هذا السهم يا الشاهين هدية ما من وراه جزية

[شربكه]

بسم الله الرحمن الرحيم . وسلام الله عليكم جميعاً


السهم يا الشاهين ولا يهون باقي الأخوان أجتمعت فيه شبيحة البلد كلهم وأصغرهم اللي يقفل سهم خشاش نسبة بمحفظته بلحاله .

سهمنا يقولون عنه الباخصين بدقاق الأمور أن وراه علوماً طيبة وقريبة بالحيل

السهم كيان

دير القهوة يا مكاري

وفقكم الله

[هاوي الخشاش]

تقول وتطول ياشربكة ..
السهم واضح الشرا عليه ..
بنحاول نلقط معهم ان شاء الله ..

[نسر]

كفووووووو.......... يشربكه .......... لكن الشكوى لله ناشبين بعسير..........

[مضارب محت78رف]

هلا وغلا بشربكة والحمدلله على السلامة
والله يا اخي لك وحشة.
كيان يستأهل المحفظة والمحفظة تستاهله

[الهــداف]

بارك الله فيك ياشربكة ,,,,كم تتوقع يكون الهدف

[NOMERCY]

ماشاء الله توزع هدايا ياشربكه وحنا مالنا رب :mad:
بإذن الله بكرا معاكم في كيان ونشوف يتحرك السهم ولا يثبت بمكانة :D
عموما شكرا لك على التوصية ويستاهل الشاهين

[ربيع سدير]

اجل ناوين فوق 50 :eek:

[منبدري]

أتوقع والله اعلم
الوجهه بتروكيماويات
شف عندك نماء كيما نول بتروكيم سبيكم لجين الخ

[شربكه]

ماشاء الله توزع هدايا ياشربكه وحنا مالنا رب :mad:
بإذن الله بكرا معاكم في كيان ونشوف يتحرك السهم ولا يثبت بمكانة :D
عموما شكرا لك على التوصية ويستاهل الشاهين




عشان تكونوا بالصورة سبق وأن دخل معي NOMERCY بسهمين وصححوا فينا بنسبة 12000% فيبو ناتشي . يعني لو صار شي بالسهم لا سمح الله اعرفوا أن المذكور دخل السهم

راجعلكم ان شاء الله

[سكون]

عشان تكونوا بالصورة سبق وأن دخل معي NOMERCY بسهمين وصححوا فينا بنسبة 12000% فيبو ناتشي . يعني لو صار شي بالسهم لا سمح الله اعرفوا أن المذكور دخل السهم

راجعلكم ان شاء الله


ههههههههههههههههههههه

قل له بندخل المتكاملة كيان للتمويه


:D

[جـرح القصيد]

انا ما زلت عاض على كيمانول ومع طول الوقت أبغى أتركها معاد قدرت

[الواقع]

ما شاء الله شربكه يكتب بالصباح الباكر وزقزقة العصافير :confused: .. وين الديرة :cool:
ما أقول ربي يوفقك وين ما كنت آمين
أما هذا أبو 1200 فيبوناتشي أو 4500 سي سي :D .. يخوف :mad:



.

[شنغريلا]

جزيت خيرا ومعاك ان الله كتب لنا فيه رزق ولا يفتح قاب

[ابو نجــــــم]

بارك الله فيك

[حمود الصعب]

جزاك دعوه صادقه

عسا الله يوفقك دنياك وآخرتك ..

[قلم رصاص]

شربكة يابعد حييي تكفى خل الشبيحة يمروون على سهم نماااا

ابيهم ينقزوون عيون مضاربها المضاريط

[شمس طيبة]

هلا بالاخ والاستاذ شربكه اسأل لك الله التوفيق

نبي نقطة ندخل عليها السهم ليوم الغد

وياريت نسمع رايك في اتجاه المؤشر

مع التقدير

[NaYeF]

علقونا في زين وش رايك نصبر ولا ناخويكم

وجزاك الله الف خير على ماقدمت لاخوانك

[الشاهين]

عاش والله شربكه هلا وغلا براعي سدير
انا والله في الكهرباء ولا يمنع امزمز معكم بكره في السهم ماركت معك بكره ياحلو
كل ما طلبت مليون صقعني راعي الكهربا بس اوعدك بكره اخليه يعكس علي فوق

[الشرق الاوسط]

بعنى الزين ودخلنى الكهرباء يخليك ربي
شفل لي شبيحتها ويش هم من شبابيح
يخليك ربي

[العطـوف]

الله يبارك فيك ويجزاك كل خير
اقسم بالله انك ماقصرت الله يبيض وجهك
والله يرحم والديني ووالديك ويجعل مثواهم الفردوس الاعلى

[كاترينا]

بيض الله وجهك ياخوي شربكه

دايم سبّاق للخير وكيان تستاهل

الله يلوم اللي يلومني فيك:D

بحبك لما بتحكي :rolleyes:

[yalk]

بارك الله فيك دخلت اليوم السهم على 19.60 وبصراحه فرحت يوم وصيت على السهم :)

[fahad_0500]

كفو ياذيبان

[معلومه]

عاش والله شربكه هلا وغلا براعي سدير
انا والله في الكهرباء ولا يمنع امزمز معكم بكره في السهم ماركت معك بكره ياحلو
كل ما طلبت مليون صقعني راعي الكهربا بس اوعدك بكره اخليه يعكس علي فوق

ههههههههههههههه
لا يكون انت من باع زين ونقصت كميته عن 5٪
وتبدله بتلكهرب
الان اتضحت الصوره اجل طلباتك بالمليون سهم
تصدق شكيت ورجعت الصفقات
اكبر صفقة لقيتها 600 الف
بس لا يكون قصدك مليون رياال خخخخخ
بأناس نبي مواضيع جد فيه ناس تبحث عن المصداقية
موفق خير
وبخصوص كيان تستأهل 33 قبل الربع

[بلاتيني]

ماشاء الله عليك ياشربكه
دائماً مبدع
السهم يحلق كالريشه ماشاء الله تبارك الله
فالكم النسب دوووم

[المسافر@]

لاهنت اخوى شربكة وبيض الله وجهك

[معاذ]

هذا شربكة والأجر على الله
توصيات في الثمانيات
بارك الله فيه وزاده من فضله

[الجوت الجوي]

شكلك مجرم مع سبق الاصرار......:D:D:D
شكلك برضه تتطلع على محافظ كبار المجلس الاعلى...........
بارك الله فيك بالمفضله معرفك ;););)
نبي نترزق الله وندخل المتقدمه كله قطاع واحد يخر خرة واحدة;););)

[((باريس نجد))]

ماقصرت الله يبيض وجهك

والله يرحم والديني ووالديك ويجعل مثواهم الفردوس الاعلى

[جـرح القصيد]

سجل ياتاريخ

ماشاء الله عليك

[مضارب محت78رف]

http://t3.gstatic.com/images?q=tbn:ANd9GcSCtm2QzVqCvLge2MTJfABqTFgWDuKLF T4Ip9QxOF-j0s3-zopmdn6A_8AsHA
تحية لك يا بطل ولقائد المجلس الاعلى:)

[شنغريلا]

مافي الحكي فائدة شربكة لا من الليالي غدا عوج

كفو يابطل

[لمّاح]

علومك كلها غانمة ياشربكه

السهم اليوم مبدّع ,,

يستاهل الشاهين ,,

..

الله المستعان ,, إثرك شايب ,,من جبت طاري مكاري عرفت إنك في الأربعينات ( بل في أواخرها ) يالله حسن الخاتمة ,,

وبهذه المناسبة أهديك هذه الأبيات :


لقيت الونش يسحب موتـري فـي ساحـة الديـره
ركضـت وقلت: يـا سـواق خبـرنـي وش الـجـاري
انـــا ماخـطـيـت بالـمـاقـف وتخطـيـطـه وتنـمـيـره
وش اللي خصصه بالجر علمني وش الطاري
خزرنـي بالعيـون الصفـر واسـرع لــي بتكشـيـره
يـقـول انــي سحبـتـه ياقـلـيـل الـعــرف بـخـيـاري
وقـفـت ارجـيـه كـنـي عـبـده الـلـي طايـلـه خـيـره
وهويضـحـك مـثـل مايضـحـك فليـحـان بـمـكـاري


..

[((باريس نجد))]

الله يعيننا عليك بتشوف نفسك بعد هالتوصيه

توقف عن الاشاره وتلفت يمين ويسار تحسبهم يعرفونك :)

[كاسر الموج]

كفو يا ذيبان ..

[BMW]

يالطيف على الشيل اللي صار في كيان

شي خرااااااااااااافي

انا مو في السهم بس استمتعت في ابداع السهم

[وسيط نت]

بيض الله وجهك يا ذيبان

[عاشق القمرا]

ههههههههههههههه
لا يكون انت من باع زين ونقصت كميته عن 5٪
وتبدله بتلكهرب
الان اتضحت الصوره اجل طلباتك بالمليون سهم
تصدق شكيت ورجعت الصفقات
اكبر صفقة لقيتها 600 الف
بس لا يكون قصدك مليون رياال خخخخخ
بأناس نبي مواضيع جد فيه ناس تبحث عن المصداقية
موفق خير
وبخصوص كيان تستأهل 33 قبل الربع


ترى ربعك تجبسو ويش الدبرة

[ابوعبـــدالله]

احسن ما في التوصيه اذا اعطت مع اول طرح للموضوع

الله يسعد ملاكها

[yalk]

والله ما قصرت اخى الشربكه وجزاك الله خير

[طلال بن عبدالعزيز]

بصراحة ابدعت يالغالي وتوقيت مناسب افدت الجميع بهذه التوصيه الخرافيه
الف شكر لك

[متذبذب]

بيض الله وجهك

http://www.mall-of-paris.com/pic/shop_DSCF0007.JPG

[أبو لينا]

ما شاء الله عليك يا شربكة

تجيب العلم

تحية لك وتستحق مميز تحت معرفك

والله لا املك فيها اي سهم
ولكنها توصية تستحق الاشادة

موفق يا بطل

[سمر سهم]

الله يحفظك ويرعاك ويحميك من عيون حسادك


يارجل انت قنبله ماشاء الله عليك

ياليتك صديقي كان صرت شبيح كبيرررررر

[ابو نجــــــم]

الله يحفظك ويرعاك ويحميك من عيون الحساد

اروع توصيه خلال ساعات اعطت وبدون ضجيج

[majedd]

بيض الله وجهك


http://www.mall-of-paris.com/pic/shop_DSCF0007.JPG







هههههههه اثاريك صليع ياشربكة :D:D:D:p

كفو والله ,,

[الواقع]

http://im12.gulfup.com/2012-03-21/1332327389691.jpg (http://www.gulfup.com/show/X4mdx0f2uae)



وبارك الله فيك



.

[العطـوف]

ما شاء الله عليك يا شربكة

تجيب العلم

تحية لك وتستحق مميز تحت معرفك

والله لا املك فيها اي سهم
ولكنها توصية تستحق الاشادة

موفق يا بطل

والله يابو ليان اني متأكد
انه اخر مايفكر فيه
وماهمته لأن فعله اكبر من عباره تنحط للي يستاهل وكذالك للي مايستحقه
الأخ شربكه ماله منا الا الدعاء وهذ اكبر همه
واسأل الله الكريم انه يستجيب دعانا له

[جـرح القصيد]

نسبة ألا خمس هللات ممتاز

[فهد الشاشة]

كفو يالذيب تجيب العلم

[عذبه]

للاسف ماشفت التوصيه الا بعد ماارتفع السهم """""" هل الشراء مناسب ان بعد ارتفاع ٧ ٪. ؟

[بلوتو]

هريه من اطلق الهدايا اللي شفتها
بيض الله وجهك يا شربكه
نبي رايك بالسوق والكهرباء لا هنت
كل الشيوخ الكبار تحركوا الا هو
تهقى ناسينه الشبيحه والا وش سالفته

[alizaida]

انا مااخذت فيها بس ضفتها بالقائمة اليوم ومتابع لها صراحه الي صارفيها حريقه وتشكر مليوووون مره ع هالتوصيه الي نفعت بها اخوانك الله يرزقك من حيث لاتحتسب ونبي اخرى الا اذا توصيتها مستمره هذا شي ثاني واكيد اليوم بتكون سعيد يكفيك دعوه هالعالم انت بس طالع بالي قبلي وش يقولون وبعضهم مثلي مااخذوا بس الناس اليوم تبحث عن المصداقيه

[الشاهين]

ابشر برد الهديه دبل كفو وعلمك غانم يا السديراوي

[alizaida]

ابشر برد الهديه دبل كفو وعلمك غانم يا السديراوي
وحنا يالشاهين

[هاوي الخشاش]

كفو والله عالتوصية ..
كيان و 9% وحول النسبه !! ماقد صارت بتاريخ السوق ..
عطوه احسن الالقاب يستاهل ..

[مضارب محت78رف]

أتشهد انه يستأهل ومميز قليلة في حقه ماشاءالله عليه اريحية في التعامل اسلوب مميز في الكتابة واهم شيء انه مروض الشبيحة وداقن خشومهم.

[شربكه]

بسم الله الرحمن الرحيم , وسلام الله عليكم جميعاً


( ربَ أوزعني أن أشكر نعمتك التي أنعمت عليَ وعلى والدي وأن أعمل صالحاً ترضاه وأصلح لي في ذريتي )


الحمد لله حمداً يليق بجلاله وعظيم سلطانه


مبروك لأعمال الخليج أعضاء وقراء ما تحقق اليوم في السهم . وما أسعدني أكثر بأن السهم لم يفتح على قاب والشيء الأخر أنه أعطى في أول ساعة حتى لامس النسبة تقريباً , مما يجعل من دخل السهم بكامل سيولته أو ما توفر لديه من سيولة أن يجني ربحه ويبحث عن فرص أخرى في السوق .


الهدية كانت رد على هدية أخونا الشاهين في توصيته على سهم أنعام . وعشان الشاهين والجميع عندي قدرهم كبير قلت لازم يكون الرد على قدر غلاكم ونذبحلكم أكبر بنات سابك ونقلطكم عليها وما توفيكم قدركم .


يمكن اللي صار اليوم بالسهم من معركة هي الأولى بتاريخ السهم وبلغت قيمة تداول السهم 2 مليار و 900 مليون ريال . قيمة تداول يوم كامل على السوق في الأيام الخوالي الله لا يعيدها عليكم .


طبعاً الجميع يستغرب كيف أن السهم ما قفل نسبة رغم السيولة الكبيرة اللي دخلت السهم وبعنف ؟


السبب يا أخوان ذكرت جزء منه بالموضوع في ردي على الأخ NOMERCY ومن سابق تجربة ميدانية .


بعد التوصية لقيت رسالة من الأخ الكريم يقول ممتاز التوصية على كيان لأن أخوي وولد عمي يملكون بالسهم :mad: طبعاً قريت الرسالة حسيت بصدمة كبيرة وضاقت بي الوسيعة وقلت بنفسي عز الله رحنا طعام جحوش الأسرة الكريمة بالسهم ما سلمت منك يطلعون أخوك وولد عمك وفوق هذا يقول وبكرة أن شاء الله راح أطقطق معاكم بالسهم ويوم قريتها وتغرورق عيون بالدموع وقلت الله يخلف علينا بالسهم .


وأقعد طول الليل أتقلب على سرير وكني على رمضى ومحتار أسحب التوصية أو أتركها والمشكلة التوصية مهديها لغالي ولا غالين . المهم بعد صراع مع التفكير قررت أتركها وأفوض أمري لله فهو نعم المولى ونعم النصير . والمقدر لازم العين تشوفه , وتركتها وصار اللي صار بالسهم من معارك وشيل وحط وأخوكم قاعد يراقب السهم وكنه قاعد يشوف فلم مرعب وتعابير الوجه الله أعلم فيها أن شالوا تبسمت وأن جلدوا كشرت وانرسم بالجبهة 111 واللي يشوفني من بعيد يتحمد الله ويقول مسيكين خبل الله يرفع عنه , المهم يوم قفل السوق والسهم مرتفع 7% وأنهار بالغرفة وأقعد أصارخ الله أكبر منك يا نومرسي الله أكبر منك . والحمد لله عدت الأمور على خير ونصرني الله عليه


تقول وتطول ياشربكة ..
السهم واضح الشرا عليه ..
بنحاول نلقط معهم ان شاء الله ..



أتمنى أنك أخذت نصيبك من السهم



كفووووووو.......... يشربكه .......... لكن الشكوى لله ناشبين بعسير..........



تكلمنا بهذا الموضوع أمس وقلت لك بيع وأدخل كيان وخذ نصيبك منها ثم أرجع لعسير



هلا وغلا بشربكة والحمدلله على السلامة
والله يا اخي لك وحشة.
كيان يستأهل المحفظة والمحفظة تستاهله



الله يسلمك . للكن ما بعد رجعت . واتمنى أنك خذيت نصيبك من السهم



بارك الله فيك ياشربكة ,,,,كم تتوقع يكون الهدف



أن كنت ما زلت بالسهم وبعيد عن مشتراك أصبر مع مراقبة الشاشة لأي طارئ وأشوف 20% من سعر مشتراك نعمة من الله تستحق الحمد واشكر لله



ماشاء الله توزع هدايا ياشربكه وحنا مالنا رب :mad:
بإذن الله بكرا معاكم في كيان ونشوف يتحرك السهم ولا يثبت بمكانة :D
عموما شكرا لك على التوصية ويستاهل الشاهين


بكرة معانا ؟ شفت بعيني وما أحد حكالي


اجل ناوين فوق 50


من جاب طاري 50 ؟ والموضوع كله ما فيه 50 إلا بردك والرقم الآلي للمشاركة 50 بالردود . واتمنى أنك أستفدت من التوصية


أتوقع والله اعلم
الوجهه بتروكيماويات
شف عندك نماء كيما نول بتروكيم سبيكم لجين الخ


مو على كل حال ومتى ما هدت كيان باقي أخوانها راح يهدون معاها . ونماء وكيمانول واللجين فيها شبيحة من شهرين وسبكيم يجمعون بالسهم لمرحلة ما بعد الإعلانات


ههههههههههههههههههههه

قل له بندخل المتكاملة كيان للتمويه






ما يمشي عليه كافشنا يعني كافشنا



انا ما زلت عاض على كيمانول ومع طول الوقت أبغى أتركها معاد قدرت


من شفت نوف بقصيدتك وأنا داري أنك حنين وقلبك ربابة ويربطك عشقك بالأشياء


ما شاء الله شربكه يكتب بالصباح الباكر وزقزقة العصافير .. وين الديرة
ما أقول ربي يوفقك وين ما كنت آمين
أما هذا أبو 1200 فيبوناتشي أو 4500 سي سي :D .. يخوف


.


الله يجزاك خير . وأبو 12000 فيبوناتشي لعب فينا اليوم



جزيت خيرا ومعاك ان الله كتب لنا فيه رزق ولا يفتح قاب



الله يبارك فيك واتمنى أن اليوم كان لك رزق بالسهم



بارك الله فيك


الله يجزاك خير ويرحم والديك


جزاك دعوه صادقه

عسا الله يوفقك دنياك وآخرتك ..



الله يجزاك الجنة ويرحم والديك عن النار


شربكة يابعد حييي تكفى خل الشبيحة يمروون على سهم نماااا

ابيهم ينقزوون عيون مضاربها المضاريط


سهمكم زين وفيه شبيحة جيدين لكن مشكلته فيه عناد بين الشبيحة اللي فيه ومتى ما تصالحوا فالكم العشرين بحول الله وقوته


هلا بالاخ والاستاذ شربكه اسأل لك الله التوفيق

نبي نقطة ندخل عليها السهم ليوم الغد

وياريت نسمع رايك في اتجاه المؤشر

مع التقدير


المعذرة يا وخيتي ماشفت ردك من قبل والسهم ولله الحمد ما فتح قاب واتمنى أنك كنتي فيه اليوم قبل الطلوع . والسوق ما فيه خوف والشبيحة قاعدين يجمعون بأسهم كثيرة وما فيه سيولة طالعة من السوق وبالعكس فيه سيولة جديدة داخلة السوق . واللي قاعد يصير أنهم يجنون ربح بسهم ويريحونه فترة ويروحون يحركون أسهمهم الثانية وبإذن الله بعض الشركات راح تدبل من اسعار اليوم وبعضها راح يعطي 50% وكلها بعد نتايج الربع الأول . ويمكن بعضها اللي شبيحتها عارفين أخبار شركتهم يبدأون بالتحرك من الأسبوع القادم . لكن أجمالاً السوق ممتاز بإذن الله مالم يحدث أمر يؤثر على الوضع العام للمنطقة


علقونا في زين وش رايك نصبر ولا ناخويكم

وجزاك الله الف خير على ماقدمت لاخوانك


اتمنى أنك تكون لحقتنا . وزين بإذن الله سوف تستقر من يوم السبت وتعكس اتجاهها وأن كان عندك صبر لأقرب جمعية عمومية فخسارتك بإذن الله راح تتحول لربح الأخبار عن الشركة ممتازة ولا تلتفت للمرجفين بالسهم لأنهم يتكلمون بغير علم


عاش والله شربكه هلا وغلا براعي سدير
انا والله في الكهرباء ولا يمنع امزمز معكم بكره في السهم ماركت معك بكره ياحلو
كل ما طلبت مليون صقعني راعي الكهربا بس اوعدك بكره اخليه يعكس علي فوق



اتمنى من الله أن أكون تجملت معك وأنت راعي الأولى . والكهرب لا أتوقع أن تبرح الـ 17.50 في أحسن الظروف هذه الفترة حسب علمي . اتمنى لك الكسب المبارك


بعنى الزين ودخلنى الكهرباء يخليك ربي
شفل لي شبيحتها ويش هم من شبابيح
يخليك ربي


جوابي تلاقيه بردي على نايف والشاهين . أسعدك الله بالدنيا والاخرة


الله يبارك فيك ويجزاك كل خير
اقسم بالله انك ماقصرت الله يبيض وجهك
والله يرحم والديني ووالديك ويجعل مثواهم الفردوس الاعلى


الله يجزاك الجنة ويحرمك ووالديك عن النار يا أبو شوق











بيض الله وجهك ياخوي شربكه








دايم سبّاق للخير وكيان تستاهل


الله يلوم اللي يلومني فيك:D



بحبك لما بتحكي



هلا بالشيخ كاترينا , أشوفك هاليومين قالب لبناني , ما ألومك الغبار اللي جاكم ميش شعوركم وصرتوا شقر :D



بارك الله فيك دخلت اليوم السهم على 19.60 وبصراحه فرحت يوم وصيت على السهم


الله يبارك فيك ويرحم والديك عن النار . وأتمنى أنك بعت اليوم بسعر مجزي , وأن ما بعت ترى الصبر زين مع مراقبة الشاشة



كفو ياذيبان


أهم شي لا أطلع مثل الشايب ويطلع الذيبان رقم الآيبان البنكي :)


ههههههههههههههه
لا يكون انت من باع زين ونقصت كميته عن 5٪
وتبدله بتلكهرب
الان اتضحت الصوره اجل طلباتك بالمليون سهم
تصدق شكيت ورجعت الصفقات
اكبر صفقة لقيتها 600 الف
بس لا يكون قصدك مليون رياال خخخخخ
بأناس نبي مواضيع جد فيه ناس تبحث عن المصداقية
موفق خير
وبخصوص كيان تستأهل 33 قبل الربع


أبو محمد وش جاك على الرجال . اسئله أول ثم عقب على كلامه شف هي مليون ريال أو مليون سهم والغالب ان الرجال يقصد مليون ريال . وأنت الله يهديك طرت فيه



لاهنت اخوى شربكة وبيض الله وجهك


لا ندمت . ووجهك أبيض يا طويل العمر


هذا شربكة والأجر على الله
توصيات في الثمانيات
بارك الله فيه وزاده من فضله


الله يجزاك خير ويبارك فيك


شكلك مجرم مع سبق الاصرار......
شكلك برضه تتطلع على محافظ كبار المجلس الاعلى...........
بارك الله فيك بالمفضله معرفك ;)
نبي نترزق الله وندخل المتقدمه كله قطاع واحد يخر خرة واحدة;)



ترى اللي صار اليوم ماهو شغل شبيحة لا كبيرهم ولا صغيرهم وبدري عليهم كيان .. كيان لها حيتانها , والسيولة اللي دخلت السهم قيمة سيولتهم مجتمعين



ماقصرت الله يبيض وجهك

والله يرحم والديني ووالديك ويجعل مثواهم الفردوس الاعلى


الله يجزاك خير ويوفقك دنيا واخرة ويرحم والديك عن النار ويجمعنا فيكم بالفردوس الأعلى . اللهم امين


سجل ياتاريخ

ماشاء الله عليك


سجل يا تاريخ


قالت جرح القصيد وردوا الخلق لبيه *** من زينها كل الخلايق جرح القصيد


=======


سوف أعود وأكمل الردود بإذن الله في الغد وأعذروني أصحاب الرسائل الخاصة عن الرد اليوم ومتى ما وجدت الوقت سوف أقوم بالرد عليكم بإذن الله .


وبالنسبة لسالفة NOMERCY فهي من باب المزح والدعابة والميانة . الرجال خلقه شاك بنفسه ومو ناقص نزيد عليه لكن صدق تراه مرسل وقايل أن أخوه وولد عمه بالسهم :D


وفقكم الله

[شنغريلا]

سبحان الله فيه معرفات مختفيه لكن لو فشلت كيان كان شفناهم اول من يرد ويتهمونك الحين ياليت اشوفهم يردون ويشكرونك علي التوصيه النموذجيه

[بوهموم]

شربكه ياراعي الاوله

ياحبي لك ولطيبت قلبك

الله يوفقك وين ماتروح

ويجعل الجنه مثواك

[عبدالمحسن]

طيب كيمانول ياشربكة متى بتغرد بإذن الله

والحمد لله رب العالمين

[العطـوف]

سبحان الله فيه معرفات مختفيه لكن لو فشلت كيان كان شفناهم اول من يرد ويتهمونك الحين ياليت اشوفهم يردون ويشكرونك علي التوصيه النموذجيه

تصدق بالله انه طرت على بالي البارح
وبغيت اكتبه هذا التسائل بس اجلته لليوم:D
سبحان الله بعض الاخوان هدانا الله وإياهم يشككون بذمت شربكه
مع العلم مافيه اي توصيه اخفقت الا حقة ابو ظروس يوم فرمنا
حنا ودحمينا ومع هذا ارجعة وارتفعة
وعوض من دخل معه وخسربفيبكو بسهم ثاني الا انا زعلان علي:o
توصية كيان سكتت اي مشكك بشربكه
مايحركه الا حيتان مثلي وجاب خبرنا:p
الله يطول بعمر من جابه ويمتعهم بالصحه والعافيه
ويجعل مثواهم الفردوس الاعلى

[راعي الطييب]

كفو والله

جزاك الله خير الدنيا والآخره

[على بركة الله]

بسم الله الرحمن الرحيم

ما شاءالله.. تبارك الله

الحقيقه ان الهديه ليست خاصه.. وانما عامه للجميع نظرا لبركتها .. كونها افرحت جميع من وصلت له.

كما انها ليست الهديه الاولى.. فالمتتبع لمواضيعك ومداخلااتك تلقى هدايا كثيره قبل هذه الهديه.

كانت المحفظه مليانه اسهم متنوعه.. وبعنا مع الافتتاح كابلات ودخلنا كيان.. وحصنا خير وبعنا قبل الاقفال وشرينا كابلات بسعر اقل من بيعنا

ههههه هديه مبروووكه ما شاءالله
طالعه من نفس طيبه

مبدع اخي شربكه

الله يحفظك ويوفقك لكل خيرررر

[ابووعد]

واللي شاري بالعالي ياشربكه هل بيلقى خير والا ردموه .

[NOMERCY]

ههههههههههه
سويت فيلم هندي ياشربكه وطلعتني البطل بس الحمدلله فا الاخير ماطلعنا اخوان انا وراعي كيان :D
انت ماتتوب الين اعلقك بسهم :mad:
الحمدلله ماعندي شك بنفسي لاني مقتنع رزقي بيد الله مو بيد أحد ;)
اذا ماطلعت من السهم باقي دفعة من العائلة ودنا ندخلهم معك :D

[شربكه]

http://t3.gstatic.com/images?q=tbn:ANd9GcSCtm2QzVqCvLge2MTJfABqTFgWDuKLF T4Ip9QxOF-j0s3-zopmdn6A_8AsHA
تحية لك يا بطل ولقائد المجلس الاعلى


التحية والتقدير لكم يا أبطال أعمال الخليج . واللي صار بالسهم أكبر من القائد الأعلى للمجلس العسكري وبدري عليه كيان


مافي الحكي فائدة شربكة لا من الليالي غدا عوج

كفو يابطل


الله يجزاك خير . وما ابي من الكلام الا الدعاء وفقك الله






علومك كلها غانمة ياشربكه





السهم اليوم مبدّع ,,


يستاهل الشاهين ,,


..


الله المستعان ,, إثرك شايب ,,من جبت طاري مكاري عرفت إنك في الأربعينات ( بل في أواخرها ) يالله حسن الخاتمة ,,


وبهذه المناسبة أهديك هذه الأبيات :



لقيت الونش يسحب موتـري فـي ساحـة الديـره
ركضـت وقلت: يـا سـواق خبـرنـي وش الـجـاري
انـــا ماخـطـيـت بالـمـاقـف وتخطـيـطـه وتنـمـيـره
وش اللي خصصه بالجر علمني وش الطاري
خزرنـي بالعيـون الصفـر واسـرع لــي بتكشـيـره
يـقـول انــي سحبـتـه ياقـلـيـل الـعــرف بـخـيـاري
وقـفـت ارجـيـه كـنـي عـبـده الـلـي طايـلـه خـيـره
وهويضـحـك مـثـل مايضـحـك فليـحـان بـمـكـاري




..



هلا بالشيخ لماح , وتراني ما حضرتهم ولا حضرت يوم فليحان ينصب على شيخ القبيلة بسالفة ردة الطرش يوم يقول أنا أطخهم وزعل يعد اللي يموتون .


هذي كلها سوالف يحكونها لنا وحنا صغار قبل النوم يسلونا فيها . لكن الله يهديهم يخربونها بعد ما يحكون لنا ويسلونا . ويقعدون يخرعونا ويقولون يا عفيت الله تعال عشان تاكلهم ما ناموا ويبدون يطلعون علينا اصوات تخرع ويقولون جاكم اللي مغطس أذانيه بالدم . والله كنا مساكين ما ننام الا متروعين والبزر فينا مندعس تحت الكمبل وما تسمع الا مشاهق ومناشق من الروعة . وكل يوم وحنا على هالوضع ويبون نصير مبدعين ! الله يخلف جيلنا كله طلع موظفين أرشيف وصادر ووارد .


وشكلك مصادق أخويا عبود بأستراحتهم الشينة وهذي القصيدة من كلماتها الشاعرية واضح أن معزبهم التفخي كاتبها


وعلى طاري الونش كل ما اتصلت بالشباب أقول لهم وين الونش يقولون شكله منجحر بسهم ومسوي خلايا نائمة . ويوم الربوع رصدوه يكافخ مع حقين كيان وانحاش بنفس اليوم :) عرف ان الشغل شغل مدرعات ومو قده وما راح ينفعه مجلس اتحاد الشبيحة لو ينعقد ليوم القيامة




الله يعيننا عليك بتشوف نفسك بعد هالتوصيه

توقف عن الاشاره وتلفت يمين ويسار تحسبهم يعرفونك


من بعد التوصية وأنا اترزز بالمقاهي ولو سئلني الجرسون وش تشرب أقول له وش رأيك بكيان يمدحونها ! أبيه يجيب طاري عني عشان أقول له أنا شربكه


كفو يا ذيبان ..


سلمت يالذيب


يالطيف على الشيل اللي صار في كيان

شي خرااااااااااااافي

انا مو في السهم بس استمتعت في ابداع السهم


فلم مرعب الله عداه على خير


بيض الله وجهك يا ذيبان


ووجهك أبيض يالذيب


ترى ربعك تجبسو ويش الدبرة


ابو محمد ما راح يقصر وان شاء الله يتابع معاكم






احسن ما في التوصيه اذا اعطت مع اول طرح للموضوع






الله يسعد ملاكها



فضل من الله سبحانه وتعالى علينا


والله ما قصرت اخى الشربكه وجزاك الله خير


الله يجزاك خير ويجعل والديك بالجنة



بصراحة ابدعت يالغالي وتوقيت مناسب افدت الجميع بهذه التوصيه الخرافيه
الف شكر لك


الحمد لله على فضله وتوفيقه




بيض الله وجهك


http://www.mall-of-paris.com/pic/shop_DSCF0007.JPG








هنا كنت راجع من الدوفيل مواعد واحد بالمدريقال ويوم ألتفت إلا وألاقي كل الشبيحة مجتمعين بالمقهى وكل واحد مدنق رأسه وقاعد يرسل بلوتوثات لكن لمين ؟ ما أدري
مير واتصدد عنهم وأسوي نفسي أني أكلم بالتلفون عشان ما نقعد نتلاحق بالشارع مثل المهابيل


ما شاء الله عليك يا شربكة

تجيب العلم

تحية لك وتستحق مميز تحت معرفك

والله لا املك فيها اي سهم
ولكنها توصية تستحق الاشادة

موفق يا بطل


الله يجزاك خير على لطفك , والله أن التميز عندي هو دخول الأعضاء والقراء موضوعي والاستفادة منها . ودامني أكتب في أعمال الخليج هذا بحد ذاته تميز



الله يحفظك ويرعاك ويحميك من عيون حسادك


يارجل انت قنبله ماشاء الله عليك

ياليتك صديقي كان صرت شبيح كبيرررررر


الله يجزاك خير . وتراك صديقي وحاضر بأي وقت الله يسعدك


الله يحفظك ويرعاك ويحميك من عيون الحساد

اروع توصيه خلال ساعات اعطت وبدون ضجيج


الله يجزاك خير ويتقبل دعائك ولا يحرمني منكم


هههههههه اثاريك صليع ياشربكة

كفو والله ,,


يا رجال ركز زين بالصورة تراني لابس طاقية من فوق بيج ومن الجوانب أسود
أجل وش اللي وداني للحلاق غسان إلا أن شعري كان يطيح على عيوني ومضايقني


http://im12.gulfup.com/2012-03-21/1332327389691.jpg (http://www.gulfup.com/show/X4mdx0f2uae)



وبارك الله فيك



.


الله يجزاك خير . لكن لو تعرف كم شبيح وحوت يقعد بهالمقهى كان مسكت رأسك


والله يابو ليان اني متأكد
انه اخر مايفكر فيه
وماهمته لأن فعله اكبر من عباره تنحط للي يستاهل وكذالك للي مايستحقه
الأخ شربكه ماله منا الا الدعاء وهذ اكبر همه
واسأل الله الكريم انه يستجيب دعانا له


احسنت وبارك الله فيك وقلت ما بالخاطر


نسبة ألا خمس هللات ممتاز


الحمد لله على فضله وأنه جملني معاكم


كفو يالذيب تجيب العلم


سلمت يالذيب بارك الله فيك


للاسف ماشفت التوصيه الا بعد ماارتفع السهم """""" هل الشراء مناسب ان بعد ارتفاع ٧ ٪. ؟


عذبه بموضوع المعرفة قلتي خسارة ما أمداني أبيع ذهبي والسهم كان نسبة فوق ورديت عليك أن يمديك تبيعين وتلحقين الخالة والسهم أقل من عشرة وما أخذتي الشور شوفي كم وصل ! يعني ألحين لو قلت بيعي ذهبك وأدخلي السوق بتاخذين بالشور


هديه من اطلق الهدايا اللي شفتها
بيض الله وجهك يا شربكه
نبي رايك بالسوق والكهرباء لا هنت
كل الشيوخ الكبار تحركوا الا هو
تهقى ناسينه الشبيحه والا وش سالفته


ووجهك أبيض . والكهرب صايرة اليومين اللي فاتت بؤرة شبيحة ويقولون 17.50 الوجه من الوجه أبيض



انا مااخذت فيها بس ضفتها بالقائمة اليوم ومتابع لها صراحه الي صارفيها حريقه وتشكر مليوووون مره ع هالتوصيه الي نفعت بها اخوانك الله يرزقك من حيث لاتحتسب ونبي اخرى الا اذا توصيتها مستمره هذا شي ثاني واكيد اليوم بتكون سعيد يكفيك دعوه هالعالم انت بس طالع بالي قبلي وش يقولون وبعضهم مثلي مااخذوا بس الناس اليوم تبحث عن المصداقيه


الله يجزاك خير ويرحم والديك . والله الذي لا إله إلا هو أن ما يحمسني ويشجعني أن أحاول أفيدكم إلا هالدعاوي اللي تسوا كنوز الدنيا وما فيه . اسأل الله أن يستجيب لها ويكون النصيب لي ولمن دعا لي


ابشر برد الهديه دبل كفو وعلمك غانم يا السديراوي


كفو والله يالذيب وخيرك سابق الله يجزاك خير



وحنا يالشاهين


علومه غانمة وأكيد ما راح ينساكم


كفو والله عالتوصية ..
كيان و 9% وحول النسبه !! ماقد صارت بتاريخ السوق ..
عطوه احسن الالقاب يستاهل ..


الحمد لله على فضله وكرمه . وبيض الله وجهك


أتشهد انه يستأهل ومميز قليلة في حقه ماشاءالله عليه اريحية في التعامل اسلوب مميز في الكتابة واهم شيء انه مروض الشبيحة وداقن خشومهم.


الله يجزاك خير والتميز له ناس وأخوك مو منهم ومجتهد يحاول يستفيد ويفيد أخوانه


والشبيحة خليها تطلع الاعلانات بإذن الله وابشر بحشرتهم واحد واحد وعلى رأسهم اللي يبي يدفع فلوس لمعرفتي . صبركم كلها كم يوم وراجع ان شاء الله



سبحان الله فيه معرفات مختفيه لكن لو فشلت كيان كان شفناهم اول من يرد ويتهمونك الحين ياليت اشوفهم يردون ويشكرونك علي التوصيه النموذجيه


أرجع لملفي وشوف توصية فيبكو وأنت تعرفهم ومثل ما قلت بردي على التوصية رُب ضارة نافعة , والحمد لله صارت مثل ما توقعت , الحين الحرقان لاعب فيهم الله يعينهم خاصة أصحاب المعرفات البديلة


شربكه ياراعي الاوله

ياحبي لك ولطيبت قلبك

الله يوفقك وين ماتروح

ويجعل الجنه مثواك


الله يجزاك خير ويجعل مثواك ووالديك الجنة


طيب كيمانول ياشربكة متى بتغرد بإذن الله

والحمد لله رب العالمين


ما شاء الله الكيمانول غردة من 14 لكن مثل ما ذكرت سابقاً أن أحد جلابين المحافظ مدخل نصف مواطنين دول مجلس التعاون في السهم وشغالين تدوير كان الله في عون شبيحة وترا الشبيح نشيط وواعدنا بسعر 30 لكن تاركينه لين يقرر وقاعدين نطقطق يمين وشمال عشان ما يضيع الوقت من غير فايدة


تصدق بالله انه طرت على بالي البارح
وبغيت اكتبه هذا التسائل بس اجلته لليوم:D
سبحان الله بعض الاخوان هدانا الله وإياهم يشككون بذمت شربكه
مع العلم مافيه اي توصيه اخفقت الا حقة ابو ظروس يوم فرمنا
حنا ودحمينا ومع هذا ارجعة وارتفعة
وعوض من دخل معه وخسربفيبكو بسهم ثاني الا انا زعلان علي
توصية كيان سكتت اي مشكك بشربكه
مايحركه الا حيتان مثلي وجاب خبرنا:p
الله يطول بعمر من جابه ويمتعهم بالصحه والعافيه
ويجعل مثواهم الفردوس الاعلى


الله يجزاك خير يا أبو شوق وأنت تاركينك للكبيرة سابك تدعمنا فيها إذا جا وقتها بإذن الله وإلا سهم الخشاش كيان خلنا حنا يالوغدان فيه


كفو والله

جزاك الله خير الدنيا والآخره


الله يجزاك خير ويسعدك بالدنيا والاخرة وأسعدتني طلتك على الموضوع






بسم الله الرحمن الرحيم





ما شاءالله.. تبارك الله


الحقيقه ان الهديه ليست خاصه.. وانما عامه للجميع نظرا لبركتها .. كونها افرحت جميع من وصلت له.


كما انها ليست الهديه الاولى.. فالمتتبع لمواضيعك ومداخلااتك تلقى هدايا كثيره قبل هذه الهديه.


كانت المحفظه مليانه اسهم متنوعه.. وبعنا مع الافتتاح كابلات ودخلنا كيان.. وحصنا خير وبعنا قبل الاقفال وشرينا كابلات بسعر اقل من بيعنا


ههههه هديه مبروووكه ما شاءالله
طالعه من نفس طيبه


مبدع اخي شربكه



الله يحفظك ويوفقك لكل خيرررر



الحمد لله على فضله وكرمه والله يجزاك خير ويوسع رزقك ويبارك لك فيه


ههههههههههه
سويت فيلم هندي ياشربكه وطلعتني البطل بس الحمدلله فا الاخير ماطلعنا اخوان انا وراعي كيان :D
انت ماتتوب الين اعلقك بسهم :mad:
الحمدلله ماعندي شك بنفسي لاني مقتنع رزقي بيد الله مو بيد أحد
اذا ماطلعت من السهم باقي دفعة من العائلة ودنا ندخلهم معك :D


أنت للحين ما عقلتني ! والله ياني عقلت بالسهمين أياهم رغم ان الشبيح كل يوم اشوفه ويقول تصدق جتني عين ! ما يدري أنك مشخص معانا بالسهم . المهم خليك لابد لا تيأس من رحمة الله


نعم الرزق بيد الله رب الرزق يعطي من يشاء ويمنع عن من يشاء وكله لحكمة لا يعلمها إلا الله أمنا بحكمه وقضائه


اتمنى اني ما نسيت أحد من الردود والغذر والسموحة من الجميع على التقصير


وفقكم الله جميعاً

[ابو نجــــــم]

جزاك الله خير الدنيا والآخره

وبيض الله وجهك وما قصرت

[الفال 111]

الله يبارك فيك..
ذكرتني بمسرحية شربكة دربكة التي أجاد فيها طارق العلي

[العالم الثالث]

شربكه يسعد مساك

قبل فترة انت كتبت عن شبيحة الصحراء على ما اظن
وبعدها بـ مده كتبت عن ان شركات البتروكيماويات الي فيها ترفيعات بس
يعني مافي نيه للمواصله _ والشغله سحبة رجل بس

فهمي صح ولا لا ؟

وياليت تقولي هل الصحرا في شي يدسم الفترة الحالية ولا نغض النظر عنها

[متذبذب]

http://www.mall-of-paris.com/pic/shop_DSCF0007.JPG



هنا كنت راجع من الدوفيل مواعد واحد بالمدريقال ويوم ألتفت إلا وألاقي كل الشبيحة مجتمعين بالمقهى وكل واحد مدنق رأسه وقاعد يرسل بلوتوثات لكن لمين ؟ ما أدري مير واتصدد عنهم وأسوي نفسي أني أكلم بالتلفون عشان ما نقعد نتلاحق بالشارع مثل المهابيل




إلين الحين
و هم شغل بلوتوثات افففففففف هذولا شبيحة مال أول
الآن كل الشغل واتس اب :)


بس اترك عنك شكلك لافز الجرسون و مخليه يحجز لك كل يوم طاولة بنص المقهى
و أنت مشخص بجريدة الشرق الاوسط و ناطل اذنك يمين و يسار


تذكرني بـ ابو قرنال مخروم :)



http://i31.tinypic.com/70jcyu.jpg





بس نبيك تشغل





http://www.alanba.com.kw/AbsoluteNMNEW/articlefiles/NM/271002-06464000.jpg




و تعطينا آخر مستجدات العقاري و رفيقه برهان غليون




محرز نرجع لسهمهم المحنط اللي غصو به أو مو محرز





,,,,,,




عموما الله الله بالهدايا لا اوصيك




http://www.bintnet.com/thumbnail.php?file=food/macaron_232667341.jpg&size=article_medium




امنعني من الحمر أنا ما أحب إلا الخضر :D



خصوصا المرصوصة فوق بعض تقول دبل :)


أنتبه لا تقرب المتسدح و المتبطح طعمها علقم


عليك باللي اذا كلته تحس أنك طاير طاير


كنك في قمة برج ايفل


:D



اوغو فوار


;)

[د. الشاشة]

بالتوفيق يا شربكه

قول وفعل

[سهران]

اسأل لك الله التوفيق
شهد يوم الاربعاء تحرك كبير نتابع اليوم

[الفال 111]

وش رايك أخي شربكة بحركة السهم اليوم

[هامور على قده]

ان شاء الله يسعد ملاكه

[الفال 111]

وش رأيك أخونا شربكة بعد النتائج..وش ناوين الربع

[مها]

دير القهـــــــــــــــــــوة يا شربكـــــــــــــــــــــة

[شربكه]

بإذن الله عند استقرار السهم ستكون هناك رحلة ممتعة بالسهم وعطاء ممتاز جداً وانصح الاستفادة منها ولو بجزء بسيط من المحفظة , والسهم راح يكون من الفرص المتجددة في السوق , والمتعلق بالسهم ويملك الكاش انصحه بالتعديل مع الاستقرار أو يبقى بأسعاره والسهم بحول الله وقوته سوف يحقق هاي سنوي جديد في وقت قصير

وانتي يا مها لا عاد تدخلين الموضوع الا ويكون معاكي محرم
كل اللي بالموضوع رجاجيل :)

وفقكم الله

[مها]

بإذن الله عند استقرار السهم ستكون هناك رحلة ممتعة بالسهم وعطاء ممتاز جداً وانصح الاستفادة منها ولو بجزء بسيط من المحفظة , والسهم راح يكون من الفرص المتجددة في السوق , والمتعلق بالسهم ويملك الكاش انصحه بالتعديل مع الاستقرار أو يبقى بأسعاره والسهم بحول الله وقوته سوف يحقق هاي سنوي جديد في وقت قصير


وانتي يا مها لا عاد تدخلين الموضوع الا ويكون معاكي محرم
كل اللي بالموضوع رجاجيل :)



وفقكم الله




والله اجيب لك داود الشريان توه بمحطة ام بي سي عصب على وزارة العدل والقضاة مضيعين حقوق المرأة .....

[كاترينا]

هههههههههههههههههههههه لله درك ياشربكة الخير

شلون تلّحق ترد علينا كلنا حبه حبه ماشاءالله

أنا الحين راد مرة ثانيه ابي اعذبك خخخخخخخخخ ياحبيلك

ماشاءالله أثرك معي ساكن بتويتر :d

[الحاسه السادسه]

يعني تنصحني ادخل السهم بكره اذا واجه ضغط . بس الامر المحير في الموضوع السهم ماستفاد من الطفره يعني هذا سعره من زمان , والربع الي مجمعين في السهم صعب يضغطونه لن المستفيد انا ومنهم من شاكلتي فسعر السهم تحت 18 روعه وليس لدينا اي مشكله ننتظر حتي اعلان الربع الثاني . احتمال نغزو السهم بقوة لك كل الاحترام والتقدير اخي شربكه

[الحيدر]

جزاك الله خير

[الفال 111]

بإذن الله عند استقرار السهم ستكون هناك رحلة ممتعة بالسهم وعطاء ممتاز جداً وانصح الاستفادة منها ولو بجزء بسيط من المحفظة , والسهم راح يكون من الفرص المتجددة في السوق , والمتعلق بالسهم ويملك الكاش انصحه بالتعديل مع الاستقرار أو يبقى بأسعاره والسهم بحول الله وقوته سوف يحقق هاي سنوي جديد في وقت قصير

وانتي يا مها لا عاد تدخلين الموضوع الا ويكون معاكي محرم
كل اللي بالموضوع رجاجيل :)

وفقكم الله

بارك الله فيك...إن شاء الله أخبار الربع الثاني بعد استقرار الإنتاج تسر

-------------
الله يعينك ان دخلت مع مها في حقوق المرأة !!!!!

[ابوكاس]

شرينا بـ 17.35 ايش رايكم إعلان الشركه مخوفني فهل من مطمئن