توضيح بخصوص : المصافي والغذائية وحلواني وتهامة والشرقية الزراعية

[شربكه]

استكمال لموضوعنا السابق وتقييمه على هذا الرابط

http://www.thegulfbiz.com/vb/showthread.php?t=346459

نسلط الضوء على شركاتنا في عنوان الموضوع

طبعاُ تعودنا على القروبات أن تكون متنوعة في أفرادها ولكن أن يكون القروب من قبيلة واحدة فهذه من النوادر ولكن حدثت وكل واحد طق صدره وقال معاكم يا سنايدي ويا أبن أخي ..... لكن كيف ؟

بداية القروب تشكلت في مساندة بعض القروبات في شركات مختلفة كان أبرزها القصيم الزراعية وأنعام وتبوك الزراعية من قبل والشرقية الزراعية في بداية طلوعها وبعد أن اشتد عودهم وقررو الدخول بمفردهم بحلواني اخواني واستطاعوا أن يحققوا أرباح مجزية وهم الآن في طور الخروج من السهم لدعم شركاتهم الجديدة الغذائية بعد مفاهمات طويلة مع شخص يمتلك كميات كبيرة في السهم وتم الاتفاق على تحقيق ارتفاعات ممتازة في السهم وبحسب قولهم بأن أرتفاع اليوم ما هي إلا البداية الله يعطيهم العافية لكن ليس هذا فقط ولكن هناك سهمهم الاخر وهو المصافي والذي لا يزال قريب من نهاية الحفلة وبحسب قولهم للصعود بقية ولو شفتوه بكرة إن شاء الله نسبة فوق فالموضوع طبيعي ومن أبسط حقوقهم وقدها يا شباب وإلى الأمام لا رجوع.
نجي للست تهامة طبعاً الإعلان كان متفق عليه للتصريف فقد كان من الإغراءات المقدمة لقروب الفزعة بقيادة ( ش . ز ) اصدار هذا الإعلان بعد تعلق القروب الأول ونفاذ سيولته وعجزه عن الخروج من السهم بعد رفعه من سعر العشرينات ووصوله للسبعينات وما فوق . وبناء عليه واستناد على مقولة الجاهل عدو نفسه نقول أحذر تسلم

ولا تستغربون بكرة لو أعلنت الشرقية الزراعية أنها راح تشتري برج المملكة والفيصلية لأن صديقنا ( ن . ح ) داخل مشروع تعليقة ويبي يطامر فوق وتحت لزوم صيد الضحايا من الطماعين لأن أصبح بحالة يا تطير نسب يا تنزل نسب وسبق في الرابط المدرج ذكرنا أن خروجه سوف يكون بأرتفاع القطاع بقيادة تبوك الزراعية (ارعص على الرابط للتأكد) وقد تحققت أول إشارة . لذا وبناء عليه واستناد على نظرية الزحليقة احذر تسلم

طبعاً قائد قروب القبيلة وهو قاعد يقرأ عن حلواني والغذائية والمصافي قال الحمد لله ما اترمز لأسمي لكن لا تنبسط كثير ( أجل مع مين أتكلم ... ومع من للحب اتعلم ** يعني أسكت وأتألم ... ما قول شي ولا ألمس شي ** يعني مش قدك يعني ... أو يعني ما تسمعني )
( م . ح . ن . ح )

وللموضوع بقية وسامحونا على الإطالة

[DREAM]

يعطيك العافيه
بس شين زين ( ش ز) ( على وزن حامض حلو) هذا في كل شق القاك كاتب اسمه
وش ذالدراهم الي ما خلصت؟:confused:
راس ماله على كذا 5 مليار :cool:
وياليت يا صرخه تعلمنا مته يدخل ش ز لسهم جديد عشان
ف ع الي (هو انا ) يخرب ابوها ويحط معه خمسين الف كااااش:D

بالتوفيق لك

[خبره]

انت وش تخربط وتحجي
وشهالطلاسم اللي تكتب
الشرهة ماهي عليك الشرهة على الادارة اللي ساكته عنك

[DREAM]

انت وش تخربط وتحجي

وشهالطلاسم اللي تكتب

الشرهة ماهي عليك الشرهة على الادارة اللي ساكته عنك


هذي لغة ما يفهمها الا المتمرسين ( مثلي)
يبغالك قاموس ويالله تفهم :D

وترى الترجمه بدراهم :)

[الحبيب]

الغذائية رايحة فوق فوق فوق ههههههههههههههه

[yalk]

بارك الله فيك اخى صرخه واصل وحنا معاك على الخط

[سكر زياده]

صرخه برافو عليك انت الان من الاشخاص المهمين لدي واصل فأنت نور لنا في المنتدى
طيب قولي ياحلو من الي داخل يجمع في البابطين الله يستر لا تجيب اسمي (.
واصل انت مبدع دومآ

[عزام]

هذي لغة ما يفهمها الا المتمرسين ( مثلي)
يبغالك قاموس ويالله تفهم :d

وترى الترجمه بدراهم :)

صباح الخير يادريم

أنا ما أبي ترجمة أبي سهم يسقط على الأسهم اللي مذكورة في الموضوع هههه

تراك تحريبها ما شاء الله

[DREAM]

صباح الخير يادريم

أنا ما أبي ترجمة أبي سهم يسقط على الأسهم اللي مذكورة في الموضوع هههه

تراك تحريبها ما شاء الله

صبحك الله بالرضى والعافيه
شف وانا اخوك انا ابكشف اوراقي لك :rolleyes:
انا نص فلوسي في كيان ( مسوي مستثمر)
ونص فلوسي في الاحساء ( نظام حقراء بقراء ):D
باقي يجي خمسة الاف ابروح اتعشى بها بكره ( تعرف ف ع حق بارتيات):cool:

( واسفين يا صرخة على الشطحه في موضوعك):)

[سهم صاعد]

موضوع رائع وحقائق ولا اروئع بارك الله فيك مشكور ما قصرت

[دانة نجد]

أخي الفاضل صرخة
من هو مضارب الأسماك وماسر الحركة عليها؟

[JaaFaar]

كم هدف المصافي القريب ،، هل هو 95 ولا اعلى ولا اقل ؟

ولك الشكر ،،،،،

[متذبذب]

ولد الوز عوام


اله يا زمااااااااان
كان الابو يخلي احد يدق له العود و هو يغني ( طرقت باب الهوى ,, قالوا من عند الباب ,, قلت افتحوا أنا .......... )

و الحين الولد يخلي احد يجيب له محافظ و هو يرفع بهالشركات


دنياااااااااااااااااا

[الفوال]

جزاك الله كل خير

[الفوال]

طبعاً قائد قروب القبيلة وهو قاعد يقرأ عن حلواني والغذائية والمصافي قال الحمد لله ما اترمز لأسمي لكن لا تنبسط كثير ( أجل مع مين أتكلم ... ومع من للحب اتعلم ** يعني أسكت وأتألم ... ما قول شي ولا ألمس شي ** يعني مش قدك يعني ... أو يعني ما تسمعني )
( م . ح . ن . ح )


ــــــــــــــــــــــــــــــــــــــــــــــــ
انا اشوف طريقة تحرك الاسهم غير طبيعيه
الله يفتحها بوجهك قل امين

[حبي اللعبة]

شرف
و
نواف

وراهم ظهر

لكن اللي رفع بروج من 25 الى 258 ... وراه ظهور مش ظهر واحد ههههه

ع العموم اسلوبك يجعلني في حيرة من أمري بين كاتبين :

كاتب كان هنا وفتح له منتدى في 2004 وباعه في 2008 وفتح له منتدى جديد
وكاتب موجود هنا وله معرف بالانجليزي ومختفى من فترة بعد أن كان يجيب الأخبار لكنها غير مجدية


بالاخير ... مين اللي رفع بروج 1000 % خلال 37 جلسة فقط !!

تحييييتي

[صـياد الأسهم]

كلام جميل

بس الحين قلنا القروب وش حاطين عينهم عليه؟

[سكر زياده]

طويل العمر جالس في امانه والخليجيه يبي الفكه ولا قدر يصرف كميته

[MNEEB]

الله لا يوفق كل من غرر بالناس

[على نياتكم]

لك دعوة صادقة تكون اكثر إيضاحا

[على نياتكم]

كم ناوين يصرفون حلواااني
معليش ترانا عليمية بهذه الاشياء
الله يخاارجنا
وش السهم المقصود بالارتفاعات المستقبلية
الغذائية صح ولا فيه كلام اخر يا صرخة

[amalgulf]

بروج
لازال للمجد بقية
مش كداوالا ايه
:D
صرنا مصاريه

[د. الشاشة]

استكمال لموضوعنا السابق وتقييمه على هذا الرابط

http://www.thegulfbiz.com/vb/showthread.php?t=346459

نسلط الضوء على شركاتنا في عنوان الموضوع

طبعاُ تعودنا على القروبات أن تكون متنوعة في أفرادها ولكن أن يكون القروب من قبيلة واحدة فهذه من النوادر ولكن حدثت وكل واحد طق صدره وقال معاكم يا سنايدي ويا أبن أخي ..... لكن كيف ؟

بداية القروب تشكلت في مساندة بعض القروبات في شركات مختلفة كان أبرزها القصيم الزراعية وأنعام وتبوك الزراعية من قبل والشرقية الزراعية في بداية طلوعها وبعد أن اشتد عودهم وقررو الدخول بمفردهم بحلواني اخواني واستطاعوا أن يحققوا أرباح مجزية وهم الآن في طور الخروج من السهم لدعم شركاتهم الجديدة الغذائية بعد مفاهمات طويلة مع شخص يمتلك كميات كبيرة في السهم وتم الاتفاق على تحقيق ارتفاعات ممتازة في السهم وبحسب قولهم بأن أرتفاع اليوم ما هي إلا البداية الله يعطيهم العافية لكن ليس هذا فقط ولكن هناك سهمهم الاخر وهو المصافي والذي لا يزال قريب من نهاية الحفلة وبحسب قولهم للصعود بقية ولو شفتوه بكرة إن شاء الله نسبة فوق فالموضوع طبيعي ومن أبسط حقوقهم وقدها يا شباب وإلى الأمام لا رجوع.
نجي للست تهامة طبعاً الإعلان كان متفق عليه للتصريف فقد كان من الإغراءات المقدمة لقروب الفزعة بقيادة ( ش . ز ) اصدار هذا الإعلان بعد تعلق القروب الأول ونفاذ سيولته وعجزه عن الخروج من السهم بعد رفعه من سعر العشرينات ووصوله للسبعينات وما فوق . وبناء عليه واستناد على مقولة الجاهل عدو نفسه نقول أحذر تسلم

ولا تستغربون بكرة لو أعلنت الشرقية الزراعية أنها راح تشتري برج المملكة والفيصلية لأن صديقنا ( ن . ح ) داخل مشروع تعليقة ويبي يطامر فوق وتحت لزوم صيد الضحايا من الطماعين لأن أصبح بحالة يا تطير نسب يا تنزل نسب وسبق في الرابط المدرج ذكرنا أن خروجه سوف يكون بأرتفاع القطاع بقيادة تبوك الزراعية (ارعص على الرابط للتأكد) وقد تحققت أول إشارة . لذا وبناء عليه واستناد على نظرية الزحليقة احذر تسلم

طبعاً قائد قروب القبيلة وهو قاعد يقرأ عن حلواني والغذائية والمصافي قال الحمد لله ما اترمز لأسمي لكن لا تنبسط كثير ( أجل مع مين أتكلم ... ومع من للحب اتعلم ** يعني أسكت وأتألم ... ما قول شي ولا ألمس شي ** يعني مش قدك يعني ... أو يعني ما تسمعني )
( م . ح . ن . ح )

وللموضوع بقية وسامحونا على الإطالة


ما شاء الله عليك كفيت ووفيت

بس باقي شركة لم تذكرها فيبكو:cool::cool:

[على نياتكم]

مش حلو الكلام بالغمز واللمز
فهمونااااا ايش الحكاية
مايصحش كدا

[كاترينا]

بروج

لازال للمجد بقية
مش كداوالا ايه
:D

صرنا مصاريه


مانا قييييت من الترعه لقيت معدنيه قابت العيد
مش كدا ولا ايه ياواد ياعطويه :rolleyes:

تراني في المصري ارقل يبيلي اخذ دوره او تودوني شهر هناك اتعلم واتزوج :cool:
واجيبها معي عشان ما انسى لهجتهم :confused:

[مخاوي الليل]

انت وش تخربط وتحجي
وشهالطلاسم اللي تكتب
الشرهة ماهي عليك الشرهة على الادارة اللي ساكته عنك


اقول و الله انني لااعرفة صرخة و لكن ماكتبه هو عين الحقيقة نعم هذا الذي يدور بالسوق و صاحب (ن.ح) اللي ماجابو طاريه هو (م . ح . ح ) ابن القبيلة و لاتزعل

[noura]

ماشاء الله " ن ح"

كل شركاته حلال مايدخل حرام الله يرزقه
وكل اسهمه تدبل

رغم ان كل المحافظ الي يستلمها يرجعها خسرانه

وبعضها مفلسه

من يكسب ..!

الله أعلم

[yehask]

اقول و الله انني لااعرفة صرخة و لكن ماكتبه هو عين الحقيقة نعم هذا الذي يدور بالسوق و صاحب (ن.ح) اللي ماجابو طاريه هو (م . ح . ح ) ابن القبيلة و لاتزعل


عطنا العلوم الي عندك انت

[fahad_0500]

كلامك فيه معلومات صحيحه

اذا تعرف من بالوطنية ؟؟

وان كانك تعرف منهو اللي ببروج نورنا
وهل هو ش ز
ولا غيره

[الحبيب]

لا ش ز ولا غيرة اللى بالسوق الان ت ام ك

[شربكه]

يعطيك العافيه
بس شين زين ( ش ز) ( على وزن حامض حلو) هذا في كل شق القاك كاتب اسمه
وش ذالدراهم الي ما خلصت؟:confused:
راس ماله على كذا 5 مليار :cool:
وياليت يا صرخه تعلمنا مته يدخل ش ز لسهم جديد عشان
ف ع الي (هو انا ) يخرب ابوها ويحط معه خمسين الف كااااش:D

بالتوفيق لك



شف يا (ف . ع) الاخ (ش . ز) كان عود بحزمة يعني كان يدخل تحت قيادة ( م . ع ) مع بداية طفرة الأسهم وحتى عام 2008م وبعدها الأخ ( ش . ز ) تعلم الفهلوة وانقلبت الآية وصار (م . ع) وقروبه أحد أفراد قروب (ش . ز) سبحان مغير الأحوال وجمع تحت رآيته مجموعة قروبات كانت مشتتة في كثير وكون أمبراطورية (ش . ز) واللي تلاقيه بكل عرس له قرص وهو الحين بشمس ومبرد وتهامة وجيزان وهذي لها سالفة راح أذكرها في نهاية الردود




انت وش تخربط وتحجي

وشهالطلاسم اللي تكتب

الشرهة ماهي عليك الشرهة على الادارة اللي ساكته عنك



اسفين ايقظنا نوم معاليكم اعتبرني عيًل وغلط ونبي منك السموحة


الغذائية رايحة فوق فوق فوق ههههههههههههههه


والله على كلامهم فوق لكن يبدو أن الموضوع هذا غير التكتيك لكن الشباب مسنترين بالسهم


بارك الله فيك اخى صرخه واصل وحنا معاك على الخط


الله يجزاك خير ويرحم والديك وان شاء الله بكون معاكم على الخط يومي


صرخه برافو عليك انت الان من الاشخاص المهمين لدي واصل فأنت نور لنا في المنتدى
طيب قولي ياحلو من الي داخل يجمع في البابطين الله يستر لا تجيب اسمي (.
واصل انت مبدع دومآ


يا اخوي المنتدى منور بأهله من أعضاء وقراء والبابطين يعتبر من أسهم بيضة الديك مع العبداللطيف ودايم يناقزون مع بعض كنهم خبول لكن سهم البابطين من تالي صار سهم صناديق بنوك وعشان كذا تلاقيه دايم ماخذ إجازة من السوق


موضوع رائع وحقائق ولا اروئع بارك الله فيك مشكور ما قصرت


الله يجزاك خير ويرحم والديك على تشجيعك لي والله يقدرنا ونستفيد ونفيد





أخي الفاضل صرخة



من هو مضارب الأسماك وماسر الحركة عليها؟



والله يا وخيتي أذكر الأسماك قبل إعلان رفع رأسمال الشركة كان مضاربها منهم وفيهم وما عدا سموه لم يحرك ساكن كالعادة السهم يوصل 10 ريال والا 1000 ريال ما تفرق معاه لكن الوقت الحالي مالي علم ولا تخافين ترى اخوكي فتان درجة أولى ولو القط طرف خبر عنه راح اسدحه هنا


كم هدف المصافي القريب ،، هل هو 95 ولا اعلى ولا اقل ؟

ولك الشكر ،،،،،


وانا اخوك ترى الجماعة ما طلعو من السهم ودخلو ناس جدد معاهم بسعر اعلى من اغلاق اليوم والشباب يقولون ثلاث خانات لكن كلام قروبات




ولد الوز عوام



اله يا زمااااااااان
كان الابو يخلي احد يدق له العود و هو يغني ( طرقت باب الهوى ,, قالوا من عند الباب ,, قلت افتحوا أنا .......... )

و الحين الولد يخلي احد يجيب له محافظ و هو يرفع بهالشركات


دنياااااااااااااااااا



نسيت تبدأ باللحن ( طاخ طيخ طوخ طاخ ) طرقت باب الهوى


جزاك الله كل خير

الله يجزاك خير ويرحم والديك


طبعاً قائد قروب القبيلة وهو قاعد يقرأ عن حلواني والغذائية والمصافي قال الحمد لله ما اترمز لأسمي لكن لا تنبسط كثير ( أجل مع مين أتكلم ... ومع من للحب اتعلم ** يعني أسكت وأتألم ... ما قول شي ولا ألمس شي ** يعني مش قدك يعني ... أو يعني ما تسمعني )
( م . ح . ن . ح )


ــــــــــــــــــــــــــــــــــــــــــــــــ
انا اشوف طريقة تحرك الاسهم غير طبيعيه
الله يفتحها بوجهك قل امين


ما أدري ليش نسخت هذا المقطع لكن احتياطاً الله يجزاك خير



شرف
و
نواف

وراهم ظهر

لكن اللي رفع بروج من 25 الى 258 ... وراه ظهور مش ظهر واحد ههههه

ع العموم اسلوبك يجعلني في حيرة من أمري بين كاتبين :

كاتب كان هنا وفتح له منتدى في 2004 وباعه في 2008 وفتح له منتدى جديد
وكاتب موجود هنا وله معرف بالانجليزي ومختفى من فترة بعد أن كان يجيب الأخبار لكنها غير مجدية


بالاخير ... مين اللي رفع بروج 1000 % خلال 37 جلسة فقط !!

تحييييتي


طيب يعني حنا ننطق على ظهورنا
وبالنسبة للكتاب مو صح أني أقوى منهم :D والله كل الكتاب فيهم الخير والبركة وأكثرهم خلايا نايمة ويدرون اكثر من ومنك عن السوق لكن وقتهم ما يسمحلهم للكتابة ولا تستغرب بكرة ينقز واحد ويعطيك حتى أرقام فنايل المضاربين عموماً ما شفت بمدخل المنتدى طاق لوحة من مكتب شعتور المنتدى للتقبيل تراني ناويه :)

واللي رفع بروج قروب متجمع بالبنك الأهلي باستخدام محافظ ممنوع اللمس والاقتراب بقيادة ( م . س . ع . س ) وبإدارة المضارب (م . ع) ومساعدة صندوق البنك


كلام جميل

بس الحين قلنا القروب وش حاطين عينهم عليه؟


خلهم الحين يطلعون من قراشيعهم وبعدين نحط الصدام بالصدام معاهم ونعرف وجهتهم


طويل العمر جالس في امانه والخليجيه يبي الفكه ولا قدر يصرف كميته


تصدق أمانة لها سالفة محيرة تدري ليش ؟ قول ما أحد سألك :) أمانة دخلها قروب (ش . ز) من سعر 14 وفيها وقامز بالسهم لين 40 قبل كل شركات التأمين واخوك ما يشتغل بالتأمين لكن قاعد اراقبه وأقول هالخبل مدبل كم تدبيلة من بيشتري منه ما ادريت إلا وسموه يكبس النور بأكسا ويطامر قدامه ثم ببروج ويسحب الشارت مع أذنه لين فوق 200 يوم انهبل القطاع واخونا (ش . ز) مشخص بأمانة ولا باع مع القطاع ويوم ديورت بروج وتقرشع اللي فيها وما دريت إلا ومحافظ أمانة تنتقل لمحافظ سموه بسعر 32 وحوليها بدون عناء لكن سموه انكشفت تحركات وصار قروبهم يراقبونه كل الناس والله وكيلك أنواع التدوير عليه لين بحل بعمره ومثل منت شايف قام يفاحط بالسهم يمين وشمال . كل هذا ما همني لكن السؤال اللي محيرني السهم طالع من 14 ويشتريه فوق الثلاثين كيف رغم ان فيه شركات تأمين اسعارها أقل وعدد أسهمها أقل ولليوم ما لقيت جواب واقرب تصور عندي أن انضحك على سموه ولبس الطاقية . والله يا مواطن أنك منتب سهل


الله لا يوفق كل من غرر بالناس


آآآآآمييييييييين يا رب العالمين


لك دعوة صادقة تكون اكثر إيضاحا


الله يجزاك الجنة لو وضحنا أكثر بتلاقي القفل مشخص تحت معرفي وزين منهم معطيني وجه ومخليني على راحتي



كم ناوين يصرفون حلواااني
معليش ترانا عليمية بهذه الاشياء
الله يخاارجنا
وش السهم المقصود بالارتفاعات المستقبلية
الغذائية صح ولا فيه كلام اخر يا صرخة


هم بدوا التصريف بحلواني لكن لزوم التصريف تتطلب حبة فوق وحبة تحت والغذائية شكل التكتيك فيها تغير ولحد اليوم عندهم كمياتهم لكن وش بيصير بأسهم الخشاش بعد خبر ثمار الله أعلم




بروج

لازال للمجد بقية
مش كداوالا ايه
:D

صرنا مصاريه



يا اخوي أي مجد الشباب شالو اسم السهم من الشاشة بعد ما قالوا جاد الله على من تكلف




ما شاء الله عليك كفيت ووفيت



بس باقي شركة لم تذكرها فيبكو:cool::cool:


فيبكو ما خذينها عشان تونس المصافي بالطلوع لأنهم عارفين ان السهمين مرتبطين ببعض بالطلوع وما راح يكلفهم جهد ويخلي الناس تندفع عليه كالعادة وتساعد برفعه


اقول و الله انني لااعرفة صرخة و لكن ماكتبه هو عين الحقيقة نعم هذا الذي يدور بالسوق و صاحب (ن.ح) اللي ماجابو طاريه هو (م . ح . ح ) ابن القبيلة و لاتزعل


جعلك سالم وبالعكس الأخ جبنا طاريه فوق بالرباعي (م . ح . ن . ح)




ماشاء الله " ن ح"



كل شركاته حلال مايدخل حرام الله يرزقه
وكل اسهمه تدبل


رغم ان كل المحافظ الي يستلمها يرجعها خسرانه


وبعضها مفلسه


من يكسب ..!



الله أعلم



يا وخيتي الرجال ما يهمه من كل المحافظ إلا ثلاث محافظ هي أول من تدخل وأول من تطلع والباقي جاهز العذر السوق ما ساعد

نراجع الدرس

المصافي الجماعة حمولتهم ثقيلة فيها والغذائية بنسبة أقل وحلواني بمرحلة التصريف

الشرقية هروب للأمام بدعم القصيم الزراعية ببعض محافظه ومثل ما قلت الشرقية يا مواصلة طلوع يا زحليقة يعني ما راح تكون بالنص ومتى ما شفتوها بالنص اعرفوا أن تانكي البنزين على نهايته والزحليقة وجبت

تهامة ما نفعهم الإعلان وهذا يعني هروب للأمام وينطبق عليها ما ينطبق على الشرقية الزراعية

شطحة : رحت قبل ثلاث سنين للرس وقابلت شباب شرواكم ولقيتهم كلهم قالطين بسهم جيزان ورجعت قبل اسبوعين ولقيت الشباب كلهم ماسكين جيزان والله الوفا يالرساوية يعني اذا بغيت تعرف الرساوي لا تسأله أنت من وين اسأله وش اسهمك إذا قال جيزان اعرف أنه من الرس المهم قلت لهم وش ذا الاستثمار سابك على غفلة قالو يالحبيب (ع.ع) يقول بخلي فقيركم يملك مليون قلت والله كفو من 12 لين 24 تدبيلة وقالو والرجال جاه مدد قلت وش فيهم القصمان قلبوا دراويش مدد وما مدد يا سيدنا الشيخ المهم قمت اتحبرص واتبقرص من وين جاهم المدد وانا خبري ما فيه قروب الا وقالط بهالسهم مالكم بالطويلة المهم صرت من عاير لعاير ومن استراحة لاستراحة بهالبرد اللي يشخف الوجه لين جاني المشق ابي اعرف مين بقى ما دخله ( ع . ع ) بالسهم واكتشف يا دريم وينك تسمع أن بعض محافظ ( ش . ز ) داخلة السهم وناتقته وشلون وكيف ما أدري ووش اللي جمع الشامي على اليماني ما أدري المهم صديت بواحد منهم وقلت وش الموضوع وغمزلي عندك قلت وش عندي قال عندك جيزان قلت لا والله دخلته زمان واخذت بحدود 9% بعد ما علعل فينا ضحك ضحكت استهتار وقال صحيح أنك محروم قلت تكفى يا عبدالله الفيصل يالمحروم قال الرجال ناوينه فوق 40 قلت يصير خير عاد انا قلت لكم وش اللي صار وبصراحة ما انصح بالسهم يوم دخل (ش . ز)

قاعد اكتب على عجل واعذرونا على التطويل والاخطاء في الكتابة

[العطـوف]

بارك الله فيك اخي صرخة
وماقصرت
والله يجيبهم للكابلات
ويوصلونه 118
لجل نطلق سوق الاسهم بالثلاث

[انفو]

صرخه ابوي انت تكفى خلك على شغلك هذا ،، ماشاء الله وصف للاحداث باسلوب سلس ... واصل وياليت تتحفنا باالسوالف كل يوم الله لايهينك ،، نجي نزبن عنك وين مايكون محلك

[عزام]

يعطيك العافية

ما قصرت

[JaaFaar]

الله يوّفقك وييسّر أمورك ،،،،

[(( ابوريـــــان ))]

أسلوب جميل ومعلومات رائعه واصل والله معاك ؛؛

[الفال 111]

مشكور.....هذه مثل حرب مجموعات الطابور الخامس على فكرة خ. ب (بمناسبة ذكر الرس) ماهو معهم؟

[متذبذب]

شطحة : رحت قبل ثلاث سنين للرس وقابلت شباب شرواكم ولقيتهم كلهم قالطين بسهم جيزان ورجعت قبل اسبوعين ولقيت الشباب كلهم ماسكين جيزان والله الوفا يالرساوية يعني اذا بغيت تعرف الرساوي لا تسأله أنت من وين اسأله وش اسهمك إذا قال جيزان اعرف أنه من الرس المهم قلت لهم وش ذا الاستثمار سابك على غفلة قالو يالحبيب (ع.ع) يقول بخلي فقيركم يملك مليون قلت والله كفو من 12 لين 24 تدبيلة وقالو والرجال جاه مدد قلت وش فيهم القصمان قلبوا دراويش مدد وما مدد يا سيدنا الشيخ المهم قمت اتحبرص واتبقرص من وين جاهم المدد وانا خبري ما فيه قروب الا وقالط بهالسهم مالكم بالطويلة المهم صرت من عاير لعاير ومن استراحة لاستراحة بهالبرد اللي يشخف الوجه لين جاني المشق ابي اعرف مين بقى ما دخله ( ع . ع ) بالسهم واكتشف يا دريم وينك تسمع أن بعض محافظ ( ش . ز ) داخلة السهم وناتقته وشلون وكيف ما أدري ووش اللي جمع الشامي على اليماني ما أدري المهم صديت بواحد منهم وقلت وش الموضوع وغمزلي عندك قلت وش عندي قال عندك جيزان قلت لا والله دخلته زمان واخذت بحدود 9% بعد ما علعل فينا ضحك ضحكت استهتار وقال صحيح أنك محروم قلت تكفى يا عبدالله الفيصل يالمحروم قال الرجال ناوينه فوق 40 قلت يصير خير عاد انا قلت لكم وش اللي صار وبصراحة ما انصح بالسهم يوم دخل (ش . ز)




الشطحة هذي ذكرتني بالشطحة الكبيرررررررررة مررررررة
يوم ( ع . ع ) يوصي ربعه هم هم بتوعين الرس
على بيشة و يقول لهم البيع عند ( 4000 ) شكله يـقــّدر البلوت:D

[abufahad>r]

اجل يصرفون في حلواني الله يهديك بس كم واحد باع بسببك

[دانة نجد]

اجل يصرفون في حلواني الله يهديك بس كم واحد باع بسببك
رفع سعر السهم أحيانا من علامات التصريف

[الشرق الاوسط]

يسعدك ربي
ويش قولتك لسهم العالميه عندك علم عنه يقال ل70 وواحد يحلف ل150 والسهم
طالع علي ب46 ريال
كل الود لك

[(( ابوريـــــان ))]

مرحباااا أخي ‘‘ صرخه ‘‘

اليوم قروب الغذائيه واضح للعيان وضوح الشمس في رابعة النهار

والدليل يشيلون السهم للنسبه أكثر من ثلاث مرات ويرشهم المضارب أو غيره ويرجعون يقفلونها -

ولو أنه مضارب السهم هو اللي شال السهم كان قفل الدكان وراح يصلي ؛؛

[نسر]

وش رايك بالغنم(انعاااااااااااااااااااااااااام)

فيها رش فوق 70

امس وش العلم الناس تطبل 122 هدف؟