العيش وفتات الرفاهية المتوفر حتى لو كان في التجول في أسواق مكيفة ومجمعات براقة

الواحد منا أصبح حبيس البيت لا يحب أن يخرج إلا للضرورة القصوى تجنبا للزحمة والشوارع التعيسة والأخلاق السيئة التي يراها
وين الخبر والدمام في الثمانينات؟!.....هدوء وناس رايقة ومحترمة نفسها

[ابو زيد السروجي]

الزحمه رحمه :)

الرياض اختر طريقك بعنايه مثله مثل سوق الاسهم

الطريق اللي تسلكه في النهار غير اللي تسلكه في الليل واللي في ايام الخميس والجمعه غير بقية ايام الاسبوع ...

في النهايه الناس تتكلم عن الزحمه بتقول .. وين الزحمه !

لكن المصيبه اليوميه تمشي 120 في الدائري ماسك اليسار ولايخلونك الشباب الله يهديهم تلقاهم يمشون 160 وعلى ايش ما ادري ؟

[ابو هلا الأول]

المشكلة الكبرى في التنظيم من قبل المرور

السباك والنجار والحداد والعامل والحلاق والخياط
وكل شعيط ومعيط معه سيارة واحيانا سيارتين يسوقون في هالشوارع
وبنزين رخيص
ويحملون ركاب
وينقلون ركاب وطلاب وطالبات

والله كان عندنا عامل نظافة في العمل راتبه 500 ريال

انحاش وشرى كورولا 97 ب9500
ويقول صار له رقم جوال ويودي مشاوير في الحارة ويطلع له كل يوم 80-120 في اليوم
ومرتاح من كل شيء
هؤلاء من سمح لهم بالقيادة
لماذا لاتحدد المهن التي يسمح لها بالقيادة
طبيب
مهندس
معلم
و
و
و
و
ثم يحدد لهم مثلما حدد للمواطن السعودي بالا يقود سيارة عمرها اكثر من 5 سنوات


بهذه الطريقة سوف تنخفض على اقل تقدير 40-50 % من السيارات في الشوارع

[مباشر]

جبتها على الجرح للأسف الرياض تزداد كآبه ومرض يوماً بعد يوم فيومك يذهب في مشوار واحد بسبب بعد المسافات وزحام السيارات والناس فيها تعيش بتوتر علاوة على ان الأغلبيه من سكانها ( عاض ليمونه وهو يقود سيارته ) يعني متنرفزين ليه ؟؟؟


لانعلم

[ربيع سدير]

والله مزعج ...

بس ينوره

الوالدين

http://parentsinislam.com/files/12-05-11-095.jpg

الاخوان الاخوات الاقارب

http://image.arabseyes.com/files/images/bcc9c597b.jpg

[علي محسن]

الرياض مزحومه بالمرره وتنادي متي تفكون الاختناق
انت شف الطرق المؤديه للشرقيه او القصيم او مكه وشف المخططات المنسدحه يمين ويسار هذي بعد كم سنه وشلون يبي يصير الوضع ...
مشكلتنا بالرياض ان الفكرة اللي يفترض انهم يسوونها هالحين ..مثلا تقول ليتهم يسوون u تيرن للتقاطع هذا مثلا ..فعلا يسوونها ولكن بعد خمس سنوات ..خلاص تو ليت ..
واذا بغيت تتحرك لازم تعرف الوقت وتسوي لك مخطط واكثر من خطة بديلة ...
ماصارت مدينة هذي ولا كانك تبي تتحاشي الغام مزروعه..
كثير من زملائي اللي تقاعدوا مبكرين هاجرو من الرياض الي المناطق القريبه ويجون مره بالاسبوع يتطمنون علي الرعية ...

[سهم النسبه]

الله يعين يا أبو مهنّد

الرياض يبي لها دور ثاني

:cool:

[أبو البراء ل]

المشكلة كبيرة ومع الأسف لا توجد حلول قريبه . والزحام في الرياض له أسباب منها :-
1- عدم وجود نقل عام ، فمع الأسف أن الإمتياز للنقل العام محتكر لشركة النقل الجماعي ، والشركة منذ سنوات أوقفت النقل داخل المدن . كما أن رخص نقل خط البلدة القديمة محدودة ولم يتم تطويرها . لذا يجب الإسراع في طرح شركات نقل منافسة والسماح برخص جديدة لخط البلدة .
2- نمو التوسعات في الشوارع لا يتناسب أبداً مع زيادة عدد السكان .
3- هناك ما يزيد على 45000 ألف سيارة ليموزين تدور في الشوارع بشكل دائم . يجب السماح للنقل الخاص ( مثل ما كان عندما كان أصحاب السيارات الغمارتين يحلون محل اللموزين ) .
4- للحد من الزحام يجب رفع سعر البنزين ( ولو كان هذا مرفوض من الكثير ولكن فيه حل للحد من المشاوير التي ليس لها داعي .
5- يجب تحويل حركة السيارات الكبيرة التي تتنقل بين مدن المملكة فلا تدخل مدينة الرياض ، يجب إيجاد شوارع بديلة تغني هذه السيارات عن الدخول للرياض .
6- يجب إنشاء شوارع رديفة للشوارع الرئيسية وبشكل عاجل .
7- يجب عدم تركيز الدوائر والمستشفيات والجامعات في أماكن قريبة من بعض ، بل يجب توزيعها على أحياء متفرقة حتى لا تتسبب في الزحام .

[عمر القصيم]

ياسلام عليك ياطيب النيه احسن موضوع يلامس كل شي من العيون الى الدماغ الى
اليدين الى الفم الى الاذن الى القدمين وذلك عندما تقود سيارتك في شوارع الرياض
والتي لو امرت متهم ان يقود سيارته يوميا عبر طريق الملك فهد ذهابا وايابا لااعترف بالتهمه من خلال الذهاب فقط وربما في الاياب يعترف باشياء اخرى
بالمناسبه بما اني من سكان هذه المدينه حيث ان الوالد رحمه الله ممن كانو يعملون
مع الاسره المالكه الكريمه من ايام الملك عبدالعزيز رحمه الله وذلك في احد اقدم
الاحياء بالرياض وهو حي المربع وكنا في حينها نلعب في شارع الناصريه قرب
مبنى شركة الكهرباء والله العظيم لن تصدقو لو اقول لكم اننا كنا نجلس على الاسفلت
حتى ننتظر مرور سياره خاصه في ايام رمضان والان للاسف الشديد يستحيل تأخذ
شي ما سقط منك وانت تعبر الشارع خوفا من الدهس لكثرة السيارات
ارجوووووووووووووووكم ساعدوني في اي المدن احلى للاقامه خاصه بالنسبه
لمن يرغب في الابتعاد عن الزحمااااااااااااااااااااااااااااااااااااااااااااا ااااااات

[طيب النية]

الحمد لله على السلامه
تصدق فيه ناس يجيها اكتئاب اذا طلع من الرياض
ويقول مشتاق للرياض متى ارجع لها
وش تفسيرك لها الحاله

مش عايزة كلام

مدمنين التكة والخنقة ;)

[الفال 111]

الله يعين أهل الرياض..حتى كثير من المطاعم صارت سرا ...تجي مع عائلتك تبغى تأكل وتدفع فلوس يقول انتظر على الكراسي عند الباب حتى يفضى مكان (يعني غرفة مغلقة كأنها سجن فيها ماصة للأكل بالكاد تتحرك فيها !!!).
شيء مهوب طبيعي ..زحمة في كل مكان والظاهرة هذه ما استفحلت إلا من ثلاث سنوات أو أقل

[طيب النية]

سبحان الله العظيم اشهد انك جبتها على الجرح يابو مهند




الاسبوع الماضي رحت للحريق فلازم وانت جاي من الشرقيه تمسك طريق الخرج فتضطر تدخل الرياض


الله يالزحمه اللي ترفع الضغط توقف لان الاشاره حمرا بينك وبينها كيلو :eek:


هذا غير اللي يسرعون بتهور وساهر هاللي تتعوذ من بليس لايصيدك


الرياض ساكنينها يحنون لها بس اللي ماهوب من سكانها يومين فيها يصاب باكتئاب:confused:



يبيلها ثلاث مشايخ يقرون عليها :rolleyes:


بالفعل النفسيات قاب داون


انه يفتح لك احد الطريق يفتح الله


انك تشوف احد مبتسم بشوارع الرياض يفتح الله


انك تسلك اي دائري بسرعة تتجاوز 40 يفتح الله


ان مسؤول يمشي بدون موكب ودون ان يفتح له الطريق يفتح الله


فقد يكون المسؤول يعتقد ان الطرق فاضية ولا يدري انهم معلقين الناس بباقي الشوارع


ان اصحاب القرار يتحركون يفتح الله رغم وجود الإمكانية لذلك


لو انهم اخذوا بعض ما تسرقه شركة الصيانة في الأندية والمدن الرياضية والتي يملكها رئيس رعاية الشباب
لنزع الملكيات ما بجوار الملك فهد وبقية الطرق لكفى وفاض


عاد ما يفيض يصلحون به قطار مثل دبي

[أبونوااف]

والله الرياض مأساتها مأساة ولاصبرنا عليها إلا الأهل فقط
جو حار محرق صيفاً وغبار وعج وزحمة وتلوث
كم أتمنى السكن في منطقة صغيرة

[RED EYE]

الله يعين يا أبو مهنّد


الرياض يبي لها دور ثاني

:cool:


عشان تـــنكـتــم زيادة :D

[NaYeF]

والله لو تقترحون من هنا الى قيام الساعه ماحد يمكم

[( ابو العنود )]

الحل النقل الجماعي
والله كان شغال صح اول ما بدأت الشركه
عليا- دله رقم ٩

مدري وش سبب توقفه؟؟!!

بدل تطويره تم تقليصه؟؟؟

كل مدن العالم والي اصغر من الرياض فيها نقل عام؟؟
حتى مصر الخايسه فيها مترو؟؟
مرتب ومجدول ويمر بكل الشوارع

اخ بس من يخاويني ابروح اعيش برشلونه

[تنفيذ]

الرياض اهم اسباب الزحمة الاجانب
في المساجد نصف المصلين ان لم يكن اكثر اجانب باستثناء احياء قليلة جدا
الاسواق اغلبهم اجانب
الشوارع الاكثرية اجانب وانظر من بجانبك عند الاشارات
المدارس العالمية اجانب غير مدارسهم الخصة وغير العرب الذين يدرسون في مدارسنا
المؤسسات والشركات اجانب
المحلات وقطع الغيار ومواد البناء والمطاعم واسواق الجملة والخضار والمعدات الثقيلة اجانب

احيانا في بعض الاماكن في الرياض اقول لنفسي أين أنا هل أنا الغريب بينهم ؟

[dehlosa]

اقتراح لمن يحب الهدوؤء وخاصة فى الليل هناك مكان مهجور يدعى قصر بن مثعى على طريق المستوى بين القصيم وأشيقر فى الليل تسمع بعض الأصوات الغريبة والضحكات ولكن بصوت خافت هذا لمن له قلب !!!

[الحصان]

اكبر مصيبه في زحمة الرياض

مرور الرياض الطرق الدائريه والشوارع الرئيسيه مكتوب ممنوع دخول الشاحنات من الساعه 6-9 صباحا --- ومن الساعه 12-3 مساء
تصدقون عاد ان سواقين الشاحنات مايتحركون الا بوقت المنع وعلى عينك يامرور

انا ودي افهم ليه حاطين اللوحات طالما لاتحترم القوانين

[تنفيذ]

الحلول في نظري تنقسم قسمين
ثانوية ورئيسية
الثانوية مثل : انفاق وقطارات وغيره وحسب نظري القاصر جدا انها مضيعة وقت
الرئيسية : وأرى انها تعتمد على أمرين وهما :
1 - توطين الوظائف لنتخلص من الأجانب
2 - وهو توزيع المستشفيات والجامعات خارج الرياض وكما قال الأخوة اخراج بعض المصالح من الرياض التي ليس لها علاقة بالرياض
الزحمة الآن ليست علي الطرق الرئيسية بل وصلت للحارات والطرق الفرعية حتى أنك تلاحظها علي كل شارع فرعي حاليا

[major]

قريبا سوف يصير الرياض محافظة الطائف الثانية

فسروها على كيفكم .. وبتمشي مع كل التفسيرات

[وسم]

مشاريع الطرق والسفلته وضعت لكي لاتنتهي الى الابد !!
طريق الرياض له 30 سنة وكل عام يسفلت مرتين على الاقل "والله لو صبوه خرسانة وفوقها زفلت كان ارخص ولايهضم"
عندك شوارع الرياض تبدأ باشارة مرورية ثم دوار ثم كبري ثم نفق .....الخ !!!
مايبون شئ كويس وعملي مرة واحدة علشان معداتهم ماتوقف .

[دانة نجد]

اليابان في ظرف اربعة أيام أصلحوا شواره دمرهاالزلزال
وفي أوربا ذات الشوارع الضيقة يصلحون الشارع ليلا وفي
الصباح لاتجد أثرا للعمال , وفي دول الخليج كنا نتجاوزهم
في شبكات الطرق والتنمية وفي خلال15 سنة فقط تجاوزونا
في كل شئ حتى بتنا عنوانا للتأخر والفوضوية:mad:

[لوناتا]

من جد زحمة فوق الوصف والخيال
انا اعد العشرة قبل الخروج واغلب الاوقات اغير رايي بسبب الزحام
ومن اساليبي الخروج الخميس صباحا والناس نيام والعودة ظهرا قبل الزحام
الى ان يقضي الله امرا كان مفعولا

[المسك]

فيه في الرياض وجده ومكه وغيرها من المدن الكبيره شوارع مجنبه فاضيه ولا احد يمر منها الا القليل ولا يعرفها الجميع
وفيه شوارع سريعه ومضغوطه ومن اسباب الضغط الليموزينات وسيارات العماله
واقترح ان تكون الشوارع الكبيره والسريعه المرور فيها برسوم ميسره على غرار بعض الشوارع في دبي حسب ما سمعت وبذلك يخف الزحام ويتنقل الناس في الشوارع الاخرى بعدا عن الرسوم واقترح ان يكون بدل الاشارات والدوارات كباري وانفاق لو من الصاج لتسهيل الحركه وخبراء الطرق افهم منا في ذلك

[الوسط]

فيه نوعية من سكان الرياض مازالوا عايشين في ثلاثنيات القرن الماضي , مالهم حل الا فرمته.

[أبو البراء ل]

اليابان في ظرف اربعة أيام أصلحوا شواره دمرهاالزلزال



وفي أوربا ذات الشوارع الضيقة يصلحون الشارع ليلا وفي


الصباح لاتجد أثرا للعمال , وفي دول الخليج كنا نتجاوزهم


في شبكات الطرق والتنمية وفي خلال15 سنة فقط تجاوزونا


في كل شئ حتى بتنا عنوانا للتأخر والفوضوية:mad:

لماذا صارت هذه حالنا ، يقولون نصف الحل يأتي من تشخيص المشكلة والإعتراف بها ، يا ترى هذه هي النتيجة أننا تأخرنا عن البقية وهم تجاوزونا في كل شيء ، فما هو السر ؟ هل هو العلم ؟ هل هو عدد السكان أو تركيبة السكان ؟ هل هو الجغرافيا ؟ هل هو... إلخ . ما هو السر ؟ لأني أرى أنه لا ينقصنا شيء في التنظير ، بل نحن مبدعون ، ولكن عند التطبيق نفشل .والفشل ليس في الطرق أو في المرور أو في الرياضة أو في التطور ، بل الملاحظ أنها ظاهرة في كل شيء تقريباً . مرة أخرى ما هو السر ؟

[القارئ]

السلام عليكم ورحمة الله وبركاته

اخي طيب النيه ... اولا طالبك انك ما تردني واعدني ودي تشرف محلي ياغالي لنقدم لك واجب يمليه علينا ديننا وعاداتنا ...

ثانيا تدري الرياض حلاوته في اهله الأصليين ... وفي نسمة هواه ... اللي عند استنشاقنا اياه في المساء ينسينا كل الزحام ووجع الراس اللي تقول عنه خاصه اذا ابعدة عن الشوارع الرئيسيه من جهة الغرب او الشمال ..
وأسأل الفيصل ليش قال ليالي نجد ما مثلك ليالي ... ونحن هنا نعرف متى نطلع ووين الأتجاه لتفادي الزحمات ... تدري ان الدقائق تفرق في صيدة الزحمه او الفرار منها ..
لحقيقه انا أتمنى من الله ان يكثر من امثالك في كره العيشه في رياضنا الحبيبه :D:)...
تعرف اقسم بالله العظيم انني اذا سافرة لأي بلد. انني بعد 15 يوم بالكثير اكون مولع ع الرجعه .حتى ولو كان معي اقرب الناس واحبهم الى قلبي ..

واخيرا اقولك ... قلبي تولع بالرياض حب ورثته من الجدود ...
انتضر منك تلبية الدعوه ياغالي