ملاذ ناوي يجيب العيد؟

[كاترينا]

السهم اليوم ضرب في ال 28 وارتد

تم في السهم بيع الاربعاء الماضي وامس السبت

اليوم السهم يتعرض لعملية ضغط مرعبه

عدم كسره ل 28 تعني بالنسبه لي ان السهم يتم التجميع فيه بشكل مستعجل

وخاصة انه قبل ايام قليله حقق 35 وبسرعة البرق الان بمنطقة ال 28

اليوم باذن الله انتظر منه اغلاق على 29 وما فوق

املك بالسهم وزدت الكميه اليوم

[مضارب محت78رف]

بارك الله فيك ابو عبدالرحمن والسهم يعتبر فرصة بالاسعار هذي.

[Mac Man]

معاك ياكاترينا بس وين الهدف

[مـاجـد]

متورط بالجماعي ويبي الكاش

[ghenaim]

سليمان العمرى باع امس وخرج اختفى اسمه من قائمة الملاك
طبعا اخر محفظة تطلع هى محفظته لانها امام الناس صفى المحافظ الاخرى ثن نفض محفظته لكن وين رايح ممكن يرجع جيزان وممكن يروح لغيرها

[لمّاح]

تصدق يابو عبدالرحمن ,,

عندك ملكة شعرية مادريت عنها ,,

عنوانك يصصلح يصير مطلع قصيدة :

ملاذ ناوي يجيب العيد **** والسوق خطر(ن) يجاوب له


..

ترى موضوع الرجال مانسيته ,,

وأنتظر منك التأكيد ,,


..

[مضارب محت78رف]

لماح ترا خذنا من أ ح..............;)
وشكرا

[كاترينا]

مساكم الله بالخير جميعا توني راجع من الدوام وشكلي بصير مستسمر بالسهم الين الله يفرجها

والله مضارب مابي اقول عنه وسخ

[كاترينا]

بارك الله فيك ابو عبدالرحمن والسهم يعتبر فرصة بالاسعار هذي.

والله يابو محمد من شاف هالكميات اللي عيّت تخلص ماتفاءل

مابين نظرة عين والتفاتة يبدل الله من حال الى حال

[لمّاح]

لماح ترا خذنا من أ ح..............;)
وشكرا


مافهمت !!! :confused:

تراه بيت شعر غير مقصود ,,

لا تبني عليه :cool: ,,


..

[مضارب محت78رف]

اقول يا ابو اللماميح اخذت من الحلتيت الحايلي
وشكرا لك على الوصفة لاني شفت زود عقب ما لهمته:D

[كاترينا]

معاك ياكاترينا بس وين الهدف

والله وانا اخوك السهم فيه خير ومادامه كسر 28 فنتحراه تحت 26,5

واللي متوهق بالسهم مثلي فبعدنا بأول الاسبوع نشوف اغلاقه الاسبوعي

[كاترينا]

متورط بالجماعي ويبي الكاش

ملاذ اللي عندي كله حلالك :D

[كاترينا]

سليمان العمرى باع امس وخرج اختفى اسمه من قائمة الملاك
طبعا اخر محفظة تطلع هى محفظته لانها امام الناس صفى المحافظ الاخرى ثن نفض محفظته لكن وين رايح ممكن يرجع جيزان وممكن يروح لغيرها

ياويلي كلامك يابو سعود يخوف:eek:

اللي اعرفه ان فيه محافظ قويه بالسهم وناويته بس مدري متى:mad:

[كاترينا]

تصدق يابو عبدالرحمن ,,


عندك ملكة شعرية مادريت عنها ,,

عنوانك يصصلح يصير مطلع قصيدة :

ملاذ ناوي يجيب العيد **** والسوق خطر(ن) يجاوب له


..

ترى موضوع الرجال مانسيته ,,

وأنتظر منك التأكيد ,,



..



هههههههههههههه ياحبيلك يابو اللماميح

ذكرتني بايام افتتح ياسمسم (( هيه بدر أنا حزين ))

تصدق عاد الان راجع من الدوام ههههههههه انصدمت يوم شفت 27.3 وكمية تداول فوق 4 مليون

وترى المضارب الرئيسي ماهوب العمري , العمري دخيل بالسهم والان يطلع ان لم يكن طلع

[لمّاح]

اقول يا ابو اللماميح اخذت من الحلتيت الحايلي
وشكرا لك على الوصفة لاني شفت زود عقب ما لهمته:D


أهااااااااااا :)

عليك بالعافية ,,

داوم عليه ,, ولو جاك ماغص تحمّل وبتشوف العافية إن شاء الله ,,

كل ماله وكمياته في السوق تقل ,, الظاهر إن عليه سوق ,

..

[مضارب محت78رف]

بارك الله فيك
ماشاءالله متعدد المواهب
دختور وحكيم ............;)

[Mac Man]

وترى المضارب الرئيسي ماهوب العمري , العمري دخيل بالسهم والان يطلع ان لم يكن طلع

=================

طلعت روح العدو

يقال انه من وادي الدواسر :) يعني هلالي

[كاترينا]

إذا يسمح ملاذ يسكر فوق 28 دخيل الله

عطني في ليل اليأس شمعة :o

[rsa]

حبيت امسي عليك اخوي ابو عبدالرحمن
ننتظره عند 25.9 او 26 وندخل معه مره اخرى
تقبل تحياتي

[كاترينا]

حبيت امسي عليك اخوي ابو عبدالرحمن
ننتظره عند 25.9 او 26 وندخل معه مره اخرى
تقبل تحياتي

هلا والله وغلا بالاخ الحبيب

كلامك على متمه بس ان شاءالله مايكسرها

[نوماس.]

إذا يسمح ملاذ يسكر فوق 28 دخيل الله




عطني في ليل اليأس شمعة :o



لا والله اللي طحت ولااحد سمى عليك ههههههههه

لعنبو دار العدو الظالم ماشفت الرش بالسهم من 33 امس الي 30

ولا طعلت

الله يعوضك خير

[كاترينا]

لا والله اللي طحت ولااحد سمى عليك ههههههههه


لعنبو دار العدو الظالم ماشفت الرش بالسهم من 33 امس الي 30

ولا طعلت


الله يعوضك خير


ههههههههههههههه دعوها فإنها مأموره

مضارب ملاذ مستحي يسكر السهم نسبه

والله عادي اذا يبي خلاص الاحساس انجلط :o

[مضارب محت78رف]

اخوي كاترينا
طشيناه بوجهه وزبنا قيادي من اليوم انا
مضارب 8قيادي7 محترف:D

[نوماس.]

ههههههههههههههه دعوها فإنها مأموره

مضارب ملاذ مستحي يسكر السهم نسبه

والله عادي اذا يبي خلاص الاحساس انجلط :o[/center]

ههههههههههه
شوف الراجحي تكافل 61.75 قد واقول قد يعوضك خسائر ملاذ

[كاترينا]

اخوي كاترينا
طشيناه بوجهه وزبنا قيادي من اليوم انا
مضارب 8قيادي7 محترف:D

والله انك جبار ماشاءالله

بعطيه فرصه لنهاية الاسبوع يارجال يضبط أو اعطيه العين الحمرا واسكر المحفظه

[مضارب محت78رف]

لا تشيل هم بيرد غصب عليه طال الزمن والا قصر.

[نوماس.]

لا تشيل هم بيرد غصب عليه طال الزمن والا قصر.

انت ناسي ان عدد اسهم الشركه 30 مليون
هههههههه وش يشيل وش يخلي

[روشن]

ولاء وش رايك بوه طالع علي 31 وكسور حسبي الله ونعم الوكيل ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة

[رايق!!]

جعلة توصل لـ 50 يارب .. هذا حقك علينا يالغالي .

[مضارب محت78رف]

اخي نوماس عذر عدد الاسهم ماعاد ينهضم دوروا غيره يعني ادارة حليوة مجلس ادارة مطانيخ مضارب شهم اما عدد الاسهم بعد الاركان واعمار صار من الماضي.
ملاذ ان شاءالله بنشوفه يعانق ال64 ريال والايام بيننا.

[كاترينا]

والله وانا اخوك السهم فيه خير ومادامه كسر 28 فنتحراه تحت 26,5


واللي متوهق بالسهم مثلي فبعدنا بأول الاسبوع نشوف اغلاقه الاسبوعي



اليوم بإذن الله نقول :

وابتدا ابتدا ابتدااااااااااا وابتدا المشوار

قطاع التأمين اكتفى بالنزول ان شاءالله واغلاق اليوم ولا اروع وكميات ممتازه

السيوله شكلها بتسكن بالقطاع الفتره القادمه باذن الله

القطاع الان اغلاق على 1355 بكره نبيه يحقق اكثر من 10 نقاط ونقول اول الغيث قطره

1406 بإذن الله يسهل الوصول لها واختراقها

ونقلا عن الأخ الكريم محمد كريري يقول الاغلاق فوق 1390 والثبات فوقها سنشهد تدبيلات جديده بالقطاع

مبرووووووووك لملاك التأمين بإذن الله

ويبيلنا ثلاث مشايخ ;)يقرون على القطاع ومن شر حاسد إذا حسد :D

[كاترينا]

ملاذ ماقصر نزل الى 26.1 وتم شراء كميات عاليه جدا بنهاية التداول أغلقت السهم على 27.5

وبإذن الله يبتدي المشوار

[الفراهيدي]

شكرا لك أخي كاترينا على التنبيه للسهم
اليوم على غير العادة شلت كمية على 26.10 وكنت متردد
عادة مايضبط معي توقيت دخول السهم واشتري بالهاي وفجاءة يتراجع السهم

[كاترينا]

شكرا لك أخي كاترينا على التنبيه للسهم


اليوم على غير العادة شلت كمية على 26.10 وكنت متردد


عادة مايضبط معي توقيت دخول السهم واشتري بالهاي وفجاءة يتراجع السهم




الله يبارك لك ان شاءالله
وترى السهم صاير مهبول من منتصف العشرينات وبيسرك باذن الله عط سداح فرصه صحح قبل غيره

[Mac Man]

معاك معاك مثل النملة ناكل سكر :rolleyes:

اليوم مدري وشلون قويت قلبي ودخلت عناية :D:D

السؤال بعد تملك العمري وبيعه علامات ؟؟؟

لأن نظام شركات التأمين ممنوع التملك اكثر من 5% الا بموافقة من مؤسسة النقد

[rsa]

مبروك يا ابو عبدالرحمن شال على 26.1 وتوقعنا ياصل 26 او 25.9 نقص قليلا
نراقب الحركه غدا اذا وصل 26 وارتد معنى ذلك الوضع مطمئن جدا
تقبل تحياتي

[السهم الماسي]

السهم كان مستقرا لفترة ب 22 ..

نصيحة لا تلاحق السهم في صعوده لكي لا تخسر مثل ماحدث في هذه التوصية .

[rsa]

مبروك يا ابو عبدالرحمن شال على 26.1 وتوقعنا ياصل 26 او 25.9 نقص قليلا
نراقب الحركه غدا اذا وصل 26 وارتد معنى ذلك الوضع مطمئن جدا
تقبل تحياتي

[ابن زيدون]

اتحاشي تحليل شركات التأمين ولكن لاجلك
الارقام اعتمدها اسبوعيا
بالنسبه للتذبذب اليومي ممكن يرجع 30 والله اعلم


http://upload.traidnt.net/upfiles/C2a99026.png (http://upload.traidnt.net/)

[أيمن خالد]

اتحاشي تحليل شركات التأمين ولكن لاجلك

الارقام اعتمدها اسبوعيا
بالنسبه للتذبذب اليومي ممكن يرجع 30 والله اعلم



http://upload.traidnt.net/upfiles/C2a99026.png (http://upload.traidnt.net/)



لست أدري ماذا أقول عنك ايها الشاعر المبدع فالكلمات الكلمات مهما كثرت ومهما كان معناها مترادفِاً أومُتَضَاداً أجدها قَاصِرة عن التعبير عما يكنّه قلبي تجاهك ولكنني سأنطق ما أستشعره عند رؤيتي لمشاركتك (متفائل دوما بما تخطه يداك)
وفقك الله ورعاك

[كاترينا]

معاك معاك مثل النملة ناكل سكر :rolleyes:

اليوم مدري وشلون قويت قلبي ودخلت عناية :D:D

السؤال بعد تملك العمري وبيعه علامات ؟؟؟

لأن نظام شركات التأمين ممنوع التملك اكثر من 5% الا بموافقة من مؤسسة النقد

ههههههههه ياخوي منت صاحي عنايه حتى لو بيطير للألف اللي يدخله حاليا مايجيه نوم

ومبروك علينا ملاذ الخير:D

[كاترينا]

مبروك يا ابو عبدالرحمن شال على 26.1 وتوقعنا ياصل 26 او 25.9 نقص قليلا
نراقب الحركه غدا اذا وصل 26 وارتد معنى ذلك الوضع مطمئن جدا
تقبل تحياتي

توقعك سليم 99% طال عمرك ولا نستغني عن مرئياتك وشورك

بيض الله وجهك والله يبارك لك ان شاءالله

[كاترينا]

السهم كان مستقرا لفترة ب 22 ..

نصيحة لا تلاحق السهم في صعوده لكي لا تخسر مثل ماحدث في هذه التوصية .

والله صادق وانا اخوك

بس جاني توصيه ولا لي حظ مع التوصيات فجأه لقيت نفسي بالسهم مستسمر غصب عني

تسلم على النصيحه الطيبه أخوي السهم

[كاترينا]

اتحاشي تحليل شركات التأمين ولكن لاجلك

الارقام اعتمدها اسبوعيا
بالنسبه للتذبذب اليومي ممكن يرجع 30 والله اعلم


http://upload.traidnt.net/upfiles/C2a99026.png (http://upload.traidnt.net/)


بن زيدون بزاته

يامرحبا يامرحبا

هلا بشاعرنا ومحللنا القدير الكريم

بيض الله وجهك وكلمة شكرا قليله بحقك وانا اخوك أنت صاحب فضل من قبل وبعد

وجهة نظرك اتجاه السهم بمثابة أوامر شفتها في اليورو وفي الذهب وفي سوقنا

الله يحفظك من كل مكروه يالغالي ويعز من عزك

[عزام]

ههههههههه ياخوي منت صاحي عنايه حتى لو بيطير للألف اللي يدخله حاليا مايجيه نوم

ومبروك علينا ملاذ الخير:d

ميروك عليك ياكاترينا


كنت ناوي افزع واجمع محافظ وافك تعليقتك هههههه

ويسرها الله

[كاترينا]

لست أدري ماذا أقول عنك ايها الشاعر المبدع فالكلمات الكلمات مهما كثرت ومهما كان معناها مترادفِاً أومُتَضَاداً أجدها قَاصِرة عن التعبير عما يكنّه قلبي تجاهك ولكنني سأنطق ما أستشعره عند رؤيتي لمشاركتك (متفائل دوما بما تخطه يداك)

وفقك الله ورعاك


بيض الله وجهك يابو خالد

مادخلت الموضوع امس ولا ادري عن الردود

وترحيبك الجميل الرائع بابن زيدون يجعلني مدين لك

أشكر لك اطلالتك الجميله يابو خالد

[أيمن خالد]

والله صادق وانا اخوك


بس جاني توصيه ولا لي حظ مع التوصيات فجأه لقيت نفسي بالسهم مستسمر غصب عني



تسلم على النصيحه الطيبه أخوي السهم




ألف مبروك أخي الغالي كاترينا
والـ 30 أول الشهود على صدق تفاؤلي بشاعرنا المبدع ابن زيدون

[كاترينا]

ميروك عليك ياكاترينا


كنت ناوي افزع واجمع محافظ وافك تعليقتك هههههه

ويسرها الله

ههههههههههههههههههه يابعدهم لاتكلف على عمرك

التعليقه لازالت وان الله احيانا بعاقب السهم بقعد على كبده

الله يبارك لك اخوي عزام ويرزفنا وياك من فضله

[كاترينا]

ألف مبروك أخي الغالي كاترينا


والـ 30 أول الشهود على صدق تفاؤلي بشاعرنا المبدع ابن زيدون



الله يبارك فيك يابو خالد

بن زيدون أعطى أوامره وحسب الرسم رايح 35

وان شاءالله شاعرنا ومحللنا ابن زيدون يعطي اوامر جديده للسهم بان يتخطى الحواجز

[ابن زيدون]

الارقام اعتمدها اسبوعيا
بالنسبه للتذبذب اليومي ممكن يرجع 30 والله اعلم







الاخوه
ايمن خالد = بارك الله فيك اخي والقلوب شواهد
ابوعبدالرحمن = بارك الله فيك ايها المغامر المتهور:)
احيان تعجبني مغامراتك واحيان اشوفك مطفي النور
ربي يوفقكم

ومبروك 30

[العطـوف]

الف مبروك يابو عبدالرحمن
والله انك تستاهل كل خير
بس انا جاني خبر
انه انت مضارب التئمين على قول شربكه
قبل شوي كلمني شربكه وقال انه شافك في احد مزارع الحساء متركي على انخله لاوبعد سكريه:)
وتهفهف بعسبانه من الحر
والشاشات عن يمينك وعن يسارك
ومشقلب التئمين شقلبه يقول شربكه وعلى ذمته ادخل على الله
انك انت عراب التئمين

[نوماس.]

الف مبروك يابو عبدالرحمن
ولاعاد تعودها مره ثانيه ههههههه

[الفراهيدي]

الف مبروك اخي كاترينا و بقية الأخوان
اليوم طلعت على 29.6

[صـياد الأسهم]

مبروك لكل ملاك السهم

وبحول الله تعالى
نشاهد نفس سيناريو اليانز وعنايه وبروج في هذا السهم

[أيمن خالد]

مبروك لكل ملاك السهم

وبحول الله تعالى
نشاهد نفس سيناريو اليانز وعنايه وبروج في هذا السهم


نقول إن شاء الله وربّك كريم ياصيّاد ,, ولكن ...!!!

[صـياد الأسهم]

نقول إن شاء الله وربّك كريم ياصيّاد ,, ولكن ...!!!


إن شاءالله تعالى

يوم الغد تابع السهم وسوف تشاهده نسب٪٪٪٪٪٪٪٪٪٪٪٪٪٪٪٪٪٪٪٪

[مضارب محت78رف]

بارك الله فيك اخي صيادالاسهم

[Mac Man]

بالفعل افضل نظريه قاعد اطبقها اشتر والسهم احمر ياكاترينا وشالني 18 % في عناية
وماصدقت الا فجأة نسبه الله يكفيكم شرها:)


يعني ياصياد بنصيدكم بكرا :)

[كاترينا]

الاخوه

ايمن خالد = بارك الله فيك اخي والقلوب شواهد
ابوعبدالرحمن = بارك الله فيك ايها المغامر المتهور:)
احيان تعجبني مغامراتك واحيان اشوفك مطفي النور
ربي يوفقكم


ومبروك 30



ههههههههههههه وياكثر ماطفي النور وانا اخوك

بس البركه في الشقرديه مثلك وشرواك طال عمرك

[كاترينا]

الف مبروك يابو عبدالرحمن
والله انك تستاهل كل خير
بس انا جاني خبر
انه انت مضارب التئمين على قول شربكه
قبل شوي كلمني شربكه وقال انه شافك في احد مزارع الحساء متركي على انخله لاوبعد سكريه:)
وتهفهف بعسبانه من الحر
والشاشات عن يمينك وعن يسارك
ومشقلب التئمين شقلبه يقول شربكه وعلى ذمته ادخل على الله
انك انت عراب التئمين

:D:D

يبارك بعمرك يالغالي

شربكه طال عمرك شبيح مقنع بس انه شبيح خيّر

تصدق عاد ياخوي العطوف انك عيشتني جو قاعد بين النخل وحاط شاشه والساقي يمشي

ماء وخضره ماقاصره الا وجه حسن يالله الجنه:rolleyes: واسهم خضرا في الشاشه :confused:

[كاترينا]

الف مبروك يابو عبدالرحمن
ولاعاد تعودها مره ثانيه ههههههه

يبارك بعمرك اخوي نوماس

ياليتني ماعودها بس البلا انها بتنعاد غصب عني:D

[كاترينا]

الف مبروك اخي كاترينا و بقية الأخوان
اليوم طلعت على 29.6

يبارك بعمرك والف الف مبروك والقناعه كنز

على الاقل لو صابر لافتتاح بكره

بس شغلك على المضمون أزين الله يوفقك يارب

[كاترينا]

مبروك لكل ملاك السهم

وبحول الله تعالى
نشاهد نفس سيناريو اليانز وعنايه وبروج في هذا السهم

يبارك بعمرك يابو سلطان تجيب العلم ماشاءالله

والله يبشرك بالخير يالغالي

[كاترينا]

بارك الله فيك اخي صيادالاسهم

هلا بو محمد بشر سبع ان شاء الله

بملاذ ولا طلعت ولا دخلت ولا وشو :D

[سكون]

مبروك عليك الارتداد يابوعبدالرحمن ..

[كاترينا]

مبروك عليك الارتداد يابوعبدالرحمن ..
يبارك بعمرك يابو محمد

رب ضارة نافعه بيعت اسهمي الثانيه وطبيت بملاذ وجا العوض من رب العالمين:D

[rsa]

مساء الخير ابو عبدالرحمن
والله فيه هدف عندي لو اعطيك اياه ما تصدق
80 وش رأيك

[الفال 111]

الله يوفقك يا كاترينا

[ابن زيدون]

ابو عبدالرحمن
هذه نقاط التحديث كاغلاقات
31.70
27.30

موفقين

[كاترينا]

مساء الخير ابو عبدالرحمن
والله فيه هدف عندي لو اعطيك اياه ما تصدق
80 وش رأيك

والله أصدقك وانا اخوك والله يبشرك بالخير يابعدي

السهم يوم من الايام كان ب 170 جلس عليها فتره طويه وكان الاميز سعريا بين اسهم التامين

مقاوماته جميله ولا بد يجي يوم يتم اختراقها

[كاترينا]

الله يوفقك يا كاترينا

تسلم اخوي الفال ويوفقك يارب

[كاترينا]

ابو عبدالرحمن

هذه نقاط التحديث كاغلاقات
31.70
27.30


موفقين



بيض الله وجهك يابن زيدون
ولاهيب غريبه عليك الفزعه
يامحللنا المرعب :eek:وشاعرنا الرقيق;)

[كاترينا]

ملاذ اليوم فتح على قاب احتمال قوي يغطيه بداية الاسبوع القادم

والاهم اقفال اسبوعي اليوم فوق 31.7

[صـياد الأسهم]

ملاذ اليوم فتح على قاب احتمال قوي يغطيه بداية الاسبوع القادم

والاهم اقفال اسبوعي اليوم فوق 31.7

ههههههههههه
شكلك طلعت من السهم ياكاترينا

إنسى موضوع القاب تماماً

في أمان الله

[كاترينا]

ههههههههههه
شكلك طلعت من السهم ياكاترينا

إنسى موضوع القاب تماماً

في أمان الله

ههههههههههههههههه يالبا قلبك

لاوالله بالسهم لازلت بعاقب مضاربه ماهنا بيع الا فوق 50 ان شاءالله

[وااافي]

ههههههههههه
شكلك طلعت من السهم ياكاترينا

إنسى موضوع القاب تماماً

في أمان الله

بمشيئة الله

[ابن زيدون]

لحظي ساعه
http://upload.traidnt.net/upfiles/Z6Y39724.png (http://upload.traidnt.net/)

[كاترينا]

ياربي ياربي

الحقوا علي من ابن زيدون بيهبل بي :d

ههههههههههه بسنا فلوس ياحسين

تسلم ويسلم غاليك يابن زيدون الله يرزقك الصحه والعافيه ووالدينك يارب

[ابن زيدون]

ياربي ياربي



الحقوا علي من ابن زيدون بيهبل بي :d


ههههههههههه بسنا فلوس ياحسين



تسلم ويسلم غاليك يابن زيدون الله يرزقك الصحه والعافيه ووالدينك يارب



تستاهل كل خير يابوعبدالرحمن
بالاضافة الى غلاتك
اخوك يستمتع بالتشارت الى درجة الادمان
هل تعلم لماذا
لان اخوك مواطن جدا كادح وبسيط وبدون اي شئ غير التشارت
مجرد براد شاي واناظر في التشارت وربك كريم قال في كتابه
( نحن نرزقكم )
لذلك اتى الادمان في التشارت
وعسى ربي ينفعنا واياكم

[كاترينا]

تستاهل كل خير يابوعبدالرحمن

بالاضافة الى غلاتك
اخوك يستمتع بالتشارت الى درجة الادمان
هل تعلم لماذا
لان اخوك مواطن جدا كادح وبسيط وبدون اي شئ غير التشارت
مجرد براد شاي واناظر في التشارت وربك كريم قال في كتابه
( نحن نرزقكم )
لذلك اتى الادمان في التشارت

وعسى ربي ينفعنا واياكم


ياحبيلك أحبك الله وملايكته وخلقه يارب

يخلق من الشبه اربعين يابن زيدون مثلي بالضبط كادح مع هالبزارين الين شاب الشعر

مرة ضحكت للدنيا بعدها حلفت ماتعودها

حبك للشارت صنعه بالعقل ماشاءالله وابداعاتك الكل يشهد لها ياشاعرنا ومحللنا

أسأل الله أن يحفظك من كل مكروه

[Mustashar]

تعلن شركة ملاذ للتأمين وإعادة التأمين التعاوني عن نتائج اجتماع الجمعية العامة العادية
2012-04-04 (1433-05-12 ) 08:17:09
روابط متعلقة
السعر المفصل
ملف الشركة
تعلن شركة ملاذ للتأمين وإعادة التأمين التعاوني لمساهميها الكرام عن نتائج اجتماع الجمعية العامة والتي عقدت (للمرة الثانية) في تمام الساعة الثامنة والنصف مساء يوم الثلاثاء 11 جمادى الأول 1433 هـ الموافق 03 أبريل 2012 م في مركز الأمير سلمان الاجتماعي بمدينة الرياض ، حيث أقرت الجمعية البنود التالية :
1.الموافقة على تقرير مجلس الإدارة للعام المالي المنتهي في 31 ديسمبر 2011م .
2.الموافقة على تقرير مراقب الحسابات للسنة المالية المنتهية في 31 ديسمبر 2011م .
3.التصديق على الميزانية العمومية وحساب الأرباح والخسائر عن العام المالي المنتهى في 31 ديسمبر 2011م .
4.إبراء ذمة أعضاء مجلس الإدارة عن أدائهم خلال السنة المالية المنتهية في 31 ديسمبر 2011م .
5.الموافقة على صرف بدل حضور لأعضاء مجلس الإدارة مبلغ (3000) ريال عن كل اجتماع حضره العضو ومبلغ (1500)ريال عن كل اجتماع حضره من اجتماعات اللجنة التنفيذية، ومبلغ (1500) ريال عن كل اجتماع حضره من اجتماعات لجنة الترشيحات والمكافآت، ومبلغ (1500) ريال عن كل اجتماع حضره من اجتماعات لجنة الاستثمار، ومبلغ (3000) ريال عن كل اجتماع حضره من اجتماعات لجنة المراجعة.
6.الموافقة على صرف مبلغ (521,600 ريال سعودي) كمكافأة لأعضاء مجلس الإدارة بواقع (54,905.25 ريال سعودي) لكل عضو و (82,358 ريال سعودي) لرئيس مجلس الإدارة عن السنة المالية المنتهية في 31 ديسمبر 2011م .
7. الموافقة على تعيين كل من مكتب ديلويت اند توش - بكر أبو الخير وشركاهم ومكتب برايس ووترهاوس كوبرز كمحاسبين قانونيين لمراجعة أعمال الشركة للعام المالي 2011م بناء على توصية لجنة المراجعة وتحديد أتعابهم.
8.الموافقة على الأعمال والعقود التي تمت بين الشركة وكلٍ من أعضاء مجلس الإدارة: المهندس /مبارك بن عبد الله الخفرة، الأستاذ/ محمد بن علي العماري، الأستاذ/ محمد بن سليمان أبانمي، الأستاذ/ عبد السلام بن عبد الرحمن العقيل، الأستاذ/ عبد المحسن بن محمد الصالح، والترخيص بها لعام قادم .
9.الموافقة على معايير وإجراءات العضوية لمجلس إدارة الشركة
والله الموفق ،،،
---------------------------------
هل هذا فساد أم كساد سيصيب السهم

[نوماس.]

ايه الحلاوه ده ياعم ابو عبدالرحمن
عقبالنا في التعيس سلودرتي :)

[ابن زيدون]

كادح مع هالبزارين الين شاب الشعر

مرة ضحكت للدنيا بعدها حلفت ماتعودها



على مين يابو عبدالرحمن
الخواجات يشتكون منك في العملات
يقولون عندكم سعودي شخمطنا

[بلوتو]

محللينا وش رايكم بالهزه اخر السوق فيه
وسع صدرنا ثمن ضيق صدورنا ما حب يخلي الويكند جميل لنا :)

[كاترينا]

تعلن شركة ملاذ للتأمين وإعادة التأمين التعاوني عن نتائج اجتماع الجمعية العامة العادية





تسلم يالمستثمر على هالخبر

بما انها جمعيه عاديه ماظن لها تأثير

[كاترينا]

ايه الحلاوه ده ياعم ابو عبدالرحمن
عقبالنا في التعيس سلودرتي :)

يالله ياخوي نوماس ملاذ ماقصر

مسح بنا البلاط والله يستر مايلمعه:D

[نوماس.]

يالله ياخوي نوماس ملاذ ماقصر



مسح بنا البلاط والله يستر مايلمعه:D

ابو عبدالرحمن
احساسي ولاتصدق احساسي طبعاً بيجيب لكم افضل ادوات التلميع الموجوده بالمنتديات الا في حاله وحده ان السوق بيعطى بشكل عام هههههههههه

[كاترينا]

على مين يابو عبدالرحمن
الخواجات يشتكون منك في العملات

يقولون عندكم سعودي شخمطنا



الخواجات يلعبون بالبيضه والحجر يابن زيدون

يبيلهم واحد شرواك ماشاءالله يفصل خطة الطريق الذهبيه:D

[كاترينا]

محللينا وش رايكم بالهزه اخر السوق فيه
وسع صدرنا ثمن ضيق صدورنا ما حب يخلي الويكند جميل لنا :)

شكل سوقنا طال عمرك يوم السبت بيجني ربحه
وبتدخل سيوله تشيله من القاع كالعاده:confused:

[كاترينا]

ابو عبدالرحمن
احساسي ولاتصدق احساسي طبعاً بيجيب لكم افضل ادوات التلميع الموجوده بالمنتديات الا في حاله وحده ان السوق بيعطى بشكل عام هههههههههه

بيني وبينك ياهالليل <<< طربان

أتوقع بيشد عمره السبت بعدها بيلمع البلاط والله اعلم;)

[صـياد الأسهم]

محللينا وش رايكم بالهزه اخر السوق فيه
وسع صدرنا ثمن ضيق صدورنا ما حب يخلي الويكند جميل لنا :)

لا تخاف

المضارب الجديد كان ينتظر هالهزه على أحر من الجمر

لضبط متوسطات الشراء

الرجال حالف أنه يجفف السهم
ونفسه طويله
ودراهمه واجد :(:p


والشغل كله من باريس ;):cool:
أنتظر مني رساله على الخاص بتويتر
وإذا نسيت ذكرني

[بلوتو]

ابشر يابو سلطان
الجمعه ان شاءالله ابنشب لك في كل مكان تويتر هنا ... احتمال تشوفني متوزي في سيارتك راكب ورا زي الافلام :)

[كاترينا]

لا تخاف

المضارب الجديد كان ينتظر هالهزه على أحر من الجمر

لضبط متوسطات الشراء

الرجال حالف أنه يجفف السهم
ونفسه طويله
ودراهمه واجد :(:p


والشغل كله من باريس ;):cool:
أنتظر مني رساله على الخاص بتويتر
وإذا نسيت ذكرني

بيض الله وجهك يابو سلطان على التوضيح

شرايك نروح له في باريس ونصير أقرب للحدث مانرجع من عنده الا وحنا شبيحه على سن ورمح وأول مانتغدى بشربكه :cool:

التلميذ أول مايفلح يجرب على أستاذه وشربكه يكون أول ضحاياي :D

[بلوتو]

بو سلطاااان
طمنا على اللي في باريس عساه بخير وسلامه حاول تقول للي حوله يهتمون فيه خاصة بكرا عشان ما يصحى السبت وهو متنرفز ثمن نتوهق :)

[روشن]

بو سلطاااان
طمنا على اللي في باريس عساه بخير وسلامه حاول تقول للي حوله يهتمون فيه خاصة بكرا عشان ما يصحى السبت وهو متنرفز ثمن نتوهق :)

كنت في باريس على طاري باريس قبل شهر وكنت ساكن في المجمع المالي (LADefence) وجنبي عماره مكونه من 50 دور تزيد شوي مكتوب عليها Alianz قلت دي خشرى ربعنا في الفرنسيه ! فلا تهتم

[khalid-wy]

بو سلطاااان
طمنا على اللي في باريس عساه بخير وسلامه حاول تقول للي حوله يهتمون فيه خاصة بكرا عشان ما يصحى السبت وهو متنرفز ثمن نتوهق :)

الله يستر من الهانق اوفر !!

[بلوتو]

صياد فقدناك في التويتر اليوم والمنتدى
يارب يارب المانع خير
طمنا على السهم يا بو سلطان
شكل الجو في باريس مغبر اليوم ومتضايق خوينا
محتاجين رؤيتك بو سلطان على السهم

[كاترينا]

ملاذ اليوم فتح على قاب احتمال قوي يغطيه بداية الاسبوع القادم



والاهم اقفال اسبوعي اليوم فوق 31.7



ملاذ اليوم ماقصر

غطّى الفجوه بكل سلاسه وود ولم يكشر عن انيابه بتغطيتها

أفتتح على أعلى سعر 31.4 نزل الى 29.8 وغطّى فجوته من 30.2 الى 30.6

الاغلاق كان على 30.5 بشمعه ارتداديه جميله وكميه مقبوله جدا

كان المنتظر منه انه يرتد من متوسط 21 وهي 29.2

أكتفى بكسر متوسط 10 ايام واغلق اعلى منها وهي 30.1

السهم كانت مناطق تجميعه الرئيسيه اليوم من 30.4 الى 31

ــــــــــــــــــــــــــ

اغلاق السهم الاسبوعي رائع ان شاءالله

لا استبعد ان نرى اختراق للقمه السابقه 35.1 هذا الاسبوع

ليست توصيه للسهم وانما محاولة استقراء لا أكثر

أتمنى ان لايكسر غدا 29.8 وتبقى اماني

الاهم اغلاق اسبوعي فوق 32.8

اختراق 35.1 قد نرى ارقام ساره باذن الله يحققها هذا الشهر

[بلوتو]

طمنتنا الله يطمن قلبك
استمر في متابعة السهم لا هنت

[ابن زيدون]

اتحاشي تحليل شركات التأمين ولكن لاجلك

الارقام اعتمدها اسبوعيا
بالنسبه للتذبذب اليومي ممكن يرجع 30 والله اعلم



http://upload.traidnt.net/upfiles/C2a99026.png (http://upload.traidnt.net/)



لايصح الا الصحيح يابوعبدالرحمن عساكم سلمتم



ابو عبدالرحمن

هذه نقاط التحديث كاغلاقات
31.70
27.30



موفقين



لم يستطيع الاغلاق 31.70
وسجل اليوم 27.50

الان تابعو 27.50 الاغلاق دونها يذهب 25 كدعم اول

[كاترينا]

طمنتنا الله يطمن قلبك
استمر في متابعة السهم لا هنت

الامور ماجات بالكيف وانا اخوك :D

[كاترينا]

لايصح الا الصحيح يابوعبدالرحمن عساكم سلمتم




لم يستطيع الاغلاق 31.70
وسجل اليوم 27.50


الان تابعو 27.50 الاغلاق دونها يذهب 25 كدعم اول



شاعرنا ومحللنا ابن زيدون

شكرا لاتكفي لمقامك الرفيع

جزاك الله خير من قلب محب:)

[كاترينا]

لايصح الا الصحيح يابوعبدالرحمن عساكم سلمتم




لم يستطيع الاغلاق 31.70
وسجل اليوم 27.50


الان تابعو 27.50 الاغلاق دونها يذهب 25 كدعم اول



ان قلت سلمنا يابن زيدون نقول سلمنا ماتم شراءه تحت تم بيعه عند 32

بس المحفظه ماتخلى من السهم لازلت متفائل به

واليوم مقابل طلابي اتصل علي خوي لي قال السوق نازل 170 وملاذ كسرت 29.8 والان 29.4

ضاق صدري شوي بس ماحطيت حرتي بالطلاب :D

الحصه اللي بعدها اتصل علي خوي ثاني قال نازلين الان 270 نقطه وملاذ نسبه تحت

والله واتحول الى اعصار بس ماطقيت احد :D

طلعت من الدوام خلصت امور كثيره عندي برا البيت يوم سكر السوق دخلت بيتي بمزاج رااايق :p

بس السؤال طال عمرك المحفظه ثلثينها سيوله رايك متى اشيل بملاذ :o

أفكر بكره مع الافتتاح على نزول ادخل بالثلث بملاذ واخاف استخف وادخل بكل السيوله:confused:

[ريمـــــــانه]

اعلى من 25

خله يلعب بكيفه ... حقق 32 طبيعي يتراجع

حتى يرجع يحقق 50

[بلوتو]

الحمدالله
امس تشرفت بالتواصل مع صياد
الرجل عنده ظروف تمنعه من التواصل سواء هنا او التويتر
ويقول ملاذ ليست للبيع ابدا
والوعد الاسبوع القادم
اللهم بلغت اللهم اشهد
تحياتي

[بلوتو]

وانا اكتب الرد
كان ملاذ يعرض ٢٧ و ٩٠
قول وفعل يا بو سلطان

[ابن زيدون]

ملاذ ليست للبيع ابدا
والوعد الاسبوع القادم
اللهم بلغت اللهم اشهد
تحياتي

الله يكتب الخير من عنده
ومبروك لمن استفاد تجنب 25% خساره

[كاترينا]

اعلى من 25


خله يلعب بكيفه ... حقق 32 طبيعي يتراجع

حتى يرجع يحقق 50


هلا بالاخت ريمانه

انا اشهد خليه لكيفه وكيفه يوديه ويجيبه

تذبذبات السهم مغريه للمتابعه

[كاترينا]

وانا اكتب الرد
كان ملاذ يعرض ٢٧ و ٩٠
قول وفعل يا بو سلطان

هلا بوخوي بلوتو

بو سلطان مامنه قصور كله خير وبركه

وترى السهم من يوم تعدى ال 25 وهو مستجن يافوق ياتحت وياسعد اللي يسايره

[كاترينا]

الله يكتب الخير من عنده
ومبروك لمن استفاد تجنب 25% خساره


ومبرووووك لمن يتابع ملاحظاتك اللي تفضلت بها على السهم تحليليا ياشاعرنا

أنت راعي الاوله بمبادراتك الطيبه طال عمرك وتفضلك الكريم

ابشرك شلت على 27.7 ملاذ وسيسكو 19.35

ويالله لك الحمد والشكر وتم بيع ماتم شراءه اليوم لتوفير كاش

[ابن زيدون]

ومبرووووك لمن يتابع ملاحظاتك اللي تفضلت بها على السهم تحليليا ياشاعرنا


أنت راعي الاوله بمبادراتك الطيبه طال عمرك وتفضلك الكريم


ابشرك شلت على 27.7 ملاذ وسيسكو 19.35



ويالله لك الحمد والشكر وتم بيع ماتم شراءه اليوم لتوفير كاش



هذا موغريب عليك مجرب في العملات
اسواق المال تبي لها مثلك في اتخاذ القرار

[نوماس.]

ابو عبدالرحمن
بين اذانك علم عطنياه وريح نفسك وضميرك
ههههه
اليوم احد الاصدقاء حاط رجل على رجل وشاري كميه كبيره في ملاذ 34
ونصحته قلت عدد اسهم الشركه 30 مليون وتأمينيه ..خفف ذا الكميه اللي مايشيلها حتى الافغاني ولقط بغيرها قال يالله بس ههههههه والله العظيم قاعد يبتسم و يترق عليناهههههههههه شكله عنده علم مثلك ولابـد.

[كاترينا]

هذا موغريب عليك مجرب في العملات


اسواق المال تبي لها مثلك في اتخاذ القرار



لما الله ثم استشاراتك في الزنقات مامشت الامور بطيب

فانت راعي الاوله بكل شي طال عمرك :)

[كاترينا]

ابو عبدالرحمن

بين اذانك علم عطنياه وريح نفسك وضميرك
ههههه
اليوم احد الاصدقاء حاط رجل على رجل وشاري كميه كبيره في ملاذ 34

ونصحته قلت عدد اسهم الشركه 30 مليون وتأمينيه ..خفف ذا الكميه اللي مايشيلها حتى الافغاني ولقط بغيرها قال يالله بس ههههههه والله العظيم قاعد يبتسم و يترق عليناهههههههههه شكله عنده علم مثلك ولابـد.


هلا باخوي نوماس

وانا اخوك يوم من الايام واحد شرواك قال لي اقفل على السهم بالمحفظه

وتخبر مثلي ومثلك مانعرف نقفل ونتفرج

فالسهم بتذبذباته مسوي سوق بلحاله ماشاءالله

واللعب معه طيب وهذا العلم اللي عندي يابعدي

[نوماس.]

واللعب معه طيب وهذا العلم اللي عندي يابعدي[/center]

علمك غانم يابو عبدالرحمن

[كاترينا]

علمك غانم يابو عبدالرحمن

ماعليك زود اخوي نوماس

[كاترينا]

ملاذ ياملاذ ياخير الأصدقاء بالغابة الخضراء
ملاذ ياملاذ

السهم بنزوله هالاسبوع الى 27.4 أعطى هدف شبه مضمون 32.1 هالاسبوع ويالله ان تحييه

والاغلاق عليها نهاية الاسبوع لها كلام ثاني

بالنسبه للشهري ملاذ من حقه يجني ارباحه ويصحح لنفسه بس بشرط لايطول تحت 27.2

علما انه الى الان يفترض أنهى نزوله على الشهري ومسك خط صاعد باتجاه قمته 35.1

باختراقها هذا الشهر قد تأتيه حاله من الهيجان في نفس الشهر الله يعجل بها

وكما قلت من قبل ليست دعوه للشراء وانما كوني املك بالسهم مجرد متابعه

اغلاق امس 30.9